3-сынып әдебиеттік оқу: Судың қасиеті және Көкқұтанның ақылы

Әдебиеттік оқу 4-тоқсан

3 сынып

83-сабақ

Бөлім: Су-тіршілік көзі

Тақырыбы: Судың қасиеті.

Көкқұтанның ақылы

Сабақ мақсаты:

3. 1. 4. 1 сөйлеу барысында мақал-мәтелдерді/ нақыл сөздерді, тыйым сөздерді, вербалды емес тілдік құралдарды қолдану.

Бағалау критерийлері:

шығарманың мазмұны бойынша сұрақтарға жауап береді;

Суға қатысты айтылған тыйым сөздерді біледі.

Аяғы жоқ, қолы жоқ,

Бiрақ тыныш тұрмайды.

Сақтамасаң - қорын тек,

Барша тiрлiк қурайды.

Ой қозғау. Жұмбақты шеш.

Су

Су-тіршілік көзі. Оны тамаққа пайдаланамыз, шөлімізді басамыз. Сонымен қатар, егін суарамыз, өрт сөндіреміз. Жан-жануарлар, балықтар, құстар да сусыз өмір сүре алмайды. Мына ғаламшарға қарашы, жер бетінің көп бөлігін су алып жатыр. Ал ауыз су сол сулардың 2. 5 пайызын құрайды. Сондықтан ауыз су тапшы, суға қоқысты тастауға болмайды. Сендер даладан ойнап келген кезде немесе тамақ ішер алдында қолыңды жуасың ғой, сол кезде суды бекерге төкпей үнемдей білу керек. Дана халқымыз «Суды бекерге төкпе» «Судың да сұрауы бар» деп айтатыны - сондықтан.

Мәтінді тыңда.

Көкқұтанның ақылы

Күндердің бір күнінде бір сиқыршы Сүлеймен патшаға мәңгі өмір сыйлайтын суды сыйға тартқан екен. Киелі суды ішу-ішпеуі жөнінде ақылдаспақ болып, күллі аң мен құстарды жинайды. Ұзамай хайуанат біткен тегіс бас қосады. Тек ұзынсирақ Көкқұтан ғана келмейді.

Сонда Сүлеймен патша тұрып, Итке тіл қатады:

-Сенің басқалардан байбаламың көптеу еді, сен барып, Көкқұтанды азғырып әкелші маған, -дейді.

Ит шынымен-ақ Көкқұтанды ертіп әкеледі. -Уа, Көкқұтан, көнекөз кемелім, мына бір киелі суды ішейін бе, ішпейін бе, соны айтшы?-дейді Сүлеймен.

-Егер мына суың өзіңнің барша дос-жарандарыңа, туған-туыстарыңа және ұшқан құс, жүгірген аңға жететін болса, онда бұл суды ішіп қой. Тамшысын да қалдырма. Сонда өмірден бақытты да, қуанышты да табасың. Бірақ оны бір өзің ғана ішсең, мәңгі бақи өкініп-опынумен өтесің. Жалғанда соқа басың сопйып, жалғыз қаласың, жақын-жуығыңның бәрі баяғыда кеткен соң, бір өзің не қуаныш, не қызық көріп жарытам дейсің.

-Япырым-ай, сен шынында да данышпан екенсің. Мұны маған сенен басқа тірі жан айта алмас еді, -дейді Сүлеймен риза болып.

Сөйтіп, ол киелі суды ішпейді.