Халықаралық салық салудың теориялық негіздері

Жұмыс түрі: Курстық жұмыс
Тегін: Антиплагиат
Көлемі: 38 бет
Таңдаулыға:

ЖОСПАР

Кіріспе3

І-ТАРАУ. Халықаралық салық салудың теориялық негіздері4

1. 1 Салық салуда дүниежүзілік тәжірибесіндегі теориялық негіздері5

1. 2 Халықаралық салық салудағы қағидалары9

ІІ-ТАРАУ. Қазақстан Республикасындағы халықаралық салық салу13

2. 1 Қазақстан Республикасында халықаралық салық салудың дамуы13

2. 2. Резидент еместердің салық түсімдеріне талдау жасау. 17

ІІІ-ТАРАУ. Қазақстан Республикасындағы резидент еместерге салық салу18

3. 1. Резидент еместерге салық тәртібі мен ережеліктері. 18

3. 2 Халықаралық салық салу шарттарының негізіндегі шетелдік заңды және жеке тұлғаға салық салу ерекшеліктері29

3. 3. Қазақстан Республикасындағы резидент еместерге салық салуды жетілдіру жолдары31

Қорытынды37

Пайдаланылған әдебиеттер39

Кіріспе

Тақырыптың өзектілігі. Қазақстандағы нарық қатынасының дамуы шаруашылықтың жаңа ұйымдастырушылық-құқықтық түрлерінің пайда болуымен түсіндіруге болады. Қазақстан аймағында шетел заңдарына сәйкес құрылған көптеген кәсіпкерліктер, кәсіпорындар басқа да мекемелер шаруашылық қызметін шетел мемлекеттерінің заңдары негізінде атқарып жүр. Бұл субъектілердің іс-әрекеттері күннен күнге өз шеңберін кеңейтіп келеді. Алайда, Қазақстан аймағында қызмет жасап, елді жұмыспен қамтамасыз етуге біршама көмек беретін шетел компанияларының іс-әрекеттеріне Қазақстан аймағында шетел компанияларының іс-әрекеттерін ұйымдастыру, бірінші жағдайда салық ережелерінің соның ішінде халықаралық заңдарының жеткілікті дәрежеде қалыптасып орнығуы кедергі болып отыр. Сол себепті халықаралық салық жүйесі мен шетел заңды және жеке тұлғалардан салық жинау мәселесі курстық жұмыстың өзекті мәселесі болып табылады.

Осы тақырыпты таңдау біздің мемлекетте ол туралы аз сөз қозғалуы мен жан-жақты зерттеу талабынан туындады.

Жұмыстың мақсаттары мен міндеттері. Осы жұмыстың мақсаты шетелдік заңды және жеке тұлғалаға салық салу ережелері мен қағидаларын, негізгі категорияларын, олардың ерекшеліктерін айқындап, сонымен бірге қазіргі кезде қолданылып жүрген ішкі заңдылықтардың негізінде қызмет жасап жүрген шетел заңды және жеке тұлғалардың салық төлемі жайында жан-жақты зерттеу жүргізу.

Қойылған мақсатқа жету үшін келесі міндеттерді шешу қажет болды:

Халықаралық салық салу зерттеу-талдау жасау саласындағы және халықаралық Шетел заңды және жеке тұлғалардың кәсіби кәсіпкерліктің ерекше зерттеу-талдау жасау саласы ретінде салық салудің теориялық және практикалық жақтарын жалпылап зерттеу;
Шетел салық төлемшілерінен алынатын салық жүйесіне талдау жасап, олардың нарық қатынасындағы ерекшеліктерін айқындау;
Қазақстан мен Ресейдің шетел заңды және жеке тұлғаларына салық салым заңдылықтың, ерекшеліктеріне талдау жасай келе Қазақстан Республикасы үшін тиімді бағытты анықтау;

Курстық жұмыстың нысаны салық жүйесін және ережелердің халықаралық және ішкі заңдылықтарды қолдану болып табылады.

Зертеудің объектісі шет мемлекеттерінің заңдары негізінде құрылған шетелдік заңды тұлғалардың-фирмалардың, компанияладың және басқа мекемелердің іс-әрекеті нәтижесінде пайда болған экономикалық қатынастар.

І-ТАРАУ. Халықаралық салық салудың теориялық негіздері

1. 1 Салық салуда дүниежүзілік тәжірибесіндегі теориялық негіздері

Мемлекет пайда болған заманнан бері салық экономикалық қатынасының ажырамас бөлігіне айналды. Мемлекет құрылымының өзгеруі не дамуы салық жүйесіне әсер етпей қоймайды. Қазіргі кедегі өркениетті мемлекеттерде салық мемлекеттің пайда көзінің бірі және негізгісі болып саналады. Сонымен бірге салық механизм мемлекеттің жалпы өнеркәсіптің дамуына, оның даму барысы мен құрылымына, ғылыми-техникалық прогрестің дамуына ықпал тигізеді.

Халықаралық салық салуға тоқталмастан бұрын, салықтың экономикалық негізінің теориялық мәселесі мен салықтың роліне, оның тарихи бағыттары мен қазіргі кезде дамыған мемлекеттердің салық жүйесін салыстыра келіп белгілі бір нәтиже шығару керек. Бұл мәселелер салық салудың негізгі қағидалары мен халықаралық салық жүйесінің негізіне енген.

Ескеретін жайт, салық жайындағы ғылыми зерттеулер көптеген саяси экономикалық классиктерінің еңбектерінде сөз болғанымен салықтың анықтамасы экономикалық әдебиеттерде ұзақ уақыт бойы қозғалмады.

Мысалы, “Халықтың баюының себептері мен оның табиғаты жайында зерттеу” атты еңбегіндегі кейбір айтылымдар арқылы халық өзінің табысы арқылы мемлекеттік пайданы көбейтуге қатысып, ол өз кезегінде қажетті тетіктерге жұмсалуға қатысушы деген қорытындыға келуге болады.

Салықтың болуы дау тудырмайтыны хақ, бірақ А. Смит және оны қолдаушылар бұл қажеттіліктің әрқашан оңтайлы нәтиже беретініне күмән келтіреді. Мәселен, мемлекеттің барлық табысы басқалардың еңбегіне сүйенген өндірілмейтін элементтерді қамтамасыз етуі теріс әсер береді.

Ж. В. Сэйдің негізгі көзқарасы бойынша салық ол азаматтарға жақсы қызметі үшін берілген мемлекеттің пайдалы сыйы. Алайда, Сэй өз көзқарас жүйесін тізбектей келе А. Смиттің ұлт үшін шығын әкелуі мүмкін деген тұжырымдамасын қолдамайды. С. Сисмонди салық құрбандық болғанымен, ол сонымен бірге жақсы іс деп тұжырымдайды өз ойын.

Дж. С. Милль салыққа анықтама бермегенімен, оның пайымдауынша салықты халықтың игілігіне жұмсалатын өндірістен алынған ұстам деп ұғынуға болады.

Салық теориясының пайда болуына және оның дамуына едәуір ықпал еткен классиктерінің пайымдары Ресейдегі салық жайлы ғылыми ойдың дамуына да әсерін тигізді. Алғашқы осы саладағы күрделі зерттеулер “салық” термині пайда болған кезден, яғни XVІІІ-ғасырдың екінші жартысынан бастау алды.

Солардың ішінен Н. И. Тургеневтің “Салық теориясының тәжірибесі” атты сол кезеңдегі терең ғылыми зерттеуін айтып кетуге болады. Осы еңбекте қозғалған кейбір жағдайлар әлі күнге дейін өз көкейкестігін жоғалтпады. Автор салыққа мынадай анықтама береді: “Салық мемлекеттің немесе халықтың алға қойған мақсатына жетудің құралы, халық өздеріне ортақ мақсатына жету үшін мемлекетке салық төлейді”. Халық пен мемлекетті тығыз байланыста ала отырып, автор мемлекеттің пайда болуы - халықтың өз ниетімен бірігуі деп түсіндіреді. Сондықтан, салық та өзі берілген, ортақ мақсатқа жұмсалған қаржы дейді. Бұдан өзгеше көзқарасты профессор И. Х. Озеров ұстанады. Ол салықтың өз бетінше беруден шыққанын қолдай келіп, ол осы дәрежеге зорлау арқылы алынған салықтан кейін пайда болды дейді.

А. А. Соколовтың көзқарасы бойынша “Салық жеке қожайындардан өз шығынын өтеу үшін немесе мемлекеттің белгілі бір экономикалық саясатын жүзеге асыру үшін және салық төлеушілерге ешқандай арнайы балама (эквивалент) берілмейтін алым”. Салық категориясының мазмұнын кеңірек ашып, автор салықтың фискальді қызметпен бірге экономикалық саясаттың түрлі мақсат-міндеттерін атқара алатынын мойындайды.

Қазіргі экономикалық әдебиеттерде салық “заңды және жеке тұлғаларға мерзім мен мөлшері заң негізінде белгіленген бюджетке міндетті түрде төленетін төлемдер” деген анықтама берілген.

Жоғарыда айтылған анықтамалар әрине қазіргі кезде қаржы ғылымының жинақталған қорының бір бөлшегі ғана. Бұл анықтама тізімін әлі ұзақ жалғастыруға болады. Тәжірибе көрсеткендей, салыққа бір ғана толыққанды анықтама беру мүмкін емес, оған тек белгілі бір уақыттағы жағдайға байланысты салықтың негізі мен қасиеттерін ашып беруге болады.

Біздің ойымызша бұл қасиеттер мыналар:

салықтың міндеттемелік қасиеті;
бюджетке және түрлі деңгейдегі бюджеттік емес қорларға мемлекеттік шығынды өтеу үшін алынатын алым;
заң күшінің болуы;
баламалық (эквиваленттік) ауыстыруды қажет етпейді;
жеке субъектілердің заттық және шарушылық нарығы

Көптеген шетел экономистерінің айтуы бойынша кез келген өндірістің негізін экономикалық ресурстар болады дейді. Әйгілі “Экономикс” монографиясында автор: “… ұшақ құрастыру не мектеп салу үшін өкіметке ақша емес, ылғи шектеуде болатын экономикалық ресурстар: еңбек, жер және капитал қажет”. Сондықтан, халыққа қажетті ресурстар басқа шаруашылық бірліктен алынып, қажетті тауарлар, қызметер мен басқа заттарға жұмсалады. Салықты алу бір қожайыннан экономикалық ресурстардың алынып, екіншіге берілуі, халықтық өндірісте жағдайымен, орны, ролі, қызығушылығы, қажеттілігі мен мақсаттарымен ерекшеленетін екі жеке субъекті қатысатын үрдіс деп те қарауға болады.

Салықтың экономикалық негізі, ішкі мазмұны, ролі оның фискальді, бөлуші, бағыттаушы, шектеуші, қадағалаушы, қажеттілік пен қордың пропорциясын сақтаушы қызметтерінен көрініс табады.

Қазіргі кезеңдегі экономист ғалымдар халықтың саяси тұрақтылығына бағытталған критерийлер туралы сөз болғанда кез келген салық жүйесінің бес түрлі қасиеттерін бөліп алады:

Экономикалық тиімділік (салық жүйесі ресурстарды тиімді таратуға кедергі жасамау керек) ;
Әкімшілік қарапайымдылық (салық жүйесі қарапайым және қымбат болмау керек) ;
Үнемділік (салық жүйесі экономикалық жағдайда болған өзгерістерге қарапайым, ал кей кезде автоматты түрде жауап беруі керек) ;
Саяси жауапкершілік (салық жүйесі саяси үрдістегі азаматтардың қажеттілігін өтейтіндей болып құрылуы керек) ;
әділеттілік (салық жүйесі өз төлемшілеріне әділетті болуы керек) .

Салық жүйесі заң негізінде белгіленген салық түрлерінен формаларынан, құрылымдық әдістерден тұрады. Бұл инструменттер жиынтығы 1 кестеде көрсетілген.

Салық көзі: Салық көзі

Еңбек табысыКәсіпкерлік табысКапитал:

Еңбек табысы

Кәсіпкерлік табыс

Капитал

Салық көзі: Салықтың объектісі

Еңбек табысыКәсіпкерлік табысКапитал:

Табыс

Байлық

Байлықты бөлу

Табыс айналымы

Жер

Салық көзі: Салықтың субъектісі

Еңбек табысыКәсіпкерлік табысКапитал: Жеке және заңды тұлғалар

Салық көзі: Салықты төлеушілер

Еңбек табысыКәсіпкерлік табысКапитал: Жұмыскерлер, шаруалар, рантье қызметкерлері, жер иелері, кәсіпкерлер

Салық көзі: Салық салым бірлігі

Еңбек табысыКәсіпкерлік табысКапитал:

Ақша

Тауар бірлігі және басқалар

Салық көзі: Салық өлшемі

Еңбек табысыКәсіпкерлік табысКапитал: % пайыздық салым

Салық көзі: Салық алудың түрі

Еңбек табысыКәсіпкерлік табысКапитал:

Баға жүйесі арқылы

Табыс арқылы

1-кесте. Салықтың интрументтер жиынтығы

Салықтар сонымен бірге тура және жанама болып бөлінеді (2-кесте) . Бұл терминология XVІІ ғасырда пайда болып, өзінің өміршеңдігін дәлелдеді. Тарихи тұрғыда алғанда тура салықтар жанама салықтан бұрын пайда болды. Тура салықтардың алынуы жер меншігі пайда болған заманнан бастап ол салықтың алғашқысы және ең көне формасы болып саналады.

САЛЫҚТАР

Тура жанама

шынайы акциздер жеке фискальді монополиялар кедендік баждар

мемлекеттік

жергілікті

2-кесте Салықтардың негізгі жіктемесі

Салықтардың бұлай болып жіктелуі, алғашқыда тура салықтар пайданың көлемінен алынып, жанама салықтар тұтынушыға өзінің тауарын жүктеме етеді.

Алайда, салықтардың тура және жанама болып бөліну критерийі іс-тәжиребе жүзінде көбінесе шынайы өмірге жанаспай сай келмейді. Өйткені тура салықтар да оңтайлы сәтте бағаның өсу механизмі арқылы беріліп, жанама салықтар нарықтың бұрынғы көлемде көтерме бағамен тауарды қайта сатып ала алмау себебінен оған ылғи тәуелді болмайды.

Сонымен бірге салықты белгілеу және жинау тәсілдеріне байланысты салықтар өзара жіктеледі. “Тура салықтар белгілі бір уақытта белгіленген салық мөлшері бойынша алынады. Жанама салықтар - жеке жағдайларға, фактілерге тәуелді болады, сол себепті олар мерзім, мөлшер жағынан регламентке бағынбайды”.

Тура салықтар мүлікке не табысқа белгіленеді. Жанама салықта тауар сатушы не қызмет көрсетуші өз жұмысын атқарғаннан кейін салық мөлшерін алып, мемелекеттің атына аудартады.

Тура салықтар жанама салықтармен салыстыра келгенде, неғұрлым прогрессивті форма, өйткені ол субъектінің табысын ескеріп, соған байланысты салық көлемін белгілейді. Сонымен қатар ол салық алынбайтын минимум, түрлі жеңілдіктер жасайды. Ал жанама салықтарға келетін болсақ, ол құпиялық сипатта болғанымен тауардың бағасымен біте қайнасып білінбей төленеді және жанама салықтар салық төлеушіге жеңіл көрінеді.

Қорытындылай келе біз салықтың ролі мен экономикалық негізіне қатысты теориялық көзқарастарды талдау жасадық. Ал ол өз кезегінде осы курстық жұмыстың негізгі мақсатына жетуге бір қадам жақындауға септігін тигізді деп ойлаймыз.

1. 2 Халықаралық салық салудағы қағидалары

Көптеген мемлекеттердің үкіметтері бір-бірімен салық саясаты саласында бірге жұмыс жасауға тырысып жатыр. Бұл бірлестіктердің қажеттілігі екі және көп жақты шаруашылық байланыстың дамуы мен экономикалық интеграцияның қарқынды алға жылжуымен түсіндіруге болады. Бұл әлемдік нарықта бәсекелестікте тең дәрежеде жағдай жасау бағытымен жасалып жатқан игі істер деп ұғуға болады.

Шетке шығарылатын тауарлардың немесе қызметтердің ұлттық бәсекелестігі, белгілі бір мемлекеттің шет елге капиталын шығару мүмкіндігі тек мемлекеттің ұлттық шаруашылығының тиімділігіне емес, сонымен қатар оның салықтың мөлшеріне, ұлттық жеңілдіктер көмегі арқылы ұлттық кәсіпкеліктердің сыртқы экономикалық әрекетінің мемлекеттік қолдау деңгейіне байланысты болады.

Барлық дамыған мемлекеттер өзінің аймағында табылған табыстарға салық салады. Көптеген мемлекеттер (АҚШ, Канада, Жапония, Ұлыбритания) басқа мемлекеттерде табылған табыстардан өз мемлекеттерінің заңды және жеке тұлғаларынан салық алады. Нәтижесінде олар шет елде және өз еліндеде екі есе салыққа (қос салық) ілінеді.

Қос салық салудан босату жайындағы алғашқы келісім сөздер 1940 жылы Ұлттар Лигасы шешуге талпыныс жасады. 1960 жылы Экономикалық Бірлестік және Даму Ұйымы (ЭБДҰ) құрылып, 1963 жылы оның Фискальді кабинеті “Табыс пен капитталға байланысты қос салық салудан босату жайындағы келісімнің жобасын” жариялады. ЭБДҰ келісімнің бірінші редакциясы 1963 жылғы жасалған жобадан кейін ЭБДҰ-ға мүше мемлекеттердің тәжірибесін саралай келе тек қана 1977 жылы жарық көрді.

1991 жылы айтылған ЭБДҰ келісімі үздіксіз қайта қаралып, жаңа шешімдер қабылдауға үкім қабылданды. Бұл жолғы қайта қарауда салық саласында айтарлықтай өзгеріс болғанын және бұрынғы жүйе ескіріп, оны жылдамдату, бүгінгі күнге сай ету мәселелері қозғалды. Соның әсерінен 1972 жылғы жоба қайта қаралып, 1992 жылы жаңа жоба қолданысқа енді.

ЭБДҰ келісімінің мақсаты - ЭБДҰ мүше мемлекеттердің арасында қос салық салуды жою.

Халықаралық салық салудың негізгі қағидасы қос салық салуды жою болып табылады. Бұл қағиданы тереңірек түсіну үшін, алдымен қос салық қалай және неге пайда болады деген міңселеге тоқталған жөн.

Қос салық салымының екі негізгі түрі бар. Біріншісін, кейде “заңды қос салық” («юридическое двойное налогообложениең) деп атайды, ол табылған табыс екі мемлекттің заңдары бойынша салық төлеушіден алынады. Көп жағдайда бұл құдылыс салық төлеушінің “ғаламдық” салық жүйесі бар мемлекеттің азаматы болып табылып, ал табыс көзі “аймақтық” жүйелі мемлекетте орналасқан. Мысалға, Ұлыбритания ғаламдық жүйені ұстанған және Ұлыбританиядағы тұрғылықты халықтан салық жинайды, ал Гонконгта аймақтық жүйе енгізілген және тек осы аймақта табылған табыстан ғана салық алынады. Соның нәтижесінде Ұлыбритания мемлекетінің өкілі Гонконгта табыс тауып, келісім шарт арқылы берілген жеңілдіктер болмаған жағдайда екі мемлекетте тапқан табыстан қос салық салымын алынады.

Қос салық салымының екінші түрі “экономикалық қос салық” болып табылады. Ол бір табыстан екі мемлекетте салық алынғанымен, оны төлеушілер екі басқа субъектілер болады. Мысалға, егер АҚШ компаниясы Нидерландыда филиалы болса, онда оның табысынан Нидерланды заңы бойынша салық алынады. Егер ол табыс АҚШ-тағы негізгі компанияның шотына аударылатын болса, онда ол қосымша АҚШ заңы бойынша салыққа қайта ілінеді.

Бұл екі қос салық салу түрлері бір-бірін жауып не теріске шығармайды. Мысалы, егер компанияның филиалы орналасқан мемлекетте дивидендтерге салық салынып, ал негізгі компания орналасқан мемлекетте шетелде орналасқан филиалынан алынатын салық жайында хабарлама беріп, жеңілдіктер болмаса онда ол заңды да, экономикалық қос салық салынуға ілігеді.

Көптеген мелекетердің ұлттық заңдары бойынша қос салыққа байланысты бір жақты жеңілдіктер ұсынылады. Экономикалық бірлестік және Даму Ұйымында бұл мәселеге аз тоқталған. Онда тек “мемлекеттердің экономикалық қарым-қатынасына, дамуына біршама теріс әсер беретін мәселелердің негізгісі ол қос салық салу болып табылады”.

Халықаралық сауданы дамыту мақсатында жасалып жатқан шаралардың ресми мәліметтерінде осы мәселеге байланысты бірнеше мақсат-мүдделер қойылған: қос салық салымының кері әсерлерін жоюға тырысу, инвесторлар мен коммерсанттар үшін салық тәртібінің тұрақты болуын қамтамасыз ету. Жоғарыда аталған ұйымның келісім-шарт құжаттарында тағы да бір көтерілген көкейкесті мәселелердің бірі ол салық төлеуден жалтыратуды жою. Көптеген елдерде келісім-шарттар салықтық бақылаудың қосымша түрі деп саналады. Алайда келісім-шарттың басты мақсаты ол салық салуға байланысты елдер арасындағы тең құқылы болып, келісілген табыс бөлігін ешқандай кедергісіз алып отыру. Келісім-шарттар белгілі бір операцияны жасау барысында салық салуға қатысты бір елдің құқығын дәл және тура жеткізуге септігін тигізеді.

Қос салықтан босануға қатысты келісім-шарттарда салық мөлшерін азайтылуы мүмкін және ол салық төлеушінің өз еліндегі салық мөлшерінен аз көлемде төлеуге мүмкіндік алады. Салық төлеуге байланысты жеңілдіктер салық несиесі мен салық төлемінен босату әдістерін жатқызуға болады. Көп елдерде бұл екі әдістің біреуі, яғни тек салық несиесі немесе салықтан босату әдісі қолданылады, бірақ кейде ол табыс табу әдісіне байланысты да болып келеді. Қос салық салудан босатуға қарсы қолданылатын тағы да бір әдіс, ол көп елдерде қолданыс тапқан “салық төлемінен прогрессивті түрде босату” әдісі. Бұл әдіс бойынша салық мөлшерін анықтау мақсатында шетел табысы табыстың жалпы сомасына қосылып, ал табыс салыққа ілінбей қалады. Ұлыбритания мен Америка Құрама Штаттарында салық несиесін қолдануды жөн көреді, екі жағдайда да табысқа қатысты жергілікті салық эквивалентіне тең болады. Нәтижесінде салық төлеуші ең жоғарғы, жергілікті немесе шетел салық мөлшері бойынша төлейге мәжбүр болады. Салық жүйесі бойынша салық жеңілдіктері жеке салық көздері бойынша (мысалы, Ұлыбританияда), немесе одан күрделірек жүйе бойынша бірнеше салық көздері біріктіріліп шетелде төленген салықтың орта есебін шығару үшін қосылады.

Салық несиесі мен салықтан босату әдістері түрлі экономикалық қорытындыға ие болады. Ол әсіресе салық төлеушінің өз еліндегі салық мөлшері мен басқа елдегі салық төлемінің мөлшері екі түрлі болғанда айқынырақ білінеді.

Мысалға, “А” мемлекетінің салық төлеушісі (салық төлеушінің мемлекеті) “Б” мемлекетінде саудамен айналысады делік. Егер “А” мемлекетінде салық төлемінен босату әдісі қолданыста болса, онда салық төлеуші салықты тек “Б” мемлекетінде жүргізеді. Нәтижесінде салық төлеуші “Б” мемлекетіндегі коммерсанттар сияқты салық мөлшерін солармен тең мөлшерде төлейді. Керісінше, “А” мемлекетінде салық несие әдісі қолданыста болса, “А” мемлекетінің салық төлеушісі “Б” коммерсанттарынан гөрі “А” мемлекетінің коммерсанттары сияқты салықты көбірек төлейді.

Сонымен, салықтан босату әдісі бойынша мемлекетте салық төлеушілердің саны азаюы мүмкін, өйткені салық төлеушілер өз мемлекетінде жоғары мөлшерде салықты төлегеннен гөрі салық мөлшерін аз төлейтін мемлекетте табысты молырақ табу сөзсіз тиімді болады.

Салықтық несие әдісі бойынша әр мемлекеттің салық төлеушісі өз елінде немесе шет елде табыс табуына байланысты емес салықты тең дәрежеде төлейді. Егер салық мөлшері салық төленетін мемлекетте салық төлеушінің өз мемлекетінен гөрі жоғары болса, оның шетелдегі табысы салықтық несие немесе салықтан босату әдістеріне қарамастан салықтан босатылады.

Әрине келісім-шарттар мемлекеттің заңдарын ескере отырып жасалатынын түсіну керек. Бұл мәселе егер келісім мен мемлекттің заңы қарама-қайшы келгенде өзінің өткірлігін танытады. Бұл жағдайда келісім-шарттың не мемлекеттің заңының күші мықты болатынын белгілеп алу керек.

Бірінші ескеретін жайт, ол келісім-шарт өзіндік күшке ие бола алатындығы немесе мемлекеттік заңының құрамасы ретінде ерекше рәсімделуі керек пе деген сұрақ туындайды. Бірінші жағдай жеке құқығы бар мемлекеттерде (мысалы Францияда), ал екіншісі жалпы құқық жүйесі бар мемлекеттерде (мысалы Ұлыбритания және Америка Құрама Штаттары) орын алады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.