Мағжан Жұмабаевтың өмірі мен шығармашылығы және Түркістан өлеңін талдауға арналған сабақ

Маңғыстау облысы Маңғыстау ауданы Жыңғылды аулы Есір Айшуақұлы атындағы орта мектептің қазақ тілі мен әдебиеті пәні мұғалімі Махамбетова Биялай

Сабақтың тақырыбы: Мағжан Жұмабаев «Түркістан» өлеңі

Сабақтың білімділік мақсаты: Мағжан Жұмабаевтың өмірі мен шығармашылығы туралы түсінік беру;

Түркістан қаласының тарихына, тарихи тұлғаларға тоқталу.

Сабақтың дамытушылығы: Оқушылардың ойлау қабілетін дамытуға, көркем тілмен сөйлеуге баулу;

Сабақтың тәрбиелілігі: Оқушылардың туған жерін құрмет тұтуға, адамгершілікке, парасаттылыққа тәрбиелеу

Мағжан Жұмабаев (1893-1938)

1893 - Солтүстік Қазақстан облысы (бұрынғы Ақмола облысы Сарыайғыр болысы Қызылжар уезі) Мағжан Жұмабаев ауданы Сасықкөл жағасында дүниеге келген.

1905-1910 - Қызылжардағы татар зиялысы, мұсылман халықтарының азаттығы жолында күрескен М. Бегишевтің ұйымдастыруымен ашылған медреседе оқиды.

1910-1913 - Уфа қаласындағы «Ғалия» медресесінде білім алады.

1912 - Қазан қаласындағы Каримовтар баспасынан «Шолпан» тұңғыш өлеңдер жинағы басылып шығады.

1913 - Омбыдағы мұғалімдер семинариясына оқуға түседі.

1919-1923 - Ақмола губерниялық «Бостандық туы», «Ақжол» газеттерінде, «Шолпан», «Сана» журналдарында қызмет етеді. «Батыр Баян» поэмасын жазып, жарыққа шығарады.

1922 - Сырымбетте интернат аштырады.

1923 - Мәскеуде Жоғарғы әдебиет-көркемөнер институтына оқуға түседі.

1924 - отбасымен Ташкент қаласында тұрады. Осы жылы А. В. Луначарскийдің шақыртуымен Мәскеуге қоныс аударады.

1927 - елге оралып, Қызылжарда, Бурабайда оқытушылық қызметтер атқарады.

1929 - «Алқа» атты жасырын ұйым құрғаны үшін деген айыптаулармен ұсталып, Мәскеудегі «Бутырка» түрмесіне қамалып, 10 жыл айдауға кесіледі.

1936 - М. Горький мен Е. Пешкованың араласуымен айдаудан босап, Қызылжарға қайта оралып, мектепте бала оқытады.

1937 - саяси себептерге байланысты қызметінен қудаланып, жұмыссыз қалады. Осы жылы наурызда Алматыға келіп, аударма ісімен айналысады.

1938 - қайтадан қамауға алынып, ату жазасына кесіледі.

1958 - кеңестік жүйенің қуғын-сүргінінің құрбаны болған Мағжан Жұмабаевты ақтау ісі қолға алынады.

1960 - Түркістан әскери округі әскери трибуналы алқасының шешімімен Мағжан Жұмабаев толығымен біржола ақталады. Бірақ солай бола тұра Қазақстан Жазушылар Одағы мен ғылыми мекемелерге хабарланбаған соң, халық ақынның шығармаларымен ұзақ уақыт таныса алмады.

1989 - ақын шығармалары жариялана бастайды.

1995 - ақынның үш томдық шығармалар жинағы шығып, туған жеріне есімі берілді.