Нан өндірісінің даму тарихы

Жұмыс түрі: Курстық жұмыс
Тегін: Антиплагиат
Көлемі: 36 бет
Таңдаулыға:

Жоспар

Кіріспе
Негізгі бөлім

2. 1. Нан өндірісінің даму тарихы

2. 2. Нан және нан өнімдерінің ассортименті

2. 3. Наубайханалық ұнның сұрыбы мен түрлері

2. 4. Наубайхана өндірісіндегі негізгі шикізаттар

2. 5. Нан өндірісіндегі қоспалар

2. 6. Нан пісіру кезіндегі технологиялық операциялардың

орындалу реті мен мақсаты

2. 7. Нан-тоқаш өнімдерін дайындаудың жылдамдатылған технологиясы

2. 8. Нан өнімдерін пісіру, сақтау режимдері

2. 9. Нан өнімдерінің шығымы

Қорытынды
Пайдаланған әдебиеттер

КІРІСПЕ

Нан - қара бидай жіне бидай ұнынан, олардың қоспасынан, су, тұз және өосымша шикізаттардан әртүрлі әдіспен дайындалып, ашытқы немесе сүт қышқылды бактериялармен қамырын қопсыту арқылы алынатын тағам өнімі. Нан өндіру - мыңдаған адамдардың ауыр еңбегі және шеберлігімен дайындалатын ең қажетті жұмыстың бірі.

Нан бүгінде көптеген халықтардың тамақтану рационында алдыңғы орындарды иемденеді.

Бір адам жылына орта есеппен 120-125 кг піскен нан және ұннан жасалған тағамдарды пайдаланады, нақтырақ айтқанда, біздің елімізде күніне 330 г нан өнімі пайдаланылады.

Нанның сіңімділігінің жоғары болуы оның химиялық құрамының ерекшелігіне және оның құрамындағы заттардың болуына байланысты. Нан ақуызы көбінесе, денатурацияланған, крахмалы клейстеризацияланған, липидтері адсорбцияланған немесе ақуыз және көмірсумен кешен құрған күйінде болады.

Көптеген елдерде адамның энергияға деген қажеттілігінің 40-50%-ы астық өнімдері арқылы толықтырылады.

Адам нанды жей отырып, өзінің көмірсуға деген қажеттілігінің тең жартысын, ақуыздың үштен бір бөлігін, В витамин тобының жартысынан көбісін, сондай-ақ фосфор мен темірді өз бойына сіңіреді. Қара бидай және қарапайым ұндарынан дайындалған нандар тағамдық талшықтарға деген қажеттілікті толықтай қамтамасыз етеді.

Адам тағамында нан тәуліктік қажеттілікті 30%-ға дейін қамтамасыз ететін (күніне 450г нан қабылданса) ақуыздың негізгі көзі болып табылады. Бірақта нан ақуызы лизин және треонинге тапшы. Бидай нанына қарағанда қара бидай нанының ауыспайтын аминқышқылдары біршама жоғарырақ болады. Нанның минералды заттарының ішінде темір адамның қажеттілігін қанағаттандырады. Көмірсулар (крахмал) нанның негізгі компоненті. Ол басқа да қанттармен бірігіп энергетикалық заттың қызметін атқарады. Көмірсуға адамның қажеттілігін I сұрып бидай ұны нанында 50%, қара бидай нанында 40% қамтамасыз етеді. В витамині бүтін дән нанында 0, 27%, ал жоғары сорт нанында 0, 11 мг%, В ₂ - 0, 13 және 0, 06 мг%, РР витамині 4, 20 және 0, 92 мг%. Сондықтанда кейбір аймақтарда жоғары және I сұрып бидай ұны нанында 0, 4 мг В ₁ және В ₂ , 2 мг РР витаминін қосады. А және С витамині нан құрамында мүлдем болмайды.

Нанның сіңімділігі оның сапасы жөнінде түсінік беретін органолептикалық көрсеткіштеріне бірінші кезекте дәмі, хош иісі, жұмсақтығына байланысты. Нан сапасы оның құрамына кіретін негізгі шикізаттардың құрамы мен қасиеттері және қамырдың дайындалу кезіндегі жүретін процестермен негізделеді.

Казіргі кездегі нан зауыттары жаңа технологиялар мен нан өнімдерінің ассортиментін кеңейту арқылы нан өндірісінің технологиялық процестерін жоғары деңгейде автоматизациялау және механизациялаумен сипатталады.

Қазіргі заманғы наубайхана кәсіпорындары - тағам саласындағы тұрақты дамып келе жатқан өндірістердің бірі.

Нан өндірісінің даму тарихы

Адамдар алғаш рет осыдан он бес жылдай бұрын жабайы дақылдардың дәндерін шикі түрінде тағам етіп пайдаланған. Тас дәуірі кезінде жабайы дәндерді сабағынан ажыратып, таспен үгітіп, ұн жасап, оны сумен араластырып ботқа түрінде жеуді үйрене бастаған. Сабағынан оңай ажырату үшін тастарды қыздырып үстіне астықты жинап, салған. Осы әдіс арқылы адамдар күйген дәндердің дәмі жақсы болатының түсініп, дәндерді қуырып, суға араластырып ботқа жасап, жей бастаған.

Мыңдаған жылдар өткен соң бидай, арпа, тары, сұлы және т. б. дәндерді дақылдандыра бастады. Бұл шамамен сегіз мың жылдай бұрын болған. Осы кездері қол диірмен ойлап тауып, қою ботқадан ыстық тастың үстінде таба нандар пісіруді үйренген.

Тағы біраз мыңдаған жылдардан кейін ежелгі мысырлар керемет әсер ететін күші бар микроскопиялық ағзаларды қолданып қамырды ашыту тәсілмен қопсытуды ашты. Сонымен ежелгі Египетте бес-алты мың жыл бұрын наубайхана өндірісінің жаңа технологиясы құрылды.

Египеттік шеберлердің ашқан жаңалығы нанның пішінін өзгертті. Тығыздалған, ауыр тапа нан қайталанбас жұғымды дәмі бар, өзіндік тәбетті ашатын хош иісімен ауызда еріп кететін қопсынған нанға айналды.

Осы кездері нанды дайындаумен қатар, ұн тарту әдісі де өзгере бастады. Тас диірмендерде дәнді ұнтақтап, оның эндосперм деп аталатын ортаңғы бөлігін ұсақ ұнға айналғанша тартатын болды. Кебегін қолмен електер арқылы ажырататын болған.

Осылайша біз нан деп атап жүрген тамаша өнім пайда болған.

Мысырлар үш технологияны біір процеске біріктірді: жақсысапалы астық өсіру, тас диірмендерде ұн тарту, нан пісіруде ашытқыны қолдану. 50 ғасыр бұрын фараондар наубайханасында шеберлердің пісірген нандары қазіргі кездегі бқлке, кірпіш нандар сияқты жұмсақ қопсыған, дәмді және хощ иісті болған.

Ашыған қамырдан қопсыған нан пісіру өнері үш мың жылдай бұрын ежелгі мысырлардан Грецияға жетті. Нанның алуан түрлері - кедейлер жейтін қарапайым ұннан тартылған нандардан бастап «ахиллес» деп аталатын май қосылған нандарға дейін дайындалды. Грециядан кейін мысырлардың жаңа технологиясын римдіктер қолдана бастады. Бастапқы кезде нанды үйлерінде дайындаған болса, кейіннен Рим астанасында жүздеген наубайханалар жұмыс істеді. Қопсытылған нанмен қоса олар әртірлі дәмдеуіштер қосылған нандар, бәліштер пісіре бстады. Наубайхана ішінде шағын бөлмелерде жаңа ашытқы өндірісінің негізгі қаланған ашытқы ашымалы дайындалатын болды.

Біздің дәірімізге дейінгі IX-VIII ғасырларда орыс халқы да астық өнімдерін қолдана бастаған. Әскер горнизондары орналасқан қорғандарда астық қоймасы боған. Әр үлерде арпа, жүгері және бидайдан өнімдер пісірілген.

X-XI ғасырларда орымтар ашыған қамырдан қара нан дайындауды білген. Арнайы ашымал немесе квас арқылы дайындалатын қышқыл қара нанның өндірісі үлкен өнер болып саналған, сондықтан да құпия түрде сақталынып ұрпақтан ұрпаққа жеткізілген. Ашымал өамыр деп ақыған өамырдың бір бөлігін қопсытып, керекті қышқыл жиналу үшін келесі жаңадан ашытылатын қамырға қосуды айтқан. Шеберлер нанның дәмі мен хош иісі осы ашымалдың сапасына байланысты болатындығын жақсы білген. Согдықтан да ашымалды қолмен илеп, ұнмен сабелеп салқын жерде сақтаған. Егер ашымал ұзақ уақыт сақталып кетсе, оны ұн, су қосып мұқият араластырып ашытып жаңартып отырған.

Қара бидай нанының қамырын бірнеше сатыда дайындайтын болған: ашымалға ұн мен су қосып белгілі уақытта ашитын «расчин» жартылай фабрикат дайындалған, осы ашыған рассчинмен қамыр дайындаған. Қамыр дайындаудың үш, төрт және бес сатыдан тұратын күрделі тәсілдері де болған.

Осы әдістердің кейбіреулері қазіргі кезге дейін қолданылады.

Өара бидай нанынан басқа да орыстар бидай ұнынан әртүрлі нанның сұрыптарын шығарды.

XIX ғасырдың екінші жартысында механизацияланған қамыр илегіш машина, қамыр бөлгіш машина, конвейерлі пештер шыға бастады. XIX ғасырдың аяғымен XX ғасырдың басында биохимия мен микробиологияның пайда болу барысында нан туралы ғылым - нан өндірісінің технологиясы да туындады. Нан ғылымының көзі болып, белгілі ғалымдар: Д. И. Менделеев, К. А. Тимирязев, А. Н. Бах, А. И. Опарин, Л. И. Пучкова, Р. Д. Поландова, В. И. Дробот, Т. Б. Цыганова, С. Я. Корячкина, И. В. Метвеева, В. И. Кретович. Г. Г. Токарева, Л. Я. Ауэрман, В. А. Патт, Е. Д. Казаков, Н. Г. Козьмина, А. В. Витавская, Р. К. Еркінбаева, Ж. К. Үсембаева, Н. Е. Жерембаева және көптеген басқа да зерттеушілер танылады.

Қазақстанның нан өндірісі Ресейдің тағам өндірісінің өркендеуімен бірге қалыптасқан.

Қазақстан Республикасының наубайхана өндірісінің дамуын тәуелсіздік алған жылдардан бері қарастырар болсақ 1990 жылы - 1290, 6 мың тонна, 1997 - 1490, 6 мың тонна өнім өндірген.

Қазіргі кезде халықтың жарма және нан өнімдеріне деген қажеттілігі Қазақстандағы Астық өндеушілер мен Наубайханашылар Одағының 2011 жылы берген мәліметі бойынша бір деңгейде тұрақталды ( 1-сурет ) . Нарықта отандық нан және нан өнімдері 95%-дан жоғары үлеспен алдыңғы қатарда тұрады.

1-сурет. Қазақстан Республикасының нан өндірісі

Нан нарығы барлық уақытта мемле кеттің құзырындағы органдардың қадағалауында болады. Нан өнімдерінің ассортименті және сапасы бастапқы шикізат - ұнға байланысты болып келеді. Қазақстанда шығарылатын ұндарға - дәстүр бойынша жоғары мөлшердегі желімшенің болуы тән қасиет.

Еліміздің солтүстік аймағында қалыптағы нан өндірісі басым болса, оңтүстік аймақта тандыр нандардың үлесі жер-жерлерде өсуде.

Нан өндірісінің дамуы халық санының өсу динамикасына сәйкес келді.

Қырық жылдай бұрын шикізаттарды қабылдау, сақтау кезіндегі барлық жұмыстар қол еңбегімен атқарылатын болса, қазіргі кезде олар механизацияланған қондырғыларда жасалады.

Қазіргі кездегі нан зауыттары жоғары механизацияланған өнер-кәсіптердің біріне жатады. Шикізаттарды қабылдаудан бастап қуаттылығы 150 тонна құрайтын, ассортимент түрі 150 атаумен шығарылатын автоматты-механизацияланған желілері бар нан зауыттары халықтың қажеттілігін қамтамасыз етуде.

Нан және нан өнімдерінің ассортименті

Нан және нан өнімдерінің кең ассортименті келесі топтарға жіктеуге болады: ұн түрі бойынша - қарабидай, бидай наны және қарабидай және бидай ұнының қоспасынан жасалған нан; пісіру тәсілі бойынша - қалыпта пісірілген және пеш табанында пісірілген; пішіні бойынша - батон, булка, өрме нан және т. б. ; рецептура бойынша - жай (ұн, су, тұз, және ашытқы қосылып жасалған), байытылған (негізгі шикізатқа 3-6 % (100 кг ұнға) қант және сірне қосылған, ал кейбір сорттарға 7% көп емес май және дәмдеуіштер қосылған) және майқоспалы (көп мөлшерде (7-30 % қант, 7-15 % май және т. б. ) қосылған; өңдеу және пісіру әдісі бойынша -өлшенетін және дара; тағайындалуы бойынша - жай және емдәмдік.

Қарабидай нанының жай және жақсартылған сорттарын пісіреді. Нанның жай сорттарын еленген, кебекті және кебексіз ұннан алынады; пеш табанында және қалыптарда пісіріп, өлшенетін және дара түрін шығарады. Нанның байытылған сорттарын сірне және уыт қосып еленген, кебекті және кебексіз ұннан дайындайды; кейбір сорттарынына тмин, кориандр немесе анис қосады. Жақсартылған сорттарына Бородиндық, Мәскеу, Рижск және тағы басқа нандары жатады.

Қарабидай және бидай ұнының қоспасынан жасалған нанды қарабидай ұнның барлық сорттарынан және 1-ші, 2-ші сортты, кебекті бидай ұнынан пісіреді. Бидай ұнын қосу нан құрылымын жақсартады, ал екі түрлі ұнды араластыру дәмі, көлемі, шұрықтылығы, сыртқы түрі бойынша әртүрлі өнімдер алуға болады.

Жай нанды кебексіз қарабидай ұнына кебекті бидай ұнын (Украиндық), 2-ші сортты бидай ұнын (жаңа Украиндық), 1-ші сортты бидай ұнын (Дарницский) қосып пісіреді; бірақ басқа да нұсқалары болуы мүмкін.

Қарабидай нанының байытылған сорттарын кең ассортиментте пісіреді: Бородиндық (80% кебексіз қарабидай ұнына 15% 2-ші сортгы бидай ұны, 4% сірне, тмин немесе кориандр) ; Ресей (кебекті ұн -60%, 1-ші сортты бидай ұны-30%, сірне -6 %) ; Рижский (еленген қарабидай ұны -85%, 1-ші сортты бидай ұн -10%, ақ уыт -5%, сірне немес қант, тмин), Минск (еленген қарабидай ұны -90%, 1-ші сортты бидай ұны -10%, сірне, тмин) ; Асханалық (кебексіз қарабидай ұны -50%, 2-ші сортты бидай ұны -50%, қант -3%) .

Бидай ұнынан жай және жақсартылған нан, тоқаш және май қоспалы өнімдер шығарады. Жай нанды кебекті, жоғары, 1-ші, 2-ші сортты бидай ұнынан Забайкальский, Целинный, Бутербродный нандарын пісіреді. Жақсартылған нанды ашытқыда дайындайды, қант (3-6%) және май (2-7%) қосады. Оған Красносельский, Горчичный, Чайный, Карельский нандары жатады.

Тоқаш өнімдерін жоғары, 1-ші, 2-ші сортты ұнынан пісіреді. Бұл өнiмдер массасы 500 г және одан төмен батон, булка, өрме нан, ватрушка, калаш түрінде шығарады, рецептурасына 7%-ке дейін май және қант қосылады.

Май қоспалы өнімдердің құрамына 10-26% қант, 7-20%май, 0, 8-16% жұмыртқа, тосап, повидло, қант ұнтағы және т. б. кіреді. Жай, кәдімгі фигуралы май қоспаларды ажыратады.

Бауырсақтар - қазақтың шай дастарханының басты асы- бауырсақ. Бауырсақтар әр тұрлі пішінде, үш бұрышты, сопақша, төрт бұрышты т. б. түрде пісіріледі. Бауырсақтардың, дайындау тәсілі бойынша көптеген түрлері бар. Ши бауырсақты сүгке, сорпаға жұмыртқа жарып иленген қамырды ашытпай жіңішке есіп, ұсақтап майға пісіреді; ақ бауырсақты ең жоғары сортты ақ ұн қамырына май құйып илеп құйрық майға пісіреді; тұш бауырсақты ұнға сүт, май, қант, жұмыртқа қосып илеп, ұсақтап кесіп майға пісіреді. Дайын бауырсақты ішіне сары май жаққан қалыпқа салып, үстіне бал құйып, көкнәр сеуіп, мейіз кәмпит салып қатырады; ашыған бауырсақты қамырға жұмыртқа салып илеп, ашытып, кесіп майға пісіреді; бармақ бауырсақ ши бауырсақтай, бірақ одан үлкендеу және имектеу болады; жалпақ бауырсақ та ши бауырсақтай дайындалынады, бірақ есілмей, ұзынша жайылып содан кейін 2, 3 см көлемінде жалпақтап кесілген; жол бауырсак иленген қамырды алақандап жұқартып, ұзыншақтап үзіп майға пісіреді; бүрма бауырсақ иленге қамырды жұмырлай есіп, біріктіріп бұра пісірілген дәстүрлі бауырсақ. Оның сыртына бал жағып, құмшекер сеуіп, жеміс жидектермен қатар қояды. Бауырсақ қамырларын барлығы да тұзды суға илененді.

Ұлттық нандар - ашыған қамырдан от шоғына пісірілетін нандар. Мыс, таба нан (қамырды екі таба арасына салып, шоққа пісіреді), тандыр нан (алдын ала қыздырылған тас немесе құм тандырға жапсырып пісірілетін нан), қазанжаппай (қамыр қыздырылған қазанның ішкі бетіне жапсырылып, ошақтың аузына төңкеріліп, қоламтаға пісіріледі) . Соңғы кездері нан зауыттарында ұлттық нанның таба нан, жай нан, май нан және т. б. түрлері шығарылады.

Емдәмдік және емдік нан өнімдері арнайы тағайындалған өнімдерге жатады.

Диабиепен ауыратын адамдарға арналған нан құрамында крахмал мен қант болмайды. Ол белокты кебекті, клейковина мен бидай кебегінен жасалған, белокты -бидай-клейковина мен бидай ұнынан жасалған болады.

Дәнді нан асқазан ішек жолы ауыратын адамдарға арналған. Оны жоғары сортты бидай ұнынан (40 %) ұнтақталған бидай дәндерін (60%) қосу арқылы пісіреді.

Ахлоридті нан (тұзсыз) бүйрегі ауыратын және қан қысымы жоғары адамдарға арналған. Оны тұзсыз бидай ұнынан сарысуда дайындайды.

Йодты нан немесе теңіз орамжапырағы бар нан өнімдері щитовидной железы ауруларын емдеу үшін арналған.

Бұл топқа сонымен қатар кебек, белок, минералды заттар немесе витамин мөлшері жоғары, энергетикалық құндылығы жоғарылатылған немесе төмендетілген, қышқылдығы төмендетілген, лицитині бар нан және нан өнімдері жатады.

Майқоспа өнімдер, байытылған өнімдер (сдобные изделия) - бұлар, жоғары немесе 1-сортты ұннан пісірілетін, майда нан өнімдеріне жатады. Рецептураларына 5-20% май, 10-25% қант және жұмыртқа қосылады. Осы нан өнімдеріне - қарапайым майқоспа, жүрекше (плюпжа), сүзбе салмалы (ватрушка), жай Выборг майқоспасы, крендель, Азаматтық тоқаш (булочки Гражданские), тұздалған тоқаш (соленая булочка), қаймақты (лепешка сметанная), балды тоқаштар т. б. жатады. Қарапайым майқоспаны 1-ші сортты бидай ұнына 7% май, 10% қант және жұмыртқа қосып пісіріледі. Пісірер алдында дайындама бетіне жұмыртқа жағады, қант ұнтағын себеді. Массасы 50 және 100 г. Жүрекше майқоспасына да қант себіледі. Сүзбе салмалы майқоспаға сүзбеден салма салып пісіреді. Жай майқоспаны жоғары сортты ұнға 17% қант, 8% май және жұмыртқа қосып, дайындама бетіне жұмыртқа жағып, көкнар дәндерін, қант ұнтағын т. б. сеуіп пісіреді. Выборг майқоспасы жалпақ таба сияқты етіп жасап, бетіне тілмелер түсіреді. Азаматтық майқоспаны да жазық таба сияқты етіп дайындайды , бетіне суреттер салып, қант себеді. Фигуралы Выборг майқоспасын жоғары сортты ұнға май, қант қосып, әр түрлі жануарлар, санырауқұлақтар. т. б. түрінде пішінідейді де беттеріне жұмыртқа жағып, мейіз, қант т. б. сеуіп пісіріледі. Массасы 50, 100, 500 г. Ванилин дәмі бар. Қабаттамалы майқоспаны жоғары сортты ұнға 15% қант, қант ұнтағын, 20% жануар майын, 13% сүт, 16% жұмыртқа және ванилин қосып дайындайды. Қабаттардың арасын сары маймен майлайды. Қаймақты майқоспаны домалақ бетінде тесіктері бар етіп жасайды. Балды майқоспаны домалақ түрде бал қосып жасайды.

Наубайхана өндірісіндегі негізгі шикізаттар

Дәнді дақылдардың түрлері

Ұн алуда дәнді дақылдарға жататын бидай, қара бидай, тритикале, сұлы, арпа, жүгері дәні қолданылады.

Нан өнімдерінің тағамдық құндылығын жоғарылататын қоспа ретінде (соя, ас бұршақ) бұршақ дақылдарын өндеуден алынған өнімдер қолданылады. Эфирлімайлы дақылдар (зире, анис, кориандр) өнімдерге ерекше дәм мен хош иіс береді.

Бидай - наубайхана өндірісінде ең маңызды дәнді дақыл болып табылады. Бидай ұнының ақуызы сумен бірге ісініп, нан және макарон өнімдері, ұнтақ жарма өндірісінде үлкен маңызы бар желімше құрайды. Кебек қосылған бүтін және тартылған дәннен алынған өнімдер диеталық тағам түрінде қолданылады.

Бидайдың сабағы, дән пішіні, бояуы, шынылығы және басқа да көрсеткіштері бойынша бірнеше топқа бөледі. Біздің елде жұмсақ және қатты бидайдың көптеген сұрыптары өсіріледі.

9353-91 МЕМСТ стандарты бойынша бидай дәнінің сапасы: түсі, иісі, ылғалдылығы, астық дәндері және арам шөп қоспалары, зақымдалуы, типтік құрамы, мыртқы түрі, шынылығы, желімшенің мөлшері мен сапасы сияқты көрсеткіштер бойынша бағаланады.

Жұмсақ бидай ақ түсті немесе рызыл реңді, мұртшасы айқын, домалақ пішінді дән. Бұл дәннің түрі наубайханалық ұндарды алуда қолданылады.

Қатты бидай түсі янтарь-сары, мұртшасы айқын білінбейтін, сапақша пішінді дән. Ол макарон ұны өндірісінде немесе жұмсақ наубайханалық ұнның қасиетің жақсартуда қолданылады.

Қара бидай нан дайындау үшін ұн өндірісінде екінші орында. Қара бидай ақуызының суда ерігіштігі жоғары болғандықтан желімше түзе алмайды. Қара бидай дәні бидай дәнімен салыстырғанда жіңішке, ұзынша, массасы аз, меншікті көлемі көп болып келеді. Қара бидай дәнінің сапасын стандарт бойынша: ылғалдылығы, натурасы, астық дәндері және арам шөп қоспасы, зиян келтіруші өсімдік қоспасы, зиянкестермен зақымдалу секілді көрсеткіштермен бағалайды.

Трактикале - көптеген сапа көрсеткіштері бойынша бидай және қара бидай дәндерінен жоғары тұратын, осы екі дәнді будандастыру нәтижесінде алынған жаңа дақыл.

Өзінің наубайханалық көрсеткіштері бойынша трактикале ұны бидай ұнынан нашар, қамырының қасиеті бойынша қара бидайға ұқсас.

Стандарт бойынша тритикаленің сапасын бидай дәні сияқты анықтайды.

Сұлы нан өнімдерінің диеталық сұрыптарын дайындау үшін талқан және ұн алуда қолданылады.

Сұлы дәнінің құрамына биологиялық құндылығы жоғары қасиетке ие ақуыз кіреді.

Арпа амилолитикалық ферменттен тұратын уыт өндірісі үшін қолданылады. Арпа уыты және оның препараттары сұйық ашытқы өндірісінде қолданылады.

Жүгері крахмал, сірне және жүгері таяқшаларын және т. б. алуда қолданылады.

Бұршақ дақылдары ішінде наубайхана өндірісінде соя және асбұршақ кең қолданыс тапқан.

Соя ағзаға жақсы сіңетін жоғары мөлшердегі толық құнды ақуыз және майдан тұрады.

Жоғары ақуызды соя ұнын нан және макарон өнімдерін шығаруда, пряник және тағы басқа тағам өндірісінде қолданады.

Соя майынан нанның сапасын жақсарту үшін тағамдық қоспа алуда жіне ашытқы өндірісінде қолданылатын лецитин бөліп алады. Нан пісіруде соя дәнәнен өңделіп алынған соя сарысуын, сүтін, сүзбелерін қолданады.

Асбұршақ витамин, аминқышқылдар және микроэлементтерге бай асбұршақ ұнын алуда қолданылады. Нан пісіруде дайын өнімнің бтологиялық құндылығын жоғарылату үшін ақуызды байытқыш ретінде пайдаланылады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.