Оқытуды ұйымдастырудың дәстүрлі және инновациялық әдістері мен түрлерінің салыстырмалы талдауы

Сабақтың жоспары

Сабақтың тақырыбы: Оқытуды ұйымдастырудың дәстүрлі және инновациялық әдістері мен түрлері.

Сабақтың мақсаты: оқытуды ұйымдастырудың дәстүрлі және инновациялық әдістерін оқу мазмұнына орай таңдап, тәжірибеде сынап қарау.

Міндеттері:

- Оқытуды ұйымдастырудың дәстүрлі және инновациялық әдістері мен түрлерімен таныстыру.

- Дәстүрлі және инновациялық оқыту технологияларына түсінік беру.

- Дәстүрлі оқытудың артықшылықтары мен кемшіліктерін анықтау.

- Дәстүрлі және инновациялық технологияларды салыстыру.

Әдісі: “Dictogloss” әдісі.

Көрнекі құралдар: Мәтін, ақ қағаз, интерактивті тақта, кері байланыс парағы

Сабақтың барысы:

I. Ұйымдастыру: (амандасу, түгендеу, үй тапсырмасын сұрау, жаңа сабақтың тақырыбын айту) )

II. Негізгі бөлім: Жаңа сабақты түсіндіру

III. Қорытынды: (сабақты бекіту, кері байланыс орнату, үйге тапсырма беру, бағалау)

Сабақ - оқуды ұйымдастырудың басты формасы. Оқыту түрі әдістерге, амал-тәсілдерге, құралдарға және оқушылардың іс-әрекеттеріне тәуелді. Оқытуды ұйымдастыру оқушылардың саны, құрамы, жұмыс орны, оқу жұмысының ұзақтығы болып жіктеледі. Ал, оқыту түрі: жеке, жеке-жұптық, жеке-топтық, өзара бірлесіп оқу, саралап оқыту, кіші топтық және т. б. түрде бөлінеді. Оқыту түрінің сыныптық-сабақ жүйесі ХҮІІ ғасырда батыс, шығыс елдерінде дамып, күні бүгінге дейін өміршеңдігін көрсетуде. Бұл жүйені теориялық тұрғыдан негіздеген Я. А. Коменский. Дәстүрлі сынып - сабақ жүйесінің негізгі белгілері: бірдей жастағы оқушылардың тұрақты құрамы мен дайындық деңгейлері; сыныптың жылдық оқу жоспары мен бағдарламасымен жұмыс істеу; сабақ -оқудың негізгі бірлігі; әрбір сабақ бір оқу пәніне тақырыпқа арналған, себебі сынып оқушылары ортақ бір материалмен жұмыс істейді; сабақтардың үнемі алмасуы, кесте, мұғалімнің басқарушылық рөлі және т. б.

Оқытуды ұйымдастырудың дәстүрлі және инновациялық әдістері мен түрлері.

Дәстүрлі және инновациялық оқыту технологиялар

Дәстүрлі технология білім, ептілік және дағдыларды ұсынуға бағытталған. Ол өтіліп жатқан материалдың игерілуін, қайта жасау деңгейіндегі білім сапасының бағалануын қамтамасыз етеді. Бұл технологияның ежелгі түрі, ол бүгінгі таңда да кең таралған (әсіресе орта мектепте) . Оның мәні: жаңаны игерту - бекіту - қадағалау - бағалау сұлбасы бойынша оқу процесін жүргізу. Технология негізіне табысты өмір тіршілігін қамтамасыз ететіндей білім ауқымын анықтауға мүмкіндік беретін және оқушыға жеткізу жолын көрсететін білімдік бағыт-бағдарлама алынады. Осыған орай оқу-оқтудың басты әдістері ретінде 1) көрнекілік және онымен бірге жүретін түсіндіру, 2) оқушының жетекші іс-әректтері түрлеріне - тыңдау мен есте қалдыру, 3) басты талап және тиімділіктің негізгі көрсеткіштеріне - игерілгенді қалтқысыз қайталап жаңғырту ептілігі алынады. Мұғалім қызметтері - түсіндіру, әрекеттерді көрсету, оқушылар орындағандарды бағалау, реттеу және түзету.

Оқу технологиясы бірқатар маңызды да да ұнамды тараптармен еленген. Олар - үнемділігі, күрделі материалды түсінуді жеңілдетуі, білім-тәрбие процесін тиімді басқаруды қамтамасыз етуі, білім ұсынудың жаңа әдіс-тәсідерін пайдалануға икемді келуі. Сонымен бірге дәстүрлі технология біршама кемшіліктерге де жол береді - оқу процесін дараландыру мен жіктеуге қолайсыз, оқушылардың ойлау қабілетін дамытуға мүмкіншілігі кем.