Экономикалық қауіпсіздік теориялары және Қазақстанның экономикалық көрсеткіштері

Экономикалық қауіпсіздік теориялары

В. Сенчагов «Э. қ.  мемлекет тұрғындарының әл-ауқатын арттыруға жететін мемлекеттің әлеуметтік, экономикалық және қаржылық әлеуетін сақтауға ішкі және сыртқы қатерлердің жоқ, жоқтың қасы немесе көзі жойылған жай күйі».

Н. С. Гуськов « Э. қ.  табиғи, еңбек, материалдық, қаржылық ресурстарды қолдану тиімділігін, экономикалық өсудің жоғары қарқынына қол жеткізуді, мемлекеттік өндіріс тиімділігін, өнім, жұмыс, қызметтер сапасының жоғарылауын, өндірісті монополиядан арылтуды, бәсекеге қабілеттілікті арттыруды мемлекеттік биліктің басқару органдары тарапынан нәтижелі бақылау мүмкіндігі». Бұл пікірмен В. Е. Зенякин, В. В. Крюков келіседі.

Л. И. Абалкин « Экономикалық қауіпсіздік елдің мықты қорғаныс қабілетін қамтамасыз ету, қоғамда әлеуметтік тыныштықты сақтау, энергетикалық қауіпсіздік сияқты құрамдас бөліктерімен қоса мемлекеттік қауіпсіздік жүйесінің құрамына кіреді. Мұнда бәрі бір-бірімен байланысты және бірін бірі толықтырып отырады: әлсіз және тиімсіз экономика жағдайында әскери қауіпсіздік болуы мүмкін емес, сонымен қатар әлеуметтік конфликтілер орнаған қоғамда әскери қауіпсіздік те, тиімді экономика да болуы мүмкін емес».

Н. А. Шабдарбаев «Экономикалық қауіпсіздік  ҚР ұлттық экономикасының экономикалық тәуелсіздігі мен орнықты дамуына қауіп тудыратын факторлар мен процестердің сыртқы және ішкі қатерлерден қорғалу қабілеті».

О. Н. Өксікбаев экономикалық қауіпсіздіктің негізгі сапасы ретінде тұрақтылықты бөліп көрсетеді « . . . э. қ. сыртқы қысымға қарамастан әлеуметтік және экономикалық қауіпсіздікті, қоғамның әлеуметтік және экономикалық, саяси және құқықтық тұрақтылығын, жалпы мемлекеттің және оның әрбір мүшесінің даму тұрақтылығы мен ілгерілемелі дамуын қамтамасыз етуге дайындығы мен мүмкіндігі ретінде түсінген дұрыс».

Қ. С. Мұхтарова « Экономикалық қауіпсіздік экономиканың жай күйі, мұндай экономикада оның тұрақты дамуы, ішкі және сыртқы қатерлерден қорғануы және шеттелуі қамтамасыз етіледі».