Қазақстанның сауда жүйесінде маркетингті қолданудың ерекшеліктері

М. Әуезов атындағы Оңтүстік Қазақстан Мемлекеттік университеті «МЕНЕДЖМЕНТ және МАРКЕТИНГ» кафедрасы ПРЕЗЕНТАЦИЯ ТАҚЫРЫБЫ: Қазақстанның сауда жүйесінде маркетингті қолдану ерекшеліктері

Орындаған: Алибек А.

Тобы: ЭФ-18-3к

Қабылдаған: Демесинова А. А.

Саудадағы маркетинг - бұл өз принциптері мен функциялары, жіктеулігі, сегметтеу мен позициялау ерекшелігі бар, баға белгілеу және бәсекеге қабілеттілікті талдау стратегиялары қалыптасқан, ерекше маркетингтік қызметі, сатып алу және сату маркетингісі, сондай-ақ менеджменті дамыған маркетингтік іс-әрекеттің маңызды бөлігі.

Саудадағы маркетинг сауда кәсіпорындардың іс-әрекетін жақсартып, олардың тиімділігін арттырып, нарықта жеңіске жетуге ықпал етеді. Маркетинг ұйымдарға шаруашылық операцияларды кеңейтуге, нарыққа енуге, пайда алуға өте қажетті.

Сауда сферасында маркетингті тиімді қолдану арқылы келесі міндеттерді шешуге болады:

сауда кәсіпорындардың түрлерін және олардағы сату әдістерін ажырата білу;

саудада маркетингті ұйымдастыру принциптерін меңгеріп, оның функцияларын білу;

сауда делдалын таңдаудың белгілерін анықтау;

маркетингтік қызметінің ыңғайлы ұйымдастыру құрылымын табу;

сату және сатып алу стилдерін талдау, сатушының мінез-құлық сипаттамасын анықтау;

сатуды оптималды ұйымдастыруды үйрену;

баға белгілеу стратегияларын қолдану;

саудада бәсеке қабілеттілігі көрсеткіштерін есептеу.

Саудадағы байланыстар жүйесі

Сатып алу -сату келісім-шарты

Сауда фирмасы

Тұтынушы

Төлемдер

Төлем бойынша келісімдер

Жабдықтаушы

Саудадағы маркетингтің қазіргі тұжырымдамасы төменгі төрт функциясымен ерекшеленеді:

Бірінші функция - маркетингтік зерттеулерді жүргізу және қажетті ақпаратты жинау. Маркетингтік іс-әрекеттің негізгі түрлері экономикалық, шаруашылық, сауда, өнеркәсіптік, тауарлық, өткізу, жарнамалық сфераларында зерттеулерді жүргізуге бағытталуы мүмкін. Одан басқа, тауарлық нарықта бәсекелестерді зерттеу, ақпаратты жинау және өндеу бойынша үлкен жұмыс жүргізіледі.

Екінші функция - өнімнің ассортиментің жоспарлаумен байланысты. Бұл жағдайда ассортименттік құрылым анықталып жасалынады, оны тұтынушылар қажеттілігіне бейімдейді, өнімді орау мен жеткізу мәселелері шешіліп, түрлі өндірістік қызметтер көрсету мүмкіндігі қарастырылады.

Үшінші функция - сауда-делдалдық ұйымдар арқылы өнімді тарату және өткізумен байланысты, сондай-ақ өткізу арналарын таңдап қоймаларда өнімді сақтау және өткізу іс-әрекетін талдауды қарастырады.

Төртінші функция - өткізуді ынталандыру және жарнамалық іс-әрекетімен байланысты. Ол соңғы және арадағы тұтынушылардың жарнамалық әрекетін, фирма ішіндегі жарнаманы ұйымдастыру, өткізмен айналысатын жұмыскерлерді ынталандыру, сатыпалушыларды қолдау сияқты әрекеттерді қамтиды.