Информатика сабағында интерактивтік технологиялар мен ACTIVstudio Professional Edition қолдану әдістемесі

Интерактивтік технология

Тақырыбы:

Информатика пәні мұғалімі:Қамалиден А. С.

Ақпараттық технологияның келешек ұрпақтың жан - жақты білім алуына, іскер әрі талантты, шығармашылығы мол, еркін дамуына жол ашатын педагогикалық, психологиялық жағдай жасау үшін де тигізер пайдасы аса мол. Бұл бағытта ақпараттық технологияны оқыту үрдісіне екпінді түрде енгізу бағытында және қолданылатын жаңа құралдардың бірі - бағдарламалық - техникалық кешен болып саналатын «Активті экран» болып табылады.

Қазіргі уақытта жаратылыстану - ғылыми білім беруде сабақ барысында интерактивті құралдарды қолдануда. Интерактивті құралдардың көмегімен мұғалімнің, оқушының шығармашылықпен жұмыс істеуіне жол ашылып отыр.

Білім берудегі интерактивті технология - мұндағы интерактивті сөзі- inter (бірлесу), act (әрекет жасау) ұғымын білдіреді, сабақ барысында оқушының топпен жұмыс жасауға қатыспауы мүмкін емес, бірін-бір толықтыратын, сабақ барысында барлық оқушылардың қатысуын ұйымдастыратын оқыту барысы.

Ақпараттық технологияның дамуына байланысты қазіргі таңда ACTIVstudio Professional Edition деп аталатын бағдарламалық қамсыздындыру мұғалім мен оқушылардың қажеттілігіне байланысты құрылады. ACTIVstudio Professional Edition бағдарламасын қолдануда келесі маңыздылығын анықтауға болады: - Оқушылардың жеке қажеттіліктерін қанағаттандыратын сабақтар дайындауға болады; - Оқыту стилінің кең диапазонын қолдануға болады; - Оқушыларға кескіндер көмегімен кілттік түсініктерді ұғынуға, нақты өмірдегідей елестетуге көмектеседі; - Оқушыларға ойындар мен эксперименттер көмегімен білім алуға көмектеседі.

ACTIVstudio Professional Edition бағдарламасында сабақтарды дайындауға көптеген функциялар және құрылғылар қолданылады. ACTIVstudio бағдарламасының мүмкіндіктері өте көп. Атап айтқанда, презентацияларды құруға, өткізуге, материалдарға арнайы эффектілер қосуға, негізгі кезеңдерді көрсетуге, көрсеткіштерді қосуға, тест белгілеу, қосымша ақпараттарды енгізуге және басқа да көптеген мүмкіндіктері бар.

Интерактивті құралдарды пайдаланатын оқыту әдістемесі дәстүрлі оқыту әдістемесінен ерекшеленеді. Алайда, кез келген жағдайда, соның ішінде интерактивті құралдарды пайдалану арқылы сапалы білім беруді ұйымдастыру үшін сабақтың жоспарын, құрылымын, оқытудың мақсаты мен нәтижесін анықтау қажет. Интерактивті құралдарды пайдалану, кез келген сабақты серпімді етеді, ал бұл сабақтың бірінші минутынан оқушылардың танымдық іс-әрекетінің артуына ықпал етеді.

Интерактивті тақта - бұл компьютердің қосымша құрылғыларының бірі және де дәріс берушіге немесе баяндаушыға екі түрлі құралдарды: ақпараттың кескіні мен қарапайым маркер тақтасын біріктіретін құрал.