Бұрғылау қондырғысының коммуналдық жүйелері


Жұмыс түрі:  Материал
Тегін:  Антиплагиат
Көлемі: 132 бет
Таңдаулыға:   

АНДАТПА

Берілген дипломдық жобада Қашаған кен орнындағы жасанды аралда мұнай мен газды болашақта игерудің фонтандық тәсілді газлифтілі тәсілге көшіріп жабдықтарын таңдау мәселелері қарастырылады.

Дипломдық жоба мынадай 6 бөлімнен тұрады:

Жобаның геологиялық бөлімінде кен орынның стратиграфиясы, тектоникасы, мұнайлылығы туралы баяндалады.

Техникалық бөлімінде жасанды арал үрдісі нақты айтылып жазылған.

Технологиялық бөлімінде мұнай мен газды газлифтілі тәсілмен игеру үшін газлифт жабдықтарын таңдау есебі шығарылған.

Экономикалық бөлімде инвеститциялық жобаның табыстылығы есептелген.

Еңбекті қорғау бөлімінде апаттық жағдайларда қызметкерлерді қорғау туралы егжей-тегжейлі айтылған.

Қоршаған ортаны қорғау бөлімінде Каспий теңізінің Қазақстанға тиісті секторындағы жұмыс аймағында су және ауа бассейнін қорғау туралы шаралар келтірілген.

АННОТАЦИЯ

В данном дипломном проекте рассматриваются перевод с фонтанного способа эксплуатации на газлифтный и подбор оборудование на насыпном острове месторождении Кашаган.

Данный дипломный проект состоит из 6 разделов:

В геологической части проекта изложены, стратиграфия, тектоника, нефтегазоность месторождения.

В технической части подробно описаны процессы строительства насыпного острова.

В технологической части приведен расчет подбора газлифтной установки при газлифтном эксплуатации нефти и газа.

В экономической части рассчитан анализ доходности инвестиционного проекта.

В разделе охраны труда подробно указывается о защите персонала в аварийной ситуацию.

Раздел «охрана окружающей среды» содержат мероприятия по охране водного и воздушного бассейна в районе работ Казахстанского сектора Каспийского моря.

МАЗМҰНЫ

КIРIСПЕ4

1. Геологиялық бӨлім6

1. 1 Жалпы мағлұматтар6

1. 2 Геологиялық зерттелгендігі туралы мағлұматтар. 10

1. 2. 1 Орындалған жұмыстар көлемі және олардың нәтижелері. 10

1. 3 Кен орын тектоникасы. 13

1. 4 Геологиялық құрылымы. 14

1. 5 Мұнайгаздылығы17

1. 6 Флюидтердің физико-химиялық қасиеттері. 19

1. 6. 1 Қабат мұнайының қасиеті. 19

1. 6. 2 Мұнай мен газдың компоненттік құрамы. 21

1. 6. 3 Газсыздандырылған мұнайдың физико-химиялық қасиеті. 23

2 ТЕХНИКАЛЫҚ БӨЛІМ25

2. 1 «Сұңқар» бұрғылау қондырғысының сипаттамасы25

2. 1. 1 Бұрғылау қондырғысының ерекше тарихы25

2. 1. 2 Баржаның топталуы26

2. 1. 3 Каспий теңізінің солтүстік аймағы үшін баржаны жаңғырту26

2. 1. 4 Жобалау белгілері27

2. 1. 5 Баржаның тұрақтылығы28

2. 1. 6 Бұрғылау қондырғысының жалпы сипаттамасы28

2. 1. 7 Баржа жабдықтары және операциялары31

2. 1. 8 Бұрғылау қондырғысының жабдықтары және жүйелері35

2. 1. 9 Бұрғылау қондырғысының коммуналдық жүйелері. 41

2. 2. Суасты бермдері және жасанды аралдар49

2. 2. 1 Бағалау бермалары және аралдар49

2. 2. 2 Жалпы негіздер және талаптар50

2. 2. 3 Бермаларға қойылатын функционалдық талаптар53

2. 2. 4 Кен орынды бағалау жұмыстарын жүргізуге арналған аралдарға қойылатын функционалдық талаптар54

2. 2. 5 Аралдармен бермаларды жобалау критерийлері56

2. 2. 6 Берма үшін жүктеме жағдайы58

2. 2. 7 Берма құрамы59

2. 2. 7. 1 Жиналған блоктардан жасалған конструкция59

2. 2. 8 Бермада “Сұңқар” тұрақтылығы60

2. 2. 9 Мониторинг және бермаға қызмет көрсету62

3 технологиялық бӨлім63

3. 1 Газлифт әдісіне теориялық кіріспе63

3. 1. 1 Газлифтілі тәсілмен игерудің принциптері66

3. 1. 2 Газлифт клапандары68

3. 2 Газлифт тәсілінің жұмыс істеу үрдісі68

3. 2. 1 Сұйықтықты бөлу үшін газлифт тәсілінің сипаттамасы70

3. 3 Ұңғыларды газлифттілі тәсілмен пайдалануға аудару73

3. 4 Қашаған кен орнында газлифттілі әдісін пайдалану75

3. 5 Үздіксіз газлифтілі қондырғының есебі77

4. Экономикалық бӨлім80

4. 1. Жиынтық табыс81

4. 2 Жер қойнауын пайдаланушыларға салынатын салық82

4. 3 Салық салынатын табыс84

4. 4 Салық төленгеннен кейін қалған табыс84

4. 5 Дивидендтерге салынатын салық85

4. 6 Таза табыс85

4. 7 Үстеме табысқа салық85

4. 8 Пайданың ішкі нормасы86

4. 9 Үстеме пайдаға салынатын салық88

4. 10 Үстеме пайдаға салынатын салық сомасы89

4. 11 Кәсіпорынның таза қалдық пайдасын анықтау90

4. 12 Жылдық өндіру көлемі90

4. 13 Өнім бірлігінің өзіндік құны90

4. 14 Өнім бірлігіне келетін пайда91

4. 15 Таза табысты есепке алғандағы пайда92

4. 16 Пайдалылық92

4. 17 Инвестицияның өтелу мерзімі93

4. 18 Күрделі қаржылардың экономикалық тиімділігі94

4. 19 Өнім өндірудің қию нүктесі94

4. 20 Шартты - тұрақты шығындар94

4. 21 Шартты-өзгермелі шығындар94

4. 22 Залалсыздық нүктесін алгебралық жолмен есептеу тәсілі95

5. Еңбекті қорғау95

5. 1 Газлифттілік ұңғыларды пайдаланудағы қауіпті және зиянды өндірістік факторларды талдау және жалпы мағұлматтар95

5. 2. Еңбекті қорғау және техника қауіпсіздігі бойынша шешімдер97

5. 2. 1 Газлифтілік ұңғылардың қауіпсіздіктің жалпы шаралары100

5. 2. 2 Қауіпсіздік техникасы102

5. 3. Апаттық байланыс108

5. 3. 1 Навигациялық құралдар және белгі беру оттары108

6 ҚОРШАҒАН ОРТАНЫ ҚОРҒАУ113

6. 1 Атмосфераны, гидросфераны және литосфераны (топырақ, жер қойнауы) ластайтын көздер ретінде технологиялық үрдістерді талдау113

6. 1. 1. Атмосфераны ластау көздері114

6. 1. 2. Гидросфераны ластау көздері115

6. 1. 3. Литосфераны ластау көздері119

6. 1. 4. Апаттар119

6. 2 Ұйымдастырушылық шаралар120

6. 3. Биосфера компоненттерін қорғау бойынша инженерлік-техникалық шаралар120

6. 3. 1 Атмосфералық ауаны қорғау121

6. 3. 2 Литосфераны (топырақты, жер қойнауын) қорғау121

6. 3. 3 Гидросфераны қорғау122

6. 3. 4 Жануарлар әлемін қорғау122

6. 3. 5 Теңізге мұнай көмірсутектері төгілуінің алдын алу123

6. 3. 6 Қалдықтарды басқару жоспары124

ҚОРЫТЫНДЫ129

ПАЙДАЛАНЫЛҒАН ӘДЕБИЕТТЕР132

КIРIСПЕ

Қазақстан Республикасының мұнай өнеркәсiбi елiмiз экономикасында басты орындардың бiрiн алады. Мұнай өндiрудiң жоғарылауы ауыр және жеңiл өнеркәсiптердiң, ауыл шаруашылығы, транспорттың дамуын жеңiлдетедi.

Қазақстан Республикасында мұнай-газ және газоконденсат кен орындары батыс Қазақстанда орналасқан. Күннен-күнге солардың өнiмдiлiгiн жоғарылатып, оларға жаңа техникамен технология әдiстерiн қолдану керек. Белгiлi ашылған мұнай кен орындары көбiне Каспий маңы ойпатында орналасқан.

Жаңа кен орындарын игерумен бiрге басқа өңделiп жатқан кен орындардан мұнай өндiрудi жалғастыра беру керек. Осыған өңделiп жатқан Қашаған кен орны жатады. Осыған байланысты өңдеу процессiн дәлдендiру мен уақытылы таңдау таласты сұрақ тудырады.

Өзінің ғасырлық даму кезеңінде Қазақстан Республикасы мұнайымен зерттелген қорының көлемі бойынша отызыншы орынды, газ және конденсаттанан бесінші, мұнай өндіру деңгейі бойынша дүние жүзінде жиырма сегізінші орынды алатын дүние жүзінің ірі мұнай өндіретін елінің біріне айналды. Қазақстан ТМД елдері ішінде зерттелген мұнай қоры және мұнай өндіру деңгейі бойынша берік екінші орынға, ал конденсатпен газ қоры бойынша төртінші орынға ие.

Қазақстан Республикасы қорлардың ірі шикізат базасына ие ғана емес сонымен қатар айтарлықтай көп болжанған ресурстарға да ие.

Республиканың болжанған мұнайының алынатын қоры құрлықта 7, 8 млрд. тоннаға бағаланады, мұнда олардың 2/3 Батыс Қазақстанда шоғырланған. Республиканың болжанған газ қоры 7, 1 трлн. метр кубке бағаланады.

Мұнай мен газдың үлкен перспективасын Каспий теңізінің Қазақстанға тиісті секторы қойнауымен байланыстыруда. Каспий теңізінің солтүстік-шығыс секторында Шығыс Қашаған құрылымында барлама ұңғымалар бұрғылау нәтижесінде мұнай мен газдың өндір-стік қоры анықталған.

Қашаған кен орны 2000 жылы ашылған, ол Каспий теңізінің солтүстік-шығыс бөлігінің шельфтік зонасында орналасқан.

Қашаған кен орны Қазақстанда мұнай өндіру тәжірибесінде, Каспий шельфінде игеріле бастаған алғашқы кен орын болып табылады. Өнімді қабаттары 4500 метрде орналасқан, көмірсутектер қоры бағдар бойынша 7млрд. тонна мұнайды құрайды, қабат флюидінде қышқылды компоненттердің (күкіртсутек, көмірқышқыл газы) мөлшері айтарлықтай. Осы берілген факторлар жабдықтарды және әртүрлі кәсіпшілік арналудағы құбырларды дайындайтын материалдарға қойылатын жоғары талаптарды, ұңғыма сағасын жабдықтау және жабдықтардың барлық жүйесінің саңылаусыздығының қамтамасыз етілуін бақылау және реттеудің сенімді жүйесін қолдануды анықтайды.

Солтүстік Каспийдің Қашаған кен орнын игеру мен пайдалануда қиындықтар туғызатын белгілі бір ерекшеліктері бар, ол теңіз деңгейінің өзгеруімен, теңіз дауылдарымен, қысқы мерзімде мұздық жабынының болуымен, сондай-ақ халықаралық маңызы бар био ресурстарға ие жоғарғы экологиялық сезімталдығымен ерекшеленетін тайыз сулы аймағында орналасқан.

Жасанды аралдарды - бермдерді қолданумен жұмысын жүргізетін Қашаған кен орынындағы «Сұңқар» баржасы осы талаптарға сай мұнаймен газды фонтандық тәсілмен игеруде. Болашақта уақыт өте келе игерудің фонтандық тәсілі тоқтап газлифтілі тәсілге көшеді. Осыған сай газлифтілі тәсілдің технологиялық жабдығын дұрыс таңдау кен орынынның экономикасына жақсы әсер етеді Газлифтілі. технологияны енгізу қоршаған ортаны қорғауды қамтамасыз ететін талаптарға сай болуы керек. Ұсынып отырған дипломдық жоба осы мәселелерді шешуге арналған.

1. Геологиялық бӨлім

1. 1 Жалпы мағлұматтар

Қашаған кен орыны Каспий теңізінің солтүстік-шығыс бөлігінің шельфтік аймағында орналасқан, ол әкімшілік жағынан Атырау облысына қарайды. Кен орынның солтүстік-шығыс шекарасы Аты-рау қаласынан 75км қашықтықта орналасқан. Аджип ККО іс-әрекеті аймағына Қашаған кен орны орналасқан акватория бөлігі ғана емес, сондай-ақ Атырау, Маңғыстау облыстарының теңіз жағалаулары да кіреді. Осы аймақтың әкімшілік орталықтары Атырау және Ақтау қалалары болып табылады. Осы аймақтардың теңіз жағалауларына адамдардың қоныстануы біркелкі емес, жағалаудың өзін мезгіл-мезгіл су басуымен байланыстың жоқтығынан аз қонысталған, бірақ жағалаудың адамдар қоныстанған аймағында халықтың тығыздығы (квадрат километрге 6 адамнан) обылыс бойынша қоныстануға (квадрат километрге 3-3, 9 адамнан) қарағанда жоғары.

Балық шаруашылығы дамыған Урал дельтасы ауданында ауыл халқының қоныстану тығыздығы тырмалы жоғары. Сондай-ақ мұнай-газ өндіру региондарындада халықтың қоныстану тығыздығы анағұрлым жоғары.

Өндірістік іс-әрекеттің барысында жер қойнауын пайдаланушыға қиыншылық тудыратын Солтүстік Каспийдің белгілі бір ерекшеліктері бар. Негізгі ерекшеліктері мынадай:

тайыз сулы (0-10м) ;

түсінілуі қиын теңіз деңгейінің ұзақ уақыт өзгеруі;

қыс мезгілінде мұз жабынының қалыптасуы, теңіз конструкциясының айналасында мұздардың қозғалысы;

температураның мезгіл аралық өзгергіштігінің жоғарылығы;

биологиялық өнімділігі жоғары аймақтардың, әсіресе Орал және Жайық дельтасында, солтүстік жағалаудағы су өсімдіктерінде және кең байтақ жағалаулық тайыз суларда болуы;

бағалы қызыл балық түрлерін қоса, әр түрлі балық түрлері жүретін, көбейетін және қоныс аударатын басты аймақтардың болуы;

ұя салу мерзімінде, көктемгі-жазғы мерзімде немесе осы аудан бойынша көктемде және күзде қоныс аударғанда жағалау аймақтарын пайдаланатын халықаралық маңызы зор су құстарының көп санының болуы;

берілген аймақта күзден көктемге дейін тіршілік ететін және қыста мұз

үстінде көбейетін Каспий итбалықтарының популяциясының үлкен бөлігінің болуы;

Солтүстік Каспий жоғарғы экологиялық сезімтал аймақ болып табылады. Мұнда жағалаулық аймақта тіршілік ететін халықаралық маңызы бар құстарды, балықтарды және қысқы мерзімде Каспий итбалықтарының жоғарғы популяциясын қосқанда маңызды биоресурстар бар. 1974 жылы ҚазақССР министрлер кабинеті Каспий теңізінің солтүстік аймағын табиғаты қорғалатын аймақ деп белгіледі, бірақ бұл 1991 жылы зерттеуге мүмкүндік беретін жарлықпен өзгертілді.

Екі айқын көрінетін жыл мерзімі бар. Жазғы мерзім (мамыр-қазан) жоғарғы температурамен сипатталады, қысқы (қараша-сәуір) мерзім төмен температурамен және жағалауға жақын тұтас мұз жабынымен, Шығыс Қашағанда тұтас мұз жабынының үздік-үздік болуымен, сондай-ақ мұздар қозғалысымен сипатталады. Объектіде орташа күндізгі температура амплитудасы +30, -30 о С аралығында. Экстремалды тұрақсыз температура диапазоны +40, -40 о С аралығында. Көктемде теңіз температурасының ең төменгі мәні орташа алғанда наурызда -0, 8 о С, ал ең жоғарғы мәні орташа алғанда 24, 7 о С, бұл қыркүйекте байқалады. Теңіз бетінің салқындауы тамыздың аяғында, қыркүйектің басында басталады. Қысқы мұз жабыны әдетте қарашадан наурызға дейін сақталады.

Желдің орташа жылдық жылдамдығы 5-6м/с. Қаңтардан сәуірге дейін желдің ең жоғарғы жылдамдығы байқалады. Тарихи мәліметтер бойынша жел жылдамдығы 15м/с -тан асып кететін жылына орташа алғанда 30-40 күн бар. Әдеби мәліметтерге сәйкесті ең күшті борандарда солтүстік жел жылдамдығы 40м/с.

Каспийдің солтүстік-шығысының бұлттылығы да айқын көрінетін мерзімдік өзгергіштігі бар:

орташа алғанда қыста жағалаудағы бұлттылық ашық теңіз үстіндегі бұлттылықтан төмен;

көктемде теңіз үстіндегі бұлттылықтың орташа балы жағалау үстіндегіден төмен;

жазда жағалау үстіндегі бұлттылықтың орташа балы теңіз үстіндегіден төмен;

Солтүстік Каспийдің шығыс жағалауы Каспий теңізінің басқа регионына қарағанда құрғақ, себебі регионда жауын-шашынның көп түсуін қамтамасыз ететін, Атлант мұхитының ылғалды ауа массасы әлсіз келеді. Соңғы 50 жылда жауын-шашынның орташа жылдық түсу нормасы 210 мм құрады. Жауын-шашынның түсу ұзақтығы қысқы айларда жауын-шашынның жалпы саны минималды болғанда жоғары, ал қардың жаууы, мысалы боран болғанда максимумға жетеді. Жазда жаңбырлар қысқа мерзімді, бірақ күшті. Теңіздің солтүстік-шығысында судың салқын бетіне континенттен анағұрлым жылы ауа ағысының келуі себебінен наурызбен сәуірде тұман түсуі анағұрлым жиі болады. Тұмандардың болуының орташа ұзақтығы 7-8 сатыны құрайды.

Іс әрекет ету аймағы теңіз түбі жазық және иілген баурайлардан тұрады. Солтүстік-шығыс Каспийдің балық жерінде су тереңдігі тайыз және тұрақсыз. Солтүстік-шығыс Каспийдің 80%-ң тереңдігі 5 метрге жетпейді. Батыс Қашаған учаскісінде тереңдік 7-8 метрді, ал шығыс Қашаған учаскесінде 3, 6-4, 8 метрді құрайды. Теңіздің орташа деңгейінің айтарлықтай ұзақ уақыт тербелісі байқалады. Каспий теңізінің деңгеиі 1975 жылдан 1977 жылға дейін 3 метрге түскен, бірақ 1977-1994 жылдар аралығында 2, 4 метрге көтерілген. Орташа жылдық деңгейі 1995-1996 жылдары 0, 2 метрге қысқарған, бірақ 1997-1999 жылдары аралығында тұрақты болып қалған.

Сондай-ақ судың орташа мерзімдік деңгейі де өзгереді. Жазда орташа алғанда су деңгейі теңіздің орта жылдық деңгейінен 0, 2 метрге жоғары, қыста 0, 1 метрге төмен және су мұз жамылып жатады. Астрономиялық судың көтерілуі тәжірибеде болмайды. Желдің әсерінен әдетте 0, 5тәуліктен бірнеше тәулікке дейін болатын су деңгейінің өзгеруі орын алады. Шығыс Қашағанда 0, 3-0, 4 метр шегінде болатын судың түсуімен көтерілуі жылына бірнеше рет болады. Толқын биіктігі жел аумағынан, су тереңдігінен, теңіз деңгейінің рельефінен тікелей тәуелді болады. Шығыс Қашағанда ең үлкен толқын биіктігі 1-2 метрге дейін бағаланады, ал Батыс Қашағанда су тереңдігінің артуымен толқынның ең үлкен биіктігі 2 метрден 3 метрге жетеді.

Қысқы мерзімде, желтоқсаннан наурызға дейін Каспий теңізінің солтүстік бөлігі мұз жамылып жатады. Қозғалатын мұздардың бөліктерінің қалыңдығы жолда кездесетін кедергілерге түсіретін ең үлкен жүктемені анықтайды. Мұз қалыңдығы (әсіресе қыста) 0, 5 метрге жетуі мүмкүн және мұз қабаттары жел әсерінен болатын қозғалыстан қалыңдығы үлкен мұздардың қалыптасуы мүмкін. Мұз жабынының болуы толқын көтерілуін болдырмайды. Бірақ жылылау қыс мерзімінде мұзды теңіз дауылдары болуы мүмкін. Осындай дауылдар жағалау литологиясын бұзатын әсер тигізуі мүмкін.

Каспий теңізінің солтүстігінде, Қазақстан Республикасында Атырау, Ақтау, Баутино қалаларында порттар бар. Әрбір порттың ерекшеліктеріне байланысты Баутино портының көп артықшылығы бар:

жылдың он екі айында мұз болмайды, салыстырмалы түрде жұмыс учаскесіне жақын жерде орналасқан, табиғи гаваньмен жақсы қорғалған;

тереңдігі жабдықтаушы кемелердің және қосымша теңіз транспортының жүріп өтуіне жеткілікті;

- қысқы мерзімнен басқа уақытта Еуропа елдерінен, Жайықтан келетін кемелер үшін тікелей байланыс бар;

жұмыс күшінің тепе-тең нарқы бар;

Ақтаудан құрлық бойынша қосымша қамтамасыз ету мүмкіндігі, сондай-ақ қысқы уақытта Жайыққа кемелердің шектеулі өтуін қоспағанда, жылдың он екі айында теңізден қамтамасыз етілу мүмкіндігі;

Ақтауға жақын ақырғы темір жол бекетіне 100 км қашықтықта орналасқан;

жергілікті сумен қамтамасыз ету жеткілікті;

тікелей жақын жерде теңіз қамтамасыз ету базасы бар және оны кеңейтуге жер жеткілікті;

бұрғылау шламдары үшін қалдықтарды пайдаға асыруға арналған учаскелерді игеруге ыңғайлы жанында аймақтар бар;

Солтүстіл-батыс Қазақстанда, Ақтау, Атырау, Орал, Ақтөбе қалаларында әуежайлар бар. Халықаралық байланыс Ақтау және Атырау әуежайларынан ТУ-134, ТУ-154, АН-24 және Боинг-737 ұшақтарымен жүзеге асырылады. Көптеген халық қоныстанған жерлерде тікұшақ қонатын алаңдар бар. Регионда адамдар мен жүкті тасымалдаудың негізгі көлемі темір жол транспортының үлесіне тиеді. Сондай-ақ Атырау мен Ақтау қалаларын, Баутино және Ақтау порттарын қаламен байланыстыратын авто көлік жолдары бар. Бірақ жолдардың сапасының төмендігінен авто көлік мүмкіндіктері шектелген. Атыраудан Баутиноға дейінгі жол қазіргі уақытта өте төмен жағдайда, ал Ақтаумен Баутино арасындағы жол қанағаттанарлық жағдайда. Шығыстан тасымалдау (Алматыдан) қашықтықтың ұзақтығынан, жолдардың жағдайының төмендігінен тиімсіз. Мұнайды, газды, өңделген өнімдерді және суды тасымалдауға арналған құбырлар жүйесі регионда ең дамыған болып табылады. Құбыр желілері Батыс Қазақстан мұнай кәсіпшіліктерін Ресеймен байланыстырады және көмірсутектерді шет елдерге шығаруға қолданылады. Сондай-ақ мемлекет ішінде мұнайды тасымалдауға арналған ішкі регионалдық құбыр жүйелері бар. Қосымша құбыр желісі жүйелерінің құрылысы жоспарлануда.

Маңғыстау облысының солтүстігінде, Баутинода порттан басқа теңіз жабдықтау базасы бар. Қазіргі уақытта теңіз жабдықтау базасында келесі құрылымдар бар:

бөлінген, жылумен қамтамасыз етілген қоймалық бөлмелер;

құбырларға арналған стеллаждар;

ашық аспан астындағы қоймалар;

сұйық және құрғақ бұрғылау ерітінділеріне арналған механикаландырылған қоймалар;

- бұрғылау шламдарын өңдеуге арналған ;

29 бөлмесі, асханасы, кір жуатын бөлмесі бар 34 адамға арналған лагерь;

телекоммуникация жабдықтары және жарықтандыру мұнаралары;

өртке арналған сулар сыйымдылықтары;

10 кеңсе, аурухана және 6 кеңсе;

қоршаулар, қақпадар, дабыл жүйелері;

база аймағының шегінен тыс, солтүстігінде тік ұшақ алаңы;

- Ақтау-Атырау пойыз жолдары;

Бұдан басқа теңіз базасы ауданында бұрғылау қалдықтарын өңдейтін қондырғы бар. Регионда, Аташ ауылы маңында бермдермен жасанды аралдар құрылысына жарамды әктастарды өндіруге арналған карьерлер бар.

1. 2 Геологиялық зерттелгендігі туралы мағлұматтар.

1. 2. 1 Орындалған жұмыстар көлемі және олардың нәтижелері.

Каспий теңізінің Қазақстанға тиісті шельфі геологиялық тұрғыдан анағұрлым нашар зерттелген аймақ. Шельфтің Қазақстанға тиісті бөлігін геолого-геофизикалық зерттеу 50 - жылдары басталған, ол 1980 жылы екпінді қайтадан қалпына келтірілген және қазіргі уақытқа дейін жалғасуда. Қазіргі уақытқа дейін шельфтің Қазақстанға тиісті бөлігі аэромагниттік және гравимагниттік суретке түсірумен, сондай-ақ МОГГ сейсмобарлаумен зерттелген. Негізгі геолого-геофизикалық жұмыстардың тізімі және қысқаша нәтижелер кесте (1. 2. 1 кесте) түрінде келтірілген. Барлық орындалған жұмыс түрлері туралы нақты мәліметтер (4) - жұмыста келтірілген.

Кесте 1. 2. 1 Геолого-геофизикалық жұмыстардың қысқаша нәтижелері.

Жұмыстарды жүгізген ұйымдар атауы, жыл
Жұмыстар түрі және масштабы
Зеттеулердің негізгі нәтижелері.
: 1
Жұмыстарды жүгізген ұйымдар атауы, жыл: ВНИИ геофизика, 1950-1952 жылдары
Жұмыстар түрі және масштабы: Аэромагниттік суретке түсіру, М1:1
Зеттеулердің негізгі нәтижелері.: Әрбір 100мэрстед сайын изокүш қимасы бар, М1:1 магниттік карта тұрғызылған.
: 2
Жұмыстарды жүгізген ұйымдар атауы, жыл:

«Казнефтегазгеофиз

разведка» 1954 жыл

Жұмыстар түрі және масштабы: Гравиметрикақ суретке түсіру, М1:5
Зеттеулердің негізгі нәтижелері.: Әрбір 10мгал сайын изоаномал қимасы бар, М1:5 гравиметрикалық карта тұрғызылған.
: 3
Жұмыстарды жүгізген ұйымдар атауы, жыл: ВНИИ геофизика, 1962-1967 жылдары.
Жұмыстар түрі және масштабы: Гидромагниттік зерттеулер, М1:5
Зеттеулердің негізгі нәтижелері.: 10х10км торап бойынша гидромагниттік зерттеулер жүргізілген.
: 4
Жұмыстарды жүгізген ұйымдар атауы, жыл: «Спецгеофизика» 1970 жыл.
Жұмыстар түрі және масштабы: Аэромагниттік суретке түсіру, М1:1
Зеттеулердің негізгі нәтижелері.: Каспий маңы ойпатының шекарасы зерттелген, тереңде орналасқан құрылымдар туралы мәліметтер алынған.
: 5
Жұмыстарды жүгізген ұйымдар атауы, жыл: «Южморнефтегаз геофизика», «ГП Шельф» (Геленжик), 1975-1993 жылдар.
Жұмыстар түрі және масштабы: МОГГаймақтық және нақты жұмыстар.
Зеттеулердің негізгі нәтижелері.: Қабат горизонттары бойынша құрылымдық карта тұрғызылған, Қашаған, Мұрынжыра, Адай ірі қабат құрылымдары анықталған.
: 6
Жұмыстарды жүгізген ұйымдар атауы, жыл: Трест «Эмбанефтьгеофиз», 1988 жыл
Жұмыстар түрі және масштабы: МОП «3 аймақтық профиль»
Зеттеулердің негізгі нәтижелері.: Қайраңның қабат құрылымы анықталған.
: 7
Жұмыстарды жүгізген ұйымдар атауы, жыл:

«Казахстанкаспий

шельф» 1994-1996 жылдар.

Жұмыстар түрі және масштабы:

МОГГ М1:2, М1:1,

М1:5.

Зеттеулердің негізгі нәтижелері.: Каспий теңізінің Қазақстанға тиісті бөлігінің регионалдық геологиялық үлгісі жасалған, 1:25, 1:5 масштабта қабаттардың құрылымдық картасы жасалған, Қашаған, Ақтоты, Қаламқас құрылымдары анықталған.

Қашаған құрылымы алғаш рет сейсмобарлау мәліметтері бойынша анықталған болғандықтан төменде тек осы жұмыстардың сипаттамасы келтіріледі. Каспий теңізінің солтүстік акваториясын сейсмобарлаумен зерттеу «Южморнефтегеофизика» трестінің (Ресей) «Шельф» мемлекеттік кәсіпорнымен, 1975-1993 жылдар аралығында жүргізілген және жұмыс көлемі 8000 км құраған.

Жұмыстар нәтижесінде 40-қа жуық тұз күмбезді құрылымдар нұсқаланған, 4 тұз асты палеозой дөңестері анықталған, олардың анағұрлым ірісі Қашаған, Мұрынжыра, Адай дөңестері. Қашаған дөңесі 6 күмбезбен күрделенген ендік бағытта пішіні күрделі.

... жалғасы

Сіз бұл жұмысты біздің қосымшамыз арқылы толығымен тегін көре аласыз.
Ұқсас жұмыстар
Бұрғылау ұңғымаларының классификациясы
«Газ ұңғымаларының жұмыстары»
Қазіргі заманғы шөгінділер
Жылуөнімділігі 400 гдж жылжымалы бугенераторының конструкциясын жетілдіру
Бұрғылау кемелері туралы
Азаматтық құрылыстағы бұрғылау қондырғылары, жабдықтары
Мобильді бұрғылау қондырғылары
«Маңғыстаумұнайгаз» өндіру бірлестігі
Бұрғылау құбырларын төзімділікке есептеу
Бұрғы қондырғысының негізгі жабдықтары
Пәндер



Реферат Курстық жұмыс Диплом Материал Диссертация Практика Презентация Сабақ жоспары Мақал-мәтелдер 1‑10 бет 11‑20 бет 21‑30 бет 31‑60 бет 61+ бет Негізгі Бет саны Қосымша Іздеу Ештеңе табылмады :( Соңғы қаралған жұмыстар Қаралған жұмыстар табылмады Тапсырыс Антиплагиат Қаралған жұмыстар kz