Бұрандалы конвейерлер

Бұрандалы конвейерлер. Түрлері және қолдану аймағы

Бұрандылы конвейерлер көлденең немесе жартылай көлбеу 20° бұрышқа дейін (негізгі түр) және тік немесе аса көлбеулі болады.

Бұрандалы тасымалдаушы құбырларды да олардың қатарына жатқызуға болады.

Бұрандалы конвейерлердің бұл үш түрінің құрылымдық сипаттамалары бойынша ұқсастықтарымен қатар айырмашылықтары да бар, дегенмен жұмыс істеу принципі бойынша да айырмашылықтары бар, оларды төменде қарастырамыз:

Бұрандалы конвейерлерді химиялық, астық диірмен өндірісінде және құрылыс материалдар өнеркәсібінде өнімділігі 100 т/сағ. болатындай шаңды, ұңтақты және көбінесе кішкентай үйінділі жүктерді салыстырмалы түрде қысқа қашықтыққа (әдетте көлденең 40 м-ге дейін және тік 30 м-ге дейін) тасымалдау үшін қолданылады.

Жабысқақ және жоғары тығыздалған, сондай-ақ жоғары абразивті жүкті тасымалдау үшін бұрандалы конвейерлер тиімсіз.

Бұрандалы конвейерлердің артықшылықтарына құрылғының қарапайымдылығы мен техникалық бақылаудың жеңілдігі, шағын мөлшері, аралық түсірудің ыңғайлылығы, әсіресе шаңды, ыстық және өткір иісті жүктерді тасымалдау кезіндегі жабық, бітеу болуын жатқызады.

Бұрандалы конвейерлердің кемшіліктері тасымалдау кезінде энергия тұтыну шығынының жоғарылығымен байланысты, жүктің айтарлықтай тозуы және ұсатылуы, бұранда мен астаудың үйкелісінің болуы, және де жүктің үйіліп қалуына әкеліп соғатын артықшылыққа сезімталдығы болып табылады.

Бұрандалы конвейер

1 - электрқозғалтқыш;

2 - жалғағыш муфталар;

3 - редуктор;

4 - негізгі подшипник;

5 - подшипник;

6 - бақылау люгі;

7 - астау;

8 - білік тірегі;

9 - тиеу келтеқұбыры;

10 - артқы подшипник;

11 - бұрандалы білік;

12, 13 - аралық және түсіру келтеқұбыры

Үйінді жүк астауға қақпақта орналасқан бір немесе бірнеше ойықтар арқылы беріліп, бұранда айналған кезде астау бойымен сырғиды. Жүктің бұранда бойымен бірге айналуына жүктің ауырлық және астаумен үйкелу күші әсер етеді. Жүкті түсіру астау түбінде қақпақпен қамтамасыз етілген бір немесе бірнеше ойықтар арқылы өткізіледі.