Лимфомалар: этиология, патогенез және гистоморфологиялық түрлері

Скачать

Бұл топқа: Лимфосаркома Саңырауқұлақ тәрізді микоз Сезари ауруы Ретикулосаркома Лимфогранулематоз (Ходжкин ауруы)

Лимфомалар-қанжасам және лимфалық тіннің аймақтық ісікті аурулары

Этиологиясы мен патогенезі

Лимфомалардың этиологиясы мен патогенезінде басқа лейкоздардан айырмашылық жоқ. Қазір цитостатиктермен емделетіндіктен, бірқатар лейкоздардың ақтық кезеңі осы лимфомалардың кейбір нысанымен (лимфосаркомамен) «аяқталатынын» ескерген жөн. Кейде, керісінше, лимфомалар лейкозға айналып кете алады. Бұл - қан жүйесінің ісіктерін «диффуздық» немесе «аймақтық (регионарлық) » деп жіктеу - нозологиялық тұрғыдан қажет болғанымен, онкогенез тұрғысынан өте шартты мәселе деген сөз.

Патологиялық анатомиясы.

Әр лимфоманың өзіндік морфологиялық бейнесі бар.

Лимфосаркома - Лимфоцит текті жасушалардан өрбитін қатерлі ісік. Бұл ісік көбіне кеуде қуысындағы, іш пердесінің сыртындағы, кейде шаптағы және қолтық астындағы лимфалық түйіндерде өседі. Ол асқазан мен ішектің лимфалық тінінен, талақта, басқа да мүшелерде дамуы мүмкін. Алғашқы кезде ісік шектеліп, локальді қалыптасады. Ол жердегі лимфалық түйіндер күрт ұлғайып, бірігіп, ірі түйіндер түзіп, төңірегіндегі тіндерді ығыстырады. Некроз бен қан ошақтары пайда болып, түйіндер қатайып, бозғылт тартады. Кейін үдеріс лимфа және қан арнасы арқылы организмге жайылып, басқа түйіндерге, өкпеге, теріге, сүйектерге және басқа да мүшелерге метастаз шашады. Лимфалық түйіндерде В- және Т-лимфоцит, пролимфоцит пен лимфобласт, иммунбласт текті ісіктік жасушалар көбейеді.

Лимфома осы тұрғыда гисто(цито) логиялық вариантқа жіктеледі Лимфоцитті Пролимфоцитті Пролимфобластты Иммунбластты Лимфа-плазмацитті Африкалық лимфома(Беркитт ісігі)

Лимфосаркомалардың ішінде ерекше көңіл аударарлығы - африкалық лимфома (Беркитт ісігі) .

Экватордағы Африка елдерінің (Уганда, Гвинея-Бисау, Нигерия) тұрғындарында кездесетін эпидемиялы ауру. Ол басқа елдерде де бірен-саран ұшырасады. Әдетте, 4-8-дер шамасындағы балалар ауырады.

Саңырауқұлақ тәрізді микоз

Терінің Т-жасушалық қатерсіздеу ісігі; ол тері лимфоматоздары деп аталатын ісіктер тобына жатады. Оның түйіндерін көбейген митозды, ірі жасушалар құрайды. Ісік түйінінің құрамына плазмациттер, эозинофилдер, фибробластылар кіреді. Түсі бозарыңқы, беті жолақты, жұмсақ түйіндер теріден шодырайып шығып тұрады; кейде олардың пішіні саңырауқұлаққа ұқсайды. Түйіндер терімен қоса, кілегейлі қабықшаларда, бұлшықеттерде және ішкі мүшелерде қалыптасады. Бұрын бұл ісік инвазиялап өскен саңырауқұлақтың мицеллийлерінен дамиды деп есептелетін, оның атауы да осы жаңсақ пікірге негізделген.

Сезари ауруы

Терінің Т-лимфоцитті лимфомасы; әдетте лейкемия қосарланады. Сүйек зақымдалып, қан арнасында ісіктік жасушалар пайда болатындықтан, кейде Сезари ауруы да созылмалы лимфолейкоздар тобына жатқызылады.

Көбінесе беттің, арқаның, балтырдың терісіне лимфоциттер шоғырланып, кейін ол шоғырлар ісік түйіндеріне айналады. Терідегі жасушалардың арасында, сүйек кемігі мен қанда жалғыз ядролы (мононуклеалы) атипиялық жасушалар - Сезари жасушалары пайда болады. Ісік жасушалары кейде лимфалық түйіндерде, талақта, бауыр мен бүйректе көбейгенмен, еш уақытта ірі көлемді шоғырлар түзбейді.

Ретикулосаркома

Ретикулалық жасушалар мен гистиоциттерден өнетін қатерлі ісік. Бірақ оны түзетін ісіктік жасушалардың ретикула және гистиоцит тектілігінің морфологиялық критерийлері өте күмәнді. Ретикулосаркоманың лимфосаркомадан басты гистологиялық айырмашылығы - оның құрамындағы ісіктік жасушалар ретикулалық талшықтар түзіп, ол талшықтар ретикулосаркомалық жасушаларды қоршай орап алады.

• Іс жүргізу
• Автоматтандыру, Техника
• Алғашқы әскери дайындық
• Астрономия
• Ауыл шаруашылығы
• Банк ісі
• Бизнесті бағалау
• Биология
• Бухгалтерлік іс
• Валеология
• Ветеринария
• География
• Геология, Геофизика, Геодезия
• Дін
• Ет, сүт, шарап өнімдері
• Жалпы тарих
• Жер кадастрі, Жылжымайтын мүлік
• Журналистика
• Информатика
• Кеден ісі
• Маркетинг
• Математика, Геометрия
• Медицина
• Мемлекеттік басқару
• Менеджмент
• Мұнай, Газ
• Мұрағат ісі
• Мәдениеттану
• ОБЖ (Основы безопасности жизнедеятельности)
• Педагогика
• Полиграфия
• Психология
• Салық
• Саясаттану
• Сақтандыру
• Сертификаттау, стандарттау
• Социология, Демография
• Спорт
• Статистика
• Тілтану, Филология
• Тарихи тұлғалар
• Тау-кен ісі
• Транспорт
• Туризм
• Физика
• Философия
• Халықаралық қатынастар
• Химия
• Экология, Қоршаған ортаны қорғау
• Экономика
• Экономикалық география
• Электротехника
• Қазақстан тарихы
• Қаржы
• Құрылыс
• Құқық, Криминалистика
• Әдебиет
• Өнер, музыка
• Өнеркәсіп, Өндіріс