Әбілғазы Баһадүр өмірі

Презентация қосу

Шежіре-и түрік
Баһадүр Әбілғазы

Орындаған: Изғали Индира
Қабылдаған: Н. Халикова
Жоспары:

1. Әбілғазы Баһадүр өмірі;
2. “Шежіре-и түрік” еңбегінің мазмұны;
3. “Шежіре-и түрік” еңбегінің аударлуы.
Әбілғазы Баһадүр Хан (1603 — 1664) — Хиуа ханы
(1645—63), тарихшы-шежіреші. Әбілғазы Хорезм
хандығының астанасы Үргеніште Жошы ұрпағынан
тараған Арабмұхамед ханның отбасында туған. Әкесі
Арабмұхамед хан 1602 жылы Хорезм ханы болып
жарияланған. Шешесі Мейірбану да Шыңғыс хан
әулетінен шыққан, Арал теңізі маңындағы қазақ
руларының ханы Жанғазы сұлтанның қызы. Әбілғазы
әкесі салдырған Арысхан медресесінде оқып, ғұлама
ғалымдардан дәріс алған. Әбілғазының әкесі Араб
Мұхаммедтің Хибаш, Жолбарыс, Аспандияр, Әбілғазы,
Шәріп Мұхаммед, Хорезмшах, Ауған атты жеті баласы
болған. Әбілғазының 6 жасында шешесі өліп, өгей
шешесінің қолында тәрбиеленді. Әкесі салдырған
Арысхан медресесінде оқып, ғұлама ғалымдардан дәріс
алады. Осы жылдарда ол халық ауыз әдебиеті
шығармаларын сүйіп оқып, тарихи тұрғыдан зерттейді,
әскери өнер, мемлекет басқару ісін меңгереді. [1]
Әбілғазы 16 жасқа шыққанда әкесі оны үйлендіріп, Үргеніштің
жарты бөлігін билеткен. Арабмұхамед ханның қартайған
шағында балалары арасында билікке талас басталды. 17
жасынан бұл талас-тартысқа Әбілғазы да араласты. Оның аяғы
ағайынды адамдар арасындағы қарулы қақтығысқа ұштасты.
Сондай соғыстың бірінде 1621 жылы Әбілғазы ауыр
жарақаттанып, Әмударияны жалғыз жүзіп өтіп, қашып
құтылады. Маңғыстаудағы түрікмендерді, қазақ хандары Есім
мен Тұрсынды паналайды. Әбілғазы Ташкентте Тұрсынхан
сарайында 2 жыл тұрып, еліне қайтып келген соң, 1628 жылы
ағаларының қолына түсіп, Иранға жер аударылды. 10 жылдай
Исфахан қаласында айдауда болған. 1638 жылы Исфаханнан
қашып шығып, түрікмен руларының арасында жасырынып
жүрген. 1640—1641 жылы Жем өзені бойындағы Қалмақ ханы
Хо-Өрліктің ордасында тұрған. Осы жерден Арал қазақтары
көп сыйлық беріп, Әбілғазыны қалмақ ханынан сұрап алып,
өздеріне хан көтерді. [1]
1643 жылы Ілияс би бастаған Арал қазақтары Хиуа
ханы Аспандиярға қарсы көтерілгенде Әбілғазы
солармен бірге болған. Екі жыл бойы Хиуаға
дамылсыз шабуыл жасап, ақыры қазақ, өзбек,
қарақалпақтардың күшімен 1645 жылы Хиуаны алып,
хан болып жарияланды. Хан тағына отырғаннан кейін
де көп жылдар түрікмен тайпаларымен соғыс
жүргізді, Хиуа хандығы жеріне баса-көктеп кірген
қалмақтарға қарсы қиян-кескі ұрыс жүргізді, Бұхараға
шабуыл жасады. Тек 1663 жылы ғана хандық билігін
ұлы Ануш Мұхамедке беріп, бейбіт істермен
айналысуға мүмкіндік алып, шығармашылық
жұмысқа кірісті.Әбілғазы өз заманының білімді
адамдарының бірі, зиялылардың ұстазы болды.
Нақыл сөздері:
“Шежіре-и түрки” еңбегінен халық
нақылдарын да кездестіруге болады.
Мысалы: «Екі дөңгелегі де бүтін арба тез
жүреді. Бүгінгі істі ертеңге қалдырған
ешқандай істі бітірмейді. Қыздан
туғанның жаттығы жоқ. Әр елдің өз әкімі
бар(мұны арабтар айтады.)Әр үйдің өз
ханы бар(мұны түріктер айтады).Қалам-
бұ дүниенің даңқы, құрмет-о дүниенің
даңқы.Тұман ұзақ тұрмайды. Тұманды күн
де бір жар-қырар. Тұманнан соң ашық күн
болмай қоймайды.»
Бұрынғылар айтады екен: Оғыз көшпеген
жол бар ма, оғыз жайламаған жұрт бар ма?-деп.Бұл
дүние керуен сарайға ұқсас. Адам баласы керуенге ұқсайды:
бір көшіп, бір қонып жүре береді…” [2]
Әбілғазы Баһадүрханның «Түркі шежіресі» атты
еңбегі XVII ғасырдағы түркі жазба
ескерткіштерінің ішінен Әбілғазы
Баһадүрханның «Түркі шежіресі» кітабының
алатын орны ерекше. Оның себебі, біріншіден,
кітап авторының өз заманының білімді, жан-
жақты (тарихшы, ақын, полиглот, жауынгер т.б.)
адам болуында болса, екіншіден, оның
шығармасының тарихи, әдеби тілдік жақтарының
аса құндылығында. Оның дәлелін Әбілғазының
өзі келтірген мына сөздерінен көруге болады. Ол
өз кітабының кіріспесінде былай дейді: «Құдай
тағала мырзалық қылып, маған біраз нәрсе
берген, мен, әсіресе, үш түрлі өнерді жете
меңгердім. Біріншісі – әскери өнер, яғни әскерді
басқару, оның тәртібі. Екіншісі – ақындық өнер,
яғни түрлі өлең құрылысын сақтай отырып, түрік
тілінде қасида, ғазал, рубаят тәрізді өлең шығара
алу, араб, парсы, түрік сөздерінің мағынасын
жетік білу. Үшіншісі – бұрын Арабстан, Иран,
Тұранды билеген патшалардың өмірі мен
мемлекеттік маңызды істерін, оларда болған
ірілі-уақты оқиғаларды жатқа білу».
Әбілғазы жазған “Шежіре-и Тарахима” (“Түрікмен
шежіресі”, 1661 жылы) және “Шежіре-и Түрк” (“Түрік
шежіресі”, 1665 ) атты тарихи екі шығарма
шығыстануда, оның ішінде түркітану мен қазақтануда
кеңінен танымал болды. “Шежіре-и түрк” ғыл. ортаға
18 ғасырдың бас кезінде мәлім болды. Кітаптың
қолжазбасын Ресейде тұтқында жүрген швед
офицерлері Тобыл тауып, оны Бұхар ахунына орысша
аудартқан. Көп өзгерістерге ұшырамай, қазіргі қазақ
тіліне өте ұқсас таза көне түрік тілінде жазылған
қолжазба алғаш рет француз (1726), орыс (1770, 1780)
және неміс (1780) тілдерінде кітап болып шықты. 1825
жылы шежіренің араб әрпімен жазылған түпнұсқасы
граф Н.И.Румянцевтің араласуымен Қазанда басылып
шыққаннан кейін ғана ғыл. айналымға қосылды.
Академик Х. Френ бұл басылымды ээ“шығыстану
ғылымының даңқын шығаратын үлкен іс”ээ деп
бағалады. 1854 жылы И.Н.Березин “Шығыс
тарихшылары кітапханасының” 3- томына
Г.С.Саблуков жасаған орысша аударманы кіргізді.
Жоғарыдағы нұсқасы мен Даль коллекциясынан Азия
музейіне түскен жаңа қолжазбаны пайдаланып,
П.И.Демезон оның салыстырмалы нұсқасын екі кітап
етіп бастырып шығарды (1871 — 1874). [3] [4]
Пайдаланылған әдебиеттер:

1. Айбын. Энциклопедия. / Бас ред.Б.Ө.
Жақып.-Алматы: «Қазақ энциклопедиясы»,
2011.-880 бет
2. Ханғали Сүйіншәлиев “Қазақ әдебиетінің
тарихы” Алматы “Санат” 2006, 201 бет.
3. Отырар. Энциклопедия. -Алматы. Арыс
баспасы, 2005.
4. Қазақ ұлттық энциклопедиясы.

Ұқсас жұмыстар

Әбілғазы Баһадүр Түрік шежіресі

Қазақ жазба тілін сипаттайтын тілдік деректер

Көшпелілер мәдениеті

Салқам Жәңгір хан 1610-1652

Арал теңізінің экологиялық проблемасы

МЕРКІТТЕР - ЕЖЕЛГІ ТҮРКІ ТАЙПАСЫ

ҚАЗАҚ – ЖОҢҒАР ҚАТЫНАСТАРЫ

Қызылорда қаласына 200 жыл

ЖАНЖАЛДАРДЫ БАСҚАРУДАҒЫ ЭМОЦИОНАЛДЫ ИНТЕЛЛЕКТ

Когнитивтік тіл білімінің лингвистика табиғи бағыты

Пәндер