Туроперейтинг субъектілері мен объектілері

Қазақстан Республикасы Білім және Ғылым Министрлігі Қазақ Спорт және Туризм Академиясы

Туроперейтинг субъектілері мен объектілері.

Орындаған: Амангелді Анеля

Тексерген: Ушкулакова Г. М

Тобы:ФТ3-1

Кәсіпкерлік қызмет объектілері дайындалған өнім, орындалған жұмыс немесе көрсетілген қызмет болып табылады, яғни біреудің қажеттілігін қанағаттандыруы мүмкін немесе сатып алып тұтынуы үшін нарықта ұсынылатын заттар.

Туризм мен сервистің қазіргі заманғы жүйесі ұйымдық жағынан мынадай шаруашылық субъектілерді қамтиды: - туристік қызметтерді өндіруші фирмалар (емдеу орындары, санаторийлер, сауықтыру орындары, демалыс базалары, іскерлік кеңестер және т. б. ) ;

- туроператор-фирмалар, яғни негізінен көтерме негізде туристік өнімді әзірлеу және өткізу жөніндегі фирмалар; - туроператорлар қалыптастырған туристік өнімді сатушы ретінде әрекет ететін турагенттер-фирмалар;

- орналастыру бойынша қызмет көрсететін мамандандырылған фирмалар (пансионаттар, демалыс үйлері, мотельдер, қонақ үйлер және т. б. ) ; - мамандандырылған тамақтану кәсіпорындары (мейрамханалар, барлар, дәмханалар, асханалар және т. б. ) ;

- мамандандырылған көлік кәсіпорындары (авиациялық кәсіпорындар, автокәсіпорындар, темір жол ведомстволары, теңіз және өзен көлігі кәсіпорындары және т. б. ) ; - сауда кәсіпорындары және туристерге арналған тауарларға мамандандырылған сауда фирмалары;

- туризмдегі демалыс саласының кәсіпорындары (киноконцерт залдары, ойын автоматтарының залдары және т. б. ) ;

- жарнамалық-ақпараттық туристік мекемелер (жарнамалық агенттіктер, жарнамалық бюролар, ақпараттық-туристік орталықтар және т. б. ) ;

- мемлекеттік кәсіпорындар (коммерциялық немесе әлеуметтік негізде туризммен айналысатын біртұтас немесе акционерлік сипаттағы ұлттық, өңірлік, муниципалдық кәсіпорындар) . Осы туристік кәсіпорындар жүйесі

Осы туристік кәсіпорындар жүйесінде туристік индустрияны - туризм үшін тауарлар мен қызмет көрсетулерді өндіру жөніндегі кәсіпорындардың, фирмалар мен ұйымдардың салааралық кешенін ерекше бөліп көрсетуге болады.

Кәсіпкерліктің мақсаты өндіріс және нарыққа тауар, жұмыс немесе қызмет көрсету арқылы табыс табуға, сондай-ақ қоғамдық мойындауға, жеке тұлға ретінде өзінің маңыздылығын ұғынуға негізделеді.

Дамыған нарықтық экономикада кәсіпкерлік ұйымдардың, жеке кәсіпкерлердің, сондай-ақ кәсіпкерлік ұйымдардың күрделі бірлестіктерінің интеграцияланған жиынтығы ретінде мынадай функцияларды орындайды: жалпы экономикалық, ресурстық, шығармашылық-іздестіру (инновациялық), әлеуметтік, ұйымдастырушылық және саяси.

ҚР азаматтық кодексіне сәйкес 18 жасқа толған кез келген жеке тұлға заңмен белгіленген тәртіппен кәсіпкерлік қызметпен айналысуға немесе заңды тұлғалар құруға құқылы. Заңды тұлға құрмай кәсіпкерлік қызметпен айналысу үшін азамат белгіленген тәртіппен жеке кәсіпкер куәлігін алуға тиіс.