Жартылай өткізгіш құралдар

Жұмыс түрі: Материал
Тегін: Антиплагиат
Көлемі: 3 бет
Таңдаулыға:

№ 1 дәріс

Тақырыбы : Кіріспе.

Жоспар :

1. Электроника пәні.

2. Радиоэ лектрониканың және микроэлектрониканың дамуы.

3. Радиоэлектрондық аппаратураның элементтік базасы.

4. Қазіргі микроэлектрониканың жетістіктері.

Электроника ақпаратты жинау және түрлендіру, автоматты және автоматтандырылған басқару, энергияны шығару мен түрлендіру аясында әртүрлі мәселелерді шешудегі ең тиімді құрал болып табылады. Электроника әртүрлі электронды құралдардың физикалық негіздерін және практикада қолданылуын үйретеді. Физикалық электроникаға: газдардағы және өткізгіштердегі электрондық және иондық процесстер жатады. Техникалық электроникаға: электрондық құралдардың құрылысын зерттеу мен оларды қолдану жатады. Электрониканың қолдану аясы үнемі кеңеюде. Шын мәнінде әрбір күрделі

техникалық жүйе электрондық құрылғымен жабдықталады. Электрондық құрылғылар туралы барлығы түсінеді: радиоқабылдағыштар, магнитофондар, теледидарлар, калькуляторлар және т. б. негізінде электрондық элементтерден құралады. Электрондық құрылғылардың сипаттамасы ең алдымен оларды құрайтын элементтердің сипаттамасымен анықталады. Қазіргі таңда электрониканың рөлі ақпараттық сигналдарды өңдеу үшін микропроцессорлық техниканы және электр энергиясын түрлендіру үшін күшті жартылай өткізгіш құралдарды қолдануға байланысты артып келеді. Электрониканың қысқа, бірақ жаңалықтарға толы тарихы бар, ол небәрі 100 жылдан ғана асады. Бірінші кезеңі вакуумды құралдармен байланысқан. Осы негізде электрондық құрылғылар жасап шығарылып, ал содан кейін ұзақ жылдар бойы оларды жетілдірді. Электрондық құралдарды өнеркәсіпте пайдалануға арналған бөлім Өнеркәсіптік Электроника деп аталады. Электрониканың жетістіктері радиотехниканың дамуымен байланысқан. Электроника мен радиотехниканың бір бірімен тығыз байланысқандығы сондай 50-ші жылдары оларды қосып, техниканың осы бөлімін Радиоэлектроника деп атаған. Бүгінде Радиоэлектроника ол жиіліктің радио және оптикалық диапазонында эл. Магниттік тербелістер мен толқындар көмегімен ақпаратты беру, қабылдау және түрлендірумен байланысқан ғылым мен техника саласының кешені. Электрондық құралдар радиотехникалық құрылғылардың негізгі элементі болып табылады және радиоаппаратураның маңызды көрсеткіштерін анықтайды. Екінші жағынан радиотехникадағы көптеген проблемалар жаңа жаңалықтар ашуға және қолданыстағы электрондық приборларды жетілдіруге әкелді. Бұл құралдар радиобайланыста, теледидарда, дыбыстарды жазу мен ойнатуда, радиолокацияда, радионавигацияда, радиотелебасқаруда, радиоөлшеулерде және радиотехниканың басқа да аймақтарында қолданылады. Американдық статистика мәліметтеріне сүйенсек барлық өнеркәсіп көлемінің 80% электроника алады. Электроника саласындағы жетістіктер күрделі ғылыми-техникалық проблемаларды шешуге көмектеседі.

№ 2 дәріс

Тақырыбы: Жартылай өткізгіш құралдар

Жоспар:

1. Диодтар.

2. Биполярлық және униполярлық транзисторлар.

3. Транзисторлардың қосы-лу схемасы, сипаттамалары және

параметрлері.

4. Көпэмиттерлік транзисторлар.

5. Тиристорлар.

Электрондық құралдар жұмысы электрлік, жылулық, оптикалық және акустикалық құбылыстарды қатты денелерде, сұйықтықтарда, вакуумда, газда немесе плазмада қолдануға негізделген құрылғы. Электрондық құралдарды жинауға, жөндеуге және бөлшектеуге болмайтын радиоэлектроникалық аппаратураның элементтері ретінде қолданады. Электрондық құралдың ақпараттық сигналдарды өзгертуші ретіндегі негізгі міндеті: сигналдарды күшейту, туындату, тарату, жинау, сақтау, және дыбыстық кедергілерден (шум) айқындау. Көбінесе электрондық құралдар физикалық қасиеттеріне, негізгі электрлік параметрлеріне, конструктивтік-технологиялық белгілеріне, жұмыс істейтін ортасына байланысты топталады. Сигналдың түріне және ақпаратты өңдеу тәсіліне байланысты барлық қолданыстағы электрондық құралдарды электрөзгерткіш, электр жарықтық, фотоэлектрлік, термоэлектрлік, акустоэлектрлік және механикоэлектрлік деп бөледі. Электрөзгерткіш құралдар электрондық құралдардың үлкен тобын құрайды. Оларға: жартылай өткізгіш диодтардың әртүрлі типтері, биполярлық және униполярлық транзисторлар, тиристорлар, электровакуумдық лампалар -диодтар, триодтар, пентодтар және т. б., газоразрядтық құралдар - стабилитрондар, газотрондар, тиратрондар, плазмалық панелдер және т. б. Электр жарықтық құралдарға - жарық диодтары, люминесцентті конденсаторлар, лазерлер, электрондық - сәулелік трубкалар жатады. Фотоэлектрлікке - фотодиодтар, фототранзисторлар, фото тиристорлар, күн батареялары және т. б. Термоэлектрлікке - жартылай өткізгіш диодтар, транзисторлар, термисторлар. Акустоэлектрлікке - акустоэлектрлік күшейткіштер, генераторлар, сүзгілер, беттік акустикалық толқындардағы кешіктіру сызықтары және т. б.

Жұмыс ортасының түріне байланысты құралдарды келесі кластарға бөледі: жартылай өткізгіштік, электровакуумдық, газоразрядтық, хемотрондық (жұмыс ортасы - сұйықтық) .

Тағайындалуына және атқаратын қызметіне байланысты электрондық құралдарды түзеткіш, өзгерткіш, индикаторлық және т. б. ; жұмыс жиілігінің диапазонына байланысты төменгі жиілікті, жоғарғы жиілікті және аса жоғарғы жиілікті, қуаты бойынша - аз қуатты, орташа қуатты және мықты деп бөледі. Электроникада р-n ауысулар диод ретінде қолданылады. Жартылай өткізгіш диодты схемада төмендегідей белгілейді.