Аспан әлемі үнемі кеңеюде

Жұмыс түрі: Дипломдық жұмыс
Тегін: Антиплагиат
Көлемі: 61 бет
Таңдаулыға:

Мазмұны

1 Кіріспе

2 Негізгі бөлім.

Бірінші тарау. Әлемге байланысты

1 Әуеліде көк біртұтас болған . . .

2 Барлық нәрсе судан жаралған . . .

3 Аспан әлемі үнемі кеңеюде . . .

4 Жердің домалақтығы . . .

5 Жердің айналу бағыты . . .

6 Жұлдыздардың көкте жүзуі . . .

7 Аспанның кері қайтару қабаты . . .

8 Қорғау төбесі . . .

9 Жеті қабат көк . . .

10 Таулардың құрылымы . . .

11 Таулардың қозғалысы . . .

12 Теңіздердің араласпауы . . .

13 Жаңбырдағы өлшем . . .

14 Темір . . .

15 Биікке көтерілген сайын кеуденің қысылуы . . .

16 Желдер . . .

17 Барлық нәрсе өлшеммен жаралған . . .

Екінші тарау. Адамның жаратылуына байланысты

1 Адам баласының дүниеге келуі . . .

2 Шәуеттің бір тамшысы . . .

3 Шәуеттегі қоспа сұйықтар . . .

4Сәбидің жынысы . . .

5 Құрсаққа ілінген ет . . .

6 Сүйектердің етпен қапталуы . . .

7 Үш қараңғылық . . .

8 Ана сүті . . .

9 Саусақтағы мөр . . .

10 Терінің әлсіздігі . . .

Үшінші тарау. Денсаулыққа қатысты

1 Арақ темекінің зияны . . .

2 Мас деп аталған жағдай қалай туылады? . . .

3 Арақ адам денесінде қандай зардаптар туғызады? . . .

4 Ислам дінінің арақ жайлы көзқарасы . . .

5 Темекіге байланысты бірнеше мәселе . . .

6 Темекінің ас қорыту жүйесіне тигізетін зардаптары . . .

7 Тыныс алу жолдарына тигізетін зардаптары . . .

8 Темекі тарту және екі қабат болу . . .

Төртінші тарау. Қоғамға байланысты

зинақорлық анық арсыздық . . .

Бесінші тарау. Жануар және өсімдік әлемі

1 Жануар және өсімдік әлемі . . .

2 Тіршіліктің пайда болуы . . .

3 Өсімдік әлемі . . .

4 Тағамның әртүрлілігі . . .

5 Жануарлар әлемі . . .

6 Жануарлар әлеміндегі туу . . .

7 Жануарлар шоғырының бар болуы . . .

8 Аралар, өрмекшілер және құстар жайындағы мағлұматтар . . .

9 Аралар . . .

10 Құстар . . .

Алтыншы тарау. Құранның ғайып хабарларын қамтуы

Құранның ғайып хабарларын қамтуы . . .
Өткенге қатысты ғайып хабарлар . . .
Болашаққа қатысты ғайып хабарлар . . .
Рұм сүресіндегі хабарлар . . .
Құранның жын және адамзатты күреске шақыруы . . .

Қорытынды сөз

Пайдаланылған әдебиеттер тізімі

Кіріспе

Зерттеудің өзектілігі

Күллі мадақ пен мақтау жеті қабат әлемді жоқтан жаратқан, әуелі мен ақыры болмаған Ұлы Жаратушы Жаппар Ие Аллаһ Тағалаға тән. Оның адамзатты қараңғы қапастан құтқарып, мәңгілік бақыттылыққа жеткізу үшін, рақым етіп жіберген адамзаттың ардақ тұтар тұлғасы, мұсылмандардың көзінің нұры, жартылыстың гүлзары, екі жаһанның асыл тәжі, ақырғы пайғамбары - Хазіреті Мухаммадқа сәлем жолдап, салауат айтамыз.

Аллаһ Тағаланың шарапатымен еліміз Қазақстан тәуелсіздігін алып, егеменді ел болғалы дініміз де бостандық көгінде самғай ұшып, нұр шуақты көктемде қайта оралды.

Осыған орай, елімізде, халқымыздың рухани дүниесін байыту жолында көптеген кітаптар жазылып, діни журналдар халық қажеттілігін өтеу үшін шығарыла бастады. Соңғы жылы «Алтын қалам» баспасы тұсауын кескеніне көп болмаса да, діннен сусаған халықтың шөлін басуға көптеген елеулі еңбектер шығарып, дін қызметіне тыңнан зор үлес қосып жатыр. Қазақстан Мұсылмандары діни Басқармасы қолдауымен Нұр-Мүбәрәк Египет ислам мәдениеті университеті ашылып, халыққа имандылық нәрін себер ислам мамандарын даярлап, дін қызметін жолға қоюы да дін ісінің алға басуы десек болады.

Десек те, әлі де дінді көненің көзі деп, исламды намаз оқу, ораза ұстау сынды ғибадаттармен ғана шектеледі екен деп ойлайтындар аз емес. Бүгінгі ғылым дамыған ғасырда адам баласы көптеген жетістіктерге қол жеткізді. Ғалымдар бар күш-жігерін салып, дамыған технологиялар көмегімен жылдап зерттеулер жүргізіп, сол арқылы әр салада жаңалықтар енгізіп жатыр. Алайда, сол таңқалдырар жаңалықтары, осыдан 14 ғасыр бұрын исламның шамшырағы, ақиқат шуағын сепкен Құран Кәрімде дәл бүгінгідей ғылыми дәлдікпен, өте қысқа тілмен жеткізілген. Ғылыми технологиялардан махрұм бір заманда Құранның дәл осылай баяндаулары оларды таң қалдырып, Құранның алдында бастарын иіп, Оны Аллаһтың сөзі екендігіне көздерін жеткізген ақиқатты, исламды қабылдаулары арқылы әлемге паш етіп жатқанын біреу білсе, біреу білмес. Осы тақырыпта бұл зерттеудің маңызы зор дегім келеді. Бұл ретте, Ислам анау айтқандай түрлі « . . . изм» - дерге жатпайтынын « айттым болды, тында да жығыла бер» дейтін дін емес, ақыл-ойға жетелейтін, ілім-білімге ұмтылдыратын, адамгершілік пен игілікке шақыратын дін екендігін ақыл-ой елегіне салар деген ниетпен ғылыми жетістіктерді Құран аяттарымен байланыстырып, көрсетуді жөн көрдік.

Зерттеудің нысанасы:

Исламның алғашқы парызы болып, иман ( сенім) келеді. Ислам діні ақиқат дін екеніне күмансыз және нақты сенген адамның нанымын ақиқат иман, дұрыс сенім деп атайды. Ол - ақида ғылымы саналады. Бұл ғылымда жалған ұрандар арқылы көпшілікті алдап, дінге еліктіру саясаты емес, керісінше, ғылыми дәлелдер арқылы құдайшылдыққа үндеуді нысанаға алады. Бұған Құран Кәрімнен дәлелдер келтірсек.

Дүниеде барлық нәрселер жұп етіп жаратылған. Бұл қазіргі уақытта ғылыми негізде дәлелденгені даусыз. Мысалы, Құранда өсімдіктер жайлы былай делінген:

«Олар жер жүзіне қарамай ма? Онда қанша жұп-жұп нәрселер өсіріп қойдық 1 »

Ал, адамзат пен жануарлар әлеміне қатысты:

« Көк пен жердің Жаратушысы сендерге өз жыныстарыңнан жұбайлар жаратып, хайуанды да жұптап жаратты 2 »

Құран Кәрім бұл айтылғандармен шектеліп қалмайды, дүниедегі барлық нәрселер жұп болып жаратылғанын баян етеді.

« Кіршіксіз пәк Аллаһ барлық нәрселерді : жерден өнген нәрселерді, өздеріңнен болғандарды да және олар білмейтін нәрселерді де жұп-жұп етіп жаратқан 3 »

« Жер мен көктегі нәрселердің зәредей, онан кішісі де үлкені де Рабыңның назарынан тыс болмайды 4 »

Қазіргі уақытта адам баласы білетін ең кішкентай нәрсе атом болып есептеледі. ХІХ ғасырға дейін ғалымдардың арасында атом бөлінбейді деген пікір болған. Дегенмен, жылдар бойы жасалған тәжірибелердің нәтижесі атомның өзі қосымша бөлшектерден тұратынын көрсетті. Атом электрон және протонға бөлінеді екен.

Құран Кәрім : «Зәредей, онан кішісі де үлкені де Рабыңның назарынан тыс болмайды » - деуі осыны меңзейді.

Ал енді ойлап көріңізші, осыдан 14 ғасыр бұрын араб жазирасынан шыққан оқымаған адам тозаң салмағынан да кіші атом атаулы заттың барлығын, оның құрамы протон, электрон және нейтроннан тұратынын қайдан біледі?

Осының өзі Құранның Ұлы Жаратушының сөзі екеніне дәлел емес пе?! Міне, осындай мәселелерді жұмыс барысында нысана еттік.

Зерттеудің материалдары:

Біздің зерттеу барысында пайдаланған материалдарымыз ең басында Құран Кәрім, Харун Яхьяның кітаптары және Мухиддин Исаұлы, Қайрат Жолдыбайұлының, Абдуссамад Махаттың еңбектері болды.

Зерттеудің әдістері:

Оқырманға барынша түсінікті болу үшін Құран Кәрімде келген ғылыми маңызы бар аяттарды ғылыми еңбектерге сәйкестіріп, бір тарау аясында топтап, баяндадық.

Жұмыстың практикалық мәні :

Дін саласындағы және әртүрлі сала мамандарына, студенттерге және қарапайым халыққа оқуға арналған.

Жұмыстың құрылымы:

Жұмыс кіріспеден, негізгі бөлімнен ( бұл бөлімді жеке тарауларға бөліп қарастырдық ) және қорытынды бөлімнен тұрады.

« Мухаммад (оған Аллаһ Тағаланың игілігі мен сәлемі болсын) ! Оларға түсірілген нәрсені адамдарға ашық баян етерсің деп саған зікірді (Құранды) түсірдік. Мүмкін олар ойланар ».

Нахыл сүресі, 44 аят

Негізгі бөлім

Бірінші тарау. Әлемнің пайда болуына байланысты

Ұлы Жаратушы адамзатты қараңғылықтан нұрға шығарар шамшырақ етіп Құран Кәрімді түсіргенде Елшісіне (с. ғ. с) уахи етіп «Болашақта дәлелдерімізді ғаламзат және өз жаратылыстарында көрсетеміз. Сол кезде Құранның ақиқат екендігіне олардың анық көздері жетеді 5 ». Яғни, келешекте адамзаттың күллі болмысы мен Құран арасындағы тылсым байланысты түгел зерттеп, ақыр соңында Құранның Ұлы Жартушының кітабы екендігіне нағыз ақыл иелерінің көздері жетеді дейді.

Құран Кәрім жоқтан жаратылған жеті қат әлем атты алып кітаптың шексіз тәржімесі. Ұлы Жаратушы әлемді Өзінің Ұлылығы мен құдыреттілігін таныту үшін жаратқан. Қасиетті хадисте Аллаһ Тағала: « мен құпия қазына едім. Мені танып білсін деп әлемді жараттым » - дейді. Әлем кітабын адамзатқа арнайы ұсынып, сол кітабы арқылы бізбен тілдеседі!

Ендеше, адам баласы алып кітапты оқып, оның тылсым сырын ақтарып, негізгі мақсатты табуы шарт. Әлемнің мән-мағынасын ұғынуы керек. Бірақ адам баласының санасы өлшеулі. Сансыз болмыстың құпия сырын адамзат Ұлы Жаратушының пайғамбары арқылы жіберген кітап кілтімен ғана аша алады. Ол Ұлы Жаратушының әлемді көз алдымызға елестетіп, бізге танытқан Құран кітабы6.

Ұлы Жаратушы осынау әлемді жаратушы болғандықтан оңдағы тылсым-сырларды да Өзі біледі. Әйтпесе, оқу-жазу білмеген адам ғылым жайында кітап жазуы әсте мүмкін емес. Ендеше, ғаламның жаратылысы мен оның тылсым-сырларын Құранда кім баян етуі мүмкін? Сол заманның барлық ғалымдары жиналса да олардың он ғасырдан кейін ашылатын жаңалықтарды ашуы еш қисынсыз.

Құран астрономия, химия, геология, физика т. б ғылым салаларына байланысты жаңадан ашылып жатқан жаңалықтарды сол уақытта - ақ баян еткен. Және келешекте ашылатын жаңалықтардың бәрі Құранды растайтыны даусыз7. Енді ғылыми жаңалықтардың Құранда айтылған аяттардың байланысына тоқталатын болсақ, бұл айтылған шындыққа көзімізді жеткізген боламыз.

Қазіргі уақытта жартылыстану, физика, химия, астрономия салаларындағы көптеген ғалымдар өз зерттеулерімен Құран Кәрімнің аяттарын растауда8. Әуелі Құран Кәрімдегі мына аяттарға назар салайық; « Мухаммад(с. ғ. с) сен оларға былай де: Жерді екі күнде жаратқан Ұлы Аллаһқа қарсы болып, Оған серік қосасыңдар. Ол бүкіл Әлемнің иесі емес пе? Оның үстіне асқар таулар қойып, оны тіршілікке жарамды қылды. Оны сұраушылар болса, төрт күнде жер үстінің рызық несібесін белгіледі. Сосын мұнартқан түтінді аспанға құдыретін салып, аспан мен жерге « Өз еріктеріңмен немесе мәжбүр болса да келіңдер » - деді. Сонда олар « біз бағынып келдік » - деді 9 .

Құран Кәрімнің бұл аяттарынан дүние жаратылар уақытында түтін немесе газ түрінде болғаны байқалады. Белгілі астроном Джеймс Джинс : « Жаратылардан бұрын, дүниедегі барлық нәрсе газ халінде болған. Сол газ құрамындағы нәрселердің бірі- бірімен бірігуі нәтижесінде планеталар пайда болған » дейді. Құран Кәрім осыдан 1400 жыл бұрын түсірілген. Қазіргі уақытта химиялық тілде «газ» деп аталатын химиялық заттың пайғамбарымыз Мухаммадтың (с. ғ. с) дәуірінде өмір сүрген арабтарға аты да заты да таныс емес-ті. Тек арабтар оны « духан » (түтін) деп атаған. Демек, Құран Кәрімнің дүниенің жаратылысы туралы берген мағлұматы рас, ғылыми зерттеулердің нәтижесі де соған дәлел10.

Құран Кәрім түскен заманда Меккеде ғылыми-зерттеу орталығы тұрмақ, медресенің өзі жоқ еді. Солай бола түра, Құранның көптеген аяттары қазіргі таңда ғалымдардың бастарын қатырып жатқан сүбелі тақырыптарда сөз қозғайды. « Кәпірлер аспан мен жердің біртұтас болғанын, сосын оларды ажыратқанымызды көрмей ме? Және Біз судан бар тіршілік иесін жараттық. Олар осыған да сенбей ме? 11 » Бұл аят Құран Кәрімдегі мұғжизалардың12 яғни, Аллаһтың барлығына дәлелдің бірі. Өйткені аятта айтылғандай, жер мен аспан бір болып, кейін бір-бірінен ажыратылғанын қазіргі ғылым дәлелдеуде13. Бұл жайында енді ғалымдар не дейді? Ғалымдардың айтуынша, әуеліде барлық нәрсе газ қалпында болып, кейін бөлшектерге бөлінген. Күн жүйесі де сол бөлінудің нәтижесінде пайда болған. Бұған дәлел жердегі 92 химиялық элементтердің 67-сі күнде бар екендігі . Сондай-ақ, Айда да жердегі химиялық элементтердің кездесетіні анықталған. Осыдан Құран Кәрімде айтылғандай, әлемдегі барлық нәрсе лердің пайда болған түп негізі бар екені көрінеді.

Енді аяттың « Біз судан бар тіршілік иесін жаратқанбыз » дегені, ғалымдар ашқан ең жоғары деңгейдегі ғылыми ақиқат осы десек артық емес. Өмір сүру мен өсіп-өну үшін қажет болған химиялық өзгерістер судың қатынасынсыз болмайды. Бұл даусыз нәрсе.

Жер жүзінің үштен екісі судан тұрады. Ол біріншіден, жер бетіндегі ауаның қызуы бір қалыпта болуына ықпал етсе, екіншіден, жер бетіндегі тіршіліктің көзі, негізі де болып табылады.

Судың бұл айтылғаннан да басқа қасиеттері баршылық. Олардың әрбірі Аллаһ Тағала суды жәндіктердің өміріне себеп болатын нәрсе етіп, жаратқандығына дәлел.

Мысалы: химиялық заңы бойынша, суықтың әсерімен әрбір денедегі судың химиялық құрамы қысымға түсіп, нәтижеде қоюланып, салмағы ауырласа, суықтың әсерімен мұзға айналған судың көлемі ұлғайып, салмағы жеңілдейді. Осының нәтижесінде мұз астындағы судың бойындағы жылудың сақталуына ықпал жасайды. Егер судың бойында бұндай қасиет болмаса, теңіз, көл, өзен сулары тұтасымен мұзға айналып, оңдағы жәндіктер түгел қырылып қалар еді.

Құран Кәрім осыған меңзейді. Дүниедегі ешбір кітап Құран тәрізді аз ғана сөзбен жер жүзіндегі тіршіліктің шексіз сырларын баян ете алмаған14.

Құран Кәрімдегі көптеген аяттар аспан, жер және бізді қоршаған галактиканың жаратылуына көңіл аудару арқылы бір Жаратушы Иеге деген сенімді күшейтуге үндейді. Аллаһ Тағала: « сенбейтіндер аспан мен жердегі Аллаһтың иеліктеріне назар салмай ма? » деп, және осыған ұқсас

Көптеген аяттарда « ойламайсыңдар ма? », « көрмейсіңдер ме? » деген сөздермен құлдарын әлемге қарап ойлануға, ізденуге шақырады. Сондықтан да адам баласы Құран Кәрімде айтылған шындыққа жанасатын ғылыми мәліметтерді біліп, солардың негізінде Құран Кәрімді Хақ Тағаланың сөзі және Оның барлығына, бірлігіне дәлел ретінде қабылдаулары керек. Өйткені адам санасы басқа жаратылыстарға қарағанда жоғары ғой.

Астрономдардың айтуынша, жер күн жүйесіндегі кішкентай ғана бір планета болып есептеледі. Күн жүйесі біздің галактикамыздың бір бөлігі ғана. Ал, галактикадағы жұлдыздар саны қанша?

Астрономдардың есебі бойынша аспанға оптикалық құралсыз қараған кісінің көруі мүмкін болған жұлдыздардың саны алты мыңнан аспайды. Ал шын мәнінде галактикамыздағы жұлдыздардың саны 40 миллиардтан 100 миллиардқа дейін жетуі мүмкін екен. Біздің өмір сүріп жатқан жүйеміздің өзегі болып есептелетін Күн сол жұлдыздардың бірі. Бізге жақындығынан Күн үлкен болып көрінгенімен басқа жұлдыздармен салыстырғанда орташа ғана.

Енді біз өмір сүріп жатқан галактикалардың көлемі қанша? Ғалымдардың есебі бойынша жарық жылдамдығымен (секундына 299793 км) жылжығанның өзінде галактикамыздың бір шетінен екінші шетіне кесіп өту үшін 100 000 жыл керек екен! Сонда галактикамыздың көлемі қанша шақырым болғаны? Бұны анықтау үшін жарықтың бір жыл көлемінде өтетін қашықтығын (10 000 000 000 000, яғни 10 триллион км) жүз мыңға көбейтеміз. Нәтижесі: 1000 000 000 000 000 000 (1 квинтиллион) шақырым болады.

Галактикамыздағы жұлдыздардың ара қашықтығы, орта есеппен 60 триллион км.

Бұл тек біздің галактикамызға жүргізілген есеп. Ал, басқа галактикалар ше? Олардың саны және олардағы жұлдыздардың саны қанша?

Астронавт Джон Гленн жұлдыздардың қатаң тәртіппен бір заңдылыққа сәйкес қозғалуының әсерімен өзіне өзі : « Осының барлығы өздігінен пайда болуы мүмкін бе? Космостың айдын даласында қалқып жүрген жұлдыздардың айналып жүретін жолына (орбитасына) түсуі кездейсоқ нәрсе
ме?» деген сұрақ берген. Соңынан : « Мен бұл нәрсеге сенбеймін. Бір құдыретті күш барлық нәрсені өз жолына түсіріп, оларды сол қалыпта ұстап тұр »-деген қорытындыға келген. Демек, Галактикалардағы миллиардтаған жұлдыз, олардың қатаң тәртіппен орналасып, әрекетке келуі, баянында Құран Кәрімнің Аллаһтың сөзі екенін дәлелдесе керек15.

Осындай таңқаларлық, керемет нәрселерді біліп, ести тұра, Аллаһ Тағаланың Барлығына, Оның бүкіл Әлемді Жаратушы Иесі екеніне неге иланбасқа?

« Көк пен жердің жаратылуында, күн мен түннің алмасуында ақыл иелері үшін жетерлік өнегелер бар. Олар тік тұрып та, отырып және жамбастап жатып та Аллаһ Тағаланы еске алады. Сондай-ақ, көк пен жердің жаратылуы жайында ойланып: « Раббымыз, сен бұны босқа жаратқан жоқсың. Сен кемшіліктерден пәксің. Бізді от азабынан сақта! » -дейді 16 ».

Аспан әлемі үнемі кеңеюде

Ең жақын бес-алты галактикадан басқа бүтін галактикалар бізден қашықтықтарына сай жылдамдықпен тоқтамастан ұзақтап жатқанын 1922 жылы Американдық астроном Эдвин Хаблл орасан зор телескоп арқылы зерттеп тапқан еді. Оның айтуына қарағанда, жарық жылдамдығымен есептегенде бізден миллион жылдай қашықтықта орналасқан бір жұлдыз бізден жылына 168 км жылдамдықпен, екі миллион жыл ұзақтығы екі есе жылдамдықпен, үш миллион жыл ұзақтығы үш есе жылдамдықпен тоқтамастан алыстауда.

1922 жылы ғана зерттеп білінген «big bang» «үлкен жарылыс» заңын Құран Кәрім осыдан 1400 жыл бұрын, яғни, астрономия ғылымы дамымаған телескоп сияқты құралдардан мақұрым бір ғасырда:

"والسماء بنيناها بأيد وإنا لموسعون "

« Аспанды құдыретімізбен біз жараттық және тоқтатпастан әрқашан кеңейтудеміз » 17 деп анық айтып кетуі күмәнсіз толғанған ақыл иесін өзіне бас идірері сөзсіз18.

Тағы бір таң қалдырар Құранның мына бір аятына көз салсақ, Аллаһ былай дейді:

"يكور اليل على النهارويكورالنهار على اليل"

« Түнді күндіздің үстіне, күндізді түннің үстіне орайды. » 19 бұл аятта жердің шар тәріздес екенін меңзеп тұрғанын байқаймыз.

Араб тілінде «тәкуир» сөзі домалақ нәрсенің сыртына бір нәрсені орау, байлау деген мағынаны білдіреді. Демек, жер шар тәріздес болғандықтан күн мен түн үшін « орайды » сөзі қолданылып отыр. Осылайша Құран « тәкуир » сөзі арқылы жердің шар тәріздес екендігін білдіреді. « Назиғат » сүресінің отызыншы аяты жер пішінінің аздап сопақтау екендігін:

"والأرض بعد لك دحاها"

« Содан кейін жерді түйе құсының жұмыртқасы пішініне келтіреді » 20- деп айқын білдіреді. 21

Жердің айналу бағыты

Мына бір аятта Аллаһ Тағала қазіргі заман технологиялары арқасында ғана көз жеткізіп отырған шындықты баяндауда.

"وترى الجبال تحسبها جامدة وهي تمرمر السحاب"

« Тауларды көріп, оларды тапжылмай тұр деп қаласың. Ал олар болса, бұлттардың көшуі тәріздес жылжуда » 22

Аллаһтың адамдардың ақиқат аясында өмір сүрулері үшін шырақ қылып түсірген Құранның бұл аятында Жердің тек айналуы ғана емес, сонымен қатар оның айналу бағыты да таңқаларлық білгірлікпен айтылып кеткен. Қазіргі заман ғылымының қол жеткізген жаңалықтарыының бірі - 3500-4000 м биіктіктегі негізгі бұлт жиындарының қозғалыс бағыты әрқашан батыстан шығысқа қарай болатыны. Ауа райын болжау үшін көбіне батыстағы жағдайға назар аударылуының себебі содан. Бұлт жиындарының батыстан шығысқа қарай қозғалуының негізгі себебі де содан. Ал, бұлт жиындарының батыстан шығысқа қарай қозғалуынв\ың негізгі себебі - Жердің айналу бағыты. Өйткені жер батыстан шығысқа қарай айналатыны белгілі. Кейіннен белгілі болған бұл ақиқат бірнеше ғасыр бұрын Құранда айтылып қойғаны керемет емей немене?23

Аспанның кері қайтару қабаты

« Қайталап жаңбырлататын аспанға серт » 24 деген аятта аспанға байланысты «ражғ» «қайталап» сөзі қолданылған. Бұл сөзді аударғанда қайтқан деген мағына береді. Бір қызығы Құранда айтылған бұл ерекшелік енді ғана ғылымда белгілі болды.

Атмосфераның көп қабаттан тұратыны бәрімізге белгілі. әр қабаттың өзіндік міндеттері бар. Зерттеулер барысында жерді қоршаған әр қабат оған жеткен ғарыштық түрлі сәулелерді және зиянды заттарды ғарышқа немесе жердің жоғарғы қабатына қайта жіберетіндігі дәлелденген. Мысалы жерден 13-15 км биіктікте орналасқан «тропосфера» қабаты судың буланып, жоғарыға көтерілуін қамтамасыз етіп, оны жаңбыр күйінде жерге қайта жібереді.

25 км биіктіктегі «озоносфера» қабаты ғарыштан тараған зиянды ультра күлгін сәулелерді шағылыстыруы арқылы бұл сәулелер жерге жетпей ғарышқа кері кетеді.

«ионосфера» бейне бір спутникке ұқсайды. Ол жерден тараған радиотолқындарды жерге кері қайтарып, сымсыз байланысты қамтамасыз етеді.

«магнитосфераға» қатысты айтар болсақ, күннен және басқа да жұлдыздардан тараған зиянды радиоактивті бөлшектерді жер анамызға жеткізбей ғарышқа кері жөнелтеді. Аллаһтың «қайтарып» сөзінің мағынасы осыны білдірсе керек. 25

Қорғау төбесі

... жалғасы

Сіз бұл жұмысты біздің қосымшамыз арқылы толығымен тегін көре аласыз.