Кәмшат Бекжігітованың Ойыңды өзгертіп, өміріңді өзгерт кітабына шолу: ой-сезім-әрекет формуласы және афирмациялар

Сөж

Кітап Атауы: Ойыңды өзгертіп, өміріңді өзгерт.

Кітап авторы: Кәмшат Бекжігітова

Орындаған: Олжатай Іңкәр Асқарқызы

Тексерген: Лиясова Айгүл Амангельдиевна

Әл-Фараби атындағы Қазақ ұлттық Университеті

Алматы, 2021 жыл

Әр нәрсенің қайыры бар

Өткен өміріңде кім болғаның маңызды емес, сен қазір кімсің, кім болғың келеді, міне, осы маңызды! Сен өлген жоқсың ғой? Тірісің бе? Ендеше шындыққа тура қара! Шындық- өмірдің жалғасып жатқандығында. Көрпенің астына тығылып жата бермей, басыңды көтер! Орныңнан тұр! Сыртқа шық! Өмір жалғасуда! Сен тірісің, сенде үлкен мүмкіндік бар, барлығын өз қалағаныңдай етіп, басынан бастауға мүмкіндік бар! Осы мүмкіндікті барынша пайдалан! Өмір сүрудің өзі бір бақыт!

Ой мен сөз

Өмірімізде болып жатқанның барлығы, басымыздан өтіп жатқан оқиғаның барлығы біздің ішкі жан дүниемізде болып жатқан нәрселер. Айналамыз деген сөздің түбірін анықтасақ, түбірі «айна» екен. Ендеше айналамыздағылар- бұл біздің ішкі жан дүниеміздің айнасы. Айнаға қарағанда, өзіңіздің сыртқы келбетіңізді көресіз, ал айналаңызға қарағанда, ішкі жан дүниеңізді көресіз. Кейде анықтап қарасаңыз, өміріңізде болып жатқан оқиғаның барлығы таныс сияқты, бұрын бастан кешкендей боласыз. Ол сіздің ойыңыздың нәтижесі. Боб Проктордың бір тамаша сөзі бар: «Нәтижесінде сіз өмірде өз қалағаныңызға емес, нені эмоциямен көп ойлайсыз, соған қол жеткізесіз».

Өзіңді тек өзіңмен салыстыр

Бір адамның жасағанын, кез-келген адам жасай алады. Өзіңізді ешкіммен салыстырмаңыз. Өзіңізді салыстыратын бір ғана адам бар, ол- өзіңіз. Ылғи кешегі өзіңізбен салысытырып отырыңыз. Сонда ғана өзіңіздің қалай өскеніңізді байқап, ары қарай жылжисыз.

ЖЕТІСТІКТІҢ ФОРМУЛАСЫ:

ОЙ+СЕЗІМ+ӘРЕКЕТ= ЖЕТІСТІК, НӘТИЖЕ.

Жеке тұлға

Жер бетінде қанша адам бар сонша тұлға бар. Ал енді «Тұлға» дегеніміз кім? Әр адамның бойында өзіне ғана берілген бір қасиеті, таланты, өнері, дарыны бар. Мысалға, сіз аспаздықты жақсы көресіз, сізге тамақ пісірген, тамақ әзірлеген қатты ұнайды. Қазақстан бойынша жүз мың керемет аспаз бар делік. Бірінен бірі асып түсетін аспаздар, барлығына өз істері, яғни аспаздықпен айналысқаны қатты ұнайды. Кейбіреулері атақты. Көбіне адамдар осындай өздерінің таланттары қатысты бірнәрсемен айналысқысы келсе де, «одан да мықты аспаз көп сияқты, өзінікі оларға жетпейтін сияқты, сіздікін ешкім елемейтін сияқты, т. б. » секілді ойларды ойлап қорқады. Дұрыстап тыңдаңыз:« Жер бетінде қанша адам бар, сонша ТҰЛҒА бар».

«БІЗ НЕНІ ОЙЛАСАҚ -СОЛМЫЗ!»

АФФИРМАЦИЯЛАР

Мен өзімді жақсы көремін.

Мен әдемімін.

Мен сұлумын.

Мен мейірімдімін.

Мен ақкөңілмін.

Мен кеңпейілмін.

Мен бауырмалмын.

Мен әрбір таңды күліп атырамын.

Мен өмірге ғашықпын.

Мен адамдарды жақсы көремін.

МЕН БАҚЫТТЫМЫН.

Қорытынды

Қорытындылай келе, бұл кітаптан түйгенім және аларым көп болды. Ең алдымен өзіңді жақсы көруді және өзіңді бағалауды үйретеді. Ия бұл өте дұрыс. Сен өз өміріңнің әміршісісің. Оны қалай басқаратының тек өзіңе және бір Аллаға байланысты. Кітаптағы кейбір жаттығуларды орындап көрмекшімін. Олар ренжіп жүрген адамдарыңды жазып мен сіздерді кешірдім, сіздерге көп рахмет дей отырып өртеу және өз армандарыңды орындалған секілді жазу тапсырмалары. Бұлар сенің өткенмен емес қазіргімен өмір сүруіңе және көңіл күйіңе әсері мол. Көптеген аффирмацияларды айтып үйрендім. Алдағы уақытта айтар ұсынысым кітаптың осыған ұқсас тағы бір кітабы шыққан. Сол кітап көпке қолжетімді болса деймін. Сөз соңында айтарым ешқашан оқудан жалықпа!