Сабақ жоспары: Әнет баба Не арсыз? Не ғайып? Не даусыз? шығармасын басқа өнер түрлерімен салыстырып тарихи және көркемдік құндылығын бағалау

БҰЛ БИ: “Жеті жарғыны” құрастыруға қатысқан атақты 7 бидің бірі Руы Тобықты Тобықтыға ғана емес, исі қазаққа қадірменді қарт баба, қазақтың әйгілі төбе билері Төле, Қазыбек, Әйтекелерге, "көмекей әулие" атанған Бұқар жырауға батасын берген. Қалқаман-Мамыр дауы (қосымша “Қалқаман-Мамыр”) кезінде бірін-бірі сүйген екі жас жазадан босатылсын деген билік шығарады

Сабақ тақырыбы

Әнет баба «Не арсыз? Не ғайып? Не даусыз?»

Осы сабақта қол жеткізілетін оқу мақсаттары

9. 3. 1. 1 шығарманы басқа өнер түрлеріндегі осы мазмұндас туындылармен салыстырып, тарихи және көркемдік құндылығын бағалау;

Сабақ мақсаттары

Шығарманың өзге туындылармен салыстыра отырып құндылығына баға беру

Бағалау критерийлері

Шығарманы оқиды, түсінеді;

Басқа өнер түрімен салыстырады;

Тарихи және көркемдік құныдылығына баға бере алады.

1-тапсырма. Топқа бөлініп оқу. Оқушыларды төрт топқа бөліп бүгін өтетін шығарманы түсініп оқуды тапсырамыз. Болған соң оқушылар өзге оқушыларға оқылым түсінігін айтып береді.

1-топ: Не арсыз, не ғайып, не даусыз

2-топ: жеті жетім

3-топ: жеті жоқ

4-топ: жеті қазына

Дескриптор:

Топта бірлікте оқып, мазмұнын түсінеді;

Өзге топтарға мазмұндайды.

2-тапсырма. Тек алғашқы 3 минутын тыңдайды.

Оқушылар Нұр-Мұқасанның «Не пайда?» әнін тыңдап Әнет баба айтқан пікірмен салыстырады, ВЕНН диаграммасына салады. Формасы мен сөзіне талдау жасай отырып көркемдігіне, екі заман, екі адамның танымынан туған түсінігін салыстыра отырып тарихи құндылығына баға береді.