Психология пәнінің міндеттері мен зерттеу әдістері: психикалық құбылыстардың құрылымы

Психология пәнінің міндеттері және әдістері. Психикалық құбылыстардың құрылымы

Қабылдаған:

Тобы: 126-38а

Орындаған: Нарбекова Н.

Психология пәні туралы

Психология- психикалық құбылыстардың (жан қуаттарының) пайда болу, даму және қалыптасу заңдылықтарын зерттейтін ғылым. Психикалық құбылыстар бізді қоршап тұрған сыртқы дүние заттары мен құбылыстардың мидағы әр түрлі бейнелері болып табылады. “Психология” термині гректің екі сөзінен тұрады: оның біріншісі- “псюхе” (жан), екіншісі- “логос”(сөз, ілім) . Сөйтіп, бұл сөз “жан туралы ілім” деген ұғымды білдіреді.

Психология пәнінің міндеттері

1) оқытылған психологиялық құбылыстардың заңдылықтары негізінде психологияның әр салалары бойынша студенттерде білімдерді жүйелендіру;

2) әр - түрлі психологиялық фактілер мен теорияларды жүйелі-психологиялық талдаупроцесінде студенттерде танымдық дағдылар мен ептіліктерді дамыту;

3) Дүние жүзілік және Отандық психология ғылымдарының негізгі принциптерімен, бағыттарымен және идеяларымен таныстыру.

Психология пәнінің зерттеу әдістері

Эксперимент -психологиядағы негізгі зерттеу әдісі. Оның екі түрі бар:

1. Табиғи эксперимент - психологияға 1910жылы орыс ғалымы А. Ф. Лазурский енгізді. Бұл әдіс психологиялық жэне педагогикалық эксперимент деп те аталады. Табиғи эксперимент бойынша психологиялық зерттеулер адамның өмір тіршілігіндегі үйреншікті жағдайына сәйкес жүргізіледі.

2. Лабораториялык эксперимент - адамның сезгіштік қасиеттерін, ақыл-ойының даму деңгейін, мамандыққа икемділігін анықтау кұрал-жабдықтарды қолдана отырып, белгілі орында, арнайы жабдықталған лабораторияда жүргізіледі.

Психикалық құбылыстардың құрылымы

Психикалық құбылыстар дегеніміз - бізді қоршап тұрған сыртқы дүние заттарының құбылыстарының мидағы бейнелейді. Осы психикалық құбылыстарды 3 топқа топтастырамыз:

Психикалық процестер - сыртқы дүние заттары мен құбылыстарын тікелей танып, білуде (ойлау, түйсік, қиялдау т. б. ) .

Психикалық қасиет - бұл бір адамды екінші бір адамнан ажыратуға негіз болады (қабілет, темперамент, мінез) .

Психикалық күй - адамның әр түрлі кездегі көңіл - күй (ренжу, қуану, долдану, шаттану, зерігу т. б. ) Мысалы, оқушының сабаққа деген зейінділігі немесе селқостығы, адамда болатын шаттану не ренжу осындай жағдайлар және т. б.