Шешендік шеберліктің маңызы

Презентация қосу

№1 Сабақ «Питчинг»

«Сөйлей алмайтын адам мансапқа жете алмайды»
Наполеон
Құрметті 11-сынып оқушылары!

Қазіргі заманда әлемде бастаушы бизнесмен-стартаперлерге бизнес-жоба құру,
менторлардан көмек, кеңес алу, дағдыларын жетілдіретін бизнес-акселераторлар
бар. Осындай акселераторлар университет шеңберінде де жұмыс істейді. Ал сіздердің
жолдарыңыз болды: осының бәрін мектеп қабырғасынан шықпай-ақ, осыған ұқсас
бағдарламаларды іздеуге қосымша уақыт пен күш жұмсамай-ақ үйрене аласыздар.
Сіздерге жоғарғы оқу орнына барғанша күтудің қажеті жоқ. Бүгінгі сабақтан бастап-
ақ бизнесмен болуға машықтанасыздар! Курсты оқу барысында кәсіби маман ретінде
жетіліп, алған білім-дағдыларыңыз, жаңалықтарыңыз мектеп қабырғасынан шыққан
соң пайдалы болады.
Сабак мақсаттары:
Кәсіпкер (стартапер) үшін питчингтің мәні мен
мағынасын түсіну.
Оқу-ойын жағдайында өз идеяларын іске асыру
үшін питчинг дағдыларын қолдану.
Шешендік шеберліктің маңызы
Әдемі сөйлей білетін, шешендік өнерді
толық меңгерген адамды кез келген қоғамда
құрметтейді. Бұрынғы заманда да осы
шеберлікке үйрететін мектептер болған,
шешендік шеберлік біртіндеп нақты ғылымға
айнала бастады. Кез келген жерде (қоғамда,
отбасында, достар арасында, мектепте,
универ-ситетте, қызметте) адамдармен
қарым-қатынас құру үшін шешендік
шеберліктің маңызы зор. Сондықтан дұрыс
сөйлей білу қажет.
Өзіне сену
Өзіне сену — табыстың маңызды факторы. Өз күшіне сенімді болу жеткілікті ме?
Бұл сұраққа белгілі психолог Брайан Трейсидің формуласы жауап береді:

Формуладан көрініп тұрған дай, табысқа жетуге үш
фактор әсер етеді:
1. Сенімділік,
2. Тума талант
3. Алған білім

Егер адамның таланты мен білімі болғанмен (50-де
50%), өзіне сенімділігі болмаса, мына формула
шығады:
0 × (50 + 50) = 0
Кәсіпкерліктегі шешендік өнер
Коммерциялық қызметте шешендік өнер ерекше маңызды. Сайып келгенде,
қандай да бір мәміленің нәтижелі болуы бизнесменнің шешендік қабілетіне
байланысты. Өз өніміңізді өңдеуге тез арада қаражат қажет болып, бірақ
бюджеттегі қаражат тапшы болған жағдайда команданы сақтап қалу әрі
макетті әзірлеп шығу үшін қосымша салым қажет болады. Бизнесмен
қаржыгердің не демеушінің көзін жеткізіп, қосымша қаржы таба алады не
серіктесті жобаға тартады. Стартапер шешен болмаса, питчинг болмаса,
ондай мәміле жасай алмайды.
Енді питчинг дегеніміз не?

Питч — ықтимал серіктестерге не инвесторларға
жобаның презентациясын қысқа да нұсқа түрде сипаттау.
Питчтің мақсаты - инвесторды қызықтырып, ақша
қаражатын тарту. Сөз сөйлеуге санаулы минутттар ғана
берілетіндіктен, ол өте табысты болуы керек.
Ұзақтығы бойынша питчті үш түрге бөледі:

1. Elevator Pitch
2. Idea Pitch(3 минут)
3. Funding Pitch(7–10 минут)

Сөзге аз уақыт қана берілетіндіктен, ол қысқа да нұсқа
болуы қажет. Сапалы питчтің өзіндік құрылымы болады
әрі ол нақты логикалық бөлімдерден тұрады. Уақыт
тығыз болған сайын бөлімдері де аз болады.
Elevator Pitch (1 минут) — лифтіде инвестормен жасауға болатын жобаның ең
қысқа таныстырылымы. Уақыт тек үш бөлікке ғана жетеді: мәселе, шешім және
жобаны монетизациялау мүмкіндігі. Әлбетте, «лифтідегі питч» кезінде бизнесмен
инвесторды қызықтырып, оны жобаға қаражат салуға ынталандыру керек.
Idea Pitch (3 минут) жобаның атауынан, проблемадан,
шешімнен, нарық өлшемінен, бизнес-модельден,
командадан, қорытындыдан және байланыстардан тұрады.

Ол келесі элементтерден тұрады:

1. Жобаның аты.
2. Мәселе.
3. Шешімі.
4. Нарық көлемі.
5. Бизнес-модель.
6. Команда.
7. Қорытынды. Инвесторлар жадында қалуы тиіс ең маңызды
сәттерді айту және өз байланыстарын көрсету.
Funding Pitch (7-10 минут) Idea Pitch-тің барлық бөліктерін,
сонымен бірге бәсекелестердің сипаттамасын,
жоспарларды, не жасалғаны және жалғастыру үшін қанша
қаражат қажет екені туралы деректерді қамтиды.
Питч кезінде не айтуға болады?

Жоба қандай мәселені шешеді?
Сіздің шешіміңіз не өніміңіз қанша сатып
алушыға қажет және ол үшін олар қанша ақша
төлеуге дайын.
Сіз осы шешімге қалай келдіңіз.
Неге сіздің шешім бұрын басқа да ұсынылған
шешімдерден мықты.
Сіздің команда қаншалықты жақсы және неге
сізге сену керек.
Сіз арқылы инвестор қалай пайда ала алады?
Тапсырма
Өз жобаңызға ұзақтығы 1 минут болатын Elevator Pitch
құрастырыңыз.
Питчті дайындау кезінде келесі ережелерге сүйенуіңізге болады:

— мұқият дайындалу: біріншіден, идея барлығына анық болу үшін; екіншіден, барлық қатысушылармен көру
байланысын сақтауды үйрену үшін айна, достар, туған туысқандар алдында жаттығу;

— арнайы терминдерден аулақ болу. Егер туған-туыстарыңыз, достарыңыз не туралы айтқаныңызды түсінбесе,
онда мазмұнын өзгерту керек, өйткені инвесторлар да бәрін біле бермейді. Мұндай жағдайда ұстанатын негізгі
ереже — «оңайырақ болса, соғұрлым жақсы»;

— ұзақ түсіндіруден аулақ болу;

— өтірік айтпау. Инвесторлар өз ақшаларын салар алдында міндетті түрде тексеріп, талдау жасайды, егер олар
алданса, беделіңіз бұзылады;

— слайдтағы көп мәтіннен аулақ болу және мүмкіндігінше оны кестелермен, суреттермен ауыстыру. Слайдта
мәтін аз болса, соғұрлым жақсы;

— инвесторлар сұрақтарына жауап беруге қабілетті болу үшін, нарықты, бәсекелестерді жан-жақты зерттеп,
талдау жасау қажет.
НАЗАРЛАРЫҢЫЗҒА РАХМЕТ!

Ұқсас жұмыстар

Жоғары мектеп оқытушысының дәріс оқу шеберлігі

Мұғалім мамандығының басты ерекшелігі оның үнемі үлгі - өнеге бола білуінде

Педагогикалық шеберлік компоненттері

Педагогикалық шеберліктің негізі

Публицистикалық стильдің жанрлық типтері

МҰҒАЛІМ ЖЕКЕ ТҰЛҒАСЫНЫҢ БАЛА ТӘРБИЕСІНЕ ЫҚПАЛЫ

Оқытушы мен оқушы арасындағы қарым-қатынас

Пән талабы

Публицистикалық стильдің тіл ерекшеліктері

Шешендік сөздің сазы

Пәндер