2023 жылғы кәсіпкерлікті дамыту ұлттық жобасы аясындағы қайтарымсыз мемлекеттік гранттар: талаптары, өтініштер қабылдау мерзімі және тіркеу тәртібі

Мемлекеттік грант арқылы қайтарымсыз несие негізінде өз кәсібіңізді бастаңыз!!!

2023 жылғы 20 ақпаннан бастап, business. enbek. kz порталында 2021-2025 жылдарға арналған кәсіпкерлікті дамыту жөніндегі ұлттық жоба аясында жаңа бизнес-идеяларды жүзеге асыруға арналған мемлекеттік гранттарды алуға өтінімдер қабылдау басталды.

Өтініштер қашан қабылданады?

Жыл бойы төрт лек (поток) болады:

1. Грант саны - 2577. Өтініштер 20 ақпан мен 3 наурыз

аралығында қабылданады.

2. Грант саны - 2697. Өтініштер 15 мамырдан 26 мамырға

дейін қабылданады.

3. Грант саны - 1973. Өтініштер 10-21 шілде аралығында

қабылданады.

4. Грант саны - 1753. Өтініштер 4-15 қыркүйек

аралығында қабылданады.

Кімдер грант ала алады?

Жаңа бизнес-идеяны жүзеге асыруға арналған мемлекеттік грантқа үміткер бола алады:

1. тіркелген жұмыссыздар;

2. жеке кәсіпкерлер (тіркелгеніне үш жылдан аспауы керек) .

Қанша рет грант алуға болады?

Өтеусіз және қайтарымсыз негіздегі грант сомасы - 400 АЕК (1 380 000 теңге) . Әр қатысушы оны тек бір рет қана ала алады.

Порталға қалай тіркеледі?

Порталға электронды пошта немесе ұялы телефон нөмірі арқылы тіркелуге болады. Enbek. kz порталында бұрын тіркелген аккаунтыңыз болса, онда қайта тіркелудің қажеті жоқ. Пайдаланушыны сәйкестендіріп, тіркеуді аяқтау үшін ЖСН көрсету керек.