Қазақстан Республикасына ет консервілерін импорттауға қойылатын ветеринариялық-санитариялық талаптар және сапаны бақылау әдістері

Қазақстан Республикасы ауыл шаруашылығы министрлігі

Қазақ Ұлттық Аграрлық Университеті

“Ветеринариялық санитариялық сараптау және гигиена” кафедрасы

Тақырыбы:«Қазақстан Республикасына ет консервілерін импорттауға қойылатын ветеринариялық санитариялық талаптар »

Сабақтың мақсаты: Қазақстан Республикасына ет консервілерін импорттауға қойылатын ветеринариялық санитариялық талаптар

ҚР мемлекеттік шекарасында жануарларды, жануартекті өнім мен шикізатты және фуражды экспорттау мен импорттау кезінде ветеринариялық санитариялық қадағалауды дұрыс ұйымдастыру мақсатында ветеринариялық бекеттер жүйесі құрылған.

Мұндай бекеттер халықаралық тасымалдаумен айналысатын ірі әуежайларда да бар.

Жануарларды, жануартекті өнімді және шикізатты ауруынан сау шаруашылықтарынан әкелсе ғана кіргізуге және шығаруға рұқсат етіледі. Жануарлардың, ауылшаруашылық өнімдерінің, шикізат және фураждың экспорт импорт операциялары ҚР АШМ Ветеринариялық бақылау және қадағалау комитетінің рұқсатымен жүргізіледі.

Ет консервілері деп - құрамына ет немесе ет өнімдері кіретін шыны немесе темір қалбырға саңылаусыз жабылған, жоғарғы температурада өңделген және ұзақ мерзімге сақтауға болатын өнімдерді айтады.

Ет консервілердің технология бойынша түрлер: стерилденген, пастериленген, пресервілер.

Консервілердің ақауларымен бүлінулері: сыртқы түрі бойынша деформациялануы, ішіндегісінің ағуы тот басуы, қақпақ немесе түп жағының көтерілуі, ал банкі ішіндегісін зерттегенде-ашуы, жағымсыз иіс, ұлпалардың жұмсаруы, майды және азықтық компонеттердің еруі.

Консервілер сапасын сыртқы түрін және саңылаусыз жабылуын тексеру, тағам құрамындағы жеке бөліктердің салмағын анықтау, сезімдік, химиялық және бактериологиялық талдаудан өткізу арқылы ажыратуға болады.

Ет консервілері ассортименті

Басым энергетикалық құндылығы бар консервілерге құрамында құрғақ заттары көп - бұқытырлған шошқа, қой еттері, сиыр гуляшы, бауыр паштеті, піскен сиыр еті, қарамық ботқасы, желедегі тіл консервілері жатады.

Консервілер сапасына қойылатын талаптар

Құтылар таза болуы, аққан сұйықтықтың іздерінсіз, тот баспаған, қақпақтың және пішінінің қандай да бір деформациясынсыз, лакталған құтылар термотұрақты лакпен қапталуы тиіс. Шыны құтылар түссіз, ішкі және беткі көпіршіктерсіз, таза, қылаусыз және кетіксіз болуы тиіс. Құтының корпусы тегіс, томпайған, батық жерлерсіз және қабырғалардың қалыңдығы біркелкі болуы тиіс.

Ет консервілерінің сапасын құтылардың сыртқы пішінін мұқият тексеру, олардың органолептикалық, химиялық, бактериологиялық көрсеркіштерін анықтау арқылы жүзеге асырылады.

Консервілердің сыртқы пішінін бағалауда этикеткасына, сыртқы түріне, құтының герметикалылығына назар аударады.

Микробиологиялық бомбаж - құтылардың консерві микроағзаларының тіршілік әрекеті нәтижесінде пайда болатын газдардың әсерінен ісінуі.

Ол стерилдеу режимінің жеткіліксіз мөлшерде жүзеге асырылмағандығынан және технологиялық жабдықтардың, шикізаттың, тараның санитарлы жағдайының пайда болады. Микробиологиялық бомбажға ұшыраған құтыларды бірден жою немесе техникалық кәдеге асыру қажет.

Бомбаж - бұл құтылардың түбі мен қақпағының ісінуі. Ол микробиологиялық, химиялық, және физикалық болады.

Құтыларды сыртқы коррозиядан сақтау үшін лактайды немесе техникалық вазелинмен майлайды. Құтылар терлеп кетпеуі үшін консерві температурасы сыртқы орта температурасымен айырмасы 3°С аспауы керек.

Қазақстан Республикасына ет консервілерін импорттауға қойылатын ветеринариялық-санитариялық талаптар

ТМД елдердің әкелінген консервілердің әрбір партиясының стандарт сәйкестігін немесе технологиялық жағдайын анықтау үшін санитариялық-технологиялық бақылаудан өткізу қажет.

Консервіленген тағамның сақтау мерзімі өтіп кеткен жағдайда, егер оның сапасына күдік туа қалса, тағамға пайдалануға немесе әрі қарай сақтауға жарар-жарамасын анықтау үшін де осы зерттеуден өтуі тиіс.

Органолептикалық зерттеу .

Консервілерді сезімдік бағалау кезінде олардың сыртқы түрін, түсін, исін, дәмін ( оның сапасына күмән болса) консистенциясын, кесек санын, сорпа жағдайын тағы басқалард ы негізге алады. Ыдысты алып ішіндегісін мөлдір шыныдан ( диаметрі 6-8 см ) жасалған химиялық стакандарға құйып, жарықта ұстап, түрін тұнықтығын айқындайды. Тағы басқа сезімдік қасиеттеріне көңіл аударады. Кесек бөлінген, сезімдік зерттеуден өткізу үшін ыдысынан тарелкеге немесе фарфор ыдысқа салады.