Ерітінділердің теориясы: түзілуі, жылу эффектілері, коллигативті заңдар және концентрация бірліктері мен есептер

Ерітінділер. Ерітінділердің түзілуі.

Жоспары:

Қатты заттар, сұйық және газ тәрізді заттар еріген кездегі жылу эффектілері.

Сұйылтылған ерітінділердің коллигативті қасиеттері.

Оствальд, Рауль және Вант Гофф заңдары.

Ерітінділер деп екі немесе одан да көп компоненттерден тұратын, құрамы белгілі аралықта үздіксіз өзгеруі мүмкін гомогенді жүйелерді айтады; демек ерітінділер құрамы ауыспалы фазалар. Ерітінділердің химиялық қосылыстардан айырмашықтары құрамының тұрақсыздығы және еселі қатынастар заңының орындалмауы. Ерітінділердің химиялық қосылыстарға ұқсастығы біркелкілігі, түзілгенде энергетикалық және көлемдік эффектілердің болуы, түрлі-түсті болуы.

Идеалды ерітінділер

Кезінде сұйық ерітіндімен тепе-теңдіктегі бу тәрізді ерітіндіні идеалды газдардың қоспасы ретінде қарастыруға болатындықтан Рауль тәжірибе нәтижесінде ұшқыш емес заттардың ұшқыш еріткіштердегі сұйытылған ерітінділері үшін келесі заңдылықты анықтады: ерітіндінің үстіндегі еріткіштің қаныққан буының қысымы таза еріткіштің үстіндегі будың қысымының шамасын ерітіндідегі еріткіштің мольдік үлесіне көбейткенге тең:

р = р0 (1 - N2) = p0· N1

мұнда N1 немесе (1 - N2) - ерітіндідегі еріткіштің мольдік үлесі, р0 - таза еріткіштің қаныққан буының қысымы; р - ерітіндінің үстіндегі еріткіштің қаныққан буының қысымы.

Раульдің 1 заңы

Раульдің 2 заңы

Ерітіндінің қайнау температурасының жоғарлауын және қату температурасының төмендеуін еріген заттың концентрациясымен байланыстыратын заңдылықтар Раульдің екінші заңы (кейде бірінші заңының салдары) деп аталады: ерітіндінің қайнау температурасының жоғарлауы және қату температурасының төмендеуі еріген заттың мольдік концентрациясына тура пропорцонал: ΔТқайн. = Е · Сm

ΔТқату = К · Сm

Мұнда Е - эбулиоскопиялық тұрақты (константа), К - криоскопиялық тұрақты.

Массалық үлесі FeSO4 2% және тығыздығы 1, 029 г/м3 болатын көлемі 2 л ерітінді берілген. Осы ерітіндінің молярлық, нормальдық, моляльдық және титрін анықтаңыз.