Өзін - өзі тану өмірді тану

Өзін-өзі тану өмірді тану.

Мақсаты: Оқушыларға рухани адамгершілік тәрбие мен білім беру арқылы өзін, өзі арқылы өзгені тануға мейірімді, қайырымды, кешірімді, ақылды, ата-анасын қадірлеу, адамдарды қадірлеу, отанға, табиғатқа сүйіспеншілік таныту. Өзіне өзі сенімді болу, өз ісіне баға бере алатын жақсы азамат, жеке тұлға тәрбиелеу.

Міндеттері:

Жалпы адамгершілік құндылықтарын дамыту.

Өз өмірінің мәнін түсінуге, рухани өсуге, жақсы мен жаманды ажырата білуге үйрету.

Өзін бірегей тұлға екенін сезінуін, ойлауын дамыту.

Күтілетін нәтижелер: Өз өмірінің жарқын болашағын көре білу қабілеті. Өмірлік ұстанымдарын айқындамаларын белгілеу оларды өзгертуден, жіберген қателерін түзеуден қаймықпайтын еркін бірегей тұлға екенін сезінуі.

Рухани байлық - игіліктің көзі.

Адам өміріндегі ең қажетті білім өзін-өзі тану.

Б. Фантенель.

Өзін-өзі тану өмірдің мәнін түсінуге, қарым қатынас жасау кезінде жақсы мен жаманды ажыратуға көмектеседі. Өзін-өзі тануды үйрене отырып, адам өзімен және қоршаған ортамен үйлесімді жарастықта өмір сүруге талпынады. Ол адамдардың өз мүмкіндіктерін дұрыс пайдалануға, өз қабілеттерін шыңдауға көмектеседі.

Жақсы болу өзіңнен, Жаман болу өзіңнен.

Өзіңді өзің ая да,

Өзің үйрен өзіңмен.

Жақсылық көрсең біреуден,

Мен қандаймын деп ойла.

Өзіңді өзің қолыңа ал,

Өзіңсің ақыл айнасы,

Тиеді соған мәні бар, Өзіңді тану пайдасы

Дүниенің көзі, тұтқасы, түп негізі, заттық нәрсе емес рухани дүние.

Платон

Өзін-өзі таныған, өмірдің мәнін түсінген адам ешқашан сол қалпында қала алмайды.

Томас Мон.

Рух адам бойындағы бір қуат. Ол адам бойындағы кездесетін барлық жақсы қасиеттермен жасайтын барлық игі істердің қайнар көзі.

Рухани байлық адамның белгілі бір қажеттерін ол үнемі игілікке бастайды. Бабалардан қалған қасиетпен құрмет тілмен діл, елмен жер бәріде біздің рухани байлығымыз.

Жаратылыстың барлығы екі қарама қарсы нәрседен тұрады. Ақ- қара, күн-түн, ыстық-суық, жақсы- жаман. Адам бойындағы барлық жақсы қасиеттер рухтан туындайды. Ал жаман қасиеттер нәпсінің көрінісі болады.

Терме.

Атадан қалған өсиет. М. Бесбаев.

Дүниедегі ең оңай нәрсе-біреуге ақыл айту, Ең қиын нәрсе- өзіңді өзің түсіну .

Халық нақылы.

Адам өмірінің мәні неде?

Адам өз өмірінің мәні туралы ойлана келіп, өмірден өз жолын табуға ұмтылады. Әр адам өз өмірін ақ ниетпен адал істерге бағыттап, рухани адамгершілік құндылқтарды өзіне мұрат еткенде ғана оның өмірі үлкен мәнге ие болады.

Өзіңе сен өзіңнің күшіңе сен,

Қос қолыңмен істеген ісіңе сен.

Алысың да силайды, жақының да,

Өзіңді өзің төменге түсірмесең.

Өз қайығың бар болса өз ескегің,

Өмірде мен сені осал демес едім.

Қимылдай бер, тарта берескегіңді,

Шығады алдан жап-жарық

келешегің.

Өзіммен-өзім

Бәрінің бастауы- махаббат.

Бәрінің бастауы-Махаббат!

Жаныңа нұр сепкен шапағат.

Еңбектің рахатын сездірген,

Гүлдерге құлпыртып түр берген,

Сәбидің шырағын жандырған,

Бұлағы мейірін қандырған,

Шуағы жылытқан жүректі,

Жаңғыртып айтамын қайталап,

Бәрінің бастауы-Махаббат!

Әрбір адам өзіне ата- анасына, отанына, туған жеріне сүйіспеншілікпен қарайды. Ыстық ықылас, шынайы сүйіспеншілік махаббат сезімін тудырады. Әлемдегі бар жақсылқ махаббат арқылы келеді.

О, ата-анам,

Таянышым тірегім.

Бар бақытты бір басыңа тіледім.

Бізді жақсы болса екен деп қашанда,

Лүпілдейді сенің қамқор жүрегің.

Ата-анаға деген махаббат.

Фариза Оңғарсынова «Әке»

Алдымен сүй ардақты ата-анаңды,

Үлгілі ұрпақ атадан бата алады.

Бар жақсылық балаға бұл ғаламда,

Мейірімімен ананың жасалады.

Әкеден асқар жоқ екен,

Әкенің сөзі оқ екен.

Қарайып жүрсе қасыңда,

Уайым, қайғы жоқ екен.

Әке-асқар тау,

Ана бауырындағы бұлақ,

Бала жағасындағы құрақ.

Жырақ жүрген ата-анасын сағынған,

Ата-анаға сәлем айтқан ән-жырдан.

Екеуінің қуанышы, тілегі,

Әрқашанда бір арнадан табылған.

Ана туралы жыр.

Оқушылар шығармашылығы.

Адамшылықтың алды-махаббат, ғаділет, сезім.

Абай.

Кім сендерді балалар сүйетұғын,

Қуанышыңа қуанып, қайғыңа күйетұғын.

Түн ұйқысын төрт бөліп кірпік қақпай.

Шешең байғұс дамылсыз жүретұғын.

Міржақып Дулат.

Табиғат -тал бесігің, аялай біл!

Табиғаттың өзінде өзгеше бір сүйсінерлік, жанға жайлы бір нәрсе бар.

Шоқан Уәлиханов.

Адам табиғаттың бір бөлшегі. Жарқырап шыққан күн, таза ауа, мөлдір су, ну орман адамға қуат беріп, оның жан дүниесін мейірлендіре түседі.

Адам өмірі табиғатпен тығыз байланысты. Адам табиғат сұлулығынан, әдемілігінен, әсемдігінен бойына қуат, көңіліне шуақ алып, аса зор іңкәрлік сезімге бөленеді.

Табиғатты сүю оған деген құштарлықтан, оның үйлесімділігімен сұлулығына тәнті болудан басталады. Табиғатты сезіну арқылы адам өз табиғатының қасиетін ұға алады, денсаулығын нығайтып, шабытының қайнар көзін ашады.

Оқушылар шығармашылығы.

Саржайлау.

Іздегенде табылатын қасыңнан.

Тіршілікте құрыштай бол төзімді,

Сан мәртебе алдасада өзіңді.

Тағдырыңды еш уақытта жазғырма,

Тіпті кейде болса әзәзіл азғырған.

Өрге жүзген өнегелі ісімен,

Таңда адал дос өз теңіңнің ішінен.

Жүргендер көп достық атын малданып,

Алайда тек қалма оған алданып.

Әл-Фараби.

Адамдардың бір-біріне деген адал сенімі, өзара тілеулес ортақ көз қарасы достыққа ұластырады. Достық дегеніміз адамадардың өзара жауапкершілігі сыйластығы рухани жақындығы.

Адамдардың білместігіне түсіністікпен қарап, кешіре білмеген адам нағыз доста бола алмайды. Адал дос әрқашан адамдарға сеніммен қарайды, қатесін кемшілігін кешіре біледі ондай адам жан дүниеңді түсініп әрдайым қасыңнан табылып көмектесуге дайын тұрады бұл нағыз достық.