Маңғыстау жерасты мешіті

Презентация қосу

Қазақстанның жеті
кереметі
Жоспар

1. Таңбалы тас суреттері
2. Алтын адам
3. Қазақтың киіз үйі
4. Домбыра
5. Иасауи кесенесі
6. Маңғыстау жерасты мешіті
7. Астана - Бәйтерек
Таңбалы суреттер

Қола дәуірінің тасқа салынған суреттері көрген адамды
таң қалдырады. Ертедегі адамдар күнге күйген жылтыр
тау жартастарына жануарларды, адамдарды, арбаларды,
соғыс көріністерін қашап салды. Бұл адамзаттың рухани
мәдениетін, анық дүниетанымын білдіретін аса маңызды
деректер жиынтығы саналады. Қазақстан жартастағы
суреттер, петроглифтердің саны және әр алуандағы
жөнінен әлемдегі ең бай жерлердің бірі
Алтын адам
1960 жылдардың аяқ кезінде археолог ғалымдар Есік
қаласына жақын жердегі обадан «Алтын киімді адамды»
тапты. Ол мұнан 2500 жылдай бұрын жерленген жас жігіт
екен. Марқұмға кигізілген бас киімнің, етігінің
қонышының сыртына алтыннан жасалған түрлі ұсақ
аттың, барыстың, таутекенің, құстардың бейнелері
жапсырылған. Олардың саны төрт мыңдай. Есік
қорғанынан табылған олжа бүгінде әлемге әйгілі. Осы
күнге дейін сақталып келген Алтын адам да қазақтың жеті
кереметіне енді.
Киіз үй

Киіз үй- көптеген ғасырлар бойы Еуразияның ұшы-
қиырсыз жазирасын басқарған ежелгі халықтың
көшпенді тұрмысы мен өмір салтына мейлінше
қолайлы болған баспана түрі.
Домбыра
Домбыра - халық даналығы. Ол халқымыздың
өмір тәжірибесі мен табиғат, адам, әлем туралы
білімдерін, ескі діни наным-сенімдері мен
философиялық көзқарасын бейнелеп, оларды
атадан-балаға, ұрпақтан-ұрпаққа жалғастырып
отырды. Домбыра - көшпелі елдің көнекөз
шежіресі, көпті көрген қарияның көкірек күйі.
Ахмет Иассауи кесенесі
Ахмет Иассауи Оңтүстік Қазақстанның Сайрам (бұрынғы
Испиджаб) қаласында 1103 жылы дүниеге келген. Ол
алғаш білімді жергілікті дінбасы Арыстан бабтан алады.
Өзінің ана тілінен басқа арабша және парсыша сөйлей
білген. Қыпшақ, қаңлы, қоңырат және көне түркі
тайпалары арасында Ислам дінін уағыздаушы Ахмет
Иассауиді рухани басшы санаған халық оны «Әулие ата»
атап кеткен. Қожа Ахмет- өз өмірінде ақ өлеңмен жазылған
көп хикметтерді дүниеге келтірген пәлсапашыл ақын.
Маңғыстау жер асты мешіті
Бекет Ата жер асты мешіті- Оңтүстік Үстірттің
Маңғыстау ойысына тірелген тұмсығының үзіліп қалған
Оғыланды шоқысына қашалған тарихи-сәулет ескерткіші.
Үш - төрт қанат киіз үйдің көлеміндей үш бөлме. Дерекке
сүйенсек, Бекет ата 1750 жылы туылып, емші, көріпкел
ғана емес, физика, математика, астрономия
заңдылықтарын жақсы білген ғұлама ретінде аты
танылған. Бекет атаның мүрдесі осы жерасты мешітіндегі
бөлмелердің бірінің іргесіне қашап орналастырылған.
Бәйтерек
«Бәйтерек» монументі Есіл өзенінің жағасындағы
Қазақстанның астанасы Астана қаласында орналасқан.
Металлдан, әйнек пен бетоннан жасалған бұл «терек»
сәулеттік мағынасы жағынан да, жасалуы жағынан да
бірегей: биіктігі 105 метрлік металл құрамасынан, салмағы
1000 тоннадан жоғары бес жүзге жуық қададан тұрады.
Монументтегі барлық дүние - төбесіндегі алтын күн, 97
метрлік биіктігі, және аспан әлемінің үш негізін
кейіптейтін үш аймаққа бөлінген ішкі архитектурасы
белгілі бір символды білдіреді.
Назарларыңызға рахмет

Ұқсас жұмыстар

Өндіріс орындарын сумен камтамасыз ету

Жаңаөзен қаласы

ТАРИХИ - МӘДЕНИ МҰРАЛАРДЫ ОҚЫП ҮЙРЕНУДІҢ МАҢЫЗЫ

Сабақтың жүрісі

Жер аумағы

Бекет Ата

ҚАЗАҚСТАННЫҢ ЖЕТІ КЕРЕМЕТІ

Археологиялық ескерткіштер

Атырау облысы

Ақтау қаласы

Пәндер