Әріпті өрнектермен жұмыс жасау

а-2

а+2

2-сыныпта да әріпті өрнектер тақырыбы бар. Енді ол сызба түрінде беріле бастайды. Мұнда оқушы бір кестемен бірнеше әріпті өрнектің мәнін қойып, жауабын табады. Әрі бұл ортақ ұқсастығын табуға, айырмашылығын анықтауға, яғни оқушының өз бетінше ой қорытуына таптырмайтын жұмыс түрі дер едім.

Әріпті өрнектерде үйреншікті а-ның орнына басқа да латын әріптері келе бастайды. Үйреншікті нәрсесінің өзгеруі де оқушылар үшін тосын болып қалуы мүмкін. Мұғалім барлық уақытта да алдын ала дайындау жұмыстарын, әңгімелесуді дәл уақытында жүргізуге мән беруі керек.

1, 2-сыныптарда әріпті өрнектер мен теңдеулер қосу және азайту амалдары бойынша құрылатын болса, 3-сыныптан бастап көбейту мен бөлу амалдары кіріктіріледі. Көп таңбалы сандармен жұмыс, әріпті өрнектердің арасына жақшаның пайда болуы, теңдіктің екі жағында екі түрлі амал қолданылуы оқушының түсінбей қалуына да себеп болып жатады.

Оқулықта әріпті өрнекті, теңдеулерді мәтін түрінде сипаттап беретіні де бар. Мысал келтірсек: Ойлаған санға 2-ні қоссақ, ең кіші екі таңбалы сан шығады. Оқушы ілесіп жазып отыру үшін қаншама білімді еске түсіреді. Х+2=10

Қорыта айтқанда, пәнді оқытуды ұсақ-түйек деген болмайды. Қалай болғанда да сыныпта ойлау, сөйлеу, оқу қатар жүрмесе ешбір жұмыс нәтиже бермейді.