Қазақстанныңүшіншіжаңаруындағы цифрлық технология

Секциясы: Қаржы

Тақырыбы: цифрлық технология.

Жоба авторының аты-жөні: Төлеутаев Амангелді Ноянұлы

Алматы, 2020ж

Мазмұны

1. Кіріспе

1. 1. Цифрлы Технология-Болашаққа Батыл Қадам

1. 2. «Цифрлық Қазақстан»

2. Негізгі бөлім

2. 1. Елдің болашағы-цифрлық технологияда

2. 2. Табысты бастауға барлық жағдай бар

2. 3. Цифрлы Қазақстан. Ол қандай болады?Біз дайынбыз ба?

3. Қорытынды

Кіріспе

Мен жазған ғылыми жобамның тақырыбы: цифрлық технология. Бұл ғылыми жобамның мақсаты:«Цифрлық технология» ─ Қазақстан Республикасында экономика саласында дамуы туралы зерттеу болып табылады.

Ғылыми жұмысымның басты мақсаты «Цифрлы технология» деген тақырыпты ашу. Цифрлы технология деп аталғандықтан цифрлы технология айналасындағы барлығына да тоқталуы керек деп ойлаймын. Оның ішінде ең бастысы Қазақстан Республикасында экономика саласында дамуы туралы тоқталу керек.

Қазіргі уақытта әрбір адамның заманауи ақпараттық-технологияларды пайдалануға мүмкіндігі зор. Мамандардың айтуынша, оның ең сапалысы - цифрлы технология. Қай салада болмасын, бұл технология жұмысты жеңілдетуге бірден-бір ықпал етіп отыр. Цифрлық технология тек электрондық портал арқылы мемлекеттік қызметтерді пайдалануда ғана емес, тұрғындардың бір-бірімен ақпарат алмасуында да таптырмас құрал болып отыр. Бүгінгі күні Қазақстанға әлемдегі дамыған елдердің бірі болу міндеті жүктеліп отыр.

Әлемдік нарықта IT саласы ауқымды орын алып отыр. Әлемдік нарыққа кіру үшін, жастарды осы салаға маманданадырып бағыттау қажет, себебі заман талабы солай. Цифрлы технология өзін- өзі ақтайтын және экономиканы қарқынды дамытудың сенімді құралы болып табылады.

«Ақылды», цифрлы, жайлы өмірге ұмтылу керек Бүгінгі таңда «ақылды технологиялар» адамзат өмірінің барлық саласына қарқындап еніп, оның ажырамас бөлігіне айналуда. Цифрландыру - бәсекеге қабілетті экономиканы дамытуды және халқының тұрмыс сапасын жақсартуды бағытқа алған мемлекеттердің барлығы ұстанатын жаһандық тренд, үрдіс. Бұл орайда, тартыншақтап қалуға, бөгелуге мүлде болмайды, себебі бөгеліп қалған аз ғана уақыт бізді бірнеше жыл кейінге шегеріп тастайды. Осы үрдіске бүгіннен бастап бел шешіп кірісу арқылы Қазақстан халқының, әсіресе жастардың және болашақ ұрпақтың табысты өмірінің іргетасын қалаймыз.

«Цифрлық Қазақстан» мемлекеттік бағдарламасы 2017 жылдың желтоқсан айында бекітілді. Бағдарламаның негізгі мақсаты - орта мерзімді перспективада цифрлық технологияларды пайдалану арқылы республика экономикасының даму қарқынын жеделдету және халықтың өмір сүру сапасын жақсарту, сондай-ақ ұзақ мерзімді перспективада Қазақстан экономикасын болашақтың цифрлық экономикасын құруды қамтамасыз ететін түбегейлі жаңа даму жолына көшіру үшін жағдай жасау.

Қазір посткеңестік елдер үшін ғана емес, бүкіл әлем елдері үшін цифрлы технологияларды дамыту мәселесі өзекті болып отыр. Өйткені "Сандық рефолюция" орнаған дәуірде ойып тұрып өз орныңды алу - қиынның-қиыны. Бұдан былай адамзаттың әлем алдындағы орны ақпараттық технологияларды меңгеру деңгейімен өлшенбек. - Біздің міндетіміз - ақпараттық коммуникациялық инфрақұрылымның даму деңгейі бойынша өңірдегі көшбасшылықты нығайту, - деген еді мемлекет басшысы Қасым-Жомарт Кемелұлы. Яғни, Қазақстанның цифрлық саладағы басты мақсаты - Орталық Азия, ТМД деңгейінде артта қалмау. Қазіргі уақытта Қазақстан ақпарат саласын ғана емес, білім беру, денсаулық сақтау, құқық қорғау органдары мен ауыл шаруашылығы, тұрғын үй-шаруашылық салаларының барлығын цифрландыруға көшіп отыр.

Негізгі бөлім Елдің болашағы - цифрлық технологияда. Қазақстан Республикасының президенті Қ. К. Тоқаев: Цифрландыру арқылы бәсекеге қабілеттілікті арттырамыз. Әлемде технология көз ілеспес жылдамдықпен күн сайын жаңарып, даму үстінде. Болашақта елдің байлығы, даму көрсеткіші жер асты байлықтарының көлеміне қарай емес, заманауи технологияны қаншалықты игергендігіне, онымен жұмыс істеу әдетінің қалыптасуына байланысты болмақ. Мемлекет басшысының «Цифрлық Қазақстан» тапсырмасының орындалуы және көңіл аударылуға тиісті басты мәселелер туралы сөзін тұжырымдап, назарларыңызға ұсынып отырмыз.

Бүгінгі күні цифрлық технологиялар жаһандық экономикалық дамудың негізгі факторларының біріне айналып отыр. Цифрландыру ел экономикасының болмысын түбегейлі өзгертіп, еңбек өнімділігінің артуы мен өмір сапасының жақсаруына зор ықпалын тигізуде. Халықаралық сарапшылардың бағалауынша, 2025 жылға қарай цифрландыру арқылы ішкі жалпы өнімнің 19 пайыздан 34 пайызға дейін өсуі күтілуде. Болжам бойынша 2020 жылы цифрландыру әлем экономикасының төрттен бірін құрайтын болады.

Мемлекет басшысы Қасым-Жомарт Тоқаев СЫНДАРЛЫ ҚОҒАМДЫҚ ДИАЛОГ - ҚАЗАҚСТАННЫҢ ТҰРАҚТЫЛЫҒЫ МЕН ӨРКЕНДЕУІНІҢ НЕГІЗІ атты тақырыбындағы Қазақстан халқына Жолдауының Төртінші «Ұлттық бизнеске халықаралық нарықтарда қолдау көрсету» тарауында . Қазақстан цифрлық экономиканы дамытуды көздеп отыр. Осыған орай көп жұмыс атқаруымыз керек. Біздің міндетіміз - ақпараттық коммуникациялық инфрақұрылымның даму деңгейі бойынша өңірдегі көшбасшылықты нығайту.

Цифрлы Қазақстан. Ол қандай болады? Біз дайынбыз ба?

2022 жылға қарай еліміздегі барлық елді мекендер кең жолақты интернетпен қамтамасыз етіледі деп күтілуде

. Цифрлық экономиканың тірегі.

Цифрлық экономиканың тірегі.

Цифрлық әлем шын мәнінде жаһандық экономиканың негізіне айналуда. Небәрі 10 жыл бұрын ең көп капитал мен ең жоғары табыс өндірістік және шикізаттық компанияларға тиесілі еді. Ал бүгін жаһандық рейтингтердің абсолюттік көшбасшылары ретінде Apple, Google немесе Facebook сияқты цифрлық және желілік алыптар тұр. Бұл жекелеген адам, компания және тұтас мемлекеттегі цифрлық ортаны қалыптастырған жаңа сала.

Табысты бастауға барлық жағдай бар Қазіргі таңда Қазақстанда оны табысты бастауға қажетті инфрақұрылым қалыптасқан. Цифрландырудың базалық деңгейі экономиканың барлық салаларында бар деуге болады, тұрғындардың 70 %-дан астамы интернетпен қамтылған. Электронды үкімет құрылып, табысты жұмыс істеуде. Тағы бір маңызды тармақ кадрларға тіреледі. Бұл бағытта үлкен жұмыстар атқарылуда, ол бірінші кезекте жоғары оқу орындарына қатысты.

Қазіргі уақытта қазақстандық экономиканы цифрландырудың артып келе жатқан өзектілігі әлемдік аренада еліміздің одан әрі экономикалық өсуі мен бәсекеге қабілеттілігін қамтамасыз етуге мүмкіндік береді.

Осы мақсатқа жетудің негізгі құралы - «Цифрлық Қазақстан» мемлекеттік бағдарламасы.

Бағдарламаны іске асырудың бес негізгі бағыты:

"Экономика салаларын цифрландыру" - еңбек өнімділігін арттыруға және капиталдандырудың өсуіне алып келетін озық технологиялар мен мүмкіндіктерді пайдалана отырып, Қазақстан Республикасы экономикасының дәстүрлі салаларын түрлендіру бағыты.

"Цифрлық мемлекетке көшу" - қажеттіліктерін күні бұрын біліп халық пен бизнеске қызмет көрсету инфрақұрылымы ретінде мемлекеттің функцияларын түрлендіру бағыты.

"Адами капиталды дамыту" - жаңа жағдайға - білім экономикасына көшуді қамтамасыз ету үшін креативті қоғам деп аталатынды құруды қамтитын түрлендіру бағыты.

"Инновациялық экожүйені құру" - бизнес, ғылыми сала және мемлекет арасындағы орнықты көлденең байланыстармен технологиялық кәсіпкерлік пен инновацияны дамыту үшін жағдай жасау бағыты. Мемлекет инновацияларды өндіріске шығаруға, бейімдеуге және енгізуге қабілетті экожүйе катализаторы ретінде әрекет етеді.

"Цифрлық Жібек жолын іске асыру" - ішкі контур үшін де, Қазақстан Республикасының транзиттік әлеуетін іске асыру үшін деректерді берудің, сақтаудың және өңдеудің жылдамдығы жоғары және қорғалған инфрақұрылымын дамыту бағыты.

Цифрлық экономика. Әлемдік экономикада әлі де түсініксіз үлкен өзгерістер орын алуда. Экономистер бұл «білім экономикасы» деп аталатын «Төртінші индустриалдық революция» деп атайды немесе оны мемлекеттің және бизнестің ақпараттық-цифрлық экожүйесі дейді. Бұл көптеген адамдар үшін «қалыпты» өмірден мүлде өзгеше ережелермен өмір сүретін жаңа өмір ортасы. Бұл - кез-келген қажетті шешім санаулы минутта, ал заңды айналып өтудің мүмкін еместігі барлық жерде ашық және түсінікті болатын жемқорлық жоқ жаңа әлем.

Қорытынды

Ғылыми жобамды қорыта келе Біздің буын керемет уақытта дүниеге келіп, өмір сүріп жатыр деп санаймын. Себебі, біз Тәуелсіз елде туып, еліміздің жыл санап саяси, экономикалық және әлеуметтік тұрғыда нығайып келе жатқанына куә бола жүріп, оған өз үлесімізді қосу мүмкіндігіне ие болдық. Осының бәрі - Қазақстанның әлемдік аренада мойындалғанының айқын белгісі. Мемлекет басшысының Қазақстан халқына арнаған жолдауы еліміздің әл-ауқатын арттыруға бағытталған маңызды қадамдардың бірі деп санаймын. Жас буын өкілі ретінде, әсіресе, «Цифрлы Қазақстан» бағдарламасы үшін ерекше қуаныштымын. Себебі, болашақ технологияға байланысты, технологиялық тұрғыда дамуға қол жеткізу басқа салаларға да серпін береді. Сонымен қатар, IT бағдарламалар шығындарды азайтып, уақытты үнемдеуге көмектеседі, адамдар өзара ақпарат, тауар және қызмет түрлерін алмаса алатын болады.

“Біз цифрлы технологияны қолдану арқылы құрылатын жаңа индустрияларды өркендетуге тиіспіз. Бұл - маңызды кешенді міндет.