Орталықтар қызметінің тәртібі

Жұмыс түрі: Іс-тәжірибеден есеп беру
Тегін: Антиплагиат
Көлемі: 40 бет
Таңдаулыға:

ҚР БІЛІМ ЖӘНЕ ҒЫЛЫМ МИНИСТРЛІГІ

ТҰРАН-АСТАНА

УНИВЕРСИТЕТІ

$C:\Users\Владелец\Desktop\logo.png$

“Гуманитарлы-заң” факультеті

“Ұлттық және халықаралық құқық” кафедрасы

Өндірістік тәжірибе бойынша

ЕСЕП

Тәжірибеден өткен мекеме : «Азаматтарға арналған үкімет» Мемлекеттік корпарациясы» Коммерциялық емес Акционерлік қоғамының Маңғыстау облысы бойынша филалының Бейнеу аудандық Халыққы Қызмет Көрсету Орталығы бөлімі

Тәжірибе мерзімі :27. 01. 2020 - 04. 04. 2020

Мамандық :Құқықтану ЮП 16/1

Студент: Ыбраев. Е

Университеттегі тәжірибе жетекшісі :Абралиев. Ж

БЕЙНЕУ-2020

мазмұны:

кіріспе

1. Мекеменің қызметін іске асыруының құқықтық негіздері

2. Мекеменің басқару құрылымы мен функционалдық бөлімдердің міндеттері

3. Жұмыспен қамту саласындығы мемлекеттік әлеуметтік саясат

4. Халықты әлеуметтік қорғау саясатын жетілдіру бағыттары

К іріспе

Іс-тәжірибе өту орны «Азаматтарға арналған үкімет» мемлекеттік корпорациясы» коммерциялық емес акционерлік қоғамының Маңғыстау облысы бойынша Бейнеу аудандық халыққа қызмет көрсету бөлімі - «Халыққа қызмет көрсету орталығы» департаменті Қазақстан Республикасының мемлекеттік органы болып табылады.

Іс-тәжірибенің мақсаты таңдаған мамандық саласында кәсіби білімді қалыптастыру және дамыту, жалпы кәсіби және арнаулы пәндер бойынша алған теориялық білімдерін бекіту, таңдаған мамандығы бойынша қажетті әдістерді, дағдыларды меңгеру, мамандық пен мамандану бағыты бойынша жеке пәндерді терең оқып үйрену және іс-тәжірибе нәтижелерін дипломдық жұмысты орындау үшін тиімді пайдалану болып табылады.

Іс-тәжірибені өту мақсатына мынадай міндеттерді шешуді көздейді:

1. Іс-тәжірибе орнының қызметі бойынша:

- ұйымның орналасқан орны, мақсаттары мен міндеттері, сонымен қатар оның статусымен анықтайтын құжаттармен танысу (ереже, жарғы және т. с. с. ) ;

- қалыптасқан басқару құрылымы және оны жетілдіру жолдары, негізгі бөлімдер мен басқармалардың қызметі мен міндеттерімен танысу;

2. Іс-тәжірибе өткен функционалдық бөлімше бойынша:

- іс-тәжірибе өту үшін бекітілген бөлімнің қызметкерлерінің атқаратын қызметі мен лауазымдық міндеттері;

- қызметкерлерді мотивациялау, қолданылған еңбекті бағалау және ынталандыру жүйесі;

- стратегиялық жоспарлау теориясы мен ұйымның нақты іс-тәжірибесіне сүйене отырып, осы ұйымның миссиясын, оның маңызды міндеттерін тұжырымдамалау; - дербес тапсырма мен СҒЗЖ тапсырмасын орындау.

1. Мекеменің қызметін іске асыруының құқықтық негіздері

Халыққа қызмет көрсету орталығы бюрократияны болдырмау және әкімшілік кедергілерді алып тастау мақсатында қазақстандықтарға мемлекеттік қызметті «Бір терезе» қағидаты бойынша қамтамасыз ету мақсатында 2007 жылы құрылды. Бүгінде Маңғыстау облысы бойынша 13 ХҚКО бар. Жаңа ХҚКО-ларда келушілерге қолайлы болу үшін «Connection Point» өзіне-өзі қызмет көрсету секторы жұмыс жасайды, ол жерде баланы балабақшаға кезекке қоюды, дербес кредиттік есеп беруді, мемлекеттік қызметке кадрлық қорға қоюды және т. б. барлық электрондық қызметтерді алуға болады. Электронды нысанда көрсетілетін қызметті алу үшін пайдаланушының электрондық цифрлы қолтаңбасы болса жеткілікті. Айта кетейік, дәл осыны өзіне-өзі қызмет көрсету секторында алуға болады. 2014 жылы ХҚКО-ларға 21 жаңа қызмет түрі беріліп, 2015 жылы олардың саны 212-ге, ал 2016 жылы 215-ке жетті(1-ші суретке сәйкес) . Жаңадан қосылған қызмет түрлерінің қатарында жетім балалар мен ата-анасының қамқорлығынсыз қалған балалардың қорғаншылары мен қамқоршыларына жәрдемақы тағайындау, жеке істері бойынша Қазақстан Республикасына кіруге шақыруды ресімдеу және т. б. бар.

Сурет 1. ХҚКО-ның қызмет түрінің саны

2015 жылдан бастап Инвестициялық жобаларды жүзеге асыру үшін «Бір терезе» қағидаты бойынша ХҚКО-да ашылған Инвесторларға қызмет көрсету секторы жұмыс жасайды. Енді инвесторларға рұқсат құжаттарын алу үшін әр түрлі мемлекеттік органдарға жүгінудің қажеті жоқ. Инвестициялық жобаларды жүзеге асыру үшін ХҚКО-ға келсе болғаны. Сондай-ақ, «Негізгі орта, жалпы орта білім беру ұйымдарында экстернат нысанында оқуға рұқсат беру», жеке және заңды тұлғалар ауылшаруашылығы саласында субсидиялауды ХҚКО арқылы ресімдей алады.

ХҚКО-ларға «кедергісіз» кіру үшін пандустар мен шақыру батырмалары орнатылған. I, II топтағы мүгедектерге үйлеріне барып, есту қабілеті нашар азаматтарға SMS көмегімен қызмет көрсетудеміз. Сонымен оларға Электронды үкімет порталымен жұмыс істеуді үйретіп жатырмыз. ХҚКО-ның ұсынатын барлық 212 мемлекеттік қызметін үйінен шықпай-ақ алу үшін «1414» бірыңғай байланыс орталығына қоңырау шалса болғаны. Осылайша қажетті мемлекеттік қызметтер туралы кеңес алып, қажетті мемлекеттік қызметке тапсырыс бере алады. Осыдан кейін ХҚКО қызметкерлері хабарласып, қажетті құжаттар тізбесін ұсынады және бару үшін қолайлы уақытты белгілейді. Бұл үдеріс 72 жұмыс сағаты ішінде жүзеге асырылады. Сонымен қатар, Маңғыстау облысы бойынша ХҚКО-ларында сурдоаударма тілін 80 қызметкер игерген.
Облысымызда мүмкіндігі шектеулі 2 мыңнан астам тұрғын мемлекеттік қызметтерді үйлерінен шықпастан алды. Облыс бойынша 4 мыңнан астам мемлекеттік қызмет түрі үйге бара отырып көрсетілді.

Маңғыстау облысының Мобильді Халыққа қызмет көрсету орталықтары 190 шалғай елді мекеннің тұрғындарына мемлекеттік қызмет көрсетіп жатыр. Мобильді топтың қызметкерлері азаматтарды көбінесе ауылдың орталығында орналасқан әкімдіктің ғимаратында қабылдайды. Мобильдік ХҚКО-лардың басты міндеті - шалғай елді мекендерде тұрып жатқан азаматтардың қаржысы мен уақытын үнемдеу. Ауыл тұрғындары аудан орталығына шықпай-ақ, Мобильді ХҚКО тобын шақырту арқылы ХҚКО арқылы көрсетілетін 212 мемлекеттік қызметті алуға мүмкіндіктері бар. Ауылдық мекендердің тұрғындары мемлекеттік қызметтерден басқа ЭЦҚ мәселесі, порталда тіркеу, құжаттарды ресімдеу және т. б. бойынша тегін кеңес ала алады.
Мобильдік ХҚКО іссапарларының кестесі әкімдіктермен алдын ала келісілетін және аудандық әкімдіктердің сайттары мен өңірлік БАҚ-тарда жарияланады. Мобильдік ХҚКО сапарларының кестесін «ХҚКО» РМК-ның www. con. gov. kz ресми порталында табуға да болады. Сөз ретінде, 2015 жылы Маңғыстау облысының Мобильді ХҚКО-ларында 68 000 қызмет көрсетілген, оның ішінде 33 000 - электрондық нысанда ұсынылды.

Халыққа қызмет көрсету орталықтары қызметінің қағидалары

Осы Халыққа қызмет көрсету орталықтары қызметінің қағидалары «Мемлекеттік көрсетілетін қызметтер туралы» Қазақстан Республикасы Заңы 9-бабының 2 тармақшасына сәйкес әзірленді және Халыққа қызмет көрсету орталықтары қызметінің тәртібін, сондай-ақ өтініштерді (құжаттарды) қабылдау және өтініштердің уәкілетті органдарға уақтылы табысталуын және қабылдануын қамтамасыз ету, орталықтарда құжаттарды беру тәртібін айқындайды. Орталықтар өз қызметін Қазақстан Республикасының Конституциясына, Заңдарына, Қазақстан Республикасы Президентінің, Қазақстан Республикасы Үкіметінің актілеріне, өзге де нормативтік құқықтық актілерге, жарғыға, сондай-ақ осы Қағидаларға, мемлекеттік қызметтерді көрсету стандарттарына сәйкес жүзеге асырады.

Орталықтар Заңға сәйкес, өтініштерді қабылдау және құжаттарды беру бойынша «жалғыз терезе» қағидаты бойынша жеке және (немесе) заңды тұлғаларға мемлекеттік қызметтерді ұсынуды қамтамасыз етеді. Мемлекеттік көрсетілетін қызметтердің ұсынылуын қамтамасыз ететін ретте Орталықтар, «Ақпараттандыру туралы» Қазақстан Республикасының заңнамасына сәйкес, ақпараттық жүйелерінен мәліметтер алу мүмкін. Орталықтар мемлекеттік қызметтерді, Заңның 3-бабына сәйкес келесі қағидаттар негізінде ұсынады:

қызметті алушылардың тегiне, әлеуметтiк, лауазымдық және мүлiктiк жағдайына, жынысына, нәсiлiне, ұлтына, тiлiне, дiнге көзқарасына, нанымына, тұрғылықты жерiне немесе кез келген өзге жағдаяттар бойынша қандай да бір кемсітушіліксіз теңдей қол жеткізуі;
мемлекеттік қызметтерді көрсету кезінде төрешілдік пен сөзбұйдалық көріністеріне жол бермеу;
мемлекеттік қызметтер көрсету саласындағы есептілік және ашықтық;
мемлекеттік көрсетілетін қызметтердің сапасы мен қолжетімділігі;
мемлекеттік қызметтер көрсету процесін үнемі жетілдіру;
мемлекеттік қызметтер көрсету кезіндегі үнемділік және тиімділік.

Орталықтардың құрылымын және штаттық санын Қазақстан Республикасының Инвестициялар және даму министрлігінің «Халыққа қызмет көрсету орталығы» шаруашылық жүргізу құқығындағы республикалық мемлекеттік кәсіпорнының бас директоры бекітеді. Орталықтарды қаржылық және материалдық-техникалық қамтамасыз ету, мемлекеттік сатып алу туралы келісімшарт шеңберінде алынатын қаражат құралдары шегінде жүзеге асырылады.

Орталықтар қызметінің тәртібі

Орталықтарда Қазақстан Республикасының еңбек заңнамасына сәйкес бес күндік және алты күндік жұмыс аптасы белгіленеді.

Бес күндік және алты күндік жұмыс аптасы кезінде күнделікті жұмыс уақытының ұзақтығы 40 сағаттық жұмыс аптасы болғанда 8 сағаттан аспауы керек. Орталықтар үшін олардың үздіксіз жұмысын сағат 9. 00-ден 20. 00-ге дейін қамтамасыз ететін, қызметкерлерге арналған түскі үзіліспен бірге, Қазақстан Республикасының еңбек заңнамасына сәйкес жылжымалы кесте бойынша ауысымды жұмыс кестесі белгіленеді. Орталықтар ғимараттарының кіреберісінде жұмыс орындарын алмастыру сызбасы белгіленеді. Орталықтардың реттеу залы мен күту залдары бейне камералардың көмегімен визуалды бақылау жүйесімен жабдықталуы мүмкін. Орталықтардың кіреберісінде бейнебақылау жүйесі болған жағдайда бейнебақылау жүйесінің бар екендігі туралы ескерту маңдайшасы орнатылады. Орталықтардың ғимараттарында осы Қағидалар туралы ақпарат, ұсынылатын қызметтердің тізбесі, мемлекеттік көрсетілетін қызметтердің стандарттары, анықтамалық және түсіндіру материалдары орналастырылады. Орталықтарда өтініш берушілерге ұсынылатын қызмет бойынша анықтамалық ақпаратты ұсыну, мемлекеттік және орыс тілдерінде әзірленген мемлекеттік қызмет стандарттарымен танысу қамтамасыз етіледі. Көрсетілген ақпарат және стандарттар ыңғайлы нысанда, көруге қолайлы қолжетімді орындарда орнатылған тақтайшаларға орналастырылуы қажет (соның ішінде келушілер саны көп болған жағдайда) . 2

Ақпараттық тақтайшалар Орталықтар жұмысының режиміне және ұсынылатын қызметтерге қатысты өзекті ақпараттан тұруға тиіс, соның ішінде:

бланкілердің нысандарының үлгілері мемлекеттік және орыс тілдерінде толтырылады;
«ХҚКО» РМК, Қазақстан Республикасының Инвестициялар және даму министрлігінің (бұдан әрі - Министрлік), мемлекеттік қызмет көрсету процесіне қатысатын уәкілетті органдардың пошталық мекенжайлары, телефондар, электрондық пошталары және мекенжайлары, ресми сайттары;
алымдарды, баж салықтарын және басқа да бюджетке төленетін төлемдерді төлеуге қажетті банктік деректемелер;
Бірыңғай байланыс орталығы, Орталықтар басшыларының және олардың орынбасарларының телефондарының нөмірлері;
ақпараттық стендтерге Орталықтар арқылы ұсынылатын барлық мемлекеттік қызмет түрлері бойынша талап етілетін құжаттардың тізбесі бойынша, мемлекеттік және орыс тілдеріндегі бланкілерді толтыру үлгілерінің брошюраларына арналған қалташалар орнатылады (өзгерістер болған жағдайда ақпарат жаңартылып отырады, бірақ айына кем дегенде 1 реттен) ;
Орталықтардың және (немесе) оның қызметкерлерінің шешімдеріне, әрекеттерге (әрекетсіздікті) шағым келтіру тәртібі;
мемлекеттік қызметтерді алуға қажетті басқа да ақпараттық материалдар.
Тұрғындардың электрондық цифрлық қолтаңба (бұдан әрі - ЭЦҚ) қолдануды және «электрондық үкімет» порталын қолдануды үйренуі үшін Орталықтар компьютерлермен жабдықталған жұмыс орындарын ұйымдастырады.

4) құжаттарды уәкілетті органдарға оларды қарау, олар бойынша шешім қабылдау және оларды тиісті ресімдеу үшін мерзімінде беруді қамтамасыз ету;

5) уәкілетті органдардан түскен дайын құжаттарды өтініш берушілерге беру.

Өтініштерді қабылдауды және құжаттарды беруді Орталық қызметкерлері өтініш берушінің қалауы бойынша мемлекеттік және орыс тілдерінде жүзеге асырады.

2. Мекеменің басқару құрылымы мен функционалдық бөлімдердің міндеттері

«Азаматтарға арналған үкмет» мемлекеттік корпорациясы» коммерциялық емес акционерлік қоғамының Маңғыстау облысы бойынша филиалы - «Халыққа қызмет көрсету орталығы» департаментінде 5320 қызметкерлер жұмыс жасайды. Соның ішінде сурдоаудорма бойынша 2014 жылы 74 қызметкер болса, 2016 жылы қызметкерлер саны 86 болды. Жеке және заңды тұрғалармен жұмыс істейтін қызметкерлер саны 2014 жылы 2360 болса, 2016 жылы 2521 қызметкерге жетті. Сондай-ақ, тікелей хабарласу бойынша 2014 жылы 487 қызметкер жұмыс жасаса, 2016 жылы 512 қызметкерге көбейді. I, II топтағы мүгедектермен 124 кызметкер, 2016 жылы 139 қызметкер жұмыс істеді. Шет жақтарда тұратын азаматтарға электронды порталын ашқан. 2014 жылы азаматтарға 233 қызметкер қызмет көрсеткен, ал 2016 жылы қызметкерлер саны 335 адамға дейін жетті(кесте 1) .

Кесте 1

«Азаматтарға арналған үкмет» мемлекеттік корпорациясы» «Халыққа қызмет көрсету орталығы» департаментіндегі қызметкерлер саны

Қызметкерлер: Қызметкерлер

2014: 2014

2015: 2015

2016: 2016

Қызметкерлер: Сурдоаударма

2014: 74

2015: 80

2016: 86

Қызметкерлер: Жеке және заңды тұлғалармен

2014: 2360

2015: 2411

2016: 2521

Қызметкерлер: Тікелей хабарласу

2014: 487

2015: 493

2016: 512

Қызметкерлер: I, II топтағы мүгедектермен

2014: 124

2015: 135

2016: 139

Қызметкерлер: Электронды порталмен

2014: 233

2015: 330

2016: 335

Орталықтардың негізгі міндеттері:

1) жеке және (немесе) заңды тұлғаларға мерзімінде және сапалы мемлекеттік қызмет көрсетуді қамтамасыз ету;

2) жеке және (немесе) заңды тұлғаларға мемлекеттік қызмет көрсету кезінде сыбайлас жемқорлық көріністерін, төрешілдікті, әуре-сарсаңдылықты және басқа да әкімшілік кедергілерді жою үшін жағдай жасау;

3) Орталықтар арқылы ұсынылатын қызметтер бойынша жеке және (немесе) заңды тұлғаларға ақпараттық көмек көрсету.

Негізгі міндеттерді іске асыру мақсатында Орталықтар мынадай функцияларды атқарады:

1) Қазақстан Республикасының жеке және заңды тұлғаларынан, шетелдік заңды және жеке тұлғалардан, азаматтығы жоқ тұлғалардан (бұдан әрі - өтініш беруші) қолданыстағы заңнамамен көзделген құжаттарды ресімдеуге және беруге өтініштерді қабылдау;

2) ұсынылған құжаттардың толықтығын тексеру;

3) Орталықтарға жүгінген жағдайда өтініш берушілерге ақпараттық көмек көрсету.

Орталықтардың қызметкерлері өзінің міндеттері мен функцияларына сәйкес:

1) өтініш берушілерге құжаттарды ресімдеуге өтініштерді, әдетте «электрондық кезек» жүйесімен анықталатын кезектілік тәртібінде қабылдайды (талонға сәйкес) ;

2) «Халыққа қызмет көрсету орталықтарының ықпалдастырылған ақпараттық жүйесі» ақпараттық жүйесіндегі (бұдан әрі - ХҚКО ЫАЖ) тізбеге сәйкес өтініштердің дұрыс толтырылуын және ұсынылған құжаттар пакетінің толықтығын тексереді;

3) өтінішке қол қойған тұлғаның жеке басын сәйкестендіреді;

4) тиісті бюджетке міндетті төлемдердің енгізілгендігін растайтын құжаттардың болуын және олардың деректемелерін тексереді;

5) ХҚКО ЫАЖ-ға өтініш беруші туралы тиісті ақпаратты және ұсынылған құжаттардың тізімін енгізеді;

6) ХҚКО ЫАЖ берген штрих-коды бар өтініш берушіден қабылданған құжаттар туралы қолхатты береді;

7) уәкілетті органдарға жолданатын хат-хабарларды дайындайды;

8) қолхатта көрсетілген мерзімде өтініш берушілерге құжаттарды береді;

9) Орталықтардың басшылығына Орталықтардың аумағындағы өзіне белгілі болған тәртіп және заң бұзушылықтар туралы хабарлайды;

10) ХҚКО ЫАЖ уәкілетті органдарға құжаттарды тапсыру бойынша, уәкілетті органдардан қабылдау, құжаттарды беру секторына тапсыру және өтініш берушіге құжаттарды беру бойынша іс-әрекеттерді бақылайды (штрих-кодты сканерлеу тәсілімен) .

Қазақстан Республикасының азаматтық заңнамасына сәйкес, өтініштердің сенімді тұлға арқылы ұсынылуына және де дайын құжаттарды алуға жол беріледі.

Құжаттарды қабылдау және дайын құжаттарды беру, әдетте, тиісті ұйымдастыру техникасымен жабдықталған кедергісіз қағидаты бойынша жұмысты қамтамасыз ететін Орталықтардың арнайы жабдықталған жұмыс орындарында жүзеге асырылады. Жұмыс орындары Орталықтар қызметкерінің тегі, аты, әкесінің аты және лауазымы көрсетілген кестелермен жабдықталуға тиіс.

Өтініштерге қызмет көрсету (өтініштерді беру) электрондық кезек тәртібінде жүзеге асырылады.

Кеңес беру қызметтерін ұсыну Бірыңғай байланыс-орталығы арқылы жүзеге асырылуы мүмкін. Орталықтарда Қазақстан Республикасының қолданыстағы заңнамасына сәйкес өтініштерді қабылдау және дайын құжаттарды беру бойынша қызмет түрлері ұсынылады.

Орталықтар арқылы ұсынылатын әр мемлекеттік қызметтің түрлері бойынша өтініштерге қосымша берілетін құжаттардың тізбесі Қазақстан Республикасының қолданыстағы заңнамасымен белгіленеді.

Алдын ала, құжаттарды тапсырғанға дейін, Орталықтардың кеңесшілері өтініш берушілерге құқықтары мен міндеттерін түсіндіреді, мемлекеттік қызмет көрсету талаптарымен таныстырады, қажетті құжаттар тізбесін қалыптастыруға көмек көрсетеді және өтініштер мен бланкілердің дұрыс толтырылуын тексереді. Мемлекеттік қызметтерді сапалы және уақтылы көрсету мақсатында Орталықтар уәкілетті органдардың жергілікті бөлімшелерінің өкілдерінің қатысуымен Орталықтар қызметкерлерінің оқытуларды, семинарларды, дөңгелек үстелдерді, кеңестерді өткізеді.

Орталықтардың консультациялық қызметтері Бірыңғай байланыс орталығы арқылы телефон желісінің көмегімен ұсынылады.

Орталықтардың қажетті қызметі туралы ақпаратты, оның ішінде қажет етілетін құжаттар, олардың орындалу мерзімі және алынатын мемлекеттік баж сомасы туралы ақпаратты ұсыну ХҚКО ЫАЖ көмегімен жүргізіледі.

Өтініш берушінің Орталықтарға берген өтінімінің орындалу қозғалысы мен кезеңінің бағытына мониторинг жүргізу ХҚКО ЫАЖ көмегімен жүргізіледі. Электрондық нысанда мемлекеттік қызметтерді ұсыну қолданыстағы заңнамаға сәйкес жүзеге асырылады және мемлекеттік көрсететін қызметтердің стандарттарымен және регламенттерімен реттеледі. Орталықтардың мемлекеттік қызметтердің стандарттарымен бекітілген нысанда өтініш берушінің сұрауынсыз мемлекеттік органдардың ақпараттық жүйелерінен мәлімет ұсынуына жол берілмейді.

Орталықтарда өтініштерді қабылдау тәртібі

Орталықтарға жүгінген өтініш беруші өзіне қажетті қызметтің атауын көрсете отырып, қағаз тасығыштағы өтініш бланкісін толтырады.

Қызметтерді электронды нысанда алу үшін (е-анықтаманы) Орталықтар қызметкері өтініш берушінің деректеріне (ЖСН, БСН) сәйкес белгіленген нысанда электронды түрдегі өтінішті толтырады. Орталықтар қызметкері сұратуды (электронды нысандағы өтінішті) өзінің электрондық цифрлық қолтаңбасымен куәландыра отырып, мемлекеттік органдардың ақпараттық жүйелеріне жолдайды.

Реттеу залының қызметкері (оператор) осы Қағидалардың 21-тармағында белгіленген талаптарды сақтап, қағаз тасығыштағы өтінішті (қажет болған жағдайда оған қоса берілген құжаттарымен бірге) қабылдайды.

Қағаз тасығыштағы өтініштердің дұрыс толтырылуы мен оның толықтығының сақталуы кезінде реттеу залының қызметкері (оператор) қабылдаған өтінішті ХҚКО ЫАЖ-да тіркейді және өтініш берушіге қабылдаған құжаттардың тізімі, өтінішті қабылдаған Орталық қызметкерінің аты-жөні, өтініш берілген күні мен уақыты және дайын құжаттардың берілу күні көрсетілген қолхат береді.

Қосымша touch screen - монитор арқылы оператор өтініш берушіге

Орталықтарға келіп түскен құпия ақпаратты Орталықтар қызметкерлері жария етпейді. Халықтан құжаттарды қабылдау мен оларды беруге қатысатын Орталықтар қызметкерлері Қазақстан Республикасының заңнамасына сәйкес құпия ақпараттың қорғалуы мен сақталуына жауапты болады.

3. Жұмыспен қамту саласындығы мемлекеттік әлеуметтік саясат

Қазақстан Республикасының қолданып жүрген заңнамасына сәйкес, жұмыспен қамту деген - жеке басының жеке қоғамның мұқтаждығын қанағаттандыратын заңнамаға қарсы келмейтін және табыс пен еңбекақы алып келетін азаматтардың қызметі.

Жұмыспен қамту саясатының белсенді түрі (еңбек нарығында) - мемлекеттің жұмыссыздық деңгейін төмендетуге көзделген құқық, ұйымдық және экономикалық шаралардың жиынтығы. Мұндай саясаттың мазмұнына: қоғамдық жұмыстар жүйесі бойынша жаңа жұмыс орындарын ұйымдастыру, өзін-өзі жұмыспен қамтуды дамыту жолымен жұмыс орындарын құруды демеу, жұмыс орнын сақтап қалуға, тұлғаларды оқыту, қайта дайындау және біліктігін жоғалатуға, қызметтердің жұмыстан өздігінен босталуын болдырмауға (ескерту, алдын алу шарасы) байланысты іс-шаралар кіреді. [7]

Жұмыспен қамту саясатының әрекетсіз түрі - жұмыссыздықтың келеңсіз салдарын деңгейлестіруге жұмсалған іс шаралардың жиынтығы. Ол өзіне: асырауындағыларға үстемақы төлеуді, бірінші қажеттіліктегі қымбат емес тауарларды мүмкіндігінше беруді, сондай ақ азық түлікті асханада арзан тамақтануды ұйымдастыруды және басқада іс шараларды енгізеді.

Сонымен, жұмыспен қамтылу - бұл оқуды, әскер қатарындағы қызметті, үй шаруашылығын жүргізуді, балалар мен қарттарды кутуді қоса алғанда халықтың енбек қызметіне қатысуы. Экономикалық ғылыммен, жұмыспен қамтылу:

- халықтың белсенді бөлігі қоғамдық өндіріске толық кірістірілмеген;

- жұмыс орындары мен еңбек ресурстарының теңгерімділік деңгейімен;

- халықтың әлеуметтік - экономикалық сұраныстарына жұмыспен қамтылудың сәйкестілігімен - шағылысатын көрсеткіш жүйесімен сипатталады;

- кәсіпкерлік оқытудың және жұмыспен қамтуды жоғарлату саясаты;

- кәсіптік оқытуды ұйымдастыру;

- жұмысшы орындары туралы ақпараттарды ұсыну;

- құқық шегінің кері әсері.

Жұмыспен қамту қызмет орындарына жұмысқа орналасу мәселесі бойынша жүгінген азаматтар саны жұмыстан шығу, жалдау мерзімінің бітуіне байланысты басқа жұмыс іздеген жұмысы бар немесе негізгі жұмысынан бос уақытта жұмыс істегісі келетін тұлғаларды қоса алғанда жұмыспен қамту мекемелеріне жұмысқа орналасу мәселесі бойынша жүгінген азаматтардың жалпы санының сипатын береді.

Жұмыспен қамту мемлекеттік саясатты мемлекеттік деңгейде жүргізу мәселесі негізінен еңбек және халықты әлеуметтік қорғау Министірлігінде (ЕХӘҚМ) шоғырланған. Еңбек және халықты әлеуметтік қорғау Министірлігінің жылдық есебін қарастырып отырып, айқын мысал келтірейік.

Әлеуметтік қайта құруды тереңдету Бағдарламасында көрсетілген міндеттер мен мақсаттар табысты жүзеге аырылып, орындалуда - әлеуметтік қамтамасыз етудің көпдеңгейлі жүйесі қалыптастырылды, мемлекеттік әлеуметтік үлгілер жүйесін жетілдіру, әлеуметтік қамтамасыз ету жүйесін дамыту, халықты жұмыспен қамтуға ықпал ету және еңбек қатынасын реттеу тетігін жетілдіру бойынша негізгі шаралар жүзеге асырылды: еңбек нарығының оралымдылығын қалыптастыру; көші-қон саясатын жетілдіру; тапшы мамандықтар бойынша жеке кадырлар даярлау секілді міндеттер қойылды.

... жалғасы

Сіз бұл жұмысты біздің қосымшамыз арқылы толығымен тегін көре аласыз.