Қоғам: ұғымдар, әлеуметтік жүйе, типтері және қызметтері

Қоғам - әлеуметтік

жүйе ретінде

ҰСЫНЫЛАТЫН ӘДЕБИЕТТЕР ТІЗІМІ:

1. ӘбсаттаровР. Б., ДәкеновМ. Әлеуметтану. Алматы, 2006.

2. Радугин А. А., Радугин К. А. Социология. Курс лекций. М., 2006.

3. Тощенко Ж. Т. Социология. Учебник. Третье издение. М., 2005.

4. Социология: наука об обществе. Харковь, 1996.

5. Социальная система общества. М., 2001.

1. ҚОҒАМ ТУРАЛЫ ТҮСІНІК ЖӘНЕ ОНЫҢ ЖҮЙЕЛІК ҰҒЫМДАРЫ.

2. ҚОҒАМНЫҢ ДАМУ ЗАҢДЫЛЫҚТАРЫ.

3. ҚОҒАМНЫҢ ТИПТЕРІ ЖӘНЕ АТҚАРАТЫН ҚЫЗМЕТТЕРІ

Кең мағынасындағы қоғам - табиғаттан ерекшеленетін материалдық әлемнің бір бөлігі, адамдардың бірлескен қызметінің тарихи қалыптасқан формаларының жиынтығы, адамзат қоғамы, социум.

Тар мағынасындағы қоғам - бұл күрделі әлеуметтік жүйе, тұтас құрылым, оның негізгі элементі адамдар.

Қоғам дегеніміз - адамдардың жиынтығы, өздерінің қажеттіліктерін қанағаттандыру мақсатында олардың өзара байланысы мен өзара әрекетінің қалыптасқан формаларының тарихи бірлестігі, тұрақтылығы мен тұтастығы, өзін-өзі өндірумен, өзін-өзі толықтырумен, өзін-өзі реттеумен және өзін-өзі дамытумен сипатталатын, адамдардың өзара байланысы мен өзара әрекетінің негізі болатын ерекше әлеуметтік нормалар мен құндылықтар пайда болып, мәдени деңгейі жоғары болатын бірлестік.

Әлеуметтік жүйе күйіндегі қоғам - ол өзінің жеке заңдары бойынша өмір сүретін және дамитын әлеуметтік организм.

Жүйе - өзара бір-бірімен байланыста болатын және тұрақтылықты құрайтын тәртіптелген элементтердің жиынтығы

Құрылым - бұл жүйенің ретке келтірілуі, ұйымдастырылуы.

Әлеуметтік жүйе - тұтастықты құрастыратын жүйе болып саналады, оның негізгі элементіне адамдар, олардың арасындағы байланыстар, әрекеттер, қатынастар жатады.

Әлеуметтік нормалар - қоғам мақұлдаған мінез-құлықтың белгілі бір үлгісі.

Әлеуметтік құндылықтар - сол қоғамның рухани мәдениетінің органикалық бөлімі және бір мезетте индивид санасының элементтері.

Әлеуметтік байланыс - белгілі бір мақсатқа жету үшін кесімді мерзімдегі нақты қауымдастықтың бірлесе еткен қызметін қамтамасыз ететін факторлар жиынтығы.

Әлеуметтік өзара әрекет - кез келген жеке адамның басқа адамдар немесе әлеуметтік қауымдастық үшін маңызы бар мінез -құлқы, әрекеті, олардың бір-біріне әсер ету процесі.

Әлеуметтік қатынастар - жеке адамдар мен әлеуметтік топтарда болатын тұрақты және өз алдына жеке байланыс.

Әлеуметтік процесс - осы кез келген әлеуметтік объектінің, әлеуметтік жүйеленген элементтердің дәйекті түрде ауысып тұратын қозғалысы немесе күйі.