Адам буындарының жасқа байланысты анатомиялық және функционалдық ерекшеліктері

КеАҚ «Астана Медицина Университеті»

«Адам анатомиясы» кафедрасы

БӨЖ

Тақырыбы: Буындардың адам жасына байланысты ерекшелігі

Тексерген: Ғадылхан С. К.

Орындаған: Молдаш Б. А.

Топ: 103 Стоматология

I. Кіріспе.

II. Негізгі бөлім:

1. Буын дегеніміз не?

2. Буын бастамасы

3. Буындардың жасқа байланысты ерекшелігі

III. Қорытынды.

IV. Пайдаланылған әдебиеттер

Жоспар:

Буын - бір сүйекпен екінші сүйекті жалғастыратын аралық. Сүйектер бір-бірімен кірігіп немесе қозғалмалы болып жалғасады. Тірі организмдерде Буын 3 түрлі рөл атқарады: дене қалпының сақталуына жәрдемдеседі; дене бөліктерінің өзара орын ауыстыруына қатысады; дененің кеңістіктегі орын алмастыру (локомоция) мүшесі болып табылады. Әрбір буында буындасатын сүйектердің буын беттері; буын қылшықтары және буын қуыстары болады. Буын қапшықтарын 2 қабат қоршап тұрады. Оның ішкі қабатынан буын сары суы бөлініп шығады да, ол Буын аралығын сылап, қозғалуын жеңілдетеді. Буын қапшығының сыртында болатын сіңірлер сүйектерді берік жалғастырып тұрады әрі мүшені белгілі бір бағытпен қозғалтады. Пішіні жағынан Буын беттерін геометириялық айналу денелері ретінде (мысалы, бір осьті айнала қозғалатын цилиндр, екі осьті эллипс, үш және одан көп осьті айнала қозғалатын шар) қарастыруға болады. Осының нәтижесінде осьтер арқылы Буындарда көптеген қозғалыс түрлері орындалады. Мысалы, бүгілу, жазылу, жақындату, қашықтату, айналу, т. б. Адам денесіндегі Буынды және буын ауруларын зерттейтін медицина салаларын артрология, синдесмология деп атайды

Адам денесінде 230 ден астам буындар бар. Буын дегеніміз сүйектердің қозғалмалы байланысатын жері. Әрбір буынның сырты тығыз дәнекер ұлпадан түзілген қабықпн қапталған. Оны буын қапшығы дейді. Буын қапшығының буын сұйықтығы бөлінеді. Сұйық үйкелісті кемітіп, сүйектердің буын ойығында еркін қозғалуына мүмкіндік береді. Буында буын беті, буын қуысы, буын сұйықтығы және буын қапшығы болады. Сүйектің бір-бірімен байланысатын шеті жылтыр, тегіс шеміршекпн қапталған. Қозғалу кезінде шеміршек үйкелісті азайтып, оқыс соққыны әлсіретеді.

Буын бастамасыы ұрықтық дамудың екінші айының соңында болашақ сүйектердің шеміршекті соңдарының арсында мезинхиманың тығыздалуынан пайда болады. Бұл мезенхима ыдырап, онда қуыс түзіледі - болашақ буын қуысы. Нәтижесінде, буын орнында сүйектер бір бірімен шеміршекті буын беттерімен жанасады. ал пайда болған буын қуысын қоршайтын мезенхима, шеміршекүстімен бірігіп буын капсуласына бастау береді. Буын беттерінің арасында жататын мезенхимада екі саңылау пайда болған жағдайда, мезенхима бұл қуысты бөліп, кейін ол бір қуысты екінші қуыстан толықтай бөліп тұратын диск түзеді.