Туберкулезге қарсы қолданылатын дәрілер

Презентация қосу

Тақырыбы: Туберкулезге қарсы
препараттар, фармакокинетика,
жанама әсері және оларды жою.
Ем мониторингі.

Орындаған: Ташбаева Садоқат
ЖОСПАР:
Кіріспе:
Туберкулез туралы жалпы түсінік
Негізгі бөлім:

Туберкулезге қарсы препараттар және олардың
жіктелуі
Препараттардың дозалануы және қолдануындағы
ерекшеліктер
Дәрілердің жағымсыз әсерлері
Қазақстандағы ғалымдардың туберкулезге қарсы
ойлап тапқын жаңа препараты
Қорытынды

Пайдаланылған әдебиеттер
Туберкулез халықтың бір бөлігін еңбекке
қабілеттілігінен айыратын және ерте өлімге алып
келетін маңызды әлеуметтік және медициналық
мәселе болып табылады. 90-шы жылдары
кеңестер одағының орнында пайда болған елдерде
туберкулездің қарқынды тарала бастауына
байланысты ДДҰ ТМД елдерінде туберкулезбен
күресудің жаңа бағдарламасын енгізе бастады.
Қазақстанда туберкулез бойынша
эпидемиологиялық жағдайды бір қалыпқа келтіру
мақсатында DOTS стартегиясы 1998 жылы
Президенттің жарлығымен және Үкіметтің
қаулысымен енгізіліп, 2001 жылы еліміз
жағдайына бейімделіп жұмыс істей бастады.
Қазақстанда туберкулез ауруымен күресудің
жаңа бағдарламасы қабылданағаннан кейін, бұл
бағдарламаның жұмысын негіздейтін бұйрықтар
мен әдістемелік нұсқаулар шығарылды. Осы
құжаттарға сәйкес Қазақстанда туберкулезді
табудың туберкулиндік диагностика,
флюорографиялық әдістері қауіпті топ өкілдерінің
арасында жүргізіледі және емдеу мекемелеріне
қаралған науқастардың арасынан туберкулезді
табу үшін бактериоскопия әдісі қолданылады,
туберкулездің химиотерапиясы DOTS
стратегиясының принциптеріне сәйкес стандартты
түрде жасалады, сонымен қатар туберкулезді
алдын алу және диспансерлік бақылау әдістеріне
де жаңа өзгерістер енгізілді.
Туберкулезге қарсы қолданылатын дәрілер
Қазіргі кезде туберкулезге қарсы дәрілерді негізгі және
резервті топтарға бөледі.
Негізгі топ дәрілері: Изониазид, Рифампицин,

Пиразинамид, Этамбутол, Стрептомицин.
Резервті топтағы дәрілер: Этионамид, Протионамид,

Циклосерин, Канамицин, ПАСҚ, Амикацин,
Капреомицин, Фторхинолондар.
Әсеріне қарай туберкулезге қарсы дәрілер -
бактерицидті, тазалаушы (стерилизациялаушы), дәріге
төзімділікті болдырмаушы болып бөлінеді.
Бактерицидті әсер жасайтын дәрілер: Изониазид,

Рифампицин, Пиразинамид, Стрептомицин.
Тазалаушы әсер жасайтын дәрі: Рифампицин.

Дәріге төзімділікті болдырмаушы дәрілер:

Изониазид, Рифампицин, Этамбутол, Стрептомицин.
Организмде ТМБ үш популяция түрінде болады: жасуша
сыртында, казеозды заттарда және жасуша (макрофаг)
ішінде. Емдеудің әрбір кезеңінде туберкулезге қарсы
дәрілердің жасуша сыртында және ішінде орналасқан
микобактерияларға белсендігін ескеру қажет.
Ең үлкен топты негізінен қуыс ішіндегі ТМБ-нан
тұратын жасуша сыртындағы микроорганизмдар құрайды.
Адам денесінде ТМБ-лардың көбеюі туберкулез процесінің
өршуі кезеңінде байқалады. Бұл кезеңде
микобактериялардың зақымдалған ағзалардың тініне
қарқынды шығуы басталады, нәтижесінде жаңа қабыну
аймақтары пайда болып, казеозды некроз дамиды. Бұл
кезде ТМБ-лардың көпшілік бөлігі жасуша сыртында
болады. Олар өте тез өсетін, метаболизмі жағынан белсенді
популяция. Микробты денелер саны жобамен 107-109
болады. Оптимальды жағдайда бұл бациллалар әрбір 16-20
сағат сайын бөлінеді. Бұл кезеңде туберкулезге қарсы
дәрілердің барлығы да нәтижелі болады.
Химиотерапия кезінде туберкулез қабынуы азайған
сайын, микобактерия бөлу азайып, соңынан біржола
тоқтайды. Бұл кезде науқас организмінде
микобактериялардың бір бөлігі персистелген жағдайда
сақталып қалып қояды. Оларды “ұйықтап жатқан”
микобактериялар деп атайды. Микобактериялардың
персистелінуінің бір түрі олардың L-түріне ауысуы. Бұл
жағдайларда туберкулез микобактериялары жасуша
ішінде болады.
Жасуша ішіндегі микобактерияларда көбейе алады.
Казеозды ошақ және макрофаг ішіндегі
микроорганизмдар саны 102-105 микробты дене болады
да, аз жылдамдықпен көбейеді. Мұндай
микобактерияларды туберкулезге қарсы дәрілердің
көмегімен өлтіру - өте қиын. Себебі кейбір дәрілердің
жасуша ішіндегі микобактерияларға әсері жасуша
ішіндегілерге қарағанда әлсіз болады.
Ем нәтижелі болу үшін барлық қышқылға тұрақты
бактерияларды жою керек, яғни ТМБ-лары орналасқан
жерге ене алатын дәрілер қажет. Сондықтан барлық
дәрілерді қолдануға болмайды.
Бактериялық популяциялардың азаюы қабыну
процесстерінің таралуына, кавернаның жабылуына,
ошақтардың қапшықтануына жағдай жасап,
склероздың құралуына кедергі жасайды. Бірақ
организмдегі туберкулездің жазылу процесстері
қақырықтың негативациясына қарағанда баяу жүреді
де, дұрыс жүргізілген химиотерапиядан кейін бірнеше
айлар өткен соң аяқталады.
Химиотерапияны жекелеген және стандартты
режимдерде жүргізеді. Қазақстанда
химиотерапия DОТS стратегиясына сәйкес
стандартты қысқа мерзімді режимде жүргізіледі.
Стандартты ем дегеніміз - дәрілердің ең нәтижелі
комбинациясын таңдау, емнің қарқынды және
жалғастыру кезеңдерінде ғылыми дәлелді түрде
ең нәтижелі дәрілерді таңдау, дәрілердің
оптимальды мөлшерін таңдау, жағымсыз
әсерлердің аз кездесуі. Стандартты емді
ұйымдастыру жеңіл, оның нәтижесі жекелеу
емге қарағанда дәрігердің квалификациясына аз
байланысты болады. Стандартты емнің
нәтижелілігі тәжірбиеде сыналып дәлелденген.
Бірақ стандартты емді қажет болған жағдайда
жекелей емдеу әдісіне ауыстыруға болады.
Бірнеше бактерицидті дәрілерді бір мезгілде
қолдану химиотерапияның ұзақтығын 6-8 айға
қысқартуға мүмкіндік берді.
DOTS стратегиясы бойынша туберкулездің кез
келген түрімен ауыратын науқастарды емдеудің
негізгі әдісі үш принципке негізделген.
1. Химиотерапиялық ем қатаң бақылаумен
жүргізілуі керек. Ауруханада, санаторийларда
науқастар туберкулезге қарсы қолданылатын
дәрілерді медицина қызметкерлерінің
бақылауымен қабылдауы тиіс, ал емханалық
жағдайда дәрі қабылдауды медицина
қызметкерлері, химизаторлар, супервайзерлер
немесе науқастың туыстары бақылайды.
2. Науқастардың ем категориясына сәйкес,
барлық дәрілерді және толық мөлшерде
қабылдауды қатаң сақтау.
3. Ем схемасының ұзақтығын сақтау.
Туберкулезбен ауыратын науқастарға
химиотерапия жүргізу барысында бактерия
популяцияларының әркелкі жағдайларда болуына
байланысты туберкулезге қарсы дәрілермен
емдеуді DOTS стратегиясы бойынша екі кезеңге
бөледі.
Бірінші кезең - қарқынды кезең.

Микобактериялардың көбеюін басып, санын азайту
мақсатында стационарда қарқынды толық
химиотерапия жүргізу. Емханалық ем жасауға да
болады, жеке қаралады. Бірінші кезең 2-5 айға
созылып 4 немесе 5 дәрімен қарқынды ем
қолданылады. Бацилла бөлетін науқастардың
көпшілігінде қарқынды кезең барысында
микобактерия бөлу тоқтайды.
Екінші кезең - жалғастыру, қарқындылығы аз
химиотерапия. Екінші кезең - қалған
микобактерияларға, көбінесе баяу көбейетін және
персистелген бактериялық популяцияларды
жойып, репликация процессінің қайта пайда
болуын және олардың көбеюін жаңадан
болдырмау.
Екінші кезең амбулаториялық жағдайда
жүргізіліп, 4-7 айға созылады, бұл кезде емнің
қарқындылығы аз болады да 2-3 дәрі
қолданылады.
Емнің екі кезеңінде де науқас дәрілерлің қажетті
мөлшерін алу керек. Қазіргі кезде дәрілердің
тәуліктік мөлшерін бір уақытта береді.
Қазақстан ғалымдарының туберкулез еміне ойлап

тапқан препараты
Қазақстандық ғалымдар туберкулезге қарсы тиімді
дәрі жасап шыққандарын жариялады. Жобаның
ғылыми жетекшісі Мұрат Құлмановтың айтуынша,
ЭФЭС-1 дәрісін қолданған әрбір азамат 2 айдың
ішінде дертінен жазылып шығады.

"Біз клиникалық зерттеулерді аяқтау кезеңіндеміз,
яғни әлемдік стандарттар бойынша клиникалық
сынақтың екі кезеңін өткіздік. Қазіргі кезде
клиникалық сынақтың үшінші кезеңіне кірісудеміз.
Осыны аяқтағаннан кейін препараттың нарыққа
шығатындығы жайында айтуға болады", - дейді
жобаның ғылыми жетекшісі Мұрат Құлманов.
А.Ильиннің айтуынша, туберкулезбен ауыратын адам ЭФ-ЭС-1
препаратын қабылдаса 2 айдың ішінде дертінен құлан таза
айығып шығады. Сондай-ақ, ол: «GLP стандарты техникалық
реттеу нысандары ретінде тек дәрі-дәрмектерді ғана емес,
сонымен қатар басқа да салаларды қамтиды. Олардың
қатарында химиялық өнеркәсіп, ауылшаруашылығы саласы,
ветеринарлық дәрі-дәрмектер бар. Аталған стандарт отандық
өнімнің бәсекеге қабілеттігін арттырады және оның
халықаралық нарыққа шығуына мүмкіндік береді», – деді.
ЭФ-ЭС-1 препаратын жасаушы ғылыми топтың жетекшісі

Мұрат Құлманов: «Қазіргі біз клиникалық сынақтың үшінші
кезеңіне кірісудеміз», – деді.
Жұқпалы ауруларға қарсы препараттар ғылыми орталығы»

акционерлік қоғамы өзінің GLP халықаралық стандартына
сәйкестігін дәлелдеп отыр. Қазір бұл орталық ТМД аумағында
ғылыми зерттеулер және инновациялық дәрі-дәрмектер
өндірумен айналысатын бірден-бір ұйымға айналды. Бүгінде
мұнда 200-ге жуық адам жұмыс істейтін 10 зертхана бар.
Патогенетикалық ем
Туберкулезге қарсы қолданылатын
спецификалық дәрілер табылғанға дейін
патогенетикалық, симптоматикалық ем негізгі,
әрі бір ғана емдеу тәсілі болды деуге болады.
Дегенмен қазіргі кезде туберкулезбен ауыратын
науқастарды емдеуде басты орын бактериалды
дәрілерге берілгенімен, науқастарға
патогенетикалық әсер ететін дәрілер өз мәнін
жойған жоқ.
Антибактериалды ем әрдайым нәтижелі бола
бермейді, оларды қолдану мерзімі көптеген
айларға тіпті жылдарға созылады. Әдетте
туберкулез ауруы жазылғанымен, зақымдалған
мүшеде ақау қалады, көбінесе әжептәуір ақау
түрінде анықталады. Мұнымен қатар ұзақ
мерзімді химиотерапия кезінде қабынуға қарсы
қолданған препараттардың жанама әсері бірге өтуі
мүмкін. Осыған байланысты этиотропты
препараттар қолданумен қатар, зақымдалған
мүшенің қызметін және морфологиялық
өзгерістердің қалпына келуіне әсер ететін,
науқастың ішкі ортасының тұрақтылығын
сақтайтын препараттар қолдану қажеттілігі пайда
болады.
Қорытынды:
«Ауырып ем іздегенше, ауырмайтын жол ізде!» Дәл осылай тауып
айтқан дана халқымыздың «Құдай «сақтансаң-сақтаймын» деген»
деп өте орынды ескертуі де тегін болмаса керек. Ал осы айтылған
қанатты сөздерді бүгінгі таңда ең алдымен ең қатерлі дерт –
туберкулезге байланысты қолдануға болады.
Туберкулез – қатерлі, жұқпалы ауру болып қалуда тұрғындардың
еңбекке жарамдылығын жоғалтып, қайтыс болу жағдайларына
апарып соғуына байланысты мемлекетке үлкен орны толмас
зардабын тигізуде.
Қорытындылай келе, туберкулезбен тек денсаулық сақтау
қызметкерлері күресіп үлкен нәтижеге жете алмайды, тіпті
мемлекеттің өте жоғарғы деңгейдегі қолдауы негізінде де
денсаулыққа байланысты ортақ жауапкершілік болу керек. Яғни
тұрғындардың өз денсаулығына жауакершілігін арттырып,
уақытылы тексеріліп, қоғам өкілдеріне ат салысу, туберкулездің
алдын алу жолдарын жеткізу де, уақытылы үздіксіз емделудің
нәтижелі жазылу кепілі екендігін емделудің ішінде кеңінен
насихаттау бұл ауруды тоқтатуға бағыттайтын ортақ көмегіміз бен
үлесіміз болар еді.
Пайдаланылған әдебиеттер:
• 1.Исмаилов Ш.Ш. "Диагностика, лечение и мониторинг полирезистентного
туберкулеза в режиме "DOTS-плюс". Алматы, 2002.
• 2.Перелман М.И. , Корякин В.А.«Фтизиатрия» Алматы, 2006
• 3.Крофтон Джон, Норман Хорн, Фред Миллер. Клиника туберкулеза.
Бішкек, 2001.
• 4.Туберкулез жұқпасының ошақтарын жіктеу, бактерия бөлетін
туберкулезбен ауырғандардың ауру ошағында індетке қарсы санитарлық
(профилактикалық шараларды ұйымдастыру жөніндегі әдістемелік
ұсынным № 8.05.002.04. ӘҰ. Астана, 2004.
• 5.ҚР ДМ 2007 ж. 23 сәуірдегі №245-ші бұйрығы «Қазақстан
Республикасында туберкулезге қарсы күрес жөніндегі іс-шараларды
жетілдіру туралы»
• 6.ҚР ДМ 2007 ж. 27 шілдедегі №452-ші бұйрығы «Туберкулезге қарсы күрес
мекемелерінің қызметі және мемлекеттік санитарлық-эпидемиологиялық
қадағалау органдарының туберкулезбен күресуі жөніндегі Ережелерді
бекіту туралы»
• 7.Ракишева А.С. Профилактика, диагностика и лечение туберкулеза у
детей и подростков. Алматы 2005
• 8. Митинская Л.А. Туберкулинодиагностика (Лекция). //Проблемы
туберкулеза – 1998. - №3. – с. 76-78.

Ұқсас жұмыстар

Мультирезистентті туберкулез

Туберкулез белгілері

Микробқа қарсы препараттар

Туберкулезбен ауыратын науқастардың категориялары, емдеу режимдері

Органикалық емес табиғаттың жіктелуі және номенклатурасы

Аурудың даму

ТУБЕРКУЛЕЗ ЭПИДЕМИОЛОГИЯСЫ. ҚАЗАҚСТАНДАҒЫ ТУБЕРКУЛЕЗ ЭПИДЕМИОЛОГИЯСЫНЫҢ ЕРЕКШЕЛІКТЕРІ

ТУБЕРКУЛЕЗ ЭПИДЕМИОЛОГИЯСЫ

Туберкулёз

Туберкулез тарихы

Пәндер