Сабақтың интенсификациясы

Он-лайн режиміне интерактивтік сабақтарды ұйымдастыру әдістері

Сатымбеков Б. Б.

Сарыағаш қаласы

Елбасының «Жаңа әлемдегі - жаңа Қазақстан»

жолдауында он-лайн тәсілінде оқыту тәжірибесін

дамытып, елімізде оқу теледидарын құру

қажет деп айтылған болатын.

Жолдауды орындау барысында әдістемелік құралды құрастыру бағытында келесі міндеттерді анықтау негізге алынды:

Кез келген педагогтың интерактивті білімі мен біліктілігін қалыптастыру;

интерактивті жабдықтармен жұмыс жасау технологиясын меңгерту;

интерактивтік тақтаның мүмкіндіктерін оқу үрдісін сапалы түрде өткізу әдістеріне қолданудың біліктілігін қалыптастыру;

он-лайн режимінде жұмыс жасауды ұйымдастыру икемділіктерін қалыптастыру;

ақпараттық-коммуникациялық технологияларын қолдану бойынша біліктілік құзырлылығын көтеру.

Онла́йн (ағылшынның online, яғни, on line - «желіде») - «желіге қосылған жағдайда».

Онлайн режиміндегі cабақ интернет арқылы екі сызба бойынша трансляцияланады:

- «Elluminate Live» бағдарламасымен интерактивтік тақта арқылы;

- бейне конференция режимінде. Әдіскерлердің айтуынша: “сабақ, басқа да қиын құбылыстар сияқты, мұғалімнің ой елегінен және жүрегінен өткен болуы керек. Тек осы жағдайда ғана сабағымыз өте жоғары деңгейде өтеді. Сабақтың өтілуі мұғалімнің жоспарды орындалғаны болады. Сабақтың сапасы мен жақсы өтуі оқытушының жоспары мен ұйымдастыруына тікелей байланысты».

«Жүз рет есіткенше, бір рет көрген жақсы» - дегендей біз ақпараттың көп бөлігін көз арқылы қабылдаймыз. Сабақты оқушы жақсы түсінуі үшін көрнекілігіміз де мол болған жөн.

Интерактивті тақтаның мүмкіндіктері мұғалімдерге баланы оқытуда видео және ойын бағдарламаларын тиімді пайдалануға мүмкіндік береді. Мұғалім үшін сабақтарда қолданылатын кесіндер мен видео т. б. материалдар ресурстар өте кең.