ҚҰҚЫҚТЫҚ АКТІЛЕРДІҢ ҚҰРЫЛЫМЫ

Лермонтов атындағы № 17 жалпы орта мектебі

Заң шығару жүйесі.

Құқықтық актілердің құрылымы.

Сынып:11

Пән мұғалімі: Архабаева Г.

Заңнамалық жүйе - құқықтық күші бар, сондай-ақ ішкі бірлік пен келісімділікке қатысты өзара байланысты нормативтік-құқықтық актілер. Оларды қабылдау түрлі мемлекеттік проблемаларды шешу қажеттілігіне негізделген.

1995 жылғы 30 тамызда республикалық референдумда қабылданған Қазақстан Республикасының Конституциясына сәйкес Қазақстан Республикасының қос палаталы Парламенті заң шығару қызметін жүзеге асыратын Республиканың ең жоғары өкілді органы болып табылады.

Құқық дегеніміз - мемлекет шығарған немесе ресми түрде бекіткен, мемлекеттің күшімен қамтамасыз етілетін, адам бостандығы өлшемін білдіретін, жалпыға бірдей міндетті, формальды анықталған заң нормаларының (ережелерінің) жүйесі.

Құқықтың белгілері:

еріктілік сипаты;

жалпыға міндеттілігі;

нормативтілігі;

мемлекетпен қамтамасыз етілуі;

формальды анықталғандығы;

жүйелілігі;

өзгермелілігі.

Құқықтық акт, заңды акт - мемлекеттік орган шығаратын, жалпы нормативтік және бейнормативтік міндеттеу мазмұнындағы ресми жазбаша құжат. Заңда көзделген тәртіппен жазылған, белгілі бір құқықтық нәтиже туғызатын құжаттар да құқықтық актіге жатады. Құқықтық акт қоғамдық қатынастарды реттейді. Құқықтық акт қоғамдық қатынастардың белгілі бір аясын реттейтін құқық нормаларынан құралған нормативтік актілерден, тек тиісті субъектілерде ғана құқықтар мен міндеттіліктер туғызатын жеке (бейнормативтік) актілерден құралған құқықтық актілерге бөлінеді.