Блок-схемалар: алгоритмдерді графикалық сипаттау және негізгі элементтері

Тақырыбы: Блок-схемалар

Тексерген: Айгерім Мырзабековна

Орындаған: Амангельдинов Диас

Блок-схема - арнайы геометриалық фигуралар, нұсқамалар арқылы орындалатын әрекеттер мен олардың орындалуы ретін көрсететін графиктік схемалармен берілетін алгоритм. Алгоритмнің әр пункті геометриялық фигура - блоктың ішінде бейнеленеді. Орындалатын іс-әрекеттердің түріне қарай оларға әр түрлі геометриялық фигуралар сәйкес келеді. Геометриялық фигуралар арасындағы байланыс жолдары нұсқама арқылы көрсетіледі.

Алгоритмді блок-схема

арнайы қабылданған мемлекеттік үлгі бойынша мына блоктарды пайдаланады: алгоритмнің басы мен соңын элиппс (алгоритмнің аргументтері мен нәтижелерін), алгоритмде мәліметтерді енгізу мен шығаруды параллелограмм, ақпаратты өңдеуді (есептеулерді) тіктөртбұрыш, шарттарды тексеру ромб фигураларының ішіне жазылады

Блоктардың атқаратын қызметіне байланысты олардың ішіне және жанына түсініктеме сөздер жазылады. Олар оқуға ыңғайлы болуы керек.

Блок-схема алгоритмді сипаттаудың графикалық тәсілі. Блок-схема деп, бағыталған байланыс нұсқамалармен геометриялық фигуралар формасында алгоритмді графикалық түрде жазуды айтады. Ал әрбір фигура алгоритмнің бір әрекетін бейнелейді олардың арасындағы нұсқамалар фигурадан фигураға алмасуды білдіреді. Блок-схемада алгоритмді басқару көрнекілігін анық көруге болады.

Блок-схема пайдаланатын геометриялық фигуралар блоктық - таңбалар, ал, байланыс - нұсқамалар ағын сызығы деп аталады. Ағын сызығы фигурадан фигураға өту жолын көрсету, яғни ақпараттарды және мәліметтерді өңдеудің ретін көрсету үшін пайдаланылады.

Әрбір блок-схеманың басы және соңы болады. Барлық блоктар ағыны сызықтармен байланысады. Әрбір блокта, «басы», «соңы» - қызметші блоктардан басқасында, ақпарат ағынының бір кіру және бір немесе екі шығу болады.

Блок-схема орысша Блок-схема; ағылш. flow-chart)

операциялар, мәліметтер, ағындар немесе техникалық құралдар секілді элементтерді белгілейтін арнайы символдар көмегімен талдау жасау немесе шешімін табу үшін мәселелерді графика түрінде ұсыну;

программаның немесе процестің шартты графикалық кескіні;

электрондық жүйенің (мысалы, есептеуіш жүйенің) элементтерінің арасындағы байланыс графика түрінде ұсынылатын схема

Элементтері қарапайым схемадан бастап негізгі қызметтік блоктарға дейінгі өте алуан түрлі құрылғылар бола алады. Олар шартты түрде геометриялық фигуралармен беріледі және тиісті жазбалармен жабдықталады. Блок-схема, көмегімен компьютердің сипаттамасын кез келген деңгейде - схемалық құрауыштан бастап есептеуіш кешендерге дейін тұтасымен беруге болады