Салық төлеушінің салық салынатын табысы

Жұмыс түрі: Материал
Тегін: Антиплагиат
Көлемі: 22 бет
Таңдаулыға:

С.Д. Асфендияров атындағы Қазақ Ұлттық Медициналық Университет

РЕФЕРАТ

Тақырыбы: ___________________________________ _____

___________________________________ ________________________________

Оқытушы: __________________

Студент: __________________
__________________

Алматы 2007

Жоспар:
1.
Кіріспе ... ... ... ... ... ... ... ... ... ... ... ... ... ... ... ... ... ..
... ... ... ... ... ... ... ... .2б
2. Салық салуды ұйымдастыру,
функциялары ... ... ... ... ... ... ... ... ... ... 3б
3. Қазақстан Республикасының қазіргі салық
жүйесі ... ... ... ... ... ... ... . 6б
3.1 Негізгі салық
элементтері ... ... ... ... ... ... ... ... ... ... ... ... ... ... 6б
3.2 Тура және жанама
салықтар ... ... ... ... ... ... ... ... ... ... ... ... ... 7б
3.3 Жер қойнауын пайдаланушылардың салықтары мен арнаулы
төлемдері ... ... ... ... ... ... .. ... ... ... ... ... ... ... ..
... ... ... ... ... ... ... ... .12 б
3.4 Әлеуметтік
салық ... ... ... ... ... ... ... .. ... ... ... ... ... ... ... ... ... .
...13б
3.5Меншікке салынатын
салықтар ... ... ... ... ... ... ... ... ... ... ... ...14б
4. Алымдар, баждар,
төлемдер ... ... ... ... ... ... ... ... ... ... ... ... ... ... ... ... .17б
5. Арнаулы салық
режимдері ... ... ... ... ... ... .. ... ... ... ... ... ... ... ... ... ... ..
18б
6.
Қорытынды ... ... ... ... ... ... .. ... ... ... ... ... ... ... ... ... ... ..
... ... ... ... ... ... 20б
7. Пайдаланған
әдебиеттер ... ... ... ... ... ... . ... ... ... ... ... ... ... ... ... ... ..
..21б

Кіріспе

Салықтардың барлық елдерде олардың қоғамдық экономикалық құрылысы мен
саяси іс- бағытына қарамастан ұлттық мемлекет кірістерінің негізгі көзі-
ұлттық табысты қайта бөлудің басты қаржылық инструменті, мемлекеттердің
кірістерін және бюджеттің кірістерін қалыптастырудың негізгі көзі болып
табылады.
Ұйымдық-құқықтық жағынан алғанда салықтар- бұл заңмен алдын-ала
анықталған, белгілі бір көлемде және белгіленген мерзімде бюджет қорына
түсетін міндетті төлемдер.
Салықтар мемлекетпен бірге пайда болды және мемлекеттің өмір сүріп,
дамуының негізі болып табылады. Мемлекет құрылымының өзгеруі, өркендеуі
әрқашан салық жүйесінің қайта құрылуымен, жаңаруымен қабаттаса жүреді.
Салықтардың экономикалық мәні мемлекеттің заңды және жеке
тұлғаларымен қалыптасатын ақша қатынастарымен сипатталады, сондықтан,
салықтар экономикалық категориялар ретінде қаралуы мүмкін. Салықтарда
мемлекеттің экономикалық мазмұны нақты түрде көрінеді, ал салықтардың
әлеуметтік – экономикалық мәні, олардың түрлері мен рөлі қоғамның
экономикалық құрлысымен, мемлекеттің табиғатымен және функцияларымен
анықталады. Белгілі философ Френсис Бэкон салықтарды төлеу- әрбір азаматтың
қасиетті борышы деген еді.
Қазақстан Республикасы Конституциясының 35-бабында: заңды түрде
белгіленген салықтарды, алымдарды және өзге де міндетті төлемдерді төлеу
әркімнің борышы әрі міндеті болып табылады,-деп жазылған.

Салық салуды ұйымдастыру салық қатынастары нысандарының элементтерін,
яғни салық түрлнрінің нақты атауларын, сондай-ақ оларды қолданудың тәртібі
мен әдістерін, іс-қимылының тәсілдерін кіріктіретін салық механизмін құруға
және оның жұмыс істеуіне саяды. Салық механизмінде өзара байланысты
элементтерден тұратын арнаулы нұсқаулық қолданылады.
Қазақстан Республикасының қазіргі салық жүйесі салықтарды құру мен
алудың нақтылы әдістерін анықтайды, салықтың тиісті элементтері арқылы
салық салудың тәртібін белгілейді.
Салықтардың әлеуметтік- экономикалық мәні мен мазмұны олар атқаратын
функцияларда толық ашыла түседі. Қазіргі кезде салықтар фискалдық, реттеуші
және қайта бөлу секілді негізгі 3 функцияны орындайды. Бұлардың әрқайсысы
осы қаржы категориясының ішкі қасиетін, белгілері мен ерекшеліктерін
білдіреді.
Фискалдық функция- барлық мемлекеттерге тән функция. Оның көмегімен
бюджеттік қор қалыптасады, мұның өзі салықтардың қоғамдық міндеттерін
арттыра түседі. Өйткені салықтар мемлекеттік бюджеттің кірістерін толыстыра
отырып, экономиканы, әлеуметтік-мәдени шараларды жүзеге асыруды қамтамасыз
етеді.
Салықтардың реттеуші функциясы мемлекеттің экономикалық қызметінің
ұлғаюымен байланысты болады. Ол халық шаруашылығының дамуына қабылданған
бағдарламаға сәйкес ықпал етеді. Бұл кезде салықтардың нысандарын таңдау,
ставкаларының алу әдістерінің өзгеруі, жеңілдіктер мен шегермелер
пайдалынады. Бұл реттегіштер қоғамдық ұдайы өндірістің құрылымына,
қордалану мен тұтыну ауқымына ықпал етеді.
Қайта бөлу функциясы арқылы түрлі субъектілер табысының бір бөлігі
мемлекет қарамағына өтеді. Бұл функцияның іс- әрекетінің көлемі ішкі жалпы
өнімдерді салықтардың алатын үлесі арқылы анықталады.
Салық салу объектілерін есепке алу және оларды бағалау тәсілдеріне
қарай салық алудың мынандай 4 тәсілі қолданылады: кадастрлық, салық
төлеушінің декларациясы бойынша, табысты алу көзінен ұстап қалу, патенттік
негізінде.
Бірінші жағдайда салықты есептеу мен оны алу, салық салу
объектілерінің табыстылық (жер салығы, мүлік салығы) нормасын көрсете
отырып, олардың тізімі ретінде жүзеге асырылады.
Декларацияда салық төлеушілер табыстың көлемін, қажетті
жеңілдіктерді, шегермелерді көрсетеді және салықтың сомасын есептейді
Жылдық жиынтық табыс пен шегеріс жасау туралы декларацияны мына салық
төлеушілер салықты тіркейтін жердегі салық службасы органдарына есепті
жылдан кейінгі жылдың 31 наурызына дейін тапсырады:
✓ Заңды тұлғалар, дербессалық төлеушілер болып табылатын олардың
филиалдары, өкілдіктері мен өзге оқшауланған құрылымдық
бөлімдері;
✓ Қазақстан Республикасындағы төлем көздеріне салық салынбайтын
табыстары бар жеке тұлғалар;
✓ Салық жылы құрылыс салған немесе сомасы 500 айлық есептік
көрсеткіштерден астам ірі сатып алу жасаған жеке тұлғалар
(тұрғын үй салу және осындай құрылыс үшін ірі құрылыс
материалдарын сатып алудан басқа);
✓ Қазақстан Республикасынан тысқары орналасқан шетел
банктеріндегі шоттарда ақшасы бар жеке тұлғалар;
✓ Қазақстан Республикасынан тысқары жерлерден табыс алушы жеке
тұлғалар;
✓ Қазақстан Республикасы Парламенті мен мәслихаттардың
депутаттары, сондай-ақ мемлекеттік қызметшілер үшін қаралған заң
нормалары таралған тұлғалар;
✓ Қазақстан Республикасында тұрақты мекеме арқылы қызметін
жүзеге асыратын резидент еместер.
Салық төлеушінің Қазақстан Республикасындағы кәсіпкерлік қызметі
аяқталған кезде салық службасы салық төлеушіден себебі мен күні,
декларацияның қашан және қай кезеңде тапсырылуы тиіс екенін көрсете отырып,
жазбаша хабарлама беру жолымен 12 айдан кем кезеңдегі табысы туралы
декларацияның табыс етуін талап ете алады.
Табыстар туралы және табыстар мен мүлік туралы мәліметтер Қазақстан
Республикасы заңы белгіленген нысан мен тәртіп бойынша беріледі.
Үшінші әдіс бойыша салық төлеуші жұмыс істейтін ұйымның, мекеменің
бухгалтериясы одан салықты табыс алынған жерде есептеп, ұстайды.

Төлем көздерінен табыс салынған ұстауды мына тұлғалар жүргізуге
міндетті:
➢ Еңбек шарты (контракт) немесе мердігерлік (жалдау) бойынша жұмысы
үшін жеке тұлғаларға жасалған төлемдерден және басқа төлемдерден
кәсіпкерлік қызметпен шұғылданатын заңды немесе жеке тұлға
(кәсіпкерлік қызметтің субъектілері ретінде тіркелген жеке
тұлғаларға жасалған төлемдерді қоспағанда);
➢ Заңды және жеке тұлғаларға сыйақы төлейтін резидент- заңды тұлға;
➢ Заңды және жеке тұлғаларға девидендтер төлейтін заңды немесе жеке
тұлға;
➢ дивидендтер мен сыйақы, сақтық төлемдер, телекоммуникациялық
немесе көлік қызметтері, роялти, басқару және консультациялық
қызметті қоса алғанда қызмет көрсетуден түсетін табыстар, жалдау
жөніндегі табыстар және басқа табыстар мен төлемдерді жүзеге
асыратын заңды немесе жеке тұлға;
➢ жеке тұлғаларға ұтыстарды төлейтін заңды және жеке тұлға;
➢ шаруашылық жүргізуші субъектілер қызметкерлеріне тура немесе
жанама табыстары болып табылатын кәсіпкерлік қызметпен байланысты
емес шығындарды- төлемдерді төлейтін заңды немесе жеке тұлғалар;
➢ орналастырылған зейнетақы активтері бойынша жинақтаушы зейнетақы
қорларына төленетін инвестициялық табыстарға төлем көзінде табыс
салығы салынбайды.
➢ Салықты ұстауға және бюджетке аударуға табыс төлеуші заңды немесе
жеке тұлға жауап береді. Салық сомасы ұсталмаған жағдайда табыс
төлеуші заңды немесе жеке тұлға ұсталмаған салық сомасын және оған
байланысты айыппұл мен өсімді бюджетке енгізуге міндетті.
Төртінші әдіспен салық кәсіпкерлік қызметтің сан-алуан түрлеріне берілетін
патент негізінде төленеді.

Барлық өркениетті елдерде салықтардың бүкіл жиынтығы былайша
жіктеледі:
❖ Салық салу субъектісі бойынша;
❖ Салықтан алатын және салықтан жиналған сомаға билік жасайтын
органға қарай;
❖ Пайдалану тәртібі бойынша;
❖ Объектінің экономикалық белгісі бойынша;
Салықты салу объектісі бойынша олар тура және жанама салықтар болып
бөлінеді.
Тікелей табысқа немесе мүлікке (пайдаға, мүлікке, жерге салынатын
салық, табыс салығы) салынатын салықтар тура салықтарға жатады.
Тура салықтар өз кезегінде нақты және жеке салықтарға жіктеледі.
Нақты салықтар салық төлеушілердің мүлкінің (меншігінің) кейбір түрлеріне
(үй, жер, кәсіп, ақшалай капитал және т.с.с.) салынады. Жеке тура салықтар-
бұл жеке адамдар мен заңды ұйымдардың табыстары мен мүлкіне салынатын
салықтар. Нақты салықтардан айырмашылығы- жеке салық салу әрбір салық
төлеушінің жеке табысы мен мүлкін де, оның қаржы жағдайын да ескереді.
Өз кезегінде жанама салықтар да бірнеше топқа бөлінеді. Олардың
құрамында мыналарды ажыратуға болады: акциздер, қосымша құнға салынатын
салық, кеден баждары және басқалары.
Жанама салықтар салудың мәні салықтың тауардың бағасына (немесе
қызметтің тарифіне) қосылатындығына, кіретіндігінде болады. Бұл жағдайда
салықты тауардың нақты тұтынушысы төлейді, алайда тұтынушы мен мемлекет
арасында тікелей байланыс болмайды.
Салықты алатын және оған билік жасайтын органға қарай әдетте
мемлекеттік және жергілікті салықтарды ажыратады.
Пайдалану тәртібіне қарай барлық салықтар жалпы және мақсатты
(арнайы) болып бөлінеді.
Жалпы салықтар тиісті деңгейлердегі бюджеттерде шоғырландырылады және
жалпы мемлекеттік қажеттіліктерді қаржыландыруға пайдаланылады. Мақсатты
салықтардың нысаналы арналымы болады және әдеттегі түрлі арнайы қорлардың
қаржы базасын құруға арналады.
Объектінің экономикалық белгілері бойынша табысқа салынатын салықтар
және тұтынуға салынатын салықтар болып ажыратылады. Табысқа салынатын
салықтар төлеушінің салық салынатын кез-келген объектіден алған
табыстарынан алынады. Тұтынуға салынатын салықтар- бұл тауарлар мен
қызметтерді тұтыну кезінде төленетін шығынға салынатын салықтар.
Қазақстан Республикасының қазіргі салық жүйесі

Салық ұғымымен салық жүйесі ұғымы тығыз байланысты. Мемлекетте
алынатын салық түрлерінің, оны құру мен алу нысандары мен әдістерінің,
салық службасы органдарының жиынтығы әдетте мемлекеттің салық жүйесін
құрайды.
1991ж-ға дейін, яғни КСРО ыдырағанға дейін елде көбінесе экономиканы
басқарудың әміршіл-әкімшіл жүйесіне, бағаларға қатаң мемлекеттік реттеуге
сәйкес келетін салық жүйесі қызмет етті. Бюджеттің басты кіріс көздерінің
бірі болған айналым салығы тіркелген бөлшек сауда және көтерме сатып алу
бағаларын қолдануға және мемлекеттік реттеп отыруға бағытталған болатын.
Қазақстан егемендікке ие болғаннан кейін 1991-1995жылдары қабылдаған
бірқатар заңдарға сәйкес республикада жаңа салық жүйесі қалыптасты.
1991ж Желтоқсанның 25-нен бастап біздің елімізде тұңғыш салық жүйесі
жұмыс істей бастады. Ол Қазақстан Республикасындағы салық жүйесі туралы
заңға негізделді. Бұл заң салық жүйесін құрудың қағидаттарын, салықтар мен
алымдардың түрлерін, олардың бюджетке түсу тәртібін белгілеген алғашқы
тарихи құжат еді. Осы заңға сәйкес Қазақстанда 1992ж Қаңтардың 1-нен бастап
13 жалпы мемлекеттік салық, 18 жергілікті салықтар мен алымдар және 11
міндетті түрде төленетін жергілікті салықтар мен алымдар енгізілді.
Қазақстан Республикасының үкіметі 1995ж-ң басында салық реформасының
ұзақ мерзімді концепциясын қабылдап, онда еліміздің салық жүйесі мен салық
заңдылығын бірте-бірте халықаралық салық салу қағидаттарына сәйкестендіру
көзделді. Осыған байланысты Салық және бюджетке төленетін басқа да
міндетті төлемдер туралы 1995ж Сәуірдің 24-інде Қазақстан Республикасы
Президентінің заң күші бар жарлығы шықты.
Салықтар мен алымдар заң актілері мен жер қойнауын пайдалануға
жасалған контракттардың ережелерінде көзделген төменнің заттай нысаны
көзделген жағдайлардан басқа кезде, сондай-ақ заңнамалық кесімдерге
сәйкес салық төлеу шетел валютасында жүзеге асырылғанда теңгемен
есептеліп төленеді.
Қандай да бір салықтан босату немесе салық ставкасын азаайту
заңнамалық кесімдерге өзгертулер мен толықтырулар енгізу тәртібімен ,
сондай-ақ салықтар жөніндегі заңға және Тура инвестицияларды мемлекеттік
қолдау туралы заңға сәйкес инвестиция жөніндегі уәкілетті органмен
жасалынған контракт негізде жүргізу мүмкін.
Қазақстан Республикасының қазіргі кездегі салық жүйесі салықтарды
құру мен алудың нақтылы әдістерін анықтайды, салықтың тиісті элементтері
арқылы салық салудың тәртібін белгілейді.Негізгі салық элементтеріне
мыналар жатады:
• салық субъекті немесе салық төлеуші. Ол заң жүзінде салық
төлеудің міндеттілігі жүктелген тұлға, алайда рыногтық механизм арқылы
салық ауыртпалығы басқа тұлғаға – салықты алып жүрушіге қойылуы мүмкін.
• салық субъектісі. Бұған салық есептелетін табыс немесе
мүлік
(жалақы , пайда, бағалы қағаздар,жылжымайтын мүлік және басқалары ) жатады;
• салық көзі. Салық төлеушінің салық салынатын табысы.
• салық ставкасы. Ол салық салу бірлігіне салынатын салық
мөлшері (табыстың ақшалай бірлігі , жер көлемнің бірлігі, тауар өлшемнің
бірлігі және т.с.с).
Салық салу практикасында ставкалардың мынадай түрлерін
ажыратады:
• тұрақты (берік) салық ставкалары. Олар табыс көзіне қарамастан

салық салу бірлігіне абсалюттік сомада белгіленеді (мысалы, мұнандай
1 тоннасына, газдың 1 текше метріне);
• пропорционалды салық ставкалары. Олар салық объектісіне ( оның

мөлшерін саралауды есепке алмай) бірдей пайыздық қатынаста іс- әрекет
етеді;
• прогроссивті салық сиавкалары. Бұл жағдайда прогроссивтік
салық ставкасы табыстын артуына қарай өсіп отырады. Нәтижесінде салық
төлеуші табыстың үлкен аюсалюттік сомасын ғана емес, соңымен бірге оның
үлесінде төлейді. Прогросивті салықтар ең алыдмен табысы көп тұлғаларға
ауыртпалық түсіреді.
• регриссивті салық ставкалары. Олар табыстың өсуіне қарай
төмендейді. Регриссивті ставкалар табысы көп тұлғаларға тиімді болып
келеді, ал табысы аз адамдардың иығына ауыртпалық түсіреді.
Салықтын негізгі көзі мыналар болып табылады:
• табысқа салынатын салық . Бұған заңды тұлғалар мен жеке
тұлғалардың табысына салынатын салық жатады;
• тауарларға салынатын салықтар. Олар қосылған құнға салынатын
салықтарды, акциздерді , кеден баждарын қамтиды.
• Капиталға салынатын салық. Оған мұрадан алынатын салық,
салыққа салынатын салық, жерге салынатын салық, бағалы қағаздарды сатуға
салынатын салық жатады.
Қазақстан Республикасының аумағында қолданылатын салықтар тура және
жанама болып бөлінеді. Жанама салықтарға қосылған құнға салынатын салық
және акциздер жатады. Жанама салықтарға сондай-ақ сыртқы экономикалық
қызметтерден түсетін түсімдер ( кеден баждары, экспортқа және импортқа
салынатын кеден баждары және басқалары) жатады. Басқа салықтар тура
салықтарға жатады.
Жанама салықтар мемлекеттің фискалдық мүдделерін білдіреді.
Оларды парасатты қолдану баға белгілеудің процесіне жағымды ықпал
жасауы және тұтынудың құрылымына әсер етуі мүмкін.
Еліміздің республикалық бюджеттің кірістерінде жанама салықтардан
түсетін түсімдер 38,6 % (1998 ж) құрады.
Жанама салықтардаң ішіндегі маңыздысы қосылған құнға салынатын
салық болып табылады. Ол жүниежүзінің 40-тан астам елдерінде, соның
ішінде Европа экономикалық одағының 17 елінде пайдаланады. Бұл салықтың
артықшылығы мынада : біріншіден, ол жаңа құн жасалынған орын бойынша
салық төлеушілердің үлкен тобынан алынады; екіншіден , төлеушілер
үшін де есептеудің салыстырмалы қарапайымдылығымен ерекшеленеді және ,
үшішіден, бағалардың өзгеруәне төлеушінің қаржылық ахуалына , инфляция
деңгейіне қарамастан мемлекет бюджетінің аса маңызды көздерінің бірі
брлып табылады. 1998 жылы республика бюджеті кірістерінің жалпы сомасында
бұл төлемнің үлес салмағы 35,1 % құрады.
Бұл салықтың ерекшелігі сол, оның салық салынатын объектісі
сатудан (өткізуден) түскен бүкіл түсім-ақша емес, тек салық салынатын
айналым мен салық салынатын импортты қамтитын қосылған құн болып табылады.
Салықтан босатылған және өз өндірісінің мұқтажы үшін жүзеге
асырылатыннан басқа Қазақстан Республикасы аймағында сатылатын
тауарларды ( жұмысты, қызметті) өткізу жөніндегі айналым, сондай-ақ
Қазақстан Республикасы қатысушысы болып табылатын халықаралық
шарттарда көзделген ережелерге сәйкес анықталатын айналым салық
салынатын айналым болып табылады . Салықтан босатылғаннан басқа
импортталатын тауар салық салынатын импорт болып табылады.
Қосылған құнға салынатын салықты төлеушілер болып заңды тұлға
құрмай кәсіпкерлік қызметті жүзеге асыратын заңды тұлғалар, сондай-
ақ салық салу объектілері бар мекемелер арқылы кәсіпкерлік қызметті
жүзеге асыратын Қазақстан Республикасының резиденті еместер танылады.
өз өндірісінің өнімдерін (жұмыстарын, қызметтерін ) өткізу жөніндегі
бірыңғай жер салығын төлеушілері болып табылатын тұлғалар қосылған
құнға салынатын салықтың төлеушілеріне жатпайды.
Мемлекеттік кіріс миністірлігі салық төлеушінің өтініші бойынша
заңды тұлғалардың бөлімшелерін дербес салық төлеушілер ретінде қарауы
мүмкін.
Заңды тұлғалар , олардың филиалдары мен өкілдері Қазақстан
Республикасының кеден заңына сәйкес бұл тауарларды Қазақстан аумағына
әкелетін жеке тұлғалар мен резидент еместер импортталатын тауарларға
салынатын қосылған құн салығы бойынша төлеушілер болып табылады.
Қосылған құнға салынатын салықтың ставкасы салық салынатын
айналым мөлшерінің 20 пайызына тең болады . Тауарлар экспортына салық
нөлдік ставка бойынша салынады. Ауыл шаруашылығының бірқатар
өнімдерін , тауарларды және азық –түлік түрлерін сату (өткізу) жөніндегі
айналымдағы 10 пайыз ставка бойынша қосылған құн салығы салынады.
Қазақстан Республикасының кедендік аумағына еркін айналыс үшін
импортталатын тауарлар салық салынатын импорт болып табылады. Акциздер
мен кеден юаждарының сомасы салық салынатын импотқа қосылмайды.
Салық салынатын импорт бойынша қосылған құнға салынатын салықтың
ставкасы салық салынатын айналыи мөлшерінің 20 пайызына тең болады.
Импортталатын тауарлар бойынша (тірідей салмақтағы мал мен құс,ет, балық
,ұн нан және нан бұйымдары, сүт және сүт өнімдері, жұмыртқа, өсімдік майы
, маргарин , жармалар , астық, құрамы жем , қант, тұз , картоп, жеміс-
жидектер және т.с.с.) қосылған құнға салынатын салықтың ставкасы
салынатын айналым мөлшерінің 10 пайызына тең болады.
Тәуелсіз Мемлекеттер Достастығының қатысушы мемлекеттерден
импортталатын тауарлар бойынша қосылған құнға салынатын салық
ставкалардың айырмасы бойынша төленеді.
Жекелеген өндірушілердің монополиялық жағдайы және сондықтан да
олардың табысының өте жоғарғы деңгейі салықтың акциздер сияқты
нысанын енгізуді талап етті. Олар кәсіпорындардың жұмысына байланысты
емес себептер бойынша жоғарғы рентабелді болып келетін тауарлардың
жекелеген түрлеріне белгіленеді. Акциздер, жоғарыда айтылғандай , жанама
салықтардың қатарына жатады. Қазақстан Республикасы бюджетінің
кірістеріндегі олардың үлес салмағы 1998 жылы 3,5 % болды.
Акциздер – баға қосылатын және сатып алушы төлейтін тауарларға
салынатын салық. Акцизделетін тауарларды Қазақстан Республикасының
аумағында өндіруші , оларды Қазақстан аумағында импорттаушы, республика
аумағында құмар ойын бизнесін жүзеге асырушы заңды және жеке тұлғалар
акциздер төлеушілер болып табылады.
-Акциздер Қазақстан аумағында өндірілген және оның аумағында
импортталған тауарларға , сондай-ақ құмар бизнес ойынына салынады.
Тауар өндіруші тауарлардың экспортқа шығарылуын растаған жағдайда
экспортқа шығарылған акцизделетін тауарларға акциз салынбайды. Қазақстан
Республикасы қатысушы болып табылатын халықаралық шарттарда көзделген
жағдайлар бұған кірмейді.
Акцизделетін тауарларға мыналар жатады: спирттің барлық түрері,
арақ-шарап өнімдері , коньяк,сыра, темекі өнімдері , бекіре мен қызыл
балық және оның уылдырығы, алтыннан , платинадан немесе күмістен жасалған
зергерлік бұйымдар, хрусталь бұйымдары,бензин (авиация бензинін
қоспағанда), дизель отыны , жеңіл автомобильдер (мүгедектерге арнайы
қолмен басқарылатын автомобильдерден басқасы), атыс және газ қаруы
(мемлекеттік билік органдарының мұқтажы үшін сатып алғандардың басқасы
), шикі мұнай ( газ конденсатын қоса),электр қуаты .
Спирт , арақ- шарап және темекі бұйымдары акциздік алым
маркілерімен таңбаланады.
Акциз ставкаларын тауардың құнына немесе заттай күйіндегі физикалық
көлеміне шаққандағы пайызбен Үкімет бекітеді. Қазақстан аумағында
өндірілген ликер-арақ бұйымдарына , күшейтілген сусындар , шырындар мен
бальзамдарға салынатын акциздердің ставкалары олардағы таза (жүз пайызға
) спирттің ауқымдық мөлшеріне қарай белгіленуі мүмкін.
Отандық өндірілген тауарлар үшін отандық өндіруші осы қосылмайтын
бағалар бойынша белгіленген құн салық салу объектісі болып табылады.
Тауар өндіруші акцизделетін тауарды заттай төлем , сый ретінде берген
кезде, кепілге салынған тауарды керіл ұстаушының меншігіне берген
немесе айырбастау операциясы кезінде өзі өндірген тауар бағасы бойынша
белгіленген , акциздер немесе даяр өнімнің нақты көлемі қосылмайтын
тауар құны салық салу объектісі болып табылады . Акциздеуге жататын ,өзі
өндірген шикі заттан акцизделетін өнімді өндірген кезде осы
шикізаттың құны немесе оның заттай көлемі салық салу объектісі болып
табылады.
Құмар ойын бизнесі бойынша ( лотереядан басқасы ) салық салу
объектісі құмар ойын бизнесінен түскен түсім ақша лотерея бойынша (
олардың типі мен түріне қарамастан ) лотереяны өткізуден түскен
мәлімделген түсім-ақша болып табылады.
Электр қуатын өндірген және өткізген кезде салық салу объектісі
өндірілген электр қуатының бүкіл ауқымы болып табылады ( есепті
кезеңдегі электр қуатының өзін өндіруге техналогиялық процесте іс
жүзінде пайдалануды қоспағанда).
Үкімет акцизделетін өнімдерді акцизделеті алым маркаларымен
таңбалау тәртібін енгізген жағдайда импортталған акцизделетін тауарлар
бойынша есептелген акциз сомасы әкелінген тауарлардың көлемі бойынша
акциз алымы маркаларының құнына кемітілуге жатады.

Заңды және жеке тұлғалардың табыс салығы Қазақстанның
республикалық бюджетінің түсімдерінде едәуір орын алады (11,3 %)
Заңды және жеке тұлғалардың табыс салығн төлеушілер салық
жылында салық салынатын табысы бар заңды және жеке тұлғалар (Қазақстан
Республикасының Ұлттық банкінен басқасы )болып табылады.
Табыс салынған салу объектісі түзету енгізілген жылдық жиынтық
табыс пен заңда көзделген шегеріс жасау арасындағы айырма ретінде
есептелген салық салынатын табыс болып табылады.
Салық салынатын табыс теңгемен белгіленеді. Салық салынатын табыс
шетел валютасымен белгіленген жағдайда , ол салық төлеу кезіндегі
Ұлттық банктің ресми бағамы бойынша теңгемен қайта есептеледі.
Салық салынатын табыс есептелген кезде түсім-ақша, басқа да
кірістер, сондай-ақ шетел валюталарымен шаққандағы шығындар Ұлттық банктің
операция (төлем) жасалған күнгі ресми бағамы бойынша теңгемен қайта
есептеледі.
Салық төлеуші-резиденттің жылдық жиынтық табысы оның Қазақстан
Республикасының және одан тысқары жерлерде алған табыстарынан
тұрады.
Салық төлеуші-резидент еместің жылдық жиынтық табысы қазақстандық
көздерден алынған табыстарынан тұрады.
Жылдық жиынтық табысқа салық төлеуші алуға тиіс, өзара есеп
айырысу ретінде үшінші тұлғаларға немесе тікелей не болмаса жанама
шығыстарды өтеуге бағытталған жұмыс ,көрсетілген қызметтер мен басқа
да операциялар үшін ақшанемесе басқа қаражаттар кіреді.
Жылдық жиынтық табысқа еңбекке ақы төлеу мен зейнетақы
түріндегі алынатын табыстар, кәсіпкерлік қызметтен алынатын табыстар
және жеке тұлғалардың мүліктік табысын қоса табыстардың барлық
түрлері қамтылады.
Жеке табыс салығы
Бұл төлем бойынша қаражаттардың түсімі барлық салық төлемдерінің 0,9%
алады.
... жалғасы

Сіз бұл жұмысты біздің қосымшамыз арқылы толығымен тегін көре аласыз.