Бұрғылау құбырларын аралық бұрғылауға қолдану

Жұмыс түрі: Дипломдық жұмыс
Тегін: Антиплагиат
Көлемі: 102 бет
Таңдаулыға:

АННОТАЦИЯ

Ключевые слова: Скважина, геологический профиль,

конструкция скважины, буровой

раствор, долото, бурильная колонна,

обсадные трубы, пластовое давление,

заканчивание скважин, освоение и

испытание, горные породы.

Настоящий проект предусматривает физические процессы проводки и эксплуатации скважины глубиной 4700 м на месторождении Лоқтыбай.

В его недрах встречаются нефть и газ с разными физико-химическими свойствами. В проекте выбраны способ бурения, оптимальные типы долот, а также вид и параметры промывочной жидкости с учетом особенности геологических условий месторождения.

В проекте также рассматриваются резервы повышения технико-экономических показателей строительства скважин, меропрития по улучшению условий труда и охраны окружающей среды.

АҢДАТПА

Өзекті сөздер: Ұңғыма, геологиялық қима,

ұңғыма құрылымы, бұрғылау сұйығы,

қашау, бұрғылау тізбегі, шегендеу

құбырлар, қабаттық қысым, ұңғыманы

аяқтау, игеру және сынау, тау

жыныстары.

Жобада Лоқтыбай кен орнында тереңдігі 4700 м пайдалану ұңғымасын бұрғылау кезіндегі физикалық процесстер қарастырылады.

Оның қойнауында қасиеттері жағынан әртүрлі мұнай және газ кездеседі. Жобада, бұрғылау тәсілі, қашаудың оптимальдық түрі мен бұрғылау тәртібі, сондай-ақ бұрғылау ерітіндісі параметрлері мен түрі кен орнының ерекше геологиялық жағдайына сай таңдалынып алынған.

Жобада сондай-ақ ұңғыма құрылысының техникалық-экономикалық көрсеткіштерін көтеру, еңбек жағдайын жақсарту жолдары және қоршаған ортаны қорғау шаралары қарастырылады.

Кіріспе

Лоқтыбай кен орны Ақтөбе облысында орналасқан. Климаты қатаң болғандықтан зерттеу бұрғылау жұмыстарын жүргізу қиынға соғады.

Қазіргі кезде бұл жерлерде «СНПС-Ақтөбемұнайгаз» ААҚ құрамындағы «Ұлы қабырға» Қазақстан-Қытайлық бұрғылау компаниясы (ҚҚБК) жауапкершілігі шектеулі серіктестігі (ЖШС) жұмыс жүргізуде.

Бұл жобада ұңғыманы бұрғылау-зерттеу жұмыстарын тиімді жүргізу мәселелері қарастырылған.

ГЕОЛОГИЯЛЫҚ БӨЛІМ

1. 1 Географиялық және экономикалық жағдайлар

Лоқтыбай алаңы әкімшілік жағынан Ақтөбе облысының Байғанин ауданының территориясында жатыр. Жақын елді мекендер болып Жарқамыс, Кемерші және Қожасай поселкелері табылады. Ең жақын темір жол станциясы болып табылатын Қарауылкелді станциясы жұмыстар жүргізілетін алаңнан 100-140 км қашықтықта орналасқан. Алаң орографиялық жағынан алып қарағанда Көкжиде құмды массивінен оңтүстікке қарай, Орал үстіртінде орналасқан және шөлді және шөлейтті жазық болып саналады. Жер бетінің теңіз деңгейіне қатысты максимал және минимал белгілері сәйкесінше +275 және + 123 м . Жұмыстар жүретін алаңнан батыс бағытта 14-18 км қашықтықта Жем өзені ағып жатыр. Ол осы аудандағы бірден-бір тұрақты су көзі болып табылады. Тереңдігі 0. 5-2 м аралығында, ені 3-25 м. Өзен алқабы 1000 м дейін жетеді. Оңтүстік-шығыс беткейі тіп-тіке, биік, ал солтүстік-батыс беткейі жатық әрі аласа және көп бөлігі эол құмдарымен жабылған. Алаңнын оңтүстік-батысында Сарыкөл көлі орналасқан. Оңтүстік-батысында жұмыстар алаңы Ембі өзеніне құятын Шотырлысай өзенімен ұштасады. Жаз айларында Шотырлысай өзені кеуіп қалады. Терең ұңғымаларды техникалық сумен қамтамасыз ету үшін олардың әрқайсысының жанына альб сулы горизонтынан су алу үшін су ұңғымалары бұрғыланады. Ауыз су елді мекендерден әкелінеді. Ауданның климаты күрт континенталды. Маусымдық және тәуліктік температуралардың ауытқу шоталары жоғары. Жылдық орташа температура +4-тен +7 градус аралығында. Максимал температура (+42ºС) шілде айында, ал минимал температура (-40ºС) қаңтар айында байқалады. Жауын-шашын мөлшері көп емес. Қыс мезгілі қарашадан наурыз айына дейін созылады. Далалықтағы қар жабыны 50-100 мм аспайды. Көктем сәуір айында туады, ал мамырдың соңында тамыздың аяғына дейін созылатын ыстық, құрғақ жаз орнайды. Жер қабатының қату тереңдігі 1. 5 м. Отынмен жылыту кезеңі 197 тәулік.

1. 2 Ауданның геологиялық-геофизикалық зерттелу тарихы

Ауданның геологиялық құрылысының алғашқы мәліметтері 1940 жылы Жем, Темір, Атжақсы өзендерінің бойымен зерттеулер жүргізген Е. К. Ковалевский мен А. С. Гостросстың еңбектерінде жарық көрді. Зерттеулер әрі қарай да маршрутты жағдайда жүргізілді. Кең ауқымды және нәтижелі зерттеулер 1944 жылдан басталады. Сөйтіп 1944-1946 жылдары Г. И. Водорезовтың басқаруымен Каспий-Арал партиясы бойынша 1:1 масштабта геологиялық суретті түсіріп алды. Жүргізілген жұмыстың нәтижесі бойынша геологиялық карта жасалынды және де жергілікті жердің стратиграфиясы мен тектоникасының негізгі сұрақтарына жауап беретін түсіндірме жазбасы жазылды.

1949 жылы В. И. Самодуровпен Н. В. Иванова Лоқтыбай ауданы да кіретін 1:2 масштабпен геологиялық көшірме жүргізді. Авторлар ауданның геологиялық құрылымының тыңғылықты суреттемесін берді.

1952 жылы ауданның 1:2 масштабтағы гравиметрикалық көшірмесі алынды. (Л. Н. Гушконов) .

1952-1954 жылдары ауданда картирлік бұрғылауды қолданып 1:5 масштабта геологиялық көшірме алынды (А. С. Зингер) .

1976 жылдан бастап іздестіру жұмыстары «Қазмұнай газ геология» бірлестігіне қарасты «Ақтөбе мұнай газ барлау» (АИГРЭ) жүргізді.

1981 жылдан Лоқтыбай ауданындағы іздестіру және барлау жұмыстарын сол жылдың 1 қазанында құрылған «Ақтөбе мұнай газ геология» бірлестігінің құрамындағы «Ақтөбе мұнай газ барлау экспедициясы» жүргізді.

1981 жылдың аяғында Лоқтыбай кен орнында КСРО мұнай кәсіпшілігі Министрлігіне қарасты. Қайта құрылған «Ақтөбе мұнай» бірлестігі барлау ұңғыларын қаза бастады.

Лоқтыбай кен орнында бұрын атқарылған жұмыс түрлері жүргізілуде және де бұрғылаудың жаңа түріндегі ұңғыларды қазу қарастырылған.

Литологиялық-стратиграфиялық бөлім

0-460 м: төменгі бор шөгінділері: сұрғылт-жасыл түсті готерив шөгінділері (арасында құмтас қабатшалары бар саздар), арасында құм қабатшалары бар баррем шөгінділері, қою сұр және қара түсті апт және аллювиал альб шөгінділері (сұр түсті саздар, ақ квару құмдар, жоғарғы бөлікте өлшемі 1 м жететін сарғылт-қоңыр түсті тасберішті сұрғылт сары құмдар) .

460-600 м: ортаңғы юра шөгінділері: сұр және жасылтым сұр полимикті құмдар, қою сұр және сұрғылт қоңыр құмды саздар, қоңыр көмір қабатшалары және линзалар. Төменгі юра шөгінділері: ұсақ кварцты галька араласқан ашық сұр және сұрғылт ақ түсті, кварцтық далалық шпаттық құмдар, нашар алевролиттелінген, сұрғылт ақ түсті, тығыз саздар.

600-950 м: төменгі триас шөгінділері: континенталдық алабажақ құмдар мен аргиллит тәріздес саздар қабаттасқан. Қоңыр және қоңыр-қызыл, ашық жасыл, қоңырқай сұр түсті сазды полимикті құмдар, нашар әктелген және алевритті көкшіл-жасыл, қоңырқай-қызыл түсті тығыз саздар.

950-1280 м: жоғарғы пермь шөгінділері: Татар, Қазан, Уфа ярустарының құрамындағы континенталдық қызыл түсті құмды-сазды және кей жерінде тұзды-сульфатты шөгінділер.

Уфа шөгінділері аргиллит, құмтастар, ангидриттер, тас тұзынан тұрады.

Қазан шөгінділері тығыз құмтастармен алевролиттерден тұрады. Төменгі бөлігінде аргиллиттер және ангидриттер қабатшалары кездеседі.

Татар шөгінділері жабынында қызғылт түсті ангидрит қабатшалары кездесетін, нашар біріккен құмтастар және аргиллиттерден тұрады.

1280-3400 м: Кунгур ярусы шөгінділері: галогенді және төменгі сульфатты-терригенді қатқабаттан тұрады.

Тас тұзы ақ түсті және мөлдір, тұздың төменгі жағында монтмориллонитті иілімді саздар қабатшалары кездеседі. Ангидриттер сұрғылт-ақ және көкшіл-сұр түсті, тығыз, берік. Аргиллиттер қою сұр және қара түсті, қиыршық тасты, тақта тасты.

3400-3700 Ассель ярусы аргиллиттерден, алевролиттерден, құмтастардан тұрады. Аргиллиттер әкті, қою сұр түсті, тақтатасты, қатпарлы. Құмтастар полимикті, әкті, слюдалы, сұр және қою сұр түсті, жақсы жабысқан. Алевролиттердің құрамы да сондай.

3700-4350 Мәскеу, башқұрт, серпухов, жоғарғы визей ярустары құрамындағы орта және төменгі карбон шөгінділері.

Мәскеу ярусы-вирей және кашир горизонттары шөгінділері (аргиллит қабатшалары бар әктастар мен доломиттер) .

Башқұрт ярусы негізінен төменгі ярус астының карбонатты жыныстары-органогенді, нашар доломиттелген майда каверналы, жарықшақты, тығыз және берік, сұр және қоңырқай-сұр, ашық сұр түсті әктастардан, доломиттерден тұрады. Жыныстардың негізгі бөлігі органикалық қалдықтардан, ұсақ крситалды кальцит пен біріктірілген солиттерден құралған.

Серпухов ярусы кезекті және өткізбейтін әатастардың доломиттер қабақшалары мен араласуынан түзілген.

Жоғарғы визей шөгінділері (ока бірлескен горизонты) негізінен әктастардан және доломиттерден тұрады. әктастар доломиттелген, ашық сұр және қоңырқай сұр, кристалды, берік және кеуекті жарықшақты. Доломиттердің құрамы әктастармен бірдей.

4350-4700 төменгі және ортаңғы визей құрамындағы төменгі карбон шөгінділері.

Төменгі және ортаңғы визей ярустары конгломерат қабатшалары араласқан құмды-сазды шөгінділерден тұрады.

1. 4 Тектоника

Тектоникалық қатынаста Лоқтыбай кен орнының ауданы Каспий маңы ойпатының шығыс Қалқаны бөлігінде орналасқан.

Геологиялық дамудың бірден-бір жолы қуатты шөгінді жамылғының

(7-10км) түзілуі болып табылады. Бұл қалыңдықтың негізгі бөлігін кунгур ярусының гологендік шөгіндісінің табаны мен кембрийге дейінгі құрылым (іргетас) бетінің шөгінді қабатын қоса алғандағы тұздан төменгі кешені құрайды. Тұзасты шөгінділер беті шығыстан батысқа қарай Ащысай аймақтық жарығынан ойпаттың орталық бөлігіне моноклиналды батады . Тұзасты шөгінділерінің моноклиналды батуы фонында олардың құрылымдық жоспары тектоникалық сатылардың бар болуымен күрделенеді. Шығыстан батысқа қарай Жаңажол, Кеңқияқ, Жұпарқұдық, Көздісай сатылары байқалады. Сатылар құрылысы субмеридионалды жергілікті көтерілімдерден күрделенеді. Көтерілімнің әртүрлік литологиялық-стратиграфиялық кешендер бойынша тереңдік құрылысы жайында терең бұрғылау және сейсмобарлау мәліметтері бойынша талдау жасауға болады

Мұнай-газдылығы

Каспий маңы ойпатының шығыс бөлігіндегі тұз асты терригенді және Карбонатты шөгінділерде үш аймақтық мұнай-газ кешені анықталған: құмды-сазды артинжоғары гжельдік, карбонаттық гжель окалық, терригендік орта визейлік-жоғарғы девондық. Олар кеуекті, кеуекті-қуысты, кеуекті-жарықшақты типті терригенді және карбонатты коллекторларда жатады. Аталған мұнай-газ кешендері Каспий маңы ойпатының шығыс бөлігінің Кеңқияқ тектоникалық сатысының орталық бөлігінің тұзасты құрылымының Жотыкөлдік тобы алаңдарында да орын алады.

Артинск-ассель кешені кеңінен тараған және барлық ұңғымалармен аршылған. Артинск ярусы шөгінділері қимасында 3, сакмар ярусы шөгінділерінде 4, ассель шөгінділерінде 1 негізгі мұнай-газды горизонт анықталған.

Кеңқияқ, Құмасай, Көкжиде, Құрсай, Қаратөбе мұнай-газ кешендерінен дебиті 60-102 м/тәу мұнай ағыны алынған.

Кашир-ока мұнай-газды карбонатты кешені алаңның тек шығыс бөлігінде орын алады.

Жаңажол, Күнгур, Урихтау, Қожасай, Қуантай, Жаңатаң-II алаңдарындағы осы кешеннің қимасында әрқайсысы 8-9 мұнай-газ қабатынан тұратын литологиялық-стратиграфиялық мұнай-газды горизонт бар екені анықталған. Бұл өнімді қабаттарда кеуекті, кеуекті-қуысты, кеуекті-жарықшақты коллекторлар дамыған.

Орта визейлік-жоғарғы девондық мұнай-газды кешені 1-Теріскен, 1-Шығыс Төрткөл, 3- Төрткөл, 2-ШығысТеріскен, 1-Қуантай, 1-Жаңатаң, 3- Қожасай ұңғымаларында жақсы зерттелген. Оның қимасында коллекторлары түйіршік типті 10 шақты құмтастар мен конгломераттар қабаты анықталған. Мұнай-газдылық жағынан алып қарағанда бұл кешеннің шөгінділері нашар зерттелген. Керн бойынша мұнай белгілері Жылан сай, Қожасай, Қорған, Жаңатаң, Шығыс Төрткөл, Торғай, Биіктал алаңдарында байқалған.

Саз қабаттарының өнімділік мүмкіндігінің жоғарылығы, көптеген коллектор-жыныс қабаттарының, сенімді жамылғылардың және қолайлы құрылымдық жағдайлардың бар болуы оцпаттың шығыс бөлігіндегі орта визейлік-жоғарғы девондық шөгінділерде ірі көмірсутек шоғырларының бар екенін көрсетеді.

1. 6 Сулылығы

Тұзасты құрылымдарының Шоты көлдік тобы Солтүстік Каспийлік артезиандық бассейіннің шығыс бөлігі шеңберінде орналасқан. Тұзасты су кешендерінің орналасу тереңдігі және аймақтық орналасуы, жерасты суларының химиялық құрамы және минералдануы, суға еріген органикалық заттардың құрамы, сулардың газға қанығуы және еріген газдың құрамы және тағы басқа жағдайлар көмірсутек шоғырларының қалыптасуына және соқталуына қолайлы жағдайлардың бар екенінің дәлелі.

Тұзасты шөгінділерінің қимасында көрсетілген мұнай-газ кешендері гидрогеологиялық жағынан минералдануы, динамикалық ерекшеліктері, газ құрамы және газға қанушылығы әр түрлі, өздігінен төгілетін және арындық табандық және контур сыртындағы сулары бар бір қатар сулы горизонттардан тұратын жеклеген гидрогеологиялық қабаттар ретінде қарастырылады.

Артин-ассель кешенінің гидрогеологиялық қабатының табандық және контур сыртындағы сулары судың меншікті салмағы 1050-1080 кг/м болған жағдайында Солтүстік Кендісайда 84. 1 г/л және Кең қияқта 204. 7 г/л минералдануға ие және хлоркальцилік типке жатады.

Төменгі пермьдік сулы қабаттардың сулары Кең қияқ, Құрсай, Солтүстік Кендісайда өздігінен төгіледі, дебиті 1. 9-92 м/тәу., ал Салбай Бозабада олар жоғарғы орынды. Сулардың қабаттық температурасы 71. 5-87. 7 С.

Кашир-ока карбонаттық жыныстарының гидрогеологиялық қабатының табандық және контур сыртындағы сулары минералдануы 2888-4491 м аралықта салмағы 1050-1120 кгс/м жағдайында Жаңа-жолда 80. 9 г/л, Шығыс Төрткөлде 192. 1 г/л жететін хлоркальцилік типті болып табылады.

1. 7 Ұңғыманы қазу кезіндегі шиеленіс аймақтары

Лоқтыбай кен орындағы пайдалану ұңғымаларын бұрғылау терең ұңғымаларды бұрғылаудағы жинақталған тәжірибелерге сүйене отырып жүргізіледі.

Бұрғылау кезінде Карбон, пермь, Триас, Юра, Бор және литологиялық құрамы мен түрпілілігі бір-бірінен айрықша, тұздан төменгі шөгінділер ашылады.

Карбон қабаты шөгінділері саз, аргиллит және ангидрит аралса құмтастармен берілген. Бұл қабатта негізінен мұнай атқылауы мүмкін. Ұңғыма қабырғасының опырылып құлауы да жиі кездеседі.

Пермь шөгінділері төменгідей екі турлі қимадан: жоғарғысы-тас тұзы қабатынан, төменгі бөлігі-сульфатты терригенді жыныстар қатпарларынан құралған. Шөгіндінің төменгі бөлігінде бұрғылау аспабының ұсталып қалуына әкеліп соқтыруы мүмкін монтиореолонитті саздар орын алған.

Триас, Юра, Бор қабаттары шөгінді жыныстардан құралғандықтары, бұл аралықта ұңғыма қабырғасының опырылуы жиі кездеседі. Сонымен қатар жуу сұйығының жыртылуы да бірқатар орын алған.

Жоғарыда көрсетілген шиеленістерді болдырмау үшін керекті құжаттарды басшылыққа ала отырып жұмыс жургізу қажет. Негізінен ГТҚ (ГТН) көрсетілген саз ерітінділерінің және жуу сұйығының параметрлерінің көрсеткіштерін катаң сақтау қажет.

1. 8 Перспективалы қабаттарды ашу және сынау

Мұнай -газ гаризонттарын ашу сапалы саз ерітінділерін қолдану арқылы жүргізіледі. Гео физикалық зерттеулер және кенді зерттеулер нәтижелеріне байланысты мұнай-газ қабатының қалыңдықтары, физикалық қасиеттері мен литологиялық құрамы, тереңдік аралықтары анықталады.

Пайдалану тізбегіндегі горизонтты сынау «төменнен-жоғарыға» тәсілі бойынша, ЗПКО-89 кумулятивтік зарядпен перфорациялап, өнімді қабат горизонтының әрбір метр жолағына 10-15 тесіктен есептеп, каротаж кабелі немесе сорапты-компрессорлы құбыр арқылы жургізеді. өнімді қабаттарды ашу алдында пайдалану тізбегін саңылаусыздыққа төмендегідей екі тәсіл арқылы сынау қажет: қысымдау, сығымдау және ұңғыдағы сұйық деңгейін азайту арқылы.

Сағаны жоғарғы қысымды сырғытпамен жабдықтау қажет. Оқпанды саз ерітіндісімен толтыру керек.

Қабаттан ағынды шақтыру ерітіндіні сумен аралыстырып, сонан кейін компрессор көмегімен сұйық деңгейін азайту жолымен жүзеге асырылады. Мұнан немесе газ ағыны алынған жағдайда әртүрлі диаметрлі штуцерлер (мұнай үшін) немесе диафрагма (газ үшін) қолдана отырып режимдік зерттеулер жүргізу қажет.

Әрбір режим бойынша мұнай-газ объектісін зерттеу мерзімі үш тәулік ішінде.

Зерттеу нәтижесінде қабат жөнінде толық мағлұматтар алынуы тиіс, яғни түптік қабат қысымы, газ факторының температурасы, флюидтердің беттік және түптік сынамаларын алу және тағы басқалары. Әрбір қабатты сынап болған соң оған 50 м биіктікте цемент көпіршесі қойылады.

Келесі объектіні ашу алдында, оқшаулаушы көпір қойылғаннан соң деңгейді төмендету арқылы тізбек саңылаусыздыққа сыналады.

Кәсіпшілік-геофизикалық зерттеулер нәтижесін интерпретациялау және бұрғылау көрсеткіштерін салыстыру арқылы объект бойынша іздестіру ұңғысын сынау жоспары жасалынады.

Қабаттарды сынаудың аралықтары мен тәсілдері

Өнімді қабатты ашу сапалы газ ерітіндісімен жүргізіледі. Мұнай-газ қабаттарының тереңдік аралықтары, олардың қалыңдығы, литологиялық құрамы және жыныстардың физикалық көрсеткіштері кернді жан-жаққаты зерттеу және геофизикалық зерттеулер нәтижесі бойынша анықталады. Бұрғылау кезінде қабаттарды КИП көмегімен сынау ұңғыны өту кезіндегі мұнай-газ пайда болу сипатын бақылау нәтижелеріне қарай отырып жүргізіледі. өнімді қабаттарды пайдалану тізбегі ішінде сынау «төменнен-жоғарыға» әдісімен, 1 м құбыр бөлігіне ПК-2-103 кумулятивтік зарядтар көмегімен 20 тесік салып перфорациялау жолымен жүргізіледі. Перфоратор каротаж көмегімен немесе сораптық-компрессорлық құбырлар арқылы түсіріледі. Ашылған өнімді қабатта пайдалану тізбегін саңылаусыздыққа сынау екі тәсілмен жүргізіледі: қысыммен және ұңғыдағы сұйық деңгейін азайту тәсілдері. Мұнай-газ объектісінің сыналу уақыты 3 тәуліктен кем болмауы тиіс. Зерттеу нәтижелері бойынша өнімді қабат жөнінде мынадай мағлұматтар алынуы тиіс: қабаттық және түптік қысымдар мәні, температура, газ факторы, қабат сұйығының дебиті. Лабораториялық талдау үшін флюидтердің саздық және беттік сынамалары алынады.

Ұңғымада жүргізілетін геофизикалық зерттеулер

Бекітілген «ұңғымаларда жүргізілетін міндетті геофизикалық зерттеулер кешеніне» және «Ұңғымаларда геофизикалық зерттеулерді жүргізудің техникалық инструкциясына» сәйкес, ашылатын қиманы зерттеу, өнімді қабаттарды белгілеу, ұңғыма оқпанының техникалық жағдайын зерттеу және қиманың сейсмологиялық сипаттамасын алу үшін геофизикалық зерттеулер кешені өткізіледі. Күтіліп отырған ашылуға 100 м қалғанда ұңғы түбіне жеткенше қажетті газ өлшеу жұмыстарын жүргізу үшін газ-каротажды станцияны орнату керек. Ұңғыма бекітілгеннен кейін цементтің көтерілу деңгейі мен сапасын анықтау үшін ОЦК жазылымы (термометрраж) және акустикалық йементомер жүргізіледі. Лоқтыбай кен орнында пайдалану ұңғымасын бұрғылау кезінде жүргізілетін геофизикалық зерттеулер жұмыстары кешеніне мыналар кіреді:

Литология құрылысын, коллекторлық қасиеттерін зерттеу ПС, КС, ГК, НГК, АК, БК, ДС, инклинометрия, профилеметрия.

Масштаб 1:500

Циклинометрия: масштаб 1:500; 0-950; 0-3700 м аралығында.
Қанығуды анықтау: ПС, БКЗ, БК, ГК, НГК, ГГКП, БМК: масштаб 1:200; 3700-3900, 3850-4100, 4050-4250, 4200-4400, 4350-4550, 4500-4700.
Газ каротажы: масштаб 1:200; 3700-4700 м аралықта.
Сынау кезінде перфорацияны бақылайды, термодебитометрия жасалынады.

Ескерту:

1. Геофизикалық жұмыстарды жүргізу құны Инструкцияға сәйкес сметада қүрастырылады.

2. Профилеметрия әрбір рет алдыңғы тізбектің башмағына дейін жұргізіледі.

ТЕХНИКАЛЫҚ ЖӘНЕ ТЕХНОЛОГИЯЛЫҚ БӨЛІМ

2. 1 Бұрғылау тәслін таңдау және дәлелдеу

Бұрғылау технологиясын жобалаудағы жауапты кезеңдердің бірі- бұрғылау әдісінің белгілі бір әдісін қолдану туралы шешім қабылдау, себебі соңынан таңдалған әдіс көптеген технологиялық шешімдерді- бұрғылау режимін, гидравликалық бағдарламаны, бұрғылау аспабын, бұрғылау қондырғысының түрін және олардың салдары ретінде, ұңғыманы бекіту технологиясын анықтайды.

Бұрғылау әдісін ұңғыманың өту ерекшеліктері мен жағдайларын есепке ала отырып таңдайды. Сонымен қатар бұрғылау әдісінің тиімді қолдану ауданына да көңіл аударады.

Роторлық әдісті қолдану:

ұңғыманың терең аралықтарын шарошкалық қашаумен бұрғылау, онда рейстегі өтуді неғұрлым арттыру қажет, қашаудың айналу жылдамдығының оптималды мәні 35-150 айн/мин.
жынысты саз, тығыз сазды сланец және басқа жыныстар қуатты қабатын бұрғылау, мұнда үшшарошкалы ірі тісті, үлкен қадамды энергосыйымды қащаулар қолданады, себебі қондырғылардан сұйықтықтың ағуының жоғары жылдамдығын жасау керек және қашауда бұрғылау сораптары дамытатын гидравликалық қуаттың іске асуы талап етіледі.
керн таңдап бұрғылауда.
ауырлатылған бұрғылау ерітінділерін қолдануды талап ететін жағдайларда ұңғымаларды бұрғылау және тағы басқа.

Ротормен бұрғылау келесі жағдайларда тиімді:

диаметрі 190, 5 мм және одан артық шарошка қашаулармен тереңдігі 3000-3500 м дейінгі тік ұңғымаларды бұрғылау (бұрғылау ерітінді тығыздығы 1700-1800 кг/м3артық емес), бұл жағдайда қашаудың айналу жиілігінің оптимальды мәндері бұрғылау машиналар мен көлемді винтті қозғалтқыштарға арналған аумақта.

Тиімді пайдалану ауданын және берілген алаңдағы бұрынғы бұрғыланған ұңғымалар тәжірибесін ескере, роторлы-турбиналық бұрғылау әдісін таңдаймыз және келесі берілгендерді қолданамыз:

бұрғылау тереңдігі 4700 м.
бұрғылануға жататын жыныстардың физика механикалық қасиеттері.
ұңғыма профилі- тік.

Лоқтыбай алаңының 27, 14, 16 ұңғымаларын бұрғылау тәжірибесін ескере отырып, бұрғыланатын жыныстардың физика механикалық қасиеттерін және гидравликалық шығын азғана болатындығын есепке алып, 100-3000 м аралығында бұрғылаудың роторлық әдісі ұсынылады. Бұрғылау машинасының қуатын неғұрлым тиімді қолдану үшін бұрғылау машинасы иодификациясын қолдану керектігін сақтау қажет.

Үгілгіш жыныстар, жыныстардың құлауы кездесетін жоғарғы 0-100 м аралығы үшін, сонымен қатар ұңғыма жарының түсуі, бұрғылау аспабының тартылуы, көп шығындану, бұрғылау машинасын жүргізудің қиындығы кездесетін 3000-4700 м аралығында бұрғылау роторлық әдісі ұсынылады.

2. 2 Ұңғыма құрылысын жобалау және дәлелдеу

2. 2. 1 Ұңғыма үшін шегендеу тізбегін таңдауды дәлелдеу

... жалғасы

Сіз бұл жұмысты біздің қосымшамыз арқылы толығымен тегін көре аласыз.