ЛИНГВИСТИКАЛЫҚ ДӘСТҮРЛЕРДІҢ ҚАЛЫПТАСУ ТАРИХЫ

Тақырыбы: Лингвистика ілімі пәнінің зерттеу нысаны, мақсаты мен міндеттері. Лингвистикалық дәстүрлердің қалыптасу тарихы

Жоспары:

1. Пәннің зерттеу нысаны және басқа ғылымдармен байланысы.

2. Тіл біліміне кіріспе, Жалпы тіл білімі пәндерімен өзара байланысы.

3. Лингвистика ілімі пәнінің қалыптасып дамуының алғышарттары.

4. Лингвистика ілімін зерттеудің дереккөздері.

5. Көне лингвистикалық дәстүрлер: қалыптасуы мен дамуы.

Лингвистика ілімі теориясының зерттейтін мәселелері: әлемдегі тілдерге жалпы ортақ белгілердің (тілдік, лингвистикалық универсалиялар) неғұрлым өзіндік ерекшеліктері, тілдің пайда болу, қалыптасу және дамуы (глоттогония), оның адаммен, адамның ой-санасымен, адамзат қоғамымен қарым-қатынасы, басқа ғылым салаларымен байланысы, тіл философиясы.

Лингвистика ілімі ерте замандардағы лингвистикалық көзқарастардан бастап, қазіргі жеке тіл білімдерінің қалыптасуын, яғни көрнекті лингвистер еңбектеріндегі көзқарастар, түрлі лингвистикалык мектептер мен бағыттар, олар пайдаланған әдіс-тәсілдердің тарихын қарастырады.

Пәнді оқытудың мақсаты:

Лингвистика ілімі әр кезеңдегі ғылым алдына қоятын қоғамдағы әлеуметтік-мәдени шарттардың шектес ғылымдармен және олардың практикалық шешімдерімен тікелей байланысы постулатын түсіну

Пәннің мақсаттары:

Оқу пәнінің обьектісі:

лингвистикалық ой-өрістік қалыптасуына негіз болған ежелгі дәуірден қазіргі заманға дейінгі тіл теориясы, тіл тарихы мәселелері.

Пәнді зерттеу әдістері:

Әдістер оқытушы мен студенттің оқу мақсатына жетуге бағытталған өзара байланысты әрекеті болып табылады. Оқу кезеңінің барлық кезеңінде байқалатын, айқындалған заңдылық ретіндегі оқыту ұстанымдары мен тіл оқытудың негізгі әдістемелік ұстанымдары: коммуникативтік қатынас және тілдік құбылыстардың саналы жүйеленуін дәлелдеу.

Пәннің құрылымы, басқа пәндердің арасында алатын рөлі мен орны.

Лингвистика ілімінің тарихы жеке алынған тілдердің нақты материалдары негізінде құрылады, жекелеген тілдер жалпы тіл білімінің үрдісіндегі анықтамаларсыз, деталдық тұрғыда ғана емес, сонымен бірге тұтастай түсініксіз болып қалады.

Тіл туралы жалпы ілім бұл жағдайларда арнайы лингвистикалық пәндерден мүлде ажырамайды, керісінше, түрлі тілдік топтардың арнаулы зерттеулерімен тығыз байланыста өмір сүреді. Бұдан басқа жалпы тіл білімінің мәселелері жеке тілдердің нақты материалдарын зерттеу арқылы шешіледі.