Мұғалімнің құзыреттілігі мен педагогикалық шеберлігінің компоненттері мен кәсіби талаптары

Мүсілім Айгерім

КЯ-19-3

Кәсіби құзыреттілік және

педагогикалық шеберлік.

Құзыреттілік дегеніміз - тұлғаның, оқушының бойында білім, дағды, іскерлік, ерік күш-жігердің болуы. Құзыреттілік - оқушы іс-әрекетінің сапасынан көрінетін білім нәтижесі. Құзыреттілік ұғымы «білім», «білік» және «дағды» сияқты ұғымдарды қамтиды. Құзыреттілік - бұл алынған білімдер мен біліктерді іс-жүзінде, күнделікті өмірде қандай да бір практикалық және теориялық мәселелерді шешуге қолдана алу қабілеттілігі. Кәсіби құзырлық - мұғалімнің біліктілігін арттыру, қоғам алдындағы жауапкершілікті сезіну, жоғарғы деңгейге үнемі ұмтылу мен үнемі ізденіс, жаңашылдығы мен жаңалықты қабылдай білуі мен қолдана білу, адами құндылықтарға сай бола отырып, сол құндылықтарды балаға сіңіре білу.

Педагогикалық шеберлік - бұл əрбір оқытушы мен өндірістік оқыту шеберіне қол жетімді, бірақ үздіксіз жетілдіруді талап ететін оқыту мен тəрбиелеу өнері. Бұл оқу-тəрбие жұмысының барлық түрлерін оқушының, оның дүние танымы мен қабілеттерін қосқанда, жан-жақты дамуына бағыттау кəсіби біліктілігі болып табылады.

Педагогикалық шеберлік - тек қана мұғалімнің жалпы, жан - жақты және әдістемелік сауаттылығы ғана емес, ол - әр сөзді оқушылырға жеткізе білу, олардың толық қабыл алуы. Ұстаздық шеберлік:

1) мұғалімнің өмірге көзқарасы, оның идеялық нанымды, моральды бойына сіңірген адам екендігі;

2) пәнді жетік білген, ойын толық жеткізетін және оқушылардың бойында әдеп, әдет, дағды сияқты моральдық нормаларды сіңіре білгендігі;

3) оқыту мен тәрбиелеудің әдіс - тәсілдерін меңгерген, білгенін қызықты да, тартымды өткізе алатын, педагогикалық әдеп пен талантын ұштастырған адам ғана шеберлікке ие болады.

Педагогикалық шеберлікте педагогикалық техника деп аталатын мәселеге мән беріледі. Мұғалім әр сөзін дұрыс сөйлеп, нық айтуы тиіс, оның жүріс - тұрысы, қозғалысы, отырып - тұруы оқушыларға ерсі болмайтындай дәрежеде болуы керек.