Электр заряды: қасиеттері, Кулон заңы және зарядтың сақталу заңы

Электр заряды және оның қасиеті

Дайындаған:Рысқұлбек А

Фек 202

Қабылдаған:Рысмағанбетова С

ЖОСПАР

Электр заряды.

Электр заряды мен олардың арасындағы өзара әсер.

Кулон заңы.

Денелердің электрленуі.

Электрленген денелердің өзара әсерлесуі.

Электр зарядының екі таңбасы.

Зарядтың дискреттілігі.

Пайдаланылған әдебиеттер.

Электр заряды - бөлшектер мен денелердің сыртқы электромагниттік өріспен өзара әсерін, сондай-ақ олардың электрмагниттік өрістерінің өзара байланысын анықтайтын негізгі сипаттамалардың бірі.

Аттас зарядтар бірін-бірі тебеді, ал әр аттас зарядтар бірін-бірі тартады. Дененің электр заряды оның құрамына енетін барлық бөлшектің Электр зарядының алгебр. қосындысына тең. Электр заряды дискретті, яғни барлық бөлшектер мен денелердің электр заряды еселі болып келетін ең кіші элементар электр заряды болады. Оқшауланған электр жүйесінде зарядтың сақталу заңы орындалады. Қозғалмайтын электр зарядының арасындағы өзара әсер Кулон заңымен, ал электр заряды және оның эл. -магн. өрісінің арасындағы байланыс Максвелл теңдеуімен сипатталады. Заттағы өрісті қарастырған кезде электр заряды еркін заряд және байланысқан заряд болып ажыратылады. Электр зарядының бірліктердің халықаралық жүйесіндегі (СИ) өлшеу бірлігі - кулон (к) .

Электр зарядының сақталу заңы. Бұл заң - іргелі табиғи заңдардың бірі, сондықтан оған айрықша көңіл аудару керек. 10 - сыныпта бұл заң екі тұрғыдан берілуі мүмкін. Оның біріншісінде электр зарядының атомистік құрылымы ескеріледі: тұйық жүйеде барлық бөлшектердің зарядтарының алгебралық қосындысы өзгермейді, зарядтар пайда болғанда қарама -қарсы таңбалы элементар зарядтар жұбымен пайда болады да, ал бейтараптанғанда - жұбымен бейтараптанады. Заңның айтылуының бұл түрімен қатар екінші айтылу түрі бар, ол макроскопиялық немес зарядты өлшеуге болатындығы тұрғысынан айтылады: тұйық жүйедегі зарядтардың алгебралық қосындысы өзгермейді.

Кулон заңы. Кулон заңы да электродинамикадағы іргелі заңның бірі, ол электр зарядтарының өзара әсерлесуін сан жағынан сипаттайды. Заңды 1785 жылы тәжірибе жүзінде Ш. Кулон (1736-1806ж) тағайындаған болатын.