Қай физиктің сөзі

Презентация қосу

«Тапқыр достар»
атты физикалық кеш
Мақсаты:
1.Білімділік: Физика ғылымы туралы ұғымдарын
кеңейту, пәнге қызығушылығын арттыру
2.Дамытушылық: Логикалық ойлау қабілетін
дамыту.Тез шешім
қабылдауға, тапқырлыққа баулу
3.Тәрбиелік: Ұйымшылдыққа тәрбиелеу
Түрі: Интеллектуалдық шоу
Көрнекілігі: слайдтар, әріптер, сөздер жазылған
үлестірмелер
Барысы:
1 жүргізуші: Армысыздар, құрметті ұстаздар, көрермендер! Бүгінгі біздің
«Тапқыр достар» атты кешімізге хош келдіңіздер!
2 жүргізуші: Сайысымызды бастамас бұрын саған қояр бір сұрағым бар еді.
Бізге мұғалімдер кішкене білмей қалсақ, «су мисың» деп ұрсады, сол дұрыс
па?
1 жүргізуші: Ой, сен де қоймас сұрақты қояды екенсің. Дегенмен дұрыс
сұрақ, жауап беруге болады. Адам организміндегі затттардың ең көбі су. Ол
қанның 79,3%-ын, сүйектің 22%-ын, бұлшық еттің 76%-ын құрайды. Ал,
есептеп қарасақ, мидың 83,3%-ы судан тұрады. Сондықтан оқушылар,
мұғалім сендерге су мисың деп ұрысса, оған ренжімей-ақ қойыңдар, ол
ғылыми дәлелденген.
2 жүргізуші: «Ішің күйсе, тұз жала» дегенді қалай түсіндіресің?
1 жүргізуші: Күн ыссыда адам шөлдейді. Өйткені термен бірге денедегі тұз да
шығады. «Қардың басын қар алар, ханның басын хан алар» демекші шыққан
тұздың өтеуін тұз ғана өтейді. Сондықтан қатты шөл қысқанда 5гр ас тұзын
жеп немесе құрғаған тамақты тұзды сумен шаю керек. «Ішің күйсе, тұз жала»
деп іші тар адамдарға емес, шөл қысқан адамдарға айту керек.
2 жүргізуші: Мен тестке күні-түні дайындаламын. Бірақ жадымда бәрібір
ештеңе сақтай алмаймын. Оқығанымның бәрі миымнан бу болып ұшып
кететін сияқты. Бұған не істеуге болады?
1 жүргізуші: Күндіз-түні оқи беремін дегенің мені онша қуантпай отыр. Мұны
«Ізденімпаздық» деп бағалау қиын. Өйткені оқу мен ойлау қатар жүргенде ғана
шәкірт ізденісі жемісті болмақ. Есте сақтау қабілетін арттырудың қилы
қызықты тәсілдері бар. Эйнштейнге бір адам кешке телефон соғуын өтінеді:
-Менің телефон нөмірім 24-361, есте сақтауға қиын болар ма екен,-дейді.
Сонда физик:-Жоқ ешқандай қиындық жоқ, жай ғана 12-ні 2-ге көбейтем және
19-ды квадраттаймын,-деген екен.
2 жүргізуші: Айта берсек мұндай мысалдар көп, енді кешіміздің әділ-қазылар
алқасын сайлап алайық...
1 жүргізуші: Бүгінгі сайысымызға қатысушы топтар:
І топ: «Архимед»
ІІ топ: «Галилей»
2 жүргізуші: Кешіміздің І бөлімі «Танымдық сайыс». Әр топқа жеке-жеке
сұрақтар қойылады. Әрбір дұрыс жауапқа 10 ұпай.
І бөлім.
«Танымдық сайыс»

Архимед тобының сұрақтары
1.«Физика» гректің қандай сөзінен алынған, мағынасы. (фюзис-табиғат)
2.Жаңғырық қайдан пайда болады? (дыбыстың шағылуынан)
3.Кемпірқосақ дегеніміз не? (жарықтың 7 түске жіктелуі, жаңбыр тамшысы
призма рөлін атқарады)
4.Ет, балық, банкілерді тұздау қандай құбылысқа негізделген?(диффузия)
5.Жарықтың соңы қай жерде аяқталады?(көлеңке басталған жерде)
6.Атмосфералық қысымды немен өлшейді?(барометр)
7.Ұшақтың ұшу биіктігін немен өлшейді? (альтиметр)
8.Электр сымдарында отырған құстарды неге ток ұрмайды?(екі аяғы сымда
болғандықтан, ток өтіп кетеді)
9. Күндіз теңіз желі қай бағытта соғады? Неге? (теңізден құрлыққа, судың
жылу сыйымдылығы жоғары, аз қызады; ал жер тез қызып, бетінің ауа
тығыздығы азаяды)
10. Автобус кілт тоқтағанда қандай қозғалысқа түсесің? Неге? (еңкейеміз,
инерция құбылысына байланысты)
Галилей тобының сұрақтары
1.»Электрон» сөзі қай елдікі, мағынасы (грек-янтарь)
2.Кемпірқосақ қалай пайда болады? (жаңбыр тамшысы призма рөлін атқарып,
күннен келетін ақ жарықты7спектрге жіктейді)
3.Неліктен құрылыста қуыс материалдарды пайдаланады? (ауа жылуды
сақтайды)
4.И.Ньютонның тартылыс заңын ашуына не себеп болды? (алма)
5.Піскен жұмыртқа мен шикі жұмыртқаны қалай ажыратамыз? (суға саламыз,
тығыздығына қарай батады)
6.Сұйықтың тығыздығын немен өлшейміз? (ареометр)
7.Атмосфералық қысымнан жоғары немесе төмен қысымды немен өлшейді?
(манометр)
8.Сұйық отын таситын автоцистерналы машинаның корпусына темір
шынжырлар орнатылады, олардың ұшы жерге тиіп жүреді. Неге? (сұйық
қозғалып шайқалғанда электрленеді, өрт шықпас үшін шынжыр
жерменбайланысу арқылы өткізгіш қызметін атқарады)
9.Түнде теңіз желі қай бағытта соғады? Неліктен? (құрылықтан теңізге, су
күндіз біраз жылуды қабылдап бетіндегі ауа жеңіл болады, ал жер тез суиды)
10.Автобус кілт қозғалғанда қандай қозғалысқа түсесің? (шалқаямыз, инерция
құбылысына байланысты)
ІІ бөлім.
«Сөз тапқанға...»
1 жүргізуші: Сайысымыздың ІІ бөлімі «Сөз тапқанға...». Бұл бөлім
бойынша сайыскерлеріміз өздеріне қойылған сұрақтарға таратылған
әріптен басталатын сөз арқылы жауап қайтаруы тиіс. Ұпай саны
топтардың ұшқыр ойларына, тапқырлығына байланысты қойылады.
Архимед тобына қойылатын сұрақтар
(М,Б,Е)
1.Қыстыкүні пеш тұтанбай қалса, не істейсің?
2.Тонның жылуы несінен?
3.Жаздыкүні қандай киім киген дұрыс?
4.Қаз судан неге құрғақ шығады?
5.Газды су неліктен жабық ыдыста тыныш, ал тығынын ашқанда көпіршіп
тасиды?
Галилей тобына қойылатын сұрақтар
(Н,А,С)
1.Пеш мұржасының биік болғаны дұрыс па, әлде пәс пе? Неліктен?
2.Қыстыкүні қандай етіктен аяғың тоңбайды, тардан ба, кеңнен бе? Неліктен?
3.Үйді кесек кірпіштен соққан дұрыс па, әлде күйдірілген кірпіштен бе?
4.Неге судан шыққан балықты қолда ұстау қиын?
5.Неліктен спортшылар алақанын магнезиямен, шаңғы табанын
конифольиямен сүртеді?
ІІІ бөлім.
«Ойлан тап»

2 жүргізуші: Сайысымыздың келесі бөлімі «Ойлан тап». Бұл сайыста сендер
ұпай саны көрсетілген ұяшықтарды таңдау арқылы арнайы сұрақтарға жауап
берулерің керек.
1 жүргізуші: Егер жауап бере алмай қалсаңдар келесі топ жауап береді. Ұпай
сол жауап берген топқа беріледі.
10 ұпай. Қуып едім мойнын бұрмады,
Ұстайын деп едім қолға тұрмады. (боран)
20 ұпай. Біз дыбысты қалай естиміз? Адам құлағы қандай дыбыстарды
қабылдай алады, шу ауруы туралы не білесің? (дыбыс толқын түрінде
таралады, 0-130дБ, қалыпты норма 30-40дБ-ден аспау керек)
30 ұпай. Шығыстан батысқа қарай 60км/сағ жылдамдықпен электрпойыз
келеді. Сол бағытта 50км/сағ жылдамдықпен жел соғып тұр. Пойыздың түтіні
қай бағытта болады? (электрпойыздың түтіні болмайды)
40 ұпай. «Маған тірек нүктесін беріңіз, мен жерді көтеремін». Қай физиктің
сөзі? (Архимед)
50 ұпай.Ең алғашқы тікұшақтың жобасын салған, математика, физика,
астрономия, геология, адам және жануар физиологиясымен айналысқан, бірақ
дүние жүзіне аты басқа жетістіктерімен танылған адамның атын ата. (әйгілі
суретші Леонардо да Винчи)
ІҮ бөлім.
«Мені түсін»
2 жүргізуші: Сайысымыздың келесі бөлімі «Мені түсін». Бұл
бөлім бойынша сендер өздерің таңдап алған бетте жазылған
сөздерді іс-қимыл арқылы бейнелеулерің қажет.(Танометр,
термометр, батарея, кілт, таразы, сағат, секундомер, сызғыш,
спидометр, мензурка)

Ү бөлім.
«Кім жылдам»
Сәйкестілік тесті
Формулалардың сыңарын тап
І топқа: ІІ топқа:
ρ= m/V A= FS
p= F/S Ek= mυ2/2
Ep = mgh I= U/R
Назар салып
тыңдағандарыңызға
көп-көп рахмет!!!

Ұқсас жұмыстар

Архимед тобының сайыс сұрақтары

Кімнің сөзі

Тәуелсіз елім- тірегім

Термин қай тілдің сөзі

Мұғалімнің жеке тұлғасы – оның кәсіби қызметінің негізгі өзегі болып табылады

РЕСЕЙ ҒҰЛАМАЛАРЫНЫҢ ҰСТАЗДАР ЖАЙЛЫ АЙТҚАН ҰЛАҒАТТЫ СӨЗДЕРІ

Бәйге туры

Абай жолы

Қазақ тілі Математика Ағылшын тілі

М. Әуезовтің Абай жолы роман – эпопеясындағы кейіпкерлер келбет

Пәндер