Маркетингтік коммуникация құралдары

Жұмыс түрі: Курстық жұмыс
Тегін: Антиплагиат
Көлемі: 31 бет
Таңдаулыға:

Мазмұны

беттері

Кіріспе

Кіріспе: 1 Маркетингтік коммуникация жүйесінің теориялық негіздері

Кіріспе: 1. 1 Маркетингтік коммуникация түсінігі мен мақсаттары

3: 5

Кіріспе: 1. 2 Маркетингтік коммуникация құралдары

3: 8

Кіріспе: 2 «Pro-авто» журналының коммуникациялық қызметін талдау

Кіріспе: 2. 1 «Pro-авто» журналына жалпы сипаттама және негізгі экономикалық көрсеткіштерін талдау

3: 14

Кіріспе: 2. 2 «Pro-авто» журналының тауарды жылжытудағы коммуникациялық қызметі

3: 19

Кіріспе: 3 Коммуникациялық шараларды жетілдіру бойынша ұсыныстар

Кіріспе: 3. 1 Коммуникациялық шараларды жүзеге асыруды жетілдіру жолдары

3: 25

Кіріспе: Қорытынды

3: 30

Кіріспе: Пайдаланылған әдебиеттер тізімі

3: 32

Кіріспе

Әр заманның өз мінезі, өз талабы бар. Қазіргі болашаққа ұмтылған қадамды- білім экономикасына ұмтылған қадам деуге болады. Бүгінгі дамудың жалғыз жолы - инновациялық жол. Ол - Қазақстанның әлемнің бәсекеге барынша қабілетті 50 елінің қатарына кіру жолы деген сөз [1] .

Бұл дегеніміз - Қазақстан экономикасының ғылыми білімге, инновациялық технологияларға, жоғары білікті өндіргіш күшке негізделуі тиіс деген сөз. Атап айтқанда, табиғи ресурстарды жаңаша игеруге, оларды мүмкіндігінше республикада өңдеуге, мүмкіндігінше қосымша құн жасауға, жаңа жұмыс орындарын ашуға, ғылыми ауқымды технологияларды барынша аз енгізуге негізделген, тұлғаның шығармашылық қабілеттілігі мен белсенділігін қажет етпейтін шикізаттық экономикадан «өңдеуші және өндіруші» экономикаға өту деген сөз [2] .

Елбасы Н. Ә. Назарбаев атап көрсеткендей, «технологиялар индексі» деп аталатын бәсекеге қабілеттілік индексінің бір бөлшегі, әрине, қоғамның инновациялық даму деңгейін, технологиялар трансфертін, ақпараттық және коммуникациялық технологиялардың дамуын, ғылыми зерттеулер мен әзірлемелерге салынатын инвестициялар көлемін және де осы саладағы университеттер мен бизнестің ынтымақтастығын бағалаудан құралады деуге болады. «Шикізаттық» экономиканың халық тұрмысының «жоқтан бар» ғана болуының факторы екеніне, сонымен қатар ұлттың санаткерлік және адамгершілік әлеуетінің дамуына да кедергі келтіретініне қарсылық білдіру қиын. Демек, мұндай экономика тұтас қоғамдық менталитетке де кері әсерін тигізеді.

Қазақстанның болашағы, әлемнің бәсекеге барынша қабілетті 50 елінің қатарына кіруі, оның экономикасының инновациялық даму жолына сапалы көшуіне тікелей байланысты. Осыған орай біздің тәуелсіз, жас мемлекетіміздің басты даму бағыттарының бірі - қазіргі білім мен ғылымды барынша дамыту болып табылады.

Олай болса, істі неден бастау керек? Біздіңше, ұлттың инновациялық менталитетін қалыптастырудан, яғни мектепке дейінгі мекемелердегі, мектептердегі, жоғары оқу орындарындағы білім беру ісінен бастау керек. Әрі-беріден соң бұл Қазақстан Республикасының білім беру жүйесінде жүзеге асар реформалардың стратегиялық мақсаты болуы тиіс.

Маркетинг-(ағылшынша-нарықты жасау) капиталистiк кәсiпорындардың өндiрiстiк өткiзу және сауда iстерiн басқаруды ұйымдастыру әдiсi ретiнде XIX-XX ғасырлар аралығында пайда болды. Алғашқыда маркетингтi - өткiзудi ұйымдастыру әдiсi деп қаралды. Дегенмен маркетинг тек қана тауарларды өткiзумен шектелмейдi. Маркетинг өзiнiң даму барысында бүтiн ғылымға бизнестiң өзегiне айналды. Қазiргi таңда маркетинг бәсекенiң стратегиясы мен тактикасын сатып алушыларды өзiне тарту тәсiлiн, нарықты билеу әдiстерiн жасайтын, көзделген пайда деңгейiн қамтамасыз ететiн, нарық және бағаларға белсендi бақылау орнататын жан-жақты ғылым және iс-әрекет саласы болып табылады. Сонымен бiрге оның маңызды мiндетi - өндiрiстi дұрыс бағдарлау үшiн нарықты терең зерттеу.

Бұған әдетте, тұтынушылар сұранымның құрылымын құрайтын географиялық, демографиялық әлеуметтiк-психологиялық және басқа да факторларды бөлек-бөлек есепке ала отырып, нарықтың сиымдылығын анықтау кiредi. Бұндай ақпарат әрбiр тұтынушылар тобының ерекшелiктерiн талдау және олардың талаптарын ескере отырып бұйымдардың номенклатурасын жасау үшiн қажет. Маркетингтi әрекет ету саласына, сонымен қатар, бәсекелестердiң бағыт-бағдарын, мақсатын қадағалап отыруда жатады.

Маркетингтiң қызметi ретiнде, өткiзу сату саясаты тауар қозғалысының бүкiл жүйесi мен тауар сатылғаннан кейiнгi тұтынушыларға көрсетiлетiн қызметi, тiптi пайдаланылған өнiмдi қалдықтандырудыда қамтиды. Маркетинг жүйесiндегi тауар саясаты тұтынуға қажеттi нақты тауар топтарын, тұтыну әдiстерiн, сатып алу туралы шешiм қабылдайтын адамның артықшылығын, сонымен бiрге сатылған тауарға, қызмет көрсету қажеттiлiгiн ескере отырып құралады. Жоғарыда көрсетiлген қызметтер бiрте-бiрте емес, бiр мерзiмде орындалады, сөйтiп өндiрiсте, сатуда және тұтынушыларға ықпал етуде уақтылы болатын өзгерiстер үшiн ақпарат тасқынының үзiлiссiздiгi қамтамасыз етiледi. Нарық жағдайында, маркетинг тауарларға салыстырмалы түрде тұрақты сұраным жасауға, бәсекеге төтеп беруге, пайда табуға мүмкiндiк бередi. Дамыған нарықтық экономикасы бар елдердiң көптеген кәсiпорындары мен фирмалары лабораториялық зерттеулерге, конструкторлық жұмыстарға, өнiмнiң жаңа үлгiсiн жасауға, оны жетiлдiруге, өндiрiске дайындауға технологиялық жабдықтауға және шығаруды игеруге қанша ақша шығын жұмсаса, соншама соманы маркетингке жұмсайды екен. Америка мамандарының есептеуi бойынша АҚШ нарығында маркетингке жұмсалатын жиынтық шығын көптеген тауарлардың ақырғы бағасының 55%-60% құрайды. Шамамен осындай көрсеткiш Батыс Еуропа мен Жапония нарықтарына да тән болып отыр. Қазiргi кезде, маркетингтi өндiрiсi басқарудың қалыптасқан жүйесiне өндiру тәсiлi туралы екi көзқарас бар.

Курстық жұмыстың мақсаты - маркетингтегі коммуникациялық қызметті сипаттау болып табылады. Осы мақсатты жүзеге асыру үшін келесідей міндеттер қойылады:

- маркетингтік коммуникацияның түсінігі мен мақсаттарын айқындау;

- маркетингтегі коммуникациялардың құралдарын сипаттау;

- кәсіпорындағы маркетингтік коммуникацияларды талдау;

- кәсіпорындағы маркетингтік коммуникацияларды жетілдіру жолдары.

Курстық жұмыстың объектісі «Pro-авто» журналы болып табылады.

Курстық жұмыстың құрылымы кіріспеден, үш тараудан, қорытынды мен пайдаланған әдебиеттер тізімінен тұрады

1 Маркетингтік коммуникация жүйесінің теориялық негіздері

1. 1 Маркетингтік коммуникация түсінігі мен мақсаттары

Қазiргi заманғы маркетинг теориясын оны басқарудың нарықтық бағдарын қамтамасыз ететiн күрделi динамикалық жүйе деп қарайды. Салыстырмалы түрде айтсақ, маркетинг - күрделi ғылым, ол экономиканың, инженерлiк iстiң, жарнаманың, психологияның, сауданың, жоспарлау мен болжамдаудың өзiндiк ерекшелiгi бар құймасы.

Сонымен маркетингтiң 2000-нан аса анықтамасына бөлек-бөлек тоқталмай-ақ мынаны көрсеткен жөн сияқты - маркетингтiң негiзгi қасиетi, ол нарықта болатын құбылыстарға белгiлi бiр қатынаста болуы. Маркетинг нарықта болатын себеп-салдарлы байланыстарды және субъектiлермен олардың ортасының арасындағы тәуелдiлiктердi зерттеп анықтауды оңайлатады.

Бiздiң пайымдауымызша маркетингтi - нарықты терең бiлуге, баға белгiлеу сұрақтарына, және тұтыну мен сұранымды болжамдауға, өндiрiске, тауарларды тұтынушыларға жеткiзуге және одан кейiнгi қызмет көрсетуге негiзделе құрылған өндiрiстi басқару мен өнiм өткiзуге комплекстi көзқарас деп анықтау керек.

Нарық концепциясы ретiндегi маркетингтiң негiзгi принциптерi мыналар;

- өндiрiстiң түпкi нәтижесiне жетуге ұмтылу -тауарларды нарықта тиiмдi өткiзу;

- алға қойған мақсат пен мiндетке жету үшiн бағдарламаны - мақсатты әдiс пен кешендi қатынас жасау, тек осындай жағдайда ғана маркетинг нарықтық қатынастардың сәттi дамуын қамтамасыз етедi;

- нарыққа икемделудiң стратегиясы мен тактикасын бiрлiкте және өзара байланыста қолдану, сонымен бiрге оған мақсатты бағытта әсер ету;

- кәсiпорынның жұмысын шұғыл нәтижеге емес, ұзақ мерзiмдi нәтижеге бейiмдеу, ал ол тиiсiнше болжамды зерттеулерге және жаңа тауарлар жасауға көңiл аударуды талап етедi [3, 143б. ] .

Осы көрсетiлген принциптер бойынша маркетингтiң негiзгi атқаратын қызметтерiн анықтауға болады. Бiрiншiсi - нарықты зерттеу. Бұл тұтынушылардың әртүрлi топтарының тұтыну қажеттiлігi және сұранысы, тауар ұсынысы мен жаңа тауарлар өндiру үшiн ақпарат тасқынының бағыттары немесе бұрын игерiлген ассортиментi (тауар түрi) жаңарту туралы барлық қажеттi жинақтау процесi. Келесi атқаратын қызметi - жарнаманы пайдалану, ол нарықтың барлық тармақшаларын (сегменттерiн) тұрақтандыруға және тұтынушылардың жаңа топтарын тартуға бағытталған. Сатуды ынталандыру қызметi тауарларды сатуды жеделдетуге (жарнаманы есептемегенде), көтермелеп жеңiлдiкпен сату, тауарларды арзандатылған бағамен өткiзуге, диллерлердiң қызметiн пайдалануға бағытталған түрлi шараларды қамтиды. Баға саясаты- сұраным мен ұсынымның ара қатынасын реттейтiн маркетингтiң аса маңызды қызметтерiнiң бiрiне жатады.

Мемлекеттік темір жол бірлестігі, әлбетте, өнеркәсіптік сипатта қызмет атқарады - тасымалдау, ал мұның өзінің арналуына байланысты ешқандай жарнамалау-жариялау қажет емес. Жарнамасыз-ақ іс біте береді. Бірақ батыс теміржолшыларының пікірінше, жарнамалық науқан өз фирмаларының имиджін тұрақты және потенциалды клиенттер арасында көтеретін көрінеді.

Бұл болса, өнеркәсіп саласында бәсеке дамуының алдарынан тек жақсы тауар өндірудің жеткіліксіздігіне көз жеткізді, яғни жоғары сапалы тауардың сатылуына кепілдік бола алмайды.

Өнеркәсіптік коммуникацияға пайдаланатын құралдар мыналарды іске асыруға тиіс:

- фирманың бар екені туралы ақпарат таратуды;

- оның өнімдері және қызметі туралы ақпарат таратуды;

- аты шығуына байланысты, ұсынылған кепілдемелер, фирманың тараған имиджі арқасында тұтынушыларда және потенциалды алушыларда сенімділік сезім тудыруды.

Сату көлемін ұлғайту және пайда табу үшін сапалы тауарлар мен қызметтерді иелену жеткіліксіз, ол үшін тұтынушылардың санасына осы тауарлардан алатын пайдасын жеткізе білу керек. Бәсекенің күшеюі мен нарықтың тауарлармен толығуына байланысты қазіргі кезде маркетингтік коммуникацияның рөлі мен маңыздылығы өсуде.

Маркетингтік коммуникация - тұтынушыларға ықпал ету мақсатында тауарлар мен көрсетілетін қызметтерге сұранысты қалыптастыру және ынталандыруға бағытталған шаралар жүйесі. Экономикалық әдебиеттерде маркетингтік коммуникация ұғымының «тауарды жылжыту» деген синонимі кездеседі. Маркетингтік коммуникацияның келесідей түрлері бар:

- жарнама:

- өткізуді ынталандыру;

- жеке (дербес) сату;

- қоғаммен байланыс;

- тікелей маркетинг.

Тауардың сырт пішіні, оның түрі, түсі, буып-түюі, орауы да коммуникациялық қызмет атқаруы мүмкін.

Коммуникациялардың жеке және жеке емес арналары бар. Жеке коммуникация арнасы (дақпырт арнасы ) - бұл адамдардың жүзбе-жүз, телефон және хат алысу арқылы өзара қатынасуы. Мұндай арнадағы қатынастар кеңес берушілер, достар, әріптестер, көршілер арқылы жүреді. Қымбат тауарларды сатып алу кезінде осындай арнаның маңызы зор. Жеке емес коммуникация арнасына БАҚ арқылы таратылатын хабарлар және арнайы шаралар (баспасөз-конференциясы, таныстыру рәсімі және т. б, ) жатады. Осы екі кезеңдік коммуникация үдерісінде лидердің пікірі маңызды рөл атқарады, сондықтан да жарнаманы соларға бағыттау керек. Тиімді маркетингтік коммуникацияны құру үшін мақсатты аудиторияны, сонымен қатар тұтынушылардың біліктілігі мен тәжіребиесін білу керек. Мамандар нақты қандай аудиторияны тарту керектігін және ондағы тұтынушылардың реакциясын біліп отыруы қажет. Тауарды жылжытуға бөлінген қаражат анықталғаннан кейін фирма оны жылжыту нысандарына қалай бөлу керетігін шешіп, кешенді бағдарлама жасауы тиіс.

Жылжытудың түрлі нысандарын таңдауға тауардың түрі, жылжыту стратегиясы сатып алушының сатып алуға дайындық деңгейі, тауардың өмірлік циклінің кезіңдері әсер етеді.

Тұтыну тауарларын жылжытудың ең тиімді түрі -жарнама боп табылады, содан кейін өткізуді ынталандыру, сосын дербес сату, қоғаммен байланыс орын алады. Ал өндірістік мақсатқа арналған тауарлар үшін ең маңыздысы -жеке сату, содан кейінгі орында өткізуді ынталандыру, жарнама, қоғаммен байланыс алады [4, 283б. ] .

Потенциалды алушының: «Мен сіздің кім екеніңізді білмеймін, сіздің фирманыздың қандай екенін, оның мақсаттары, клиенттері, жетістіктері, атағы қандай екенін білмеймін . . . Осындай жағдайда сіз маған не сатпақсыз?» деген секілді арызына кез келген жабдықтаушы қалай тіл қатады?

Сатып алу жабдықтаушының келуінен бұрын басталады. Ал жабдықтаушының сапары фирманың сатып алу жөнінде шешім қабылдауда қандай да болса рөл атқарушыларға арналған жарнамалық науқаны арқылы дайындалады.

Фирма уәкілінің әрбір сапары өте қымбат, оған ақша және уақыт шығындалады, бірақ оның қатысуы сатып алу үрдісі басталып, өзінің шарықтау шегі келіссөздер жүргізу кезеңіне жақындаған сайын маңыздана түседі. Фирманың ақпараттық қызметтері ең қиын бірінші сапардан бастап оған тиянақты дайындалумен болады. Потенциалды алушы фирма, оның өнімдері, оң имиджі туралы неғұрлым көп білген болса, соғұрлым сатушыға өз мүдделерін іске асыру оңай болады.

Жарнама сатушы персоналға көмектеседі, өнімді өткізудің шығынын азайтуға себеп болады, бірақ персоналдың қимылдары алға қойған мүдделеріне сай болса ғана. Мысалы, егер сатушы персонал алушыны өз тауарының артықшылығына сендіруге тырыспаса, ешкім де жарнамаға сенбейді.

Жарнама ұйымдастыру, сатуды ынталандыру, қауымдастықпен қатынастар және т. б. қимылдарының жиынтығы, басқаша айтқанда, коммуникация бағдарламасы фирманың мақсаттарын ескере отырып анықталады, ал бұлар оның жалпы саясатына тәуелді.

Алға мынадай мақсаттар қоюға болады:

- өз танымалдығыңды арттыра түсу;

- фирманың нақты имиджін (тиянақтылық, шапшандық) тудыру;

- тұрақты клиенттермен үйреншікті байланыстарды күшейту;

- бәсекелестерден тартып алынған тұтынушылар санын көбейту;

- бастапқы сұранысты көбейту арқылы жаңа клиенттерді тарту;

- сауда персоналының жұмысының тиімділігін жанама көтеру.

Коммуникацияның бағдарламасын жасауға кіріспей тұрып, әр түрлі көздерден шығатын ақпарат жинау қажет. Ақпарат жинау - маркетинг функцияларының бірі. Коммуникациялық тораптардың сыртында не болып жатқаны жайында жақсы ақпарат керек, атап айтсақ, кім, не, қайда, қашан, кімнен, қандай бағамен сатып алып жатыр? Сатып алудың себептерін айқындау керек, мұндай талдау нарықтық зерттеуге және зәрулік ынтаны ашуға көмектеседі, нарықтың шынайы және потенциалдық көлемі, бәсекелесуші фирмалар, өнімдер, сату әдістері және ақпарат тарату, делдалдар және олардың мүмкіндіктері, сыртқы және ішкі арналар туралы ақпарат береді.

Өз қызметінің бастауыш, соңғы кезеңдері өзінің бәсекелес ортасы туралы ақпараттты және мақсаттарды ескере отырып, іске асырылуға тиіс бағыттар мен мақсаттарға назарды баса аударып, кәсіпорын коммуникациялық бағдарлама жасайды [5, 154б. ] .

Бұл мақсаттар кәсіпорындар ішінде және сыртында да болады, олар потенциалды клиенттер болып келеді. Ең алдымен бұлар «сатып алу орталығының» мүмкін деген қатысушылары (өнімді тікелей пайдаланушылар, инженерлер, техникалық директор, сапа бақылаушы, коммерциялық директор, жабдықтау қызметі, тауар өткізуге жауапты) . Жоспар дистрибьюторлармен (тәуелсіз саудагерлермен) жұмысты ескеруі керек. Клиенттердің зәрулік ынталары өте әр түрлі болуы мүмкін, әсіресе, кейбір күрделі жағдайларда.

Коммуникацияның бекітілген мақсаттарын іске асыруда олардың мазмұнымен қатар уақыттық және көлемдік тиянақты анықталуы үлкен рөл атқарады. Өнімнің қандай жақтары (беріктігі, сатылған соң қызметтеудің сапасы, «сапа-баға» қатынасы) алдыңғы қатарға коммуникацияның бағыттары болып қойылатыны, коммуникация кімдерге, потенциалды тұтынушылардың қандай сегменттеріне бағытталған, қандай. құралдардың (баспасөз, пошталық жарнама) көмегімен белгіленген мақсаттарға жетуге болады: мысалы, фирманың ағымдағы сәттік қажеттіктеріне бейімделген, жаңартылған имиджін жасау.

Өнеркәсіптік коммуникацияның көпшілік тұтынатын тауардың коммуникациясьшан принципті айырмашылығы жоқ

Жарнамалық науқанның құрамын кіретін ақпараттық хабарламаға қойылатын талаптар:

- бір мақсатқа - потенциалды тұтынушылардың бір ғана сегментіне бағытталу;

- елеулі және лезде қабылдағыш қандай да бір «қармағы» қызықтыратын сәті болуға тиіс;

- потенциалды тұтынушыға түсінікті тіл немесе код қолданылуы керек;

- жеңіл оқылуға, айқын болуға, екі мағынада тұжырымдау жібермеуге тиіс;

- өнімді баса көрсету, егер назар өнімнің қандай да болсын қасиетіне аударылған болса, онда ол сендірерлік дәлел табуы керек.

1. 2 Маркетингтік коммуникация құралдары

1-cурет - Маркетингтік коммуникация құралдары

Өнеркәсіп және кәсіби ортада ақпараттық құралдардың үш негізгі топтарын ажыратуға болады:

- тікелей әсер ету құралдары;

- сөздің дәл мағынасындағы жарнаманың жанама құралдары;

- қосымша құралдар, тікелей және жанама.

Тікелей әсердің құралдары:

- көрмелер және арнайы салондарға қатысу;

- ақпарат дайындау жөнінде семинарлар;

- құрал-жабдықтардың тұсауын кесу және істе көрсету;

- жылжымалы көрмелер және көрсетулер ұйымдастыру.

А. Көрмелер және арнайы салондар. Егер кәсіпорын шетел рыноктарында орын тепкісі келсе, онда осындай көрмелерге қатысу қажет, өйткені бұл өте тиімді тәсіл: мақсат - бір жағынан, өзі туралы сөз тарату болса, екінші жағынан бәсекелестердің іс-әрекетін байқау.

Өз еліндегі ұқсас көрмелерге де қатысу қажет, өйткені бұл өзі туралы сөз таратуға және сауда персоналын қолдауға мүмкіндік тудырады: бұлар жарнаманы жандандыратын қимылдар, оларды алдын ала және мұқият дайындау керек.

Мысалы мынадай мүмкіндіктер бар:

- өзінің салонда қатысуы туралы клиенттердің мекен-жай тізбесі және проспектілер арқылы немесе аз дегенде жіберілетін поштаға кішкентай ескертпе жапсыру арқылы құлаққағыс ету;

- өзінің қатысуы туралы баспасөзде, ағымдық құлақтаңдыруда немесе көрме жайындағы құлақтандыруларда хабар беру;

- ашылғанға дейін керек болған жағдайда арнайы баспасөзге ұсынылатын жаңалықтар туралы деректер беру;

- тұсау кесу үстінде әрбір келуші және баспасөз өкілі ие болуы мүмкін сапалық құжаттамаларды сұрыптап алу.

Стенд алдындағы қызметкерге баса көңіл аудару жөн: келушілерді қабылдау үшін олар жеткілікті болуы керек, олар қойылған сауалдарға жауап берерліктей білікті болуы керек, ілтипатты қызмет көрсетуге дайын болу арқылы жақсы әсер тудыруы қажет.

Қоса айтсақ, сіздің стендіңіз маңында аздап дем алуға мүмкіндік алған келушілер (көрермен) фирмаға априори жылы көңіл бөледі: осындай жақсы жағдайда олар құжаттамалармен таныса алады, диапозитивтер және фильмдер көрсетуге қатыса алады, бұлар болса, тауар (қызмет) өткізуді жандандырудың тиімді құралдары болып танылады.

Ә. Ақпарат дайындау жөнінде семинарлар. Бұл ретте сөз сатушылар туралы емес, дистрибьюторлар туралы, тәуелсіз жабдықтаушылар туралы, бұларда өз бетінше сауда персоналы бар: осындай барлық делдалдарды олар белгілі марканы жылжыту және өткізу саясатын атқарсын десек _г фирманың және оның тауарларының даму нәтижелерімен таныстыру аса қажет. Осының бәрі фирманың өнімділігінің басым көпшілігі көтерме сауда торабы арқылы өткізілетін жағдайда іске асырылып отырады.

Б. Тұсау кесу және көрсетулер. He кәсіпорында, не арнайы ғимараттарда (мысалы, үлкен қонақ үй) өткізілетін мерзімді тұсау кесулер және көрсетулер. жарнамалық ынталандыру тәсілі болып танылады, осы аудандағы потенциалды тұтынушылар және арнайы прессаның өкілдері шақырылады, бүл екі шараны біріктіруге мүмкіндік береді: қоғамдастықпен қарым-қатынас жасаудың амалын және потенциалды коммерциялық әріптес табуға бағытталған іс-қимылдарды.

В. Жылжымалы көрмелер және көрсетулер. Бүл жолдарда бейнеленген қызметтің бір түрі, бірақ мұнда аса әр түрлі көлік құралдары қолданылады. Мүмкіндік болған әрбір жағдайда кәсіпорынның ақпарат жолдарының маңызды элементін құрады және ол осылардың әсеріне бейімдерден жоғары бағаланады.

Қол құралдарын өндіруші фирма «Факом» осы әдісті 1956 жылдан бастап қолданады: 75 саудалық және техникалық қызметкері тұтас Франциядағы соңғы тұтынушыларды аралайды, өздерінің көрсету автомобилінде тауардың әрбір сериясының үлгілерін (6500 бұйымға 1000 дерек) ала жүреді. Мұндай тұсау кесулер (таныстырулар) каталогқа қосымша толықтыру болып саналады, ал каталог 35 данадан төрт жылда бір peт таратылады. Кейбір тұтынушылар каталогта келтірілген, бірақ оларға беймәлім (каталог 366 парақ) құралдар тауып жатады. Әрбір қызметкер өзінің жүк көлігімен орташа есеппен жылына 700 рет жолға шығады, әрбір сапарға клиенттің кім екендігіне байланысты кішігірім гараж иесі ме, әлде «Берлин» зауытының өкілі ме, бір сағаттан аптаға дейін уақыт кетеді. Аралау мерзімділігі жылына 1 рет, көп болғанда 2 peт, мұнымен қатар көрсетуші көлік көрмелер мен салондарда да фирма атынан танылады. Десек те, жақындасу қалыптастырудың осы әдісін бәсекелестер де игерген.

Жарнаманың жанама құралдары:

- экономикалық баспасөздер және жалпы мазмұнды баспасөздердің алуан түрлері;

- жалпы техникалық баспасөз;

- пошталық жарнама;

- жылдық арнайы анықтамалар;

- үлгілер.

А. Баспасөз көп себептерден жақсы жарнамалық құрал болып есептеледі

- ол таңдамалы сипатқа ие, яғни әрбір атау нақтылы оқырмандарға бағытталған;

- ол дәлелдермен танысуға мүмкіндік береді, өйткені хабарлар оқылады;

- техникалық салада барлық газет және журналдарды өте жиі сақтап отырады, сондықтан барлық құлақтандыру және хабарлар әр түрлі уақыт аралығында бірнеше рет оқылады;

- әрбір дананы пайдалану деңгейі жоғары, сондықтан жалпы мерзімді таратумен садыстырғанда, құлақтандыруға назар аударатын адамдар саны көп .

... жалғасы

Сіз бұл жұмысты біздің қосымшамыз арқылы толығымен тегін көре аласыз.