Ежелгі грек мүсіндері

Презентация қосу

Ежелгі грек
мүсіндері

Нажуова Ботагөз
ШФА-21
Зевстің алтын мүсіні

Ежелгі Грекиядағы Олимп тауында Зевс құдайға орнатылған ескерткіш, “әлемнің
жеті кереметінің” бірі. Б.з.б. 5 ғ-да өмір сүрген белгілі афиналық мүсінші Фидий
сомдаған. Ежелгі гректер құдайлардың құдайы деп сенген Зевске арнап ақ
мәрмәрдан зәулім сарай тұрғызған болатын. Фидий өзінің мүсінін осы сарай ішіне
сомдаған. Тақта отырған құдай мүсінінің биіктігі 17 м болған, ол сарай төбесіне
сәл-ақ тимей тұрған. Зевс отырған тақ түгелдей алтын және піл сүйегінен жасалған.
Негізгі ағаштан істелген құдай мүсінінің беті, қолы, аяғы және ашық төсі өте нәзік
зергерлікпен өңделген піл сүйегімен түгелдей қапталған.
Мүсінші Зевстің бір қолына ұстатқан
жеңімпаздық құдайы Ника бейнесі де,
екінші қолындағы қыран қонған
тұғыр да алтын мен піл сүйегінен
жасалған еді. Ал Зевстің басына таза
алтыннан өрілген тәж кигізілген
болатын. Ежелгі гректер ең үлкен
бақытсыздық – Зевс құдайдың алтын
мүсінін көрместен бұрын өліп кету
деп есептеген. Сондықтан да ес
білген әр адамға бұл бейнені көру
арман болған. Б.з. 5 ғ-нда Зевс
мүсінін Грекиядан
Константинопольге (қазіргі
Стамбұлға) көшірген. Мүсін сонда
өртте қалып жоқ болды. Бірақ оны
көрген адамдардың жан-жақты
суреттеп, сипаттап қалдырған
көптеген қолжазбалары арқылы
Зевстің алтын мүсінінің қандай
болғанын көзге елестетуге болады.
Венера Милосская
Ежелгі грек мүсіндерінің ең
әйгілі мүсіндерінің бірі
бүгінде Париж қаласында
орналасқан Лувр
галереясында орналасқан.
Венера Милосскаяның –
Милос аралынан болған
Афродита махаббатының
әйел құдайының мүсіні біздің
заманымызға дейін шамамен
130-100 жылдары ақ
мәрмәрден жасалынған.
Қазіргі таңда аталған мүсін
жер шарындағы ең ескі
скульптуралардың бірі болып
есептеледі.
Артемида мүсіні
Артемида храмы — әлемнің жеті
кереметінің бірі. Кіші Азияның Эфес қ-
нда салынған. Зевстің қызы Артемида
ежелгі гректерде аңшылық құдайы
ретінде танылған. Көне заманда ең
маңызды күнкөріс көзін жебеуші
Артемиданың қаншалықты сыйлы,
құрметті екені өзінен-өзі түсінікті.
Мұндай мәртебелі ғибадатхананы салу
сәулетші Херсифронға тапсырылды. Ол
құрылыс орнына Кайстра өз-нің
бойындағы батпақты алаңды таңдады.
Бұл жер сілкінісінен сақтаудың қамы еді.
Ғибадатханаға Артемиданың аңшы
киімінде, қолына садақ ұстатып таза ақ
мәрмәрдан жасалған мүсіні қойылды.
Шымыр денелі жас қыздың жүзінде
батылдық, салқынқандылық бейнеленген.
Салынуы 120 жылға созылған
ғибадатхана құрылысын сәулетшілер
Пеонит пен Деметра б.з.б. 450 ж.
аяқтады.
Октавиан Август мүсіні.
Б. э. бұрынғы 27 жылы Рим сенаты
бірінші император Октавианға Август,
яғни «даңқын асырған», «жарықтық»
немесе «құдіретті» деген титул табыс
етті.
Октавиан Августың мәрмәрден қашалған
мүсіні оны қолбасшы әрі мемлекет
басшысы ретінде даңққа бөледі.
Тәкаппар, айбынды кескін-келбет пен
қолдың көсіле созылған әсерлі ишараты
мүсінге монументтік сипат дарытады.
Август бедерлі бейнелермен
әшекейленген сауыт киген. Жетілген,
атлет денелі алып тұлға, бұлшық еті
ойнаған жалаңаш балтыр грек
құдайлары мен қаһармандарының
мүсіндерін еске түсіреді. Августың аяқ
жағына мүсінші тәңірия Венераның
баласы Амур бейнесін орналастырған.
Августың бет әлпеті шынайы
бейнеленіп, ал келбетіне турашылдық,
ерлік, адалдық сияқты қастерлі
қасиеттер берілген. Август,
тарихшылардың айтуынша, әккі, қатал
саясатшы бола тұрса да, оның бойында
өнегелі азамат сипаттары баса
көрсетілген.

Ұқсас жұмыстар

ХЕОПС ПИРАМИДАСЫ. СЕМИРАМИДА АСПАЛЫ БАҒЫ. АРТЕМИДАНЫҢ ҒИБАДАТХАНАСЫ. ЗЕВС МҮСІНІ. ГАЛИКАРНАС МАВЗОЛЕЙІ. РОДОС АЛЫБЫ. АЛЕКСАНДРИЯ МАЯГЫ. Александрия маягы

Хеопс пирамидасы

Гомер дәуірінің мәдениеті

Леонардо да Винчи кескіндемесі

МОНШАЛАРЫ ӨЗІНІҢ КӨЛЕМІМЕН ЖӘНЕ БЕЗЕНДІРІЛУ БАЙЛЫҒЫМЕН ТАҢ ҚАЛДЫРАТЫН АЛЫП МЕМЛЕКЕТТІК КЕШЕН

Антикалық мәдениет

Ежелгі Грекияның мемлекеттік формасы

Даосизмнің негізін қалаушы

Жазу орны

Ежелгі грек жазбасы

Пәндер