Пласттық мұнайдың құрамы

Жұмыс түрі: Материал
Тегін: Антиплагиат
Көлемі: 105 бет
Таңдаулыға:

МАЗМҰНЫ

МАЗМҰНЫ1

Кіріспе4

1. ГЕОЛОГИЯЛЫҚ БӨЛІМ5

1. 1. Кен орны туралы жалпы мәліметтер5

1. 2. Кен орнының геологиялық зерттелуі мен өңделу тарихы8

1. 2. Стратиграфия11

1. 4. Тектоника16

1. 5 Мұнайгаздылық19

1. 6 Су сақтағыштық22

2. ТЕХНИКО-ТЕХНОЛОГИЯЛЫҚ БӨЛІМ24

2. 1 Кен орнын өндірудің жағдайы24

2. 1. 1 Ұңғымалардың қорының динамикасы27

2. 1. 2 Мұнай өндірудің динамикасы31

2. 1. 3 Пласттық қысымның динамикасы33

2. 1. 4 Пласттан мұнай қорын өндірудің анализі41

2. 2 Ауызғы және ішкі ұңғымалық құрал-жабдықты, ұңғыманы пайдаланудың ұсынылған тәсілдерін таңдау негізі43

2. 2. 1 Атқылау эксплуатациясы кезіндегі құрал-жабдықтар46

2. 3 Тауарлық кондицияға дейін мұнай мен газды жинау, транспорттау және дайындау жүйесіне қойылатын талаптар47

2. 3. 1 Объектінің жалпы сипаттамасы48

2. 3. 2 Дайын өнімнің бастапқы шикізатының, реагенттердің және көмекші материалдардың сипаттамасы49

2. 3. 3 Технологиялық процесстің көрінісі51

2. 3. 3. 1 Зауыттық манифольд52

2. 3. 3. 2 Ұңғыма ауызы53

2. 3. 3. 3 Топтық Өлшеу Қондырғылары54

2. 3. 3. 7 Қысым режимі57

2. 3. 3. 8 Жұмыс температуралары57

2. 4. Мұнай мен газды тауарлық кондицияға дейін дайындаудың технологиялық схемасының көрінісі58

3. ЭКОНОМИКАЛЫҚ БӨЛІМ70

3. 1. Кәсіпорынды нығайтудың экономикалық көрсеткіштері. 70

3. 2. Жылдық өндірістік шығындарды есептеу73

Шараны енгізудің технико-экономикалық анализі, ұсынылған вариантты таңдау негізі80

4 ЕҢБЕКТІ ҚОРҒАУ83

4. 1 160-200 құрылғысындағы қауіпті және зиянды факторлардың анализі83

4. 1. 1 Адам ағзасына заттардың улы әсерінің сипаты. Қауіпсіздік шаралары85

4. 1. 1. 1 Күкіртті сутек85

4. 1. 1. 2 Көмір сутекті газдар87

4. 1. 1. 4 Көміртегінің қос тотығы (көмір қышқыл газы) 88

4. 1. 1. 5 Азот89

4. 1. 1. 6 Метанол89

4. 1. 1. 7 Ингибиторлар90

4. 2 200 құрылғысының жұмысының беріктігі мен қауіпсіздігін қамтамасыз ететін қорғаныс шаралары95

4. 2. 1 Еңбекті қорғау бойынша ұйымдастыру шаралары95

4. 2. 2 Техникалық шаралар96

4. 2. 2. 1 Жеке және ұжымдық қорғаныс құралдары. 96

4. 2. 2. 2 Жұмыс орындарындағы жарықтанудың және шудың деңгейі. Жарықтандыру97

4. 2. 2. 3 Сигнализация99

4. 2. 2. 4 Вентиляция99

4. 2. 2. 5 Азот пен газдарды табу жүйесі100

4. 2. 2. 6 Статистикалық электр101

4. 3 160-200 құрылғыларындағы авариялық жағдайлардың алдын алу мен жою102

4. 3. 1 Электрэнергиясын беруді тоқтату103

4. 3. 2 Шикізатты беруді тоқтату105

4. 3. 3 Буды беруді тоқтату105

4. 3. 4 Құрал-жабдықтарды герметизациялау106

4. 3. 6 Ыстық технологиялық суды беруді тоқтату107

4. 3. 7 Техникалық суды беруді тоқтату108

4. 3. 8 Құрылғыдағы өрттің пайда болуы108

Терезені сындыру арқылы нүктелік бекеттер109

5 ҚОРШАҒАН ОРТАНЫ ҚОРҒАУ111

5. 1 Теңіз кен орыны аумағының табиғи-климаттық сипаты111

5. 2 Атмосфераны ластаудың көзі ретіндегі кәсіпорынның сипаты112

5. 3 Құрал-жабдықтардан атмосфераға зиянды заттарды тастаудың параметрлері114

5. 4 Өндіру объектілерінің атмосфералық ауаны ластауының үлесін бағалау116

5. 5 Сейсмикалылық пен шөгу мәселесі116

5. 6 Жер қыртысының және топырақтың қазіргі таңдағы жағдайы117

5. 7 ТШО біріккен кәсіпорнындағы қалдықтарды жинау мен алып тастауды ұйымдастыру118

5. 8 Судың қазіргі таңдағы жағдайы120

5. 9 Жер ресурстарын қорғау126

5. 10 Қоршаған ортаның жағдайына бақылау жасау. 128

Кіріспе

Теңіз кен орны 1979 жылы ашылған. 1981 жылы Т-1 Теңіз ұңғымасы сынақ кезінде алғашқы мұнайын берді. Бұл 1, 25 млрд. тонна алынған көмірсутекті шикізат қорының кен орнын өндіруге жол ашты. Қазіргі таңда ″Теңізшевройл″ біріккен кәсіпорыны кен орнының операторы осы жылы жазылатын өңдеу Жобасында соңғы баға мен қайта есептеуді жүргізуде.

″ Теңізшевройл″ БК 1993 жылы 6 сәуірде Қазақстан Республикасы мен ″Шеврон″ корпорациясы арасындағы меморандумға қол қоюдың нәтежиесінде құрылды. Қазіргі таңда біріккен кәсіпорынның қатысушылары болып ″Шеврон-Тексако″ корпорациясынан басқа ҚР атынан ″Қазмұнай″ ҰМК, “Эксон-Мобил, Лук-Арко компаниялары табылады.

Теңіз кен орны мұнай қорының көлемі бойынша Қазақстан Республикасындағы бірегей кен орны болып табылады. Өйткені бұл кен орнында күкіртті сутек пен көмірқышқыл газының қоспаларының флюид қабатындағы мөлшері ауытқулы болғандықтан, мұнай кәсіпшілігінің құрылысы мен құрал жабдықтарының жоғарғы эксплуатациялық беріктілігін қамтамасыз етуге жоғары талаптар қойылады.

Осы бітіру жұмысында ұңғыма өнімін жинау мен дайындаудың мәселелері қарастырылады. Теңіз кен орны үшін жинау жүйесі технологиялық процесстің арнайы талаптарына сәйкес жобаланған және газды қайта өңдеу зауытының технологиясымен өте тығыз байланысты.

1. ГЕОЛОГИЯЛЫҚ БӨЛІМ

1. 1. Кен орны туралы жалпы мәліметтер

Теңіз кен орны Каспий теңізі маңы ойпатының оңтүстік-шығыс бөлігінде орналасқан және әкімшілігі бойынша Атырау облысы, Ембі ауданы, Қаратон округіне бағынады (1сурет) . Ол Каспий теңізінің акваториясынан тікелей қашықтықта (15-30 км) Атырау облысының шөлді жазық даласында орналасқан. ТШО БК аумағы 400-ге жуық жерді алып жатыр.

ТШО біріккен кәсіпорнының қызметінің қандай-да бір мөлшердегі әсер етуіне тап болатын жақын елді мекендері болып Қаратон поселкесі (кен орнынан солтүстүкке қарай 35 км) және Сарықамыс поселкесі ( оңтүстік батыс бағытында 25 км) табылады.

Теңіз кен орны бассейн жиегі бойынша әртүрлі тереңдікте табылған ірі карбонатты құрылыстың бірқатар жүйесін білдіреді.

Ауданның климаты- жауын-шашынның жылдық мөлшері 150мм болатын мезгілдік және тәуліктік температураның ірі ауытқулары бар, құрғақ және ыстық жазды қатал континентальды болып келеді.

Қысы (желтоқсан-қаңтар) әлсіз суық, аз қарлы, көбіне жауын-шашынды ауа райы болады. Ең қатты суық ай ол қаңтар айы. Ең қарлы күндері қардың жамылғысының биіктігі 5 см аспайды. Жауын-шашынның жоғарғы мөлшері желтоқсан айында болады (12 см дейін) . Тұманды күндердің саны 4 айға дейін.

Көктем ( наурыз-сәуір) күндізгі және түнгі температураның түсуімен, ыстық жазға тез ауысуымен (ауа температурасы күндіз +5-+12 С, түнде -2 - 6 С) ерекшеленеді. Тұманды күндердің саны 10 айға дейін.

Жазы (мамыр-қыркүйек) құрғақ және ыстық, ауа райы ашық болады. Күндіз ауа температурасы +25-+30 С (максималды температура 45 Сдейін), түнде +11-+15 С. Ең ыстық ай шілде. Жауын-шашынның анағұрлым көп мөлшері мамырда түседі (56 мм дейін), анағұрлым аз мөлшері шілдеде (8 мм дейін) түседі. Жауын-шашын көбіне уақытша жауын-шашын түрінде түседі. Ол көбіне маусымда орын алады. Жүйелі түрде құрғақшылық орын алып отырады. Оның қайталануының ықтимлдылығы 20-25 пайызды құрайды.

Күзі (қазан-қараша) алғашқы жартысында жылы, аз бұлтты болады. Жауын-шашын сіркіреген жаңбыр, кейде қар түрінде түседі. Күндізгі ауа температурасы +10 С- +16 С. Тұманды күндер саны айына 3 дейін. Жыл бойына көбіне солтүстік шығыстық және шығыстық желдер орын алады. Көктемде және жазда солтүстік батыстан жел соғады. Ол көбіне Сарықамыс поселкесіндегі ауа райын ластайды. Желдің жылдамдығы 4 м/с дан 10 м/с дейін. Қыста 15 м/с дейін жылдамдықтағы солтүстік - шығыстан күшті жел тұрады.

Атмосфералық жауын-шашын жыл мезгілдері бойынша тең болып бөлінбейді. Көбіне ол қыстық-көктемдік мезгілге сәйкес келеді, ал маусым айынан қазан айы аралығында жауын-шашын тіпті жаумайды да. Жауын -шашынның анағұрлым көп мөлшері желтоқсан мен қаңтар айына сәйкес келеді.

Кен орнына республикалық маңызы бар Құлсары-Сарықамыс асфальттелген авто жолы қабысады. Бұл жол қауіпсіздік мақсатында кен орнынан шығарылған. Қазіргі таңда Құлсары-Қаратон жол айрығындағы жолдың бөлігінің қайта құрылысы жүргізілуде. Басты трассадан басқа кәсіпшілікте қара және асфальттелген жолдардың желісі дамытылуда.

Теңіз кен орнынан солтүстік батысқа қарай 110 км қашықтықта Мақат-Бейнеу темір жолы өтіп жатыр. Жақын орналасқан темір жол станциясы Құлсары. Аудан аумағынан Ақсарай-Атырау-Қандыағаш бір рельсті темір жол желісінің учаскесі өтіп жатыр, сондай-ақ Құлсары-Теңіз кен орны темір жолы құрылысы салынып, пайдалануға берілді.

Әуе кемесіне жергілікті үш: Құлсары, Қаратон, Сарықамыс әуе желісінің классификацияланбаған әуе жайларында қызмет көрсетілуі мүмкін. сонымен қатар Теңіз вахталық поселкесінде қону алаңы бар.

Жылыой ауданының, сондай-ақ ТШО вахталық поселкесінің елді мекендерінің шаруашылық-тұрмыстық қажеттіліктері үшін сумен қамтамасыз етілу Волга өзенінен Құлсары поселкесінің су тазалайтын құрылысы арқылы құбыр арқылы жүзеге асырылады. Газды қайта өңдеу зауытының өндірістік қажеттіліктері үшін сумен қамтамасыз ету Астрахань-Маңғышлақ техникалық суының су тасуынан жүзеге асырылады.

Жылыой ауданының елді мекендерін электрмен жабдықтау Атырау ТЭЦ және Құлсары ТЭЦ арқылы жүзеге асырылады. Теңізшевройл БК электр энергиясы өндірістік объектілерге берілетін газ құбырлы станциясын пайдаланады.

Теңіз кен орнының мұнайы 5 технологиялық желісінде мұнайды жылына 12, 4 млн. т. дан 14, 4 млн. т. дейін өндіруді қамтамасыз ететін газды қайта өңдеу зауытына түседі. Тауарлы мұнайдың өндірісі және газды қайта өңдеу кешенді технологиялық желістермен қамтамасыз етіледі.

2010 жылы газ шикізатын бұрғылаудың (3ГС-1 және 3ГС2) жобасын нәтежиелі жүзеге асыру кезінде зауытты одан ары кеңейту мен мұнай өндіруді жылына 16 млн. тоннаға дейін ұлғайту көзделуде.

Ауданның аумағындағы қашықтығы 1500 км астам құбыр желістері келесі бағыттарды иеленеді:

Орта Азия-Орталық магистральды газ құбыры;
Теңіз-Құлсары-Атырау-Новороссиск (КТК) мұнай құбыры;
Өзен-Құлсары-Атырау-Самара мұнай құбыры;
Қаратон-Қосшағыл-Құлсары-Орск мұнай құбыры.

Жергілікті тұрғын халық негізінен мал шаруашылығымен, мұнай газ саласындағы жұмыспен және балық аулаумен шұғылданады.

Ауданда тұщы су атымен жоқ.

1. 2. Кен орнының геологиялық зерттелуі мен өңделу тарихы

Теңіз кен орны 1-ші ұңғымадан мұнай алу арқылы ашылған. Ұңғыма тәулігіне 115 м3 берді. Ол құрылымның құрама бөлігінде орналасқан. Құрылымның өзі 1973-1975 жылдардағы сейсмобарлау жұмыстарымен анықталған.

Теңіз кен орнының геологиялық үлгісі стратиграфикалық корреляцияның зерттеуіне, коллектордың литофациясына және де коллектордағы диагенез процессін зерттеуге негізделген. Қазіргі таңда Теңіз коллекторы Кариб бассейніндегі акваториде орналасқан Кайос және Багам аралдарындағы құрылымға ұқсас карбонатты платформа секілді көзделеді. Теңізді алғашында кең карбонатты шельфтің эрозиялық қалдығы деп сонымен салыстыратын.

1950 км сейсмикалық профильді құрайтын сесмикалық мәліметтер сейсмикалық жазбалардың қағазды үлгісінен қайта форматталып, Ландмарк жұмыс станциясына енгізілді. Ол кен орнын алғашқы сейсмикалық карталауды жүргізуге мүмкіндік берді. 80 ұңғыманың оқпаны сейсмикалық мәліметтерге нәтежиелері 1994 жылдың басында күрделі жөндеуге жататын 6 ұңғымада жазылған жаңа жедел атуды қолдана отырып жобаланған. Ұңғымалардың оқпанының жоғарғы бөліктері сейсмикалық профильдерге байланысқан. Осылайша, коллектордың 4 жиегіне траверстік желілерді құруға, башқұрт ярусынының жабындысы үшін (1 объект), вулкандық шөгіндінің жабындысы үшін (2 объект), девонның карбонаттық жынысы үшін (3 объект), сондай-ақ девонның терригендік жынысының жабындысы үшін (3 негізгі объект) траверсті желілерді құруға мүмкіндік туды. Алынған мәліметтерге сүйене отырып, өзіне барлық сейсмикалық мәліметтерді және ұғңыманы бақылау бойынша ақпаратты игерген тереңдіктің картасы жасалды.

Сейсмикалық мәліметтер Теңіз кен орнын өңдеудің әртүрлі фазаларында оның ауданында жетпісінші және сексенінші жылдары жазылды. 1982 жылы 3х1, 5 км тік бұрышты сетка бойынша 24-дүркін сейсмикалық түсірілім жүргізілді. Профильдің жалпы ұзындығы 640 км құрады. Бұл жұмыстар 1985 жылы толықтырылды.

1993-1994 жылдары күрделі жөндеу бойынша бағдарлама жарылғыш материалдарын пайдалану арқылы бірқатар жаңа зерттеулерді көздейді. Атқылаудың жаңа көздері Т-4, Т-7, Т-8, Т-21, Т-104 және Т-111 ұңғымаларында жазылды. Оның ара қашықтығы 100 метрлік аралықты құрайды.

Теңіз бойынша сейсмикалық интерпретация бірнеше сатылардан өтті. Оның негізгі бағыттары:

негізгі сынықтың интерпретациясы;
барлық ұңғымаларға байланысқан шағын сынықтарда көрінетін коллектордағы жиектерді іздестіру;
карта бойынша сынықтарды байлау;
полигон қалдықтарын картада көрсету.

Қалдықтарды бағалау мақсатында Теңіз кен орнының аумағында төрт: башқұрт ярусының жабындысы, вулкандық шөгінді материалдарының жабындысы, девонның карбонаттық жынысының жабындысы және девонның терригендік шөгінділерінің үздіксіз жиегі түсіндірілді. Сейсмикалық мәліметтер бойынша башқұрт ярусының жабындысы (1 объект) ең жақсы көрінетін жиек болып табылады. Көріністің сейсмикалық пакеті платформада екі жақты жүгіру уақыты бар шамамен 2-4 сек байқалатын секвенцияны құрайды. Көріністің мұндай сипаты сигналдың қалыңдығы 100 метрлік башқұрт-кунгурлік тұзды шөгіндісін жабу арқылы жоғарғы жылдамдықпен түсіндіріледі. Оның сигнал жіберілген кездегі төменгі жылдамдығы өз кезегінде жоғарғы жылдамдықта өтетін башқұрт ярусының карбонатты шөгінділерін жабады.

Жиекті бақылау шатырында құрылымда орналасқан ұңғымалардағы ішкі ұңғымалық бақылау жүргізу күрделі болады. Ол жиекті траверсті түрде бақылау үшін қажетті ақпараттың көп бөлігін береді. Башқұрт жиегін бақылау кезінде лай тасқыны немесе платформаның борты бойынша келісімсіздермен байланысты жыныстардың тікелей орналастырылуы да болатындығы анықталды. Бірқатар аудандарда ішкі ұңғымалық бақылаудың мәліметтері қысқа ара қашықтыққа жылжудың, яғни, платформадан шатырға дейін жүз метрге созылғандығын байқатады. Мұндай құбылыстарды сейсмика бойынша горизонталдық жылжудың болуынсыз бақылау мүмкін емес. Жылжулар Т-109 және Т-100, Т-104 және Т-20, Т1101 және Т-42, Т-9 және Т-41 ұңғымалардың арасында байқалған. Осындай және де өзге жылжуларды бекіту мақсатында платформа бортының жағасында сынықтар бекітілген. Бұл сынықтар башқұрт ярусының үстінде өшіп, девонда жоғалып кетеді. Осы сынықтардың тасталу амплитудасын тереңдік пен құрылымның шатарлы ұңғымасына байланысуын көздей отырып белгілеу қйынға соғады.

Девонның жабындысы бойынша қандай да бір ерекше сейсмикалық жағдайлар бақыланбайды. Бұл жиек кен орнында жеті ұңғымамен қазылған. Девонның карбонатты платформасы девонның терригенді пластының құрылымы бойынша ұқсастығы анықталған. Жоғарыда аталған платформа сынықтарының көбісі осы жиекке түскен кезде жоғалады, бірақ сынықтардың көбісі девонның карбонат шөгінділерінің жабындысын бөліп жібереді.

Бұрғылау ұңғымаларының елеулі қорына қарамастан анықталған қазбалардың зерттелу дәрежесі анау айтқандай жоғары емес. Міне сондықтан да Теңізшевройл біріккен кәсіпорнының балансында санақта тұрған алғашқы баланстық қорынан 3418 млн. т-дан 1648 млн. т, яғни, 48 пайызы С (2) санатындағы қорға кіреді. Осы санат бойынша кен қоры бағаланады. Оның нысаны және мөлшері, кен орнының жағдайы, пластардың қалыңдығы және коллекторлық ерекшеліктері, мұнай-газ қасиеті, кеннің анағұрлым зерттелген бөліктері бойынша мәліметтерді ескере отырып, геологиялық және геофизикалық нәтежиелер бойынша анықталған, яғни, өңдеудің ІІ объектісіне енгізілген кен бөліктері әлі толық зертелмеген. ІІ объектідегі С(2) санатындағы қорлар осы санаттағы барлық қордың 94, 6% келеді.

І объектіні зерттеудің дәрежесі екінші объектіге қарағанда жоғары. С(2) санатындағы қордың үлесіне 9, 5% келеді, бірақ бұл бөлік үшін де көптеген шешімін таппаған мәселелер қалып отыр.

Қазіргі таңда кен орнында коллекторды анағұрлым терең зерттеу бойынша жұмыстар жүргізілуде. Кен орнын барлауға дейінгі алғашқы бағыт болып мұнай кені бар табиғи резервуар құрылысын детализациялау табылады, яғни мұнай қорын бөлуді бағалауға мүмкіндік беретін және оны өндірудің тиімді жүйесін негіздеуге мүмкіндік беретін сенімді геостатикалықүлгіні жасау табылады.

1. 2. Стратиграфия

Теңізде төрттік жүйеден жоғарғы девондық уақытқа дейінгі шөгінділер қазылған. Жалпы шөгу бөлінісінде үш ірі литолог-стратиграфиялық кешен ерекшеленеді: тұздың асты (жоғары девон-артиндік), тұзды (кунгур), және тұздың үсті (жоғары пермь- төрттік жүйе) .

Тұздың астының шөгінділері негізінен әртүрлі фационалды карбонаттық жыныстармен көзделген. Жыныс үлгісі материалының және корреляциясының анализінің мәліметтері бойынша анағұрлым детальды стратиграфиялық ярустарға бөлу жүргізілген. Қазылған карбонатты шөгінділердің қалыңдығы 100 метрден 300 метрге дейін аралықта ауытқиды. Т-22, Т-24 ұңғымаларында қалыңдығы 1000 метрге дейін жетеді.

Артиндік шөгінділер әк тасты қалдықтары бар терригенді жыныстармен орналастырылған. Оның күмбезді бөлігінің қалыңдығы 20 м ден 100 м жетеді. Шатырында қалыңдығы 700-1000 аралығында болады.

Тұзды шөгінділер сульфатты-галогенді жыныстардың қалыңдығымен көрсетілген және үш мүшелі құрылыс иеленеді: ол ангрид пластынан, тасты тұздан және жабынды пласт-ангридтен тұрады. Кунгур шөгіндісінің күштілігі 500 ден 1700 мөзгеріп отырады.

Тұздың үстіңгі кешені негізінен Каспий маңы ойпатының барлық оңтүстік-шығысына тән терригенді шөгінділермен көсетілген.

Теңіз коллектор үш негізгі блокқа бөлінген: 3 объект (девон шөгіндісі) ; 2 объект-тулдық шөгінділер, Тула(ерте-орта визе және турней) ; және 1 объект (башқұрт шөгіндісі, серпух ярусы жоғарғы визе) .

Палеозойлық топ-Рz

Девондық жүйе - D

Теңіз платформасының девондық шөгінділері девондық кезеңнің соңындағы объект секілді қарастырылады. Карбонаттық платформаның жалпы күштілігі 2300 метрге жетеді. Девондық коллектордың 500 метрдейі 5450метрді құрайтын жобаланған ВНК деңгейінен жоғары мұнай колоннасына енгізілген.

Теңіздегі девондық шөгінділерді тек екі ұңғыма ғана бағындырды. Т-10 ұңғымасы девонның төменгі пластына 100 тереңдікке жетті және өтудің жалпы тереңдігі орта девонда шамамен 5372 метрді құрады. Тіпті кеңестік палеонтологиялық мектеп формацияны девондық деп анықтады. Қазіргі таңда Теңізшевройл біріккен кәсіпорнында осы ара қашықтықтықтан 5 см ұзындықтан екі жыныс үлгісі ғана бар. Толық зерттелгеннен кейін осы сынықтар құрамында пелеоидтар мен ұсақ фораминиферлер, криноидеилер мен балдырлар бар пакстоун мен грейнстоунды білдіреді. Т-10 ұңғымасының кейінгі девонның карбонатты құрылысына енгендігі жөнінде барлық белгілер бар. Т-17 девонын қазған екінші ұңғыма девон қабатына 5095 метр тереңдікке енген.

Т-16 ұңғымасы бойынша 5009 метр тереңдікте девондық шөгінділердің байланыс зонасы байқалады. Т-16 ұңғымасы кристалды әк тастың 250 метрлік қорабына енеді. Ол карбонның кең таралған жабық пластынан тез ерекшеленеді. Бұл кесінді октық жиек ретінде есептеледі.

Шатырдағы девон жабындысы Т-35 ұңғымасында бақыланады. Т-35 ұңғымасы карбонатты жыныстың төсеніш қабатын иеленбейді. Девондық шөгіндінің жабындысы жоғарыда аталған бұрғыланған ұңғымаға қарағанда сол платформаның өзінде бұрғыланған ұңғымада аса терең болмауы тиіс.

Таскөмірлі жүйе-С

Төменгі бөлім-С1

Турнелік және Визейлік ярустар-С1 t, С1v

ІІ объект төменгімен салыстырғанда жақсы зерттелген объект болып саналады. Ол өзіне платформадағы ерте және орта Визе және Турнейді 550-600 метрді енгізеді. Т-30 ұңғымасы бойынша өңдеу анализі мұны вулкандық туф аралығы ретінде түсінуге мүмкіндік береді. Вулкандық туф қабаты 14 ұңғымамен қазылған. Ол платформа бортына таман және платформаның солтүстік және шығыс жағын бойлай жоқ болып кетеді.

ІІ объектіні сынақтан өткізу Т-22 платформалық ұңғымасыннан 420 метрлік тұрақты жыныс үлгісіненжүргізілді. Жыныс үлгісінің материалы бұрғылау пакстоунынан, микротизирленген фораминиферден және балдырлардан тұрады.

Каротажды диаграммалар және жыныс үлгісінің материалдары ІІ объектінің қазылған аралығын сипаттайды. Теңізшевройл БК ІІ объект бойынша коллектор потенциалын толық және жан жақты бағалау мақсатында жыныс үлгісінің анағұрлым терең анализін жүргізеді. Жарықшақтылығы ІІ объектідегі жай құбылыс болып табылады. Бірқатар жарықшақтар ашық, кейбірі толтырылған, кейбірі толық кальцитпен жабылған. Біз Т-39 ұңғымасымен ашылған жиек бойынша карст нәтежиесі ретінде түсіндірілетін тесікті байқай аламыз.

Жыныстардағы ІІ объектінің болуы девонның жабындысы мен І объект пластарының арасындағы аралық ретінде қарастырылады. Олардың қалыңдығы 204 және 607 метр аралығында өзгеріп отырады.

Визей, серпух, башқұрт ярустары-С1 v, C1s, C2 b

І объект -бұл артин аргиллитінен және Визе негізінде шөккен вулкандық туф қабатына дейінгі ара қашықтық. Ол башқұрт, серпух, октық стратиграфиялық шөгінділер ретінде анықталатын үш басты қораптардан тұрады.

Визе ярусы-С1v

Жоғарғы Визе (октық жиек), ІІ объект жабындысы бойынша орналасқан вулкандық туф қабатында шөгеді. Формация жабындысы нашар тесіктілігімен пластта орналасады. Бұл осы тереңдік деңгейіне жеткен Т-22 және Т-31 ұңғымаларында қарастырылады. Октық ярус солтүстікте 170 метр күштіліктен орталық платформада 210 метрге дейін және одан ары оңтүстікке қарай 250 метрде өзгереді.

І объект анағұрлым бай жыныс үлгісі материалын иеленеді. Т-8, Т-22, Т-24 ұңғымасының окстық аралығынан алынған жыныс үлгісінің материалында пакстоун және грейнстоун бар. Сонымен қатар, жыныс үлгісінің материалы криноидеялармен, брахиподтармен және балдырларға бай.

Карстық жабындының болуы Т-8 және Т-24 ұңғымаларындағы окс ярусының жабындысының маңында байқалады. Қуысты, кавернозды, жарғақшалы қуыс барлық окстық ярус бойынша қарастырылады. Жарғақшалардың көбісі ішінара ашық болады.

Осы коллекторды модельдеу кезінде көп мөлшерді алу мақсатында окстық ярус эрозиялық стратиграфиялық паралелльді бірікпеу бойынша алты пластқа (О1-О6) бөлінген.

Октық жиектің орташа қалыңдығы 297 метр.

Серпух ярусы-С1s

... жалғасы

Сіз бұл жұмысты біздің қосымшамыз арқылы толығымен тегін көре аласыз.