Консулдық артықшылықтар мен иммунитеттер

Жұмыс түрі: Материал
Тегін: Антиплагиат
Көлемі: 50 бет
Таңдаулыға:

Ж о с п а р

Кiрiспе2

II. Мемлекеттiң сыртқы қарым-қатынас орнату органдары6

2. 1 Қазақстан Республикасының сыртқы iстер министрлiгiнiң мiндеттерi13

2. 2 Министрлiктiң жауапкершiлiгi17

2. 3 Министрдiң функциясы18

ІІІ. Қазақстан Республикасының консулдық қызметi21

3. 1 Консулдық қызметтiң құрылымы21

3. 2 Консулдық қызмет департаментi25

3. 3 Консулдардың функциясы32

3. 4 Консулдың Қазақстан Республикасының заңды тұлғалары мен азаматтарына қатысты функциялары35

3. 6 Консулдық артықшылықтар мен иммунитеттер49

Қорытынды51

Қолданылған әдебиеттер54

Кiрiспе

Қазақстан Республикасы тәуелсiздiк алған алғашқы жылдары-ақ өзiнiң сыртқы саясатын тездетiп қалыптастыруы қажет болды, әйтпесе, бiздiң мүдделерiмiзге орасан нұқсан келуi мүмкiн едi.

Қазақстанның сыртқы саясатының тұжырымдамасын Президент Нұрсұлтан Назарбаев өзiнiң 1992 жылғы мамыр айында шыққан «Қазақстанның егемендi мемлекет ретiнде қалыптасуы мен дамуының стратегиясы» атты еңбегiнде атап көрсеттi. Елiмiз өзiнiң геосаяси жағдайын, этнодемографиялық және басқа факторларды ескере отырып, көп бағытты дипломатияны жүзеге асыруға кiрiстi. Мұның мәнi - әлемдiк деңгейдегi iстерде елеулi орын алатын және елiмiздiң нақты мүдделерi тоқайласатын мемлекеттердiң бәрiмен достық және өзара сенiмдiлiк сипатындағы қарым-қатынастарды дамыту деген сөз.

Шетелдiк ықпалдастарымызбен қарым-қатынасымыздың құқықтық негiзiн жасақтау қажет болды. Қазақстанға инвестиция тарту үшiн, ең алдымен, екi жақты дипломатиялық қатынас орнату шарты алға қойылды.

Сыртқы саясатымыздың қалыптасу кезеңi мынадай өрелi мiндеттердi жүзеге асырудан басталды. Бiрiншiден, бiздiң мемлекетiмiздiң тың сипатын танытуымыз, екiншiден, Қазақстанды халықаралық дәрежеде мойындатып, оның қауiпсiздiгi мен аумақтық тұтастығын қамтамасыз етуiмiз қажет болды, үшiншiден, әлемдiк шаруашылық жүргiзу мен экономикалық байланыстарға белсене араласуымызға қажет болды.

Бұл мiндеттердi жүзеге асыруда, әрине, Президент Нұрсұлтан Назарбаевтың еңбегi аса зор. Қазақстанның қуаты мен мүмкiндiктерiн шетелдерде кеңiнен насихаттау үшiн дүниежүзi мемлекет басшыларымен тiкелей жеке байланысқа шықты, бiз әлемдiк қауымдастыққа тең құқылы және тәуелсiз әрiптес ретiнде танылдық. Тәуелсiздiк алғаннан кейiнгi екi айдың iшiнде әлемнiң 92 мемлекетi елiмiздi таныды. Қазақстанның сыртқы дүниемен өзара қарым-қатынасының шарттық-құқықтық базасы жасалды және дамыды, ядролық державалар - АҚШ, Ресей, Ұлыбритания, Қытай, Франция тарапынан қауiпсiздiк кепiлдiгi қамтамасыз етiлдi.

«Бүгiнгi таңда Қазақстан мемлекеттiлiгiн қалыптастырудың сын сағаттары артта қалды деп айта аламыз.

Бiз мұны неге сүйенiп айтып отырмыз егемендiгiмiз, аумақтық тұтастығымыз халықаралық деңгейде танылып, кепiлдiк берiлдi. Қазақстан әлденеше халықаралық ұйымдардың мүшесi болып табылады» [1, 140 бет]

Бiздiң дәуiрiмiзде бәсекелестiк әскери саладан, саяси және экономикалық салаға ауыса бастауына байланысты шет мемлекеттермен тату көршiлiктiң қалыптасуына бар күш-жiгер жұмсалды. Осыған орай сыртқы саяси қызметке басымдық берiлдi. Сыртқы iстер министрлiгiн құру оңай iс болған жоқ. Бiздiң сыртқы саяси қызметтегi дәстүрiмiз жұтаң едi, өйткенi, ол Кеңес Одағы кезiнде дипломатиядан алыс қызметпен шұғылданатын. Сыртқы саяси қызметтiң тиiмдiлiгi көбiне дипломатиялық кадрларға байланысты шешiледi. Сондықтан алғашқы кезде КСРО сыртқы iстер министрлiгiнiң орталық аппаратында және шетелдерде жұмыс iстеп жүрген қазақстандықтар елiмiздiң сыртқы саяси ведомствосына қызметке шақырылды. Республикамызға 12 жоғары маманданған дипломаттар келдi. Солардың бiрi - Қасымжомарт Тоқаев - 1994 жылдың қазан айынан бастап елiмiздiң сыртқы iстер министрi. 1992 жылғы екiншi шiлдеде Республика Президентi жарлығымен «Қазақстан Республикасы сыртқы iстер министрлiгi туралы» ереже қабылданды. 1997 жылғы қарашаның он екiсiнде «Дипломатиялық қызмет туралы» Қазақстан Республикасының заңы қабылданды. Онда дипломатиялық қызмет органдарына мынадай мiндеттер жүктелдi:

- Қазақстан Республикасының сыртқы саясатының тұжырымдамасы мен негiзгi бағыттарын әзiрлеу және Қазақстан Республикасының Президентi мен үкiметiне тиiстi ұсыныстар жасау;

- дипломатиялық құралдар мен әдiстер арқылы Қазақстан Республикасының егемендiгiн, қауiпсiздiгiн, аумақтық тұтастығы мен шекараларының мызғымастығын қорғауды, басқа мемлекеттермен өзара қатынастарда және халықаралық аренада оның саяси, сауда, экономикалық және өзге де мүдделерiн қамтамасыз ету т. б1.

Қазақстанның Стратегиялық шабуыл қару-жарағын шектеу мен қысқарту туралы шартқа, Орта және таяу қашықтықтағы ракеталарды жою туралы шартқа, Еуропалық Кәдiмгi қару-жарақ күштерi туралы шартқа қатысуы, сондай-ақ, 1993 жылғы желтоқсанда ядролық қаруды таратпау туралы шартқа қосылуы - елiмiздiң әлемдiк қауымдастыққа тұтасуының жаңа мүмкiндiктерiн ашты.

Қазақстан өзiнiң сыртқы саясат тұжырымдамасында көршi мемлекеттермен арадағы өзара қарым-қатынасқа айқын басымдылық бердi.

1992 жылы 16 мамырда Қазақстан Республикасының Президентi Нұрсұлтан Назарбаев өзiнiң «Қазақстанның егемендi мемлекет ретiнде қалыптасуы мен дамуының стратегиясы» атты еңбегiнде республикамыздың сыртқы саясатының концепциясын (тұжырымдамасын) жасауға және оның басым бағыттарын таңдауды негiздеуге кiрiскен болатын. Бұл құжатта: «ең алдымен бiз өз саясатымыздың бейбiтшiлiк сүйгiш бағытын жариялаймыз және әлемнiң бiрде-бiр мемлекетiне территориялық талабымыздың жоқтығын мәлiмдеймiз. Кез келген әскери жанжалдың апаты салдарға әкелiп соғатыны жөнiнде өзiмiздiң жауапкершiлiгiмiздi түсiне және сезiне отырып:

- Қазақстан мемлекеттiк саясатының басым мақсаты ретiнде бейбiтшiлiк сақтауды мойындаймыз.

- саяси, экономикалық және басқа да мақсаттарға жетудiң құралы ретiнде соғысты және күш көрсету қоқан-лоққысын қабылдамаймыз.

- ядролық қарусыз мемлекет мәртебесiн алуға және ядролық қаруды таратпау туралы шартқа қосылуға ұмтыламыз.

- Қалыптасқан шекаралардың бұзылуы, басқа мемлекеттердiң iшкi iстерiне араласпау принциптерiн ұстанамыз» деп басты-басты бағытымызды атап көрсеткен болатын. [2, 12бет]

Президент Нұрсұлтан Назарбаев өзiнiң «Ғасырлар тоғысында», «Тәуелсiздiгiмiздiң 5 жылы», тағы басқа еңбектерiнде Қазақстанда дүниежүзiлiк еңбек бөлiнiсi процестерiне, капитал мен ресурстардың халықаралық ағымнан тарту мақсатында халықаралық, еуропалық және азиялық экономикалық одақтармен ынтымақтасу мәселелерiне байланысты алда тұрған келелi мiндеттердi белгiлеп бердi.

Бiздiң сыртқы мүмкiндiктерiмiз, ең алдымен, елiмiздiң географиялық, геосаяси және геоэкономикалық жағдаймен айқындалады. Президент Нұрсұлтан Назарбаевтың бағдарлауынша, «Қазақстанның мүмкiндiгi ең алдымен, оның еуразия аймағындағы жолдардың түйiскен торабында орналасқан географиялық жағдайынан туындайды». [3, 34 бет]

II. Мемлекеттiң сыртқы қарым-қатынас орнату органдары

Дипломатия бiр мемлекеттiң басқа мемлекеттермен және халықаралық ұйымдармен сыртқы байланыстарын бекiтетiн, халықаралық құқықтың субьектiсi ретiнде мемлекеттiң құқықтарын танытатын, халықаралық қатынаста оның мүдделерiн және оның азаматтары мен заңды тұлғаларының мүдделерiн қорғайтын сыртқы қатынас органдарының ресми қызметi арқылы жүзеге асырылады.

Сыртқы қатынас орнату органдарын былайша бөлуге болады:

а) мемлекеттiң iшкi органдары;

б) мемлекеттiң сыртқы органдары.

Мемлекеттiң сыртқы қатынас орнататын iшкi органдары өз кезегiнде былай бөлiнедi:

А) жалпы өкiлеттi - жалпы саяси органдары: парламент, елбасы (президент, монарх), үкiмет, үкiмет төрағасы, сыртқы iстер ведомствосы және оның министрi;

Ә) арнайы өкiлеттiгi бар органдар: министрлiктер мен басқа да ведомстволар (комитеттер), өз өкiлеттiктерiне сәйкес, белгiлi бiр салада ғана (экономикалық, мәдение, ғылыми т. б. ) сыртқы байланысты жүзеге асырады.

Сыртқы органдар тұрақты және уақытша болып бөлiнедi. Тұрақты органдарға: дипломатиялық өкiлдiктер (елшiлiк мен миссия), халықаралық ұйымдар жанындағы мемлекеттiң тұрақты өкiлдiктерi, сауда өкiлдiктерi, консулдық мекемелер жатады2.

Уақытша органдарға: халықаралық конференциядағы делегациялар мен қадағалаушылар тобының арнайы миссиялары; халықаралық ұйымдар мен оның органдары сессиясының жұмысына қатысу үшiн жiберiлген делегациялар, екiжақты келiссөздегi делегациялар және басқалары.

Парламент, елбасы, үкiмет (оларды конституциялық жағдайлардың күшiне сәйкес билiктiң жоғары органдары деп атайды - сыртқы қатынас орнатудың конституциялық органдары) - сыртқы қатынас орнатудың жалпы саяси басшылығын жүзеге асырады.

Парламенттер жалпыұлттық өкiлеттi органдар ретiнде сыртқы қатынас орнатудың жалпы саяси басшылығын жүзеге асырады. Бiрақ сыртқы қатынас орнатудың фактiлi рөлi барлық мемлекетте бiрдей емес.

Парламенттiң сыртқы қатынас орнату саласындағы әдеттегi өкiлеттiктерi: соғыс, бейбiтшiлiк, аумақтық өзгерiстер туралы мәселелер шешу, халықаралық шарттарды ратификациялау, сыртқы саяси шараларға шыққан шығынды анықтау.

Парламентте сыртқы саясат мәселелерi бойынша пiкiр-сайыстар өткiзiледi, депутаттар ол бойынша үкiметке сауал бередi, парламенттiк делегациялар басқа мемлекеттегi парламентаралық одақтың сессиясына қатысуға сапарға шығады3.

Парламенттер басқа елдiң парламентiне үндеу жасайды, сыртқы саясат мәселелерi бойынша өтiнiш қабылдайды, сыртқы iстер бойынша тұрақты комиссия құрады.

Елбасы халықаралық қатынаста мемлекеттiң жоғары өкiлдiгiн жүзеге асырады. Елбасы өз мемлекетiнiң басқа елдегi елшiсi мен өкiлiн қызметке тағайындайды және босатады. Шетел мемлекеттерiнiң елшiсi мен уәкiлi тiркелген сенiм және қайтару грамоталарын қабылдайды.

Елбасы арнайы өкiлеттiксiз келiссөздер жүргiзедi және халықаралық шартқа қол қоя алады, шетелдерге сапары кезiнде иммунитеттер мен артықшылықтарға ие болады.

Үкiмет сыртқы саясаттың негiзгi бағыттарын белгiлейдi, қабылданған сыртқы саяси шешiмдердiң орындалуын және оны қадағалауды ұйымдастырады.

Сыртқы iстер ведомствосы - тiкелей мемлекеттiң сыртқы қатынас орнатуына жедел басшылықты жүзеге асыратын орган. Сыртқы iстер ведомствосының негiзгi мiндеттерiне мыналар жатады: халықаралық қатынаста тiкелей мемлекеттiң мүдделерiн таныту және қорғау; үкiметаралық келiсiм бойынша бекiтiлген дипломатиялық және консулдық қарым-қатынасты қолдау, халықаралық ұйымдардағы мемлекеттiң мүшелiгiнен және халықаралық конференцияның жұмысына қатысудан шығатын шетелдегi дипломатиялық және басқа да ресми өкiлдiктер мен консулдық мекемелердiң қызметiне басшылық ету, бақылау және қадағалау; сол елдегi шетелдiң дипломатиялық өкiлдiктерi мен келiссөз жүргiзуге және шарт бекiтуге келген арнайы миссиямен және делегациялармен байланыс жасау және келiссөз жүргiзу.

Мемлекеттiң сыртқы қатынас орнатудағы сыртқы органдарының арасындағы негiзгi орынды тұрақты дипломатиялық өкiлдiктер алады.

Бұл мемлекеттер арасында жақсы дипломатиялық қатынастар болғанда ашылатын елшiлiктер мен миссиялар.

Елшiлiктер - бiрiншi жоғары сыныптың өкiлдiктерi. Оларға Ватикан өкiлдiктерi - нунциатура теңестiрiледi.

Миссиялар - екiншi сыныптың өкiлдiктерi. Оларға Ватиканның интернунциатурасы сәйкес келедi.

Өкiлдiктiң дәрежесi туралы мәселелер мүдделi мемлекеттермен шешiледi4. Мемлекеттер өзара келiсiм бойынша ертеректе таңдаған дәреженi өзгерте алады: миссияны елшiлiкке қайта құру, бұл мемлекеттер арасында қатынастың дамуын куәландырады.

Елшiлiк пен миссиялар бiрдей құқықтық мәртебеге ие бiрдей қызмет атқарады, бiрдей иммунитеттер мен артықшылықтарға ие. Елшiлiктi елшi, миссияны уәкiл немесе iске сенiмдi адам басқарады. Дипломатиялық өкiлдiктердiң басшылары арасында олардың қызметi жағынан жоғары тұруы мен этикетi туралы мәселелерден басқа ешқандай ерекшелiктер болмайды. 1961 жылы Вена конвенциясының 14-бабының 2-тармағында айтылғандай: «өкiлдiк басшыларының белгiлi бiр сыныпқа тиiстiлiгiне байланысты ешқандай айырмашылық болмауы керек, тек қызметi жағынан жоғары тұру және этикетiне қатысты болуы мүмкiн».

Дипломатиялық өкiлдiктiң басшысын тағайындаушы мемлекет аккредиттеушi мемлекет деп аталады. Дипломатиялық өкiлдiктi өзiнiң дипломатиялық мiндеттерiн орындау үшiн қабылдайтын мемлекет мекендiк мемлекет деп аталады.

Қазiргi кезде дипломатиялық өкiлдiктiң құқықтық жағдайы 1961 жылы дипломатиялық қатынас орнату туралы Вена конвенциясымен реттеледi.

Конвенцияның 3-бабы бойынша мекендеушi мемлекеттегi дипломатиялық өкiлдiктерге мынадай мiндеттер жүктеледi:

А) мекендiк мемлекетте өз елiн (аккредиттеген мемлекеттi) таныту;

Б) мекендiк мемлекетте аккредиттеген мемлекеттiң және оның азаматтарының мүдделерiн халықаралық құқықпен рұқсат етiлген шекте қорғау;

В) мекендiк мемлекеттiң үкiметiмен келiссөз жүргiзу, олар туралы өз үкiметiн хабардар ету;

Г) барлық заңды тәсiлдермен мекендiк мемлекеттегi жағдайлар мен оқиғаларды анықтау;

Д) аккредиттеген мемлекет пен мекендiк мемлекет арасындағы достық қатынасты көтермелеу және олардың экономика, мәдениет, ғылым саласындағы қарым-қатынастарының дамуына ат салысу.

Дипломатиялық өкiлдiктiң басшысы (елшi, уәкiл, iске сенiмдi) ерекше тәртiппен тағайындалады.

Бұл әр мемлекеттiң өз аумағында белгiлi бiр тұлғаны шет мемлекеттiң дипломатиялық өкiлдiгiнiң басшысы ретiнде қабылдауға немесе қабылдамауға егемендiк құқыққа ие болуына байланысты, сондықтан аккредиттеушi мемлекет қабылдаушы мемлекеттiң үкiметiнен белгiлi бiр нақты тұлғаны дипломатиялық өкiлдiктiң басшысы ретiнде тағайындалуына келiсiм сұрайды.

Қабылдаушы мемлекеттiң белгiлi бiр тұлғаны дипломатиялық өкiлдiктiң басшысы ретiнде тағайындалуына келiсiмi - агреман деп аталады. Агреманды сұрау тәртiбi халықаралық құқықтың жұрт таныған нормасы болып табылады. Агреман алған тұлға persona grata (жағымды тұлға) ретiнде қарастырылады. Егер тұлға қабылдаушы мемлекеттiң үкiметi үшiн белгiсiз бiр себептермен тиiмсiз және бас тартқан болса, онда тұлға non grata (жағымсыз тұлға) деп саналады. Мемлекет агреман беруден бас тарта алады және оның себебiн түсiндiруге мiндеттi емес. Дипломатиялық өкiлдiктiң басшысы (елшi, уәкiл) өзi тағайындалған мемлекетке сапар шегер алдында сенiм грамотасын, ал iске сенiмдi адам - сенiм хат алады.

Сенiм грамотасы - бұл аккредиттеген мемлекет басшылығының өкiлi ретiнде елшiнiң (уәкiлдiң) ерекше мәртебесiн куәландыратын құжат.

Сенiм грамотасына аккредиттеген мемлекеттiң басшысы қол қояды және сыртқы iстер министрiнiң қолымен бекiтiледi. Сенiм грамотасында елшiсi тағайындаушы елбасы - елшiнi қабылдаушы елбасынан елшiнiң (уәкiлдiң) өз мемлекетi және үкiметi атынан айтқанының бәрiне сенуiн (осыдан сенiм грамотасы деп аталады) сұрайды. Тағайындалған мемлекетке келгенде дипломатиялық өкiлдiктiң басшысы (елшi немесе уәкiл) сенiм грамотасын жекелей елбасына тапсырады, ал iске сенiмдi сенiм хаты - сыртқы iстер министрiне тапсырады.

Әр елде сенiм грамотасын тапсырудың арнайы тәртiбi орнатылған және ол салтанатты жағдайда өтедi. Қабылдаушы мемлекет басшысына сенiм грамотасын тапсырған кезден кейiн немесе мекендiк мемлекеттiң сыртқы iстер министрiне сенiм грамотаның куәләндырылған көшiрмелерiн тапсырғаннан кейiн (мемлекеттегi қалыптасқан тәжiрибеге сәйкес) өкiлдiктiң басшысы мекендiк мемлекетiнде өз мiндетiне кiрiстi деп саналады.

Дипломатиялық өкiлдiктiң (елшi, уәкiл, iске сенiмдi) мекендiк мемлекеттегi қызметi айырбас тәртiбiнде аккредиттеген мемлекеттiң қайта шақыру кезiнде тоқтатылады, сонымен қатар егер ол мекендiк елдiң сенiмiн жоғалтса және жағымсыз (persona non grata) болып жарияланса; егерде аккредиттеген мемлекет пен мекендiк мемлекеттiң арасында дипломатиялық қарым-қатынас үзiлсе; егер осы мемлекеттер арасында соғыс жағдайы жарияланса; егер дипломатиялық өкiлдi тағайындаушы немесе оны қабылдаушы мемлекеттiң бiрi өзiнiң халықаралық құқықтың субьектiсi ретiнде өмiрiн тоқтатса - тоқтатылады.

Дипломатиялық өкiлдiктер үшiн сыныптар мен дәрежелер бекiтiлген сыныптар дипломатиялық өкiлдiктiң басшысы үшiн халықаралық құқықпен орнатылған (бiрiншi рет 1815 жылы Вена конвенциясы өзiнiң регламентiмен дипломатиялық өкiлдiктiң сыныптарын бекiтiп, ол 1961 жылы дипломатиялық қарым-қатынасқа түсу туралы конвенциямен расталған) .

Дипломатиялық өкiлдiктiң басшылары үш сыныпқа бөлiнедi:

А ) елшi (нунций) ;

Б ) уәкiл (интернунций) ;

в ) iске сенiмдi.

Нунций және интернунций - Ватиканның дипломатиялық өкiлдерi.

Елшiнi (нунций), уәкiлдi (интернунций) мекендiк мемлекеттiң елбасы, iске сенiмдiнi - сыртқы iстер министрi аккредиттейдi.

Дипломатиялық өкiлдiк басшысының сыныбын мүдделi мемлекеттердiң келiсiмi анықтайды.

Iске сенiмдi уақытша iске сенiмдiнi ажырата бiлу керек. Егер iске сенiмдi дипломатиялық өкiлдiк басшылығының (миссия) 3-сыныбы болса, ал уақытша iске сенiмдi - өкiлдiк басшысының мiндеттерiн ол болмаған жағдайда жүзеге асырушы тұлға, яғни уақытша iске сенiмдi елшiнiң, уәкiлдiң, iске сенiмдiнiң қызметтерiн олар демалыста болғанда, ауырғанда және тағы басқа жағдайларда жүзеге асыра алады. Сыныптардан шетелдегi дипломатия өкiлдiктерiнiң қызметшiлерiне және сыртқы iстер ведомствосының жұмысшыларына берiлетiн дипломатиялық дәрежелердi ажырата бiлу керек.

Қазақстан Республикасының 1997 жылғы 12 қарашадағы «Дипломатиялық қызмет туралы» заңымен мынадай дәрежелер бекiтiлген: төтенше және өкiлеттi елшi; 1 және 2 сыныптың төтенше және өкiлеттi уәкiлi; 1 және 2 сыныптың кеңесшiсi; 1 және 2 сыныптың бiрiншi хатшысы; 1 және 2 сыныптың екiншi хатшысы; үшiншi хатшы; атташе.

Қазақстан Республикасының төтенше және өкiлеттi елшiсiнiң және 1 және 2 сыныпты төтенше және өкiлеттi уәкiлдiң жоғары дипломатиялық дәрежелерiн Президент бередi; қалған дипломатиялық дәрежелердi - сыртқы iстер министрi бередi.

Дипломатиялық өкiлдiктiң құрылымы және құрамы

Дипломатиялық өкiлдiк мекендiк мемлекеттiң астанасында орналасады. Оның функционалды бөлiмдердi бөлiмдерi бар: саяси, экономикалық, консулдық, мәдение байланыс, баспа, әкiмшiлiк-шаруашылық бөлiм кеңес.

Дипломатиялық өкiлдiктiң құрамы үшке бөлiнедi:

А ) дипломатиялық;

Б ) әкiмшiлiк-техникалық;

В ) күтушi.

2. 1 Қазақстан Республикасының сыртқы iстер министрлiгiнiң мiндеттерi

1. Мемлекеттiң әлемдiк бiрлестiктер алдында бағытын нығайту, оның қауiпсiздiгiн қамтамасыз ету, ұлттық мүддесiн қорғау, сонымен қатар- Қазақстанның өсiп-өркендеп, гүлденуiне сыртқы жағдайларды жақсартуға жағдай жасау.

2. Қазақстан Республикасының сыртқы iстер министрлiгi (ары қарай - министрлiк) - Қазақстан Республикасының орталық атқарушы ұйымы (мекемесi) болып саналады5. Министрлiк Қазақстан Республикасының сыртқы-саяси әрекетiн iске асырады және Қазақстан Республикасының дипломатиялық қызметтiң бiрiккен жүйесiн басқарады.

3. Министрлiк өзiнiң қызметiн, iс-әрекетiн Қазақстан Республикасының Конституциясына, Қазақстан Республикасының заңы мен халықаралық келiсiмдер, Президент және Қазақстан Республикасының үкiметi актiлерi, басқа да нормативтiк құқықтық актiлермен және осы ережеге сай жүргiзедi.

4. Министрлiктi қаржыландыру республикалық бюджеттiң орталық атқарушы ұйымдарға арналған қаржы бөлуден шығындалады.

5. Министрлiктiң құрылымы мен штаттық-сандық құрамы Қазақстан Республикасының үкiметiмен белгiленедi.

6. Министрлiк заңды тұлға, Қазақстан Республикасының мемлекеттiк елтаңбасы бейнеленген мөрi бар, қазақ, орыс тiлдерiнде мекеме атауы жазылған, банкте есебi, оның iшiнде шетел валютасы да бар.

7. Қазақстан Республикасының сыртқы iстер министрлiгiнiң қарамағына дипломатиялық академия, дипломатиялық өкiлдiктер мен жұмыс iстеу департаментi кiредi.

Приоритетi.

8. Министрлiк келесi бағыттарда өзiнiң әрекеттерiне приоритеттiк мағына бередi:

- Қазақстан Республикасының Президентiне сыртқы саяси стратегия бойынша ұсыныстар жасау, Президенттiң халықаралық бастамасын жүзеге асыру;

- Қазақстан Республикасының шетел мемлекеттерiмен және халықаралық ұйымдар арасындағы қарым-қатынастардың қолайлы жағдайын қамтамасыз ету;

- Қазақстан Республикасының шетел мемлекеттерiмен және халықаралық ұйымдармен қарым-қатынасында бiрiккен сыртқы саяси курстарын өткiзуде орталық атқарушы ұйымдардың жұмысын реттеу;

Халықаралық шарттарды орындауда жалпы бақылау;
Дипломатиялық және консулдық иммунитет пен жеңiлдiктердi сақтауын бақылау.

Министрлiктiң мiндеттерi, құқықтары мен әрекеттерi

9. Министрлiкке төмендегiдей мiндеттер жүктеледi:

- Қазақстан Республикасының сыртқы саясатының басты бағытын және концепциясын жасау, Президентке және Қазақстан Республикасының үкiметiне сай ұсыныстар жасау;

- Қазақстан Республикасының сыртқы саясатының курсын және сыртқы экономикалық саясатын жүзеге асыру;

- Қазақстан Республикасының шекарасының тәуелсiздiгiн, қауiпсiздiгiн, территориялық бiрлiгiн және берiктiгiн, оның саяси, сауда-экономикалық, басқа да мемлекеттiк қарым-қатынаста мүддесiн, азаматтардың құқықтары мен ынтасын дипломатиялық әдiс-тәсiлдермен қорғау;

- әлемдегi саяси және экономикалық ережелердi оқу, шетел мемлекеттерiнiң сыртқы және iшкi саясатын, халықаралық ұйымдардың әрекеттерiн оқу;

- мемлекеттiк ұйымдарды сыртқы және iшкi саясатты iске асыруына қажеттi ақпараттармен қамтамасыз етi;

- Қазақстан Республикасының заңдарымен қаралған басқа да мiндеттердi iске асыру.

10. Қойылған мiндеттердi орындау үшiн министрлiк келесi әрекеттердi бөледi:

- Қазақстан Республикасының шетел мемлекеттерiмен жiне халықаралық ұйымдармен байланыста, қатынаста болу;

- Қазақстан Республикасының халықаралық регионалдық және глобалдық бейбiтшiлiктi - дипломатиялық әдiс-тәсiлдермен қамтамасыз ету;

- Қазақстан Республикасының нормативтiк құқылық актiлердi жасауға және жүзеге асыруға қатысады;

- Қазақстан Республикасының шетел мемлекеттерiн және халықаралық ұйымдармен халықаралық шарттар мен келiссөздер жүргiзудi ұйымдастыру;

- Қазақстан Республикасының бiрiккен Ұлттар Ұйымының iс-шараларына, басқа халықаралық ұйымдар, конференцияларда, мәжiлiстерде, форумдарқа қатысуға жағдай жасау, Қазақстан Республикасының халықаралық бiрлестiк мүшесi ретiнде регионалдық, глобалдық мәселелердi шешуде рөлiн көтеру;

- Қазақстан Республикасының халықаралық қорғаныс мүддесiн қамтамасыз ету, қоршаған ортаны рационалды қолдануда, әлемдiк мұхит ресурстарын игеруде, ғарыштық кеңiстiктi зерттеуде, сонымен қатар Қазақстан Республикасының азаматтарының бостандығы мен құқығын қамтамасыз ететiн, оның ұлттық қауiпсiздiгi мен қорғанысын, құқықтық тәртiптi сақтау, Қазақстан Республикасының шетел мемлекеттерiмен және халықаралық ұйымдармен сауда, экономикалық және қаржыландыру байланысын, ғылыми-техникалық, мәдени және басқа да алыс-берiс шараларды кеңейтiп, дамыту;

- мемлекетаралық алыс-берiстi жоғары және үкiмет деңгейiнде хаттамалық түрде қамтамасыз ету;

- Қазақстан Республикасының бiрiккен мемлекеттiк жүйесiн тiркеудi, халықаралық шарттарды сақтау;

- Қазақстан Республикасының халықаралық шарттарды депозитариялау функцияларын iске асыруды қамтамасыз ету;

... жалғасы

Сіз бұл жұмысты біздің қосымшамыз арқылы толығымен тегін көре аласыз.