Елтаңбаның авторлары

Сабақтың мақсаты: Қазақстан Респубилкасының мемлекеттік

рәміздерін, олардың құрылу тарихын,

мән - мағынасы мен идеялық мазмұнын,

авторларын білгізу. Талдау, салыстыру

және ой қорыта білу қабілеттерін дамыту.

Мемлекеттік рәміздерді құрметтеуге

үйрету; Өсіп келе жатқан ұрпақтың бойына

патриоттық сезім, отаншылдық рухты дарыту.

ҚР Конституциясы

9-бап: “Қазақстан Республикасының Мемлекеттік рәміздері-Туы, Елтаңбасы және Әнұраны бар”

Қазақстан Республикасының мемлекеттік рәміздері - еліміздің дербестігін танытатын негізігі белгілері. Бүгін біз сабағымызда мемлекеттік рәміздеріміздің идеялық мазмұнымен және олардың авторларымен таныс боламыз.

Қазақстан туымен тұғырлы, Елтаңбасымен еңселі. Әнұранымен айбатты.

Қызығушылықты ояту сатысы Мағынаны тану Ой толғаныс

Қазақстан Республикасының Мемлекеттiк әнұраны!

Алтын күн аспаны, Алтын дән даласы, Ерлiктiң дастаны, Елiме қарашы! Ежелден ер деген, Даңқымыз шықты ғой. Намысын бермеген, Қазағым мықты ғой.

Қайырмасы: Менiң елiм, менiң елiм, Гүлiң болып егiлемiн, Жырың болып төгiлемiн, елiм! Туған жерiм менiң - Қазақстаным!

Ұрпаққа жол ашқан, Кең байтақ жерiм бар. Бiрлiгi жарасқан, Тәуелсiз елiм бар. Қарсы алған уақытты, Мәңгiлiк досындай. Бiздiң ел бақытты, Бiздiң ел осындай!

Мәтінмен жұмыс

Мәтінді тыңдау

Мәтінді топта талқылау

Мәтінді келесі топтарға барып түсіндіру, талқылау

Мәтінге байланысты диалог

Қазақстан Республикасының Мемлекеттік Әнұраны

Мемлекеттік Әнұран-елдіктің белгісі, егемендік пен еркіндіктің ресми рәмізі. Ол, әдетте, халықтың рухын көтеріп, Отанға деген сүйіспеншілік сезіміне бөлейді. Қазақстан Республикасының жаңа әнұраны осындай қасиетті туынды. Ол 2006 жылдың 6 қаңтарында Парламент мәжілісі мен Сенатының бірлескен отырысында қабылданды. Музыкалық-поэтикалық рәміз 11 қаңтарда Нұрсұлтан Әбішұлы Назарбаевты кезекті сайлаудан кейін, Қазақстан Республикасы Президенті қызметіне кірісу құрметіне арналған салтанатты рәсім үстінде тұңғыш рет орындалды. Әнұранның сазын, әуенін, яғни музыкасын жазған - «қазақ вальсінің королі» атанған атақты қазақ композиторы Шәмші Қалдаяқов. Ал сөзін жазған- көрнекті ақын Жұмекен Нәжімеденов және оны бүгінгі тәуелсіздік кезеңге лайықтап өңдеген Қазақстан Республикасының Президенті Нұрсұлтан Назарбаев.

Қазақстан Республикасының Мемлекеттік Туы

Қазақстан Республикасының Мемлекеттік Туы- тікбұрышты көгілдір мата. Тудың ортасында, көгілдір түс аясында бейбітшілік рәмізі- шұғылалы күн бейнеленген. Күннің төменгі жағында бостандықтың рәмізі- қыран бейнеленген. Тудың біркелкі көгілдір түсі бейбітшіліктің, тыныштық пен жарқын болашақтың белгісі. Көгілдір түс ашық аспанды бейнелейді. Тудың сол жағында дәстүрлі ұлттық өрнек бар. Шұғылалы күн, қыран құс бейнесі, өрнек алтын түсті бояумен берілген. Тудың ені-1 метр, ұзындығы-2 метр. Қазақстан Республикасының Мемлекеттік Туының авторы- суретші Шәкен Ниязбеков.

Қазақстан Республикасының Мемлекеттік Елтаңбасы

«Таңбасыз ел болмайды, найзасыз ер болмайды» дейді қазақ халқы. Қазақстан Республикасының Мемлекеттік Елтаңбасының ортасында көгілдір түс аясында шаңырақ бейнеленген. Шаңырақты айнала күн сәулесіндей тарап, уықтар шаншылған. Оны киелі пырақтардың қанаты көмкеріп тұр. Елтаңбаның жоғарғы жағында жұлдыз орналасқан, ал төменгі жағында «Қазақстан» деген жазу бар. Елтаңбаның реңдік бейнесі- алтын және көгілдір түсті. Елтаңбаның авторлары Жандарбек Мәлібеков пен Шот-Аман Уәлиханов.