Азаматтық құқықтарды жүзеге асыру



Жұмыс түрі:  Дипломдық жұмыс
Тегін:  Антиплагиат
Көлемі: 56 бет
Таңдаулыға:   
Мазмұны
Кіріспе

1 Азаматтық құқықтарды жүзеге асырудың түрлері және жіктелуі
1.1 Азаматтық құқықтарды жүзеге асыру ұғымы және оның
түрлері
1.2 Азаматтық құқықтарды жүзеге асырудағы мерзімдер
1.3 Өкілдік - азаматтық құқықтарды жүзеге асырудың құралы ретінде

2 Азаматтық құқықтарды жүзеге асырудың тәсілдері және ерекшеліктері
2.1 Азаматтық құқықтарды жүзеге асыру тәсілдері
2.2 Азаматтық құқықтарды қорғау тәсілдері
2.3 Кәсіпкерлер мен тұтынушылардың азаматтық құқықтарын
Қорғау
3 Азаматтық құқықтарды қорғау институтының өзекті мәселелері

Қорытынды
Пайдаланған әдебиеттер тізімі

Кіріспе
Қазақстанның тәуелсіз мемлекет ретінде қалыптасуына 1990 жылғы Қазақ ССР-інің егемендігі туралы Декларация мен 1991 жылғы Қазақстан Республикасы мемлекеттік тәуелсіздігі туралы Конституциялық заңы қабылдануы қоғамның жаңа даму бағытына құқықтық негіз болды. Бірақ бұл актілер жаңа қоғам құруда жетіліксіз болды және мемлекеттің, қоғамның ішкі жүйесі мен құрылысын бірден түбегейлі өзгерте алмады. Өйткені жарты ғасырдың үстінде билік құрған кеңестік психология мен өлшемдер, қағидалар, жоспарлы экономикалық жүйе, әкімшілік-әміршілдік көзқарастағы бір орталықтан басқару аппараты үлкен кедергі болды. Сондықтан мемлекеттің кезекті міндеттеріне саяси, экономикалық және құқықтық реформаларды жүзеге асыру қойылды.
Бұл үшін мемлекетіміздегі анықтайтын Конституциялық құрылыс проблемасын шешу қойылып, ол 1995 жылғы конституция қабылдаумен тәмамдалды.
Адам құқықтарының Конституцияда бекітілуі, қоғамда адам проблемалары түпкілікті, толық түрде шешімін тапқан емес. Себебі, конституция қоғамдық қатынастарды реттеудің негіздерін ғана бекітеді, ол оның қағидалары мен нормалары іс жүзінде сақталынуы мен қорғалуы, нақты қамтамасыз етуі қолданыстағы заңдарға тікелей байланысты. Бұл жөнінде мемлекет басшысы Елдегі жағдай мен 1997 жылға арналған ішкі және сыртқы саясаттың негізгі бағыттары туралы баяндамасында Мемлекет негіздерін қалыптастыру аяқталғаннан кейін бізге басқару тетіктерін жолға қою жөнінде тындырымды жұмыс істеуге тура келеді. Бұл тетіктерді іске қосатын дәнекер тек заңдар ғана болуы керек. Заң шығару жүйесінде заңдарды көбейте бермей, олардағы қайшылықтарды жою проблемасы көкейкесті күйінде қалып отыр, олар үйлесімді, әрі конституцияға сай болуы тиіс. Бұл проблеманы шешу құқықтың барлық салаларын қамтитын, барлық заң жүйесін жетілдіре отырып, кешенді әрі жүйелі тұрғыдан келуді керек етеді.
Аталған міндет басқа құқық салаларымен қатар азаматтық құқығына да қатысты болатын. Өмірде көп кездесетін мәселелерді шешу үшін Қазақстан Республикасының Азаматтық кодексі қабылданып 2007 жылғы 7-тамыздағы өзгерістерімен қолданылып жүр.
Азаматтық құқықтарды жүзеге асыру - құқықтың қатынастарға қатысушылардың белгілі бір қажеттерін қанағаттандыру үшін азаматтық құқықтар мен міндеттер белгіленеді. Субъективтік құқықтың мазмұнын құрайтын әрекеттер жасауды құқықтарды жүзеге асыру деп түсінеді.
Азаматтық құқықтарды жүзеге асыру түсінігі және түрлері тақырыбындағы дипломдық жұмыстың таңдалу себебі және осы тақырыптың мәнін ашудағы алға қойған міндеттер мен мәселелер болып: азаматтық құқықтарды жүзеге асырудың жалпы ерекшеліктерін көрсету, азаматтық құқықтарды қорғау тәсілдерін талдау, азаматтық құқықтарды қорғауды жүзеге асыру мерзімдері, кәсіпкерлер мен тұтынушылардың азаматтық құқықтарын қорғау және меншік құқығын және өзге де заттық құқықтарды қорғаудың ара жігін ашу болып табылады.
Осы зерттеу жұмысында тақырыпқа талдау жүргізген М.К. Сүлейменов; Ю.Г. Басин; П.И. Төлеуғалиев; С.П. Гришеева; Г.К. Пралиева; Г.И. Мауленов; К.С. Сарсенбаев; А.П. Сергеев; О.Н. Садыков; З.И. Цибуленко секілді ғалымдар еңбегі және Қазақстан Республикасының нормативтік құқықтық актілері қолданылды.
Бұл тақырыпты зерттеудің өзектілігі болып азаматтық құқықтық қатынасқа түсуші субъектілердің азаматтық құқықтарын жүзеге асыру ауқымы мен шегін айқындау болып табылады.

1-бөлім Азаматтық құқықтарды жүзеге асырудың түрлері және жіктелуі
1.1 Азаматтық құқықтарды жүзеге асыру ұғымы және оның түрлері
Азаматтық құқықтарды жүзеге асыру - осы құқық мазмұнындағы мүмкіндіктерді құқыққа уәкілетті адамның іске асыруы немесе уәкілетті субъект ондағы заңды мүмкіндіктерімен материалдық және рухани қажеттіліктерді қанағаттандыру нәтижесіндегі процесс.
Азаматтық заңнамалармен азаматтық құқықтарды жүзеге асыру тәсілдері белгіленген. Азаматтар мен заңды тұлғалар өздеріне тиесілі азаматтық құқықтармен, оның ішінде қорғауға құқықпен өздерінің қалауынша билік етеді.
Азаматтар мен заңды тұлғалардың оларға тиесілі құқықты жүзеге асырудан бас тартуы заңнамалық актілерде көзделген жағдайларды қоспағанда, бұл құқықтардың қсқаруына әкеп соқтырмайды.
Азаматтар және заңды тұлғалармен азаматтық құқықтың жүзеге асуы өзге құқық субъектілерінің заңнамамен қорғалатын мүдделерін және құқықтарын бұзбауы тиіс, қоршаған ортаға зиян келтірмеуі тиіс.
Азаматтар мен заңды тұлғалар оларға тиесілі құқықтарды жүзеге асыруда заңнамадағы талаптарды, қоғамның адамгершілік қағидаттарын, ол кәсіпкерлер - іскерлік этика ережелерін сақтай отырып, адал, әділ және ақылға қонымды әрекет жасаулары тиіс. Бұл міндетті шарт арқылы алып тастауға немесе шектеуге болмайды, өйткені азаматтық құқық қатынастарын қатысушылардың адал, парасатты және әділ әрекет жасауы көзделген.
Азаматтар мен заңды тұлғалардың басқа тарапқа зиян келтіруге, құқықты басқа түрлерде қиянат жасап пайдалануға, сондай-ақ оның мақсатына қайшы келетіндей етіп жүзеге асыруға бағытталған әрекеттеріне жол берілмейді, ал осы талаптарды орындалмаған жағдайда сот ол адамның тиісті құқығын қорғаудан бас тарта алады. Яғни, ҚРАК-нің 8 бабына сәйкес азаматтар және заңды тұлғалармен азаматтық құқықты жүзеге асыру тәсілдеріне мыналар жатады: қоршаған ортаға зиян келтіруге жол бермеу; азаматтық құқықты іске асырудағы адалдық, парасаттылық, әділдік; қоғамның адамгершілік қағидаттарын, заңды талаптарын сақтау; кәсіпкерлік қызметте іскерлік этика ережелерін сақтау; басқа тарапқа зиян келтіруге бағытталған әрекеттерге жол бермеуі; құқықты басқа түрлерде қиянат жасап пайдалануға жол бермеу; оның мақсатына қайшы келетіндей етіп құқықты жүзеге асыруға жол бермеу;
Субъективтік азаматтық құқықты жүзеге асырудың тәсілдері деп мәміле жасау белгілері мен немесе өзге де заңды әрекеттермен иемденбейтін құқыққа өкілетті адамның әрекеттер жүйесі немесе әрекеті түсіндіріледі.
Субъективтік азаматтық құқықты жүзеге асырудың заңды тәсілдері деп мәміле жасау белгілерімен немесе өзге де заңды әрекеттермен иемденген әрекеттер жүйесі немесе әрекеттер түсіндіріледі.
Субъективтік азаматтық құқықтың жүзеге асу шектері - осы құқықтағы мүмкіндіктерді іске асыру бойынша уәкілетті адамның заңды түрде шектелген қызметі. Заңнамамен соның ішінде қайсібір құқық жүзеге асырылатын мерзім белгіленеді.
Субъективтік азаматтық құқықтың жүзеге асыру шектері қайсібір жүзеге асыру тәсілдерінің жол берілу немесе жол бермеу берілмеу жайлы ережелерімен анықталады
Азаматтық заңнамалардағы қолданыстағы ережелермен кәсіпкерлік еркіндігіне қиянат жасауға жол бермеу көзделген, яғни заңды бәсекелестікті шектеу немесе болдырмауға бағытталған, тұтынушылардың заңды мүдделері мен құқықтарына зиян келтіру, негізсіз басымдылық алуға бағытталған кез келген монополистік немесе өзге де қызметтерге жол берілмейді
Заңнамалық актілерді көзделген жағдайлардан басқа, сондай-ақ кәсіпкерлердің азаматтық құқықты бәсекелестікті шектеу мақсатында пайдалануларына жол берілмейді, оның ішінде: кәсіпкерлердің өздерінің басымдылық жағдайларын нарықта теріс пайдалануы, ішінара, тапшылық жасау немесе баға көтеру үшін тауарларды айналымнан алып тастау немесе өндіруді тоқтату немесе шектеу жолымен; кәсіпкерлік қызметке ұқсас баға жайлы мәмілені, нарықты бөлуді, басқа кәсіпкерлерді шетету және өзге де жағдайларды жүзеге асыратын тараптардың орындауы және қортындылауы бәсекелестікті елеулі шектелуі, ұқсас кәсіпкерлік қызметке, және тұтынушыларға (теріс пиғылды бәсеке) әкелетін, тұлғаның заңды мүдделеріне зиян келтіруге бағытталған жазықсыз әрекеттер жасау, оның ішінде, тауар өндірушіге, өндіру орны, тәсілі және мақсатына қатысты жаңылысуға тұтынушыларды әкеп соқтыратын жолмен, тауарларды жарнамалық және өзге де ақпараттармен сыпайы емес салыстыру, бөтен тауарлардың сыртқы безендірілуін көшіру және өзге де тәсілдер жолымен. Сондай - ақ теріс пиғылды бәсекелестікпен күресі бойынша шаралар заңнамалармен белгіленеді.
Субъектитік азаматтық құқықтық жүзеге асыру шекаралары, уәкілетті тұлғаға қорғаудың нақты түрлері мен тәсілдері қатаң түрде ұсынылады. Азаматтық құқықты жүзеге асыру шектері сондай-ақ әлеуметтік зиянды мақсаттарға қол жеткізу үшін құқықты пайдалануға тиым салумен шектелген. Азаматтық құқықты жүзеге асыру шектерін бекітудің негізгі тәсілі қоғамдық зиянды тәсілдерге заңды тиым салу, осы құқықтардың жүзеге асуындағы мақсаттар мен тәсілдерге зияндыларына тиым салу болып табылады. Заңнамада азаматтық құқық, осы құқықтың мақсатына қайшы келетін жағдайлардан басқасы заңмен қорғалатын ереже бекітілген, яғни кез келген субъект үшін олардың әлеуметтік мақсатына қайшы келетін азаматтық құқықтардың жүзеге асуына тиым салу белгіленген.Бұл принциптік тиым салуды бұзу азаматтық құқық бұзушылық болып табылады, тіптен субъективті құқықты жүзеге асырумен байланысты, құқық бұзушылықтың дәл осы түрік қарастыратын арнайы норма болмаған жағдайд да. Азаматтық құқықты жүзеге асырудың құқыққа қайшылығы жайлы қортындысы, бұзылуына азаматтық құқықты қорғау тиым салу түрінде тиісті нақты санкция көзделген нормаға сүйенеді.
Құқықты теріс пиғылдаа пайдалану оның іске асуында рұқсат етілмеген түрлерді пайдаланумен байланысты, жүзеге асыруда құқыққа уәкілетті адаммен жасалған азаматтық құқық бұзушылықтың ерекше түрі, бірақ тәртіптіңжалпы типі шеңберінде осы құқықтың мазмұнымен анықталады. Азаматтық құқық бұзушылық ретінде құқықты теріс пиғылда пайдалану ерекшелігі мынада, яғни субъективті құқық басқа тарапқа зиян келтіру мақсатында пайдаланылады.
Қорғануға құқық құқыққа өкілетті адамның құқық қорғау сипатындағы арнайы шараларды пайдалануға заңды бекітілген мүмкіндік беретінін білдіретін субъективті азаматтық құқық болып табылады. Егер міндеттеме ерікті түрде орындалмаған жағдайда, азаматтар және ұйымдар өздерінің субъективтік құқықтарын талап қою мерзімі ішінде аралық сот немесе төрелік сот, сот арқылы мәжбүрлі түрде жүзеге асыруларына болады.

1.2 Азаматтық құқықтарды жүзеге асырудағы мерзімдер

Азаматтық құқықты жүзеге асыру мен қорғау уақыт факторымен тікелей байланысты. Азаматтық заң нақты бір белгіленген кезеңмен азаматтық құқықтық қатынастың тууын, өзгеруін және тоқтатылуын байланыстырады, оны жүзеге асыру қажеттілігі заңмен немесе әрекет келісімдерімен қарастырылады. Азаматтық құқықта мерзім дегенде түсінетініміз - заңды салдарлармен байланысты уақыт кезеңі немесе аралығы.
Мерзім түсінігінің екі мағынасы бар: не нақты бір кезең немесе нақты бір уақыт мерзімі, аралығы және ол екі мағынада да қолданыла береді. Уақыт мәселесі тек қана кіші шаруашылық қызметтерінде ғана емес, мемлекеттің тұтастай экономикасында да маңызды роль атқарады. Кез-келген әрекеттің өндірілуі мен бағалануы мерзімді сақтаусыз мүмкін емес. Құқық пен міндеттеменің уақытпен қызмет жасауы - азаматтық құқықтық қатынастың қатысушыларына заңды әсер етудің басты құралы.
Мерзім азаматтық айналымды реттейді, келісімдердің орындалуына да ықпал етеді. Сонымен қатар азаматтық құқықтардың іске асырылуы мен қорғалуы да уақыт факторымен тікелей байланысты екендігі де табиғи нәрсе. Азаматтық заңнама уақыт кезеңімен әрекет жасауды, құқықтық қатынастың тууын, өзгеруін немесе тоқтатылуын байланыстырады, олар келісіммен немесе заңмен қарастырылады. Азаматтық Кодекстің 172 бабында заң шығарушы азаматтық құқықтағы мерзімнің жалпы түсінігін былай деп береді: ол нақты бір кезең немесе уақыт бөлшегі, ол өтіп кеткен соң заңды салдарлар туады, бұл жерде мынадай қорытынды жасауға болады: өзінің заңды табиғаты жағынан мерзім бұл - заңды факті, оның басталуымен заңнама заңды салдарлардың басталуын байланыстырады.
Мерзімді әдетте заңды фактілерге-оқиғаларға жатқызады, себебі уақыт адамның еркіне байланысты емес. Дегенмен уақыттың екі жақты табиғатын сипаттайтын басқа да көзқарастар бар. Пайда болу кезеңі бойынша еркін бола отырып (заң шығарушымен, сотпен, келісімге келуші екі жақпен бекітіледі), мерзім сонымен бірге тұлғаның еркінен тыс уақыт ағымына ие болады. міне, сол себепті азаматтық құқықтағы мерзімдер заңды фактілердің жеке категориясын ұсынады және сол себепті әрекетке де, оқиғаға да жатқызылмайды.
Азаматтық құқықтағы мерзімді есептеу тәртібі
Заңнама мерзімді есептеудің тәртібі мен ережелерін бекітеді. ҚР АК 172 бабының 1 тармағына сәйкес мерзім күнтізбелік күнмен, уақыт кезеңінің өтуімен, т.б. анықтала алады.
Күнтізбелік күнге сілтеме көбінесе келісімшарттарда, соттың шешімдерінде қолданылады, нақты бір күн, ай, жылды көрсету жолымен заңдардың өзімен анықталады .
Мерзім аймен, жылмен, күнмен, аптамен және сағатпен анықталатын уақыт кезеңін көрсетеді (ҚР АК 172 бабының 2 тармағы).
Мерзiм үшiн маңызды болатын мән - оның есептелуiнің ережелері, оның басталуы мен аяқталуын анықтау. 173-шi бапқа сәйкес мерзiмнiң басталуы оның басталуы анықталған оқиғаның болғанынан немесе күнтізбелік күннен кейін ертеңінде басталады. Егер мұра қалдырушы 14 қыркүйекте қайты болатын болса, онда мұраның қабылдануына 6 айлық мерзiм 15 қыркүйектен саналады. Мерзiмнiң аяқталуы таңдаулы уақыт бiрлiгiне байланысты өзгешеленедi. Жылдар бойы есептелген мерзiм соңғы жылдың сәйкес айында және күнінде бітеді (ҚР АК 174 бабының 3 тармағы).
Егер айлармен есептеп шығаратын мерзiмнiң аяқталуы тиiстi саны жоқ болатын айға дәл келсе, онда мерзiм осы айдың соңғы күні бітеді. Егер екі жақты тараптармен келісілген мiндеттi орындаудың екі айлық мерзiмі 1 қаңтарда басталса, онда бұл мерзiмiнiң аяқталуы 28 (немесе 29) ақпанда болады.
Егер мерзiмнiң соңғы күнi демалыс күніне дәл келсе, онда мерзiмнiң аяқталу күнi (ҚР АК 175-шi бабы) жұмыс күнiнің ең жақын келесi күні болып есептеледi. Егер мерзiм қандай да бір әрекетті iске асыру үшiн бекітілген болса, ол мерзiмнiң соңғы күнiнiң 24 сағатына дейiн орындала алады. Бірақ бұл әрекет егер ұйымда жасалу керек болса, онда мерзiм сол ұйымда тиiстi операцияларды тоқтатқан сағатта бітеді.
Мерзiмнiң соңғы күнiнiң 24 сағатына дейiн ұйымға тапсырылған жазбаша өтініштер (ҚР АК 176-шы бабы) мерзiмінде тапсырылған болып есептеледi. Азаматтық-құқықтық мерзiмдер әр түрлi және алуан түрлі негiздер бойынша жіктеле алады. .
Азаматтық құқықтағы мерзімнің түрлері
Мерзімді кімнің бекітетіндігіне байланысты олар былайша бөлінеді:
-заңды;
-келісімдік;
-соттық.
Заңды мерзімдер заңды және басқа да нормативті актілерде тіркеледі. Мұрагерлікті қабылдау үшін немесе одан бас тарту үшін заңмен 6 айлық мерзім беріледі. Келісімдік мерзімдер дегеніміз екі жақтың тарапынан олардың келісімімен бекітілген мерзімдер. Соттық мерзімдер дегеніміз сотпен бекітілген мерзімдер. Сот азаматтың ар-намысы мен абыройына нұқсан келтіретін мәліметтерді жоққа шығаруды жариялау үшін мерзім тағайындауға құқылы (АК 143 бабы). .
Құқықтық салдары бойынша мерзімдер былайша бөлінеді:
- құқық тудырушы;
- құқық өзгертуші ;
- құқық тоқтатушы.
Құқық тудырушы мерзімнің мысалы ретінде меншік иесі құқығының пайда болу кезеңін анықтайтын заттарды беру кезеңін алуға болады.
Құқық өзгертуші мерзімнің өтуі немесе келуі азаматтық құқық пен міндеттеменің өзгерісіне әкеледі.
Затты беру кезеңінің кешіктірілуі мынаған әкеліп соғады: заттың кездейсоқ жоғалу тәуекелі мерзімнің кешіктірілуіне әкелген тұлғада жатады. Құқық тоқтатушы мерзімдер құқық пен міндеттеменің тоқтатылуына әкеліп соғады. Мысалы, егер мұра берушінің кредиторлары өздерінің наразылықтарын мұрагерлік ашылған сәттен бастап 6 ай ішінде бермесе, бұл наразылықтар қабылданбайды.
Бұлардан басқа да мынадай мерзімдер бар: императивтік және диспозитивтік, абсолюттік анықталған, қатыстық анықталған және анықталмаған, жалпы және арнайы.
Императивтік мерзімдер дегеніміз екі жақтың келісімімен ғана өзгертуге келмейтін мерзім. Оған жататындар - талап арызының мерзімі (ҚР АК 177 бабы), сатып алу мерзімінің ескіруі (ҚР АК 240 бабы).
Диспозитивтік мерзімдер дегеніміз заңмен қарастырылған болса да, өзгертуге мүмкін болатын мерзім. Қарыз алушы адамға несие берушімен талап етілген күннен бастап 7-ші күні талап етілген кеезңмен анықталған міндеттемелерді орындау тапсырылады (ҚР АК 277 бабы), бірақ өзінің келісімімен тараптар бірден орындалуын жүзеге асыруға немесе неғұрлым ұзақ жеңілдік мерзімін беруді қарастыруға құқылы.
Абсолюттік анықталған мерзімдер нақты дәл кезеңді қарастырады, онымен заңды салдарлар байланыстырылады. Мысалы, күнтізбелік күнмен немесе нақты бір уақыт кезеңімен белгіленген мерзімдер.
Қатыстық анықталған мерзімдердің нақтылығы, дәлдігі азырақ болады, бірақ олар да нақты бір уақыт кезеңімен байланысты болады (мұндай мерзімге жататындар - жеткізілім кезеңі, т.б.).
Анықталмаған мерзімдер заңмен немесе келісіммен қандай да бір мезгілдік бағдар қарастырылмаған жағдайда болады. Мысалы, мүлік уақытша ақысыз қолдануға немесе жалға осы пайдаланудың нақты мерзімін көрсетпей берілуі мүмкін.
Жалпы мерзімдер - бұл жалпы маңызы бар мерзімдер, олар азаматтық құқықтың барлық субъектілеріне таратылады. Мысал - сенімхаттың қызмет етуінің шектеулі мерзімі 3 жыл (ҚР АК 168 бабы).
Арнайы мерзімдер жалпыға ортақ ережеден бөлек ретінде бекітіледі және заңда тура нұсқаулық болған кезде ғана әрекет етеді.
Мына тағайындаулар бойынша мерзімді шектеу аса маңызды болып табылады:
- азаматтық құқықтың іске асу мерзімі;
- міндеттемелердің орындалуы;
- азаматтық құқықтың қорғалу мерзімі.
Азаматтық құқықтың іске асу мерзімі дегенде түсінетініміз ол - міндетті тұлғадан өз құқығын іске асыру бойынша нақты бір әрекет жасауды талап ететін немесе құқыққа ие субъекттің өзіне тиесілі құқықты іске асыра алатын мерзімі. Олар заңмен немесе басқа да нормативті актілермен бекітіледі, бірақ сонымен қатар келісіммен де қарастырыла алады. Азаматтық құқықты іске асыру мерзімдері сонымен қатар былай да бөлінуі мүмкін:
- азаматтық құқықтың қызмет ету мерзімі;
- тоқтатушы мерзімдер;
- наразылық мерзімдері;
- кепілдеме мерзімдері;
- тауардың қызметке жарамдылық мерзімі, қызмет ету мерзімі, сатылу мерзімі және сақталу мерзімі, тағы да басқалары.
Азаматтық құқықтың қызмет ету мерзімі бұл - құқықтың уақыт бойынша қызмет мерзімі. Олардың маңызы тұлғаға өзінің құқығын іске асыру үшін уақытты қамтамасыз етуде болады.
Тоқтатушы мерзiмдер - азаматтық құқықты жүзеге асырудың мерзiмдерiнiң ерекше категориясы. Уәкiл тұлғада өзінің құқығын iске асыру үшiн белгiлi бiр уақыт бар, оның iске асырылмауы немесе лайықсыз жүзеге асырылуы салдарынан тоқтатылуы мүмкін болады. Мысал - қарыздар адамның мұрагерлерiне талаптарын қою үшін несие берушіге берiлетiн 6 айлық мерзiм.
Наразылық мерзiмi - мiндеттi тұлғаға құқықты болған субъекттiң наразылық білдіруін көрсету үшiн берілетін мерзiм. Осы ереже заң шығарушымен соттық iстердiң санын қысқарту және iс жүргiзу шығындарын кiшiрейту және қалпына келтiру және азаматтық құқығын қалпына келтіруді жылдамдату үшiн жасалған. Заң құқық бұзушыны жазбаша түрде наразылықтың қарастырылуының нәтижесі туралы арыз берушіге хабар беруге міндеттейді.
Кепілдеме мерзім дегенде түсінетініміз - уақыт бөлшегі, ол кезде құқықты болған субъект бұзушылықтар табылған жағдайда қарыздар тұлғаға бұл туралы ескертуi қажет, ал ол өз кезегiнде бұзушылықты жоюға тиісті.

Кепiлдеме мерзiмдер субъективті азаматтық құқықты iске асырудың маңызды заңға сүйенген кепiлдiгiн білдіреді. Заңның мағынасы бойынша, кепiлдеме мерзiмдер сатып алушыны өнімнің жасырын кемшіліктерінен қорағу үшін бекітіледі, ол кемшіліктер әдеттегі қабылдау кезінде көрінбейді, білінбейді, бірақ өнімді сақтау, қолдану барысында көрінеді.
Егер сатып алу-сату келісімшартында басқа түрі қарастырылмаса, кепілдеме мерзім тауарды сатып алушыға беру кезеңінен басталады (АК 471 бабы). Тауардың пайдаға асу мерзiмi дегеніміз бұл - тауардың сол мерзімі өткен соң, қолдануға жарамсыз болып есептелетiн мерзiмi. Мерзiмi өткен, пайдаға асу мерзiмi өтіп кеткен тауарды сатуға болмайды. Сатушы сатып алушыға тауарды қолдану мерзімі өтпеген күйінде беруге міндетті.
Егер осы тауардың қолдану мерзiмінiң өтуi бойынша ол тауар адамның өмiрi мен денсаулығы үшiн қауiп-қатерлі болса, жасап шығарушы ұзақ қолданатын тауарларға орнатуға мiндеттi болатын пайдаға асу мерзiмiмен тауардың қызмет ету мерзiмi пайдаға асу мерзімімен ұқсас болуы қажет. Тауардың қызмет ету мерзiмi оның тұтынушысына сатылу күнiнен саналады, ал егер бұл мүмкiн емес болса, онда жасалу күнінен бастап саналады. Жасап шығарушы тауар иесіне бұйымның қызмет мерзiмi ағымында қолдануының мүмкiндiгiн қамтамасыз етуге мiндеттi.
Мiндеттердi атқару мерзiмдерi азаматтық құқықты жүзеге асырудың мерзiмдерiмен тығыз байланысты. Бiр тұлғаның құқықты жүзеге асыру мерзiмі басқа тұлғаның мiндеттерiнiң атқару мерзiмi болып табылады. Мiндеттердi атқару мерзiмi заңмен, басқа құқықтық актілермен немесе iскер айналымның салттарымен ескерiле алады. Мiндеттердi мерзімінде орындау мiндеттемелердi тиiстi орындау қағидасының шарттарының бiреуi болып табылады.
Мiндеттердi атқару мерзiмдерi жалпы және жеке болып жiктеледi. Жалпы мерзiмге жататындар - мiндеттемелердi орындаудың барлық мерзiмі. Мәмiлеге қатысушылар жалпы мерзім ішінде мiндеттемелердi орындау үшiн жеке мерзім бекітуге құқылы. Мысалы, нақтылы мерзiм ішінде атқарылатын жұмыстардың кезеңдiк тапсырылуы - қабылдануы. Сонымен бiрге маңызды болып табылатын - азаматтық құқықты қорғау мерзiмдерi, яғни тұлға өз бұзылған құқығының ықтиярсыз жүзеге асыруының құзырлы органдарынан талап етуге құқықылы мерзiмдерi. Мұндай мерзiмдерге заңды талап мерзiмдерi жатады.
Талап арызы мерзімінің түсінігі, белгілері, қолданылуы
Талап мерзiмi ретінде мойындалатын уақыт аралығы танылады, оның барысында тұлғаның құқығын бұзудан туған арыз талаптары қанағаттандыра алған (ҚР АК 177-шi бабы). Соттың бұл мерзiмi ағымында сот құқықтың иесiне оның заңды талаптарының қанағаттандырылуына көмектеседi. Мұның басты мақсаты - мүлiктiк қатынастардың тұрақтылығы мен құқылық тәртiптiң сенiмдi орнықтылығы және оған мүмкiндiк туғызу. Талап мерзiмi қажеттi, өйткенi даулы жағдайлар ұзақ уақыт өткесiн бекітіле алмайды.
Дәлелдердің жоғалуы мүмкін, жағдай үшiн маңызды дәлелдердің ұмытылуы мүмкін. Талап мерзiмi айғақсыз талаптанулардан тұлғаны қорғайды. Сонымен бiрге ол бір уақытта тараптарға құқықтық қатынастарда мынаған түрткi болады: өз құқығының уақытында жүзеге асырылуы мен қамқорлыққа алынуына және де сол арқылы азаматтық айналымдағы тәртіптің күшейтілуiне мүмкiндiк туғызады.
Талап арызын беру құқығы бұл - мүдделi тұлғаның заңмен қамтамасыз етілген сотқа жүгіну мүмкіндігі, ол заңмен қорғалатын мүддесін немесе құқығын бұзылудан қорғау мақсатында сотқа жауап берушімен арадағы материалдық-құқықтық дауларды қарастыру мен шешу туралы талаппен жүгінеді. Талап арызы құқығы екi құқықты болудан тұрады: талап арызын беру құқығы және талаптың қанағаттандырылу құқығы. Талап арызын беру құқығы процессуалдық мағынада көбінесе арыз беруге құқық деп аталады, бұл - соттан нақты бір процессуалдық тәртіпте дауды қарастыру мен шешуді талап ету құқығы. Осы ереженi жүзеге асырудың шарттары азаматтық-iс жүргiзу заңдарымен анықталады.
Атап өтетін маңызды жайт - процессуалдық тәртіптегі талап арызын беру қандай болмасын мерзiмдердің өтуіне тәуелдi болмайды. Талап арызын беру мерзімінің бiтуіне қарамастан, кез-келген уақытта сотқа шағымдануға болады (ҚР АК 179 бабының 1 тармағы). Талап арызын материалдық мағынада қанағаттандыру туралы іс тіпті басқаша болады, одан түсінетініміз - талапкердiң өз талаптарын сот арқылы күштеп орындатуы. Талап мерзiмiнiң өтуi тап осының мүмкiндiгiн погашает және талап арызынан бас тартуға негіз болады (ҚР АК 179 бабының 2 тармағы).
Талап арызының мерзімі мен оның есептелу тәртібін анықтайтын заңның ережелері өзінің негізгі бөлігінде императивті сипатта болады. Тараптар өз келiсiмдерiмен заңды талап мерзiмiнiң ұзақтығын өзгерте алмайды, әйтпесе заңда көрсетiлгенге қарағанда оның ағымының басталуы, талап мерзiмi және әрi қарай тоқтататын жағдайларды анықтау қажет. Сонымен бiрге заң талап мерзiмi тараптардың (ГК АК 179-шы бабы, 2 тармағы) дауында өтiнiш бойынша тек қана сотпен қолданылатыны туралы маңызды ережеден тұрады. Демек, егер жауапкер мерзімі өткен фактіні қолданғысы келмесе, оны сотта тiкелей мәлiм етедi, онда сот негiзiнде iстi қарап шығуы керек және мерзiмі өткен тәуелсiз талапкермен және жауап берушінің аралығында заттық - материалдық дау бойынша қандай да болмасын шешiм шығаруы керек.
Заң талап мерзiмдерiн екі түрге бөледі: жалпы және арнайы. Жалпы мерзiм - 3 жыл (ҚР АК 178 бабы), ол ерекшелiгіне байланысты арнайы мерзiмдер белгіленгенінен басқа барлық құқықтық қатынаста таралады. Арнайы мерзiмдер заңда көрcетiлген жекеше қатынастарға қолданылады. Ұзақтығы бойынша арнайы мерзiмдер қысқартылған бола алады немесе керiсiнше (ҚР АК 178-шi бабы, 2 тармағы) ортақ мерзiмдермен салыстырғанда ұзағырақ болуы мүмкін.
Талап арызы мерзімі таратылмайтын талаптар
Талап мерзімі барлық азаматтық құқықтық қатынастарға, тек қана заңда тура қарастырылғандарынан басқасына таралады. Мұндай жағдайлардың тізімі ҚР АК 187 бабында көрсетілген.
Талап мерзімі мыналарға таралмайды:
жеке мүліктік емес және басқа да мүліктік емес игіліктерін құқықтарын қорғау туралы талап, заңда қарастырылған жағдайлардан басқасы;
2) банктік салымдарды беру туралы салымшылардың банкке қоятын талаптары;
3) азаматтың денсаулығына немесе өміріне келтірілген зиянды өтеу туралы талап (соңғы үш жыл ішіндегі ғана);
4) меншік иесінің оның құқығын бұзуды жою туралы талаптары (ҚР АК 264, 265 баптары).
Соңғысы былайша түсіндіріледі, мұндай бұзушылықтар ұзақ сипатта болады.
Талап арызы мерзiмiнiң ағымының басталуы. Талап арызы мерзімінің ағымының тоқтатылуы, үзiлiсі, қалпына келтiрілуi
Ескiру мерзiмiнiң ағымы тұлға өз құқығының бұзылуы туралы бiлуi керек болғанда немесе білген кезде (ҚР АК 180-шi бабының 1 тарауы) сол күннен басталады. Бұл ережеден алынуы азаматтық кодекспен және басқа заңдармен бекiтiледi. Бұл уақытқа дейін құқығы бұзылған тұлға бұзылған құқықты қорғау үшін сот органдарында бара алмайды. Демек, қысқартылған заңды талап мерзiмдерi құқықты болған тұлғамен өз құқығының ықтиярсыз жүзеге асырылуына сотқа шағымдана алатын уақытпен анықталады. Көрcетiлген жағдайды қолданудағы тәжiрибеден көретініміз - меншiк құқығын қорғау туралы және басқа да абсолюттік құқықтар туралы талаптар бойынша құқықты бұзудың мерзімін анықтауы қиындық туғызбайды. Егер талапкер өз құқығының бұзылуы туралы бiлмеген болса (салақтық, иесiздiк салдарынан немесе басқа себептер бойынша), талап мерзiмiнiң басталуы оның бұзушылықтар туралы білген кезеңінен бастап есептеп шығару керек.
Мiндеттеушi қатынастардағы талап мерзiмiнiң ағымының бастапқы кезеңдерін анықтаудың ережелерi толығырақ. ҚР АК 180-шi бабының 2-шi тармағы талап мерзiмiнiң ағымы нақтылы атқару мерзiмi бар мiндеттемелер бойынша атқару мерзiмiнiң аяқталуы бойынша басталатынын айтады. Егер мiндеттемелер бойынша атқару мерзiмi анықталмаған болса немесе талап етілген кезде анықталса, онда талап мерзiмiнiң ағымы несие берушінің мiндеттемелердi орындауы туралы талаптарын көрсету құқығынан басталады. Қарыз адамға мұндай жағдайда барлық талаптарды орындауы үшін қосымша уақыт берілген жағдайда заңды талап мерзiмдерi жеңiлдiктi мерзiмнiң аяқталған кезінде басталады. Мiндеттемелерді орындауының жеңiлдiктi мерзiмдерi ҚР АК 277-шi бабында қарастырылған, онда былай делінген: орындалу мерзімі талап етілген уақытпен анықталған міндеттемелер несие берушінің міндеттемелерді орындау туралы талаптарын ұсынған күннен бастап 7-ші күнде орындалуы керек.
Талап арызының мерзімі ішінде құқыққа ие тұлғаның өз құқығын қорғау үшін талап арызын беруіне кедергі келтіретін немесе оны қиындататын жағдайлар тууы мүмкін. Өзіндік сипаты мен заңды салдарларына қарай олар әр түрлі және талап арызы мерзімінің ағымының тоқтатылуын, үзiлiсін, қалпына келтiрілуiн жасай алады. АК 182 бабына сәйкес талап арызының ағымы мына жағдайларда тоқтатылады:
1) егер талап арызын беруге төтенше немесе белгісіз жағдайлар кедергі келтірсе (ырық бермейтін күш);
2) егер арыз беруші немесе жауапкер әскери жағдайға ауыстырылған Әскери Күштер қатарында болса;
3) ҚР Президенті жариялаған міндеттемені орындау мерзімін кейінге қалдыру немесе ұзарту жарлығының күшімен (мораторий);
4) әрекетке қабілетсіз азаматтың заңды өкілінің болмауы жағдайында;
5) осыған сәйкес қатынасты реттейтін заңның немесе басқа да құқықтық актінің тоқтатылуы жағдайында болады.
Заң, ырықсыз күштерді сипаттай отырып, екі негізгі белгілерін атап өтеді: осы жағдайдағы оның төтеншелігі және жеңілмейтіндігі. Бұл осы түсініктің бағалық сипатына куәлік етеді.
Бiр құбылысты әртүрлi шарттарда тоқтатуға, тоқтатпай да ала алатындығы, оның бар болуы мүмкiн техникалық құралдарды қолданудан, бұл жағдайдың бағасына осы шарттар да жату керек. Әдетте жеңiлмейтiн күшке табиғи немесе әлеуметтiк сипаттағы құбылыстарды жатқызады, мысалы: жер сiлкiну, құлаулар, күртiктер, әскери даулар, соғыс. Ендi ескiру мерзiмiнiң ағымының тоқтатылуы жағдайларына толығырақ тұрақтауға болады.
Арыз берушінің немесе жауапкердің Әскери Күштің құрамында болуы оның әскери жағдайға ауыстырылған әскериде болған кезінде ғана мерзімі тоқтатылады.
Мораторий, талап арызының мерзімінің тоқтатылуына негіз ретінде талап арызын беру үшін заңды салдар болып табылады. Мораторий бұл - ҚР Президенті бекіткен міндеттемелрді орындауды кейінге қалдыру. Дегенмен бұл өте сирек құбылыс, ол әдетте қандай да бір төтенше жағдайларда болады (мысалы, Ұлы Отан соғысы кезінде).
Мораторий ортақ болуы да мүмкін, ол барлық міндеттемелерге қатысты болады және оның жеке де түрі болады, ал ол жеке түрлеріне ғана қатысты болады.
Заңның немесе басқа да құқықтық актінің әрекетінің тоқтатылуы да сонымен қатар мерзімді тоқтату үшін негіз бола алады. Өзінің заңды табиғаты жағынан ол мораторийге ұқсас болып келеді, себебі, ол да заңды талап арызын беру үшін заңды кедергілер тудырады.
Сондықтан, егер де құзырлы органдардың шешімімен заңның немесе басқа да құқықтық актінің әрекеті тоқтатылса, осы негізге сүйенетін талаптар үшін еш құқықтық негіздеме жоқ. Бұл ескіру мерзімі ағымының тоқтатылуының осы негіздемесі біздің азаматтық заңнама үшін жаңалық болып саналады, ол ең алғаш рет Азаматтық Кодексте 1994 жылы бекітілген. Сонымен қатар атап өтетін жайт, талап арызын қолдану үшін ескілік мерзімінң өтіп кетуіне әкелетін уақыт бөлігі маңызды болып саналады. ҚР АК 182 бабының 2 тармағында былай делінеді: егер 6 айларға тең немесе 6 айдан кем мерзiм болса, ескiру мерзiмi ағымында болса, егер осы бапта көрcетiлген жағдайлар ескiру мерзiмiнiң соңғы 6 айларында пайда болып немесе бар болуды жалғастырса, ескiру мерзiмiнiң ағымы шартта тоқтатыла тұрады.
Мерзімді тоқтатуға мұрындық болатын жағдайды тоқтатқаннан кейiн оның мерзiмiнiң ағымы жалғаса береді. Мерзiмнiң қалған бөлiгi 6 айға дейiн созылады, ал егер мерзiмi 6 айға немесе одан аз мезгілге тең болса, ескiру мерзiмiне дейiн. Мысалы, егер кедергі ескiру мерзiмiнiң жалпы уақыты өткенге дейінгі 2 ай ішінде болса, онда бұл міндететмені орындаған соң құқықты болған тұлғаға талап арызын беру үшін 2 ай емес, 6 ай беріледі.
Егер келесi 6 ай ішінде заңды талап мерзiмiн тоқтату үшiн негiз қайтадан пайда болса, онда ол тоқтағаннан кейiн талаптың көрсетілуi үшiн 6 ай берiледi.
Талап арызы мерзімінің үзілісі мынаны білдіреді: үзіліске негіз болған жағдайға дейін өтіп кеткен уақыт есепке алынбайды, тек жаңадан басталады. Егер де талап арызының мерзімі тоқтатылуы, ереже бойынша, қызығушылық танытқан тұлғаның еркінен тыс ұзақ мерзімді сипаттағы жағдайлармен болса, талап арызы мерзімінің үзілісін заң арыз берушінің немесе жауап берушінің бір реттік әрекеттерімен байланыстырады. АК 183 бабымен сәйкес талап ету мерзімінің ағымы мына жағдайларда үзіледі:
1) заңмен бекітілген тәртіпте талап арызын беру;
2) міндетті тұлғаның қарызын мойындау туралы куәлік ететін әрекет жасауы.
Бұл жағдайлардың біріншісі сотқа материалдық және процессуалдық заңнаманың талаптарымен толықтай сәйкес келетіндей етіп жасалған жүгінуді ғана қамтиды.
Бұл арыз берушінің даудың бір мекемеге жататындығы, оны соттық реттеуге дейін қажетті шараларды қолдану, талап арызын берушінің әрекетке қабілетсіз екендігі туралы ережені міндетті түрде сақтауын білдіреді. Заңмен бекітілген осы талаптардың қайсысы болсын орындалмайтын болса, талаптар бұзылатын болса, сот қабылдамайды.
Өйткенi iстi қарастыру тоқтатылатын жағдайлардың пайда болуы негiзiнде қарастырылмаған барлық ережелерге арналған талап көрсетiлген.
Егер азаматтың қайтыс болғаны анықталса, құқықтық қабілеті даулы құқықтық қатынасты болдырса, жауап беруші қарулы күштердiң құрамында жұмыс iстейтiн болса, сот осы іс бойынша жұмысты тоқтатуға тиіс.
Талап арызы мерзiмi бойынша iстi қарастырудың тоқтатулары барлық жағдайларда талапты көрсетуi кезінде бөлiнедi және сол кезеңнн қайтадан бастайды. Талап мерзiмін үзетiн жағдай қарыз немесе басқа мiндеттiң бар болуын растайтын қарыздардың кез-келген әсерлерiнде көріне алады. Мұндай әрекет болатындар, мысалы, орындауды кейiнге қалдыру туралы өтiнiш, қарызды жартылай төлеу немесе пайыздарын төлеу. Міндетті тұлғаның қарызын мойындау туралы куәлік ететін әрекет жасауы қарыз берушіге де, үшінші тұлғаға да қатысты болады.

Сонымен бiрге, АК 185-шi бабымен сәйкес егер оның рұқсатнамасының себебi сотпен орынды деп мойындалса, талап арызының мерзiмi сотпен қалпына келтiріле алады. Бұл жағдай талап мерзімінің тоқтатылуы мен үзілісінен былайша ерекшеленеді, яғни бұрын өтіп кеткен мерзімі қалпына келтіріледі. Талап мерзiмiнiң қалпына келтiрілуi ерекше шара сияқты заңмен қаралады. Талап мерзiмiнiң рұқсатнамасының себебi (ауруына қатысты, абдырауық күйі, сауатсыздық, тағы сол сияқтылар) талапкер адамға қатысты жағдайлар бойынша сотпен орынды деп мойындалуы қажет. Талап арызының мерзімі мына жағдайда сотпен қалпына келтіріледі: оның болмауының орынды себептері болса, егер де ол соңғы 6 ай мерзім ішінде орын алса, ал егер осы мерзім 6 немесе одан аз айға тең болса - өткен мерзім ағымы бойынша келтіріледі.

3 Өкілдік - азаматтық құқықтарды жүзеге асырудың құралы ретінде

1995 жылдың 30 тамызында республикалық референдумда қабылданған Конституциясында Қазақстан Республикасы өзін демократиялық, зайырлы, құқықтық және әлеуметтік мемлекет ретінде орнықтырды және де оның ең қымбат қазынасы - адам және адамның өмірі, құқықтары мен бостандықтары екенін жариялады.
Сот іс жүргізуінде қатысқан қорғаушы, құқықтық көмек көрсетумен қатар, кең мағынада Қазақстан Республикасы Конституциясының негіздерін қорғауды жүзеге асырады, яғни азаматтардың құқықтары мен бостандықтарының қорғалуының кепілі болып табылады.
Азаматтық қарым-қатынастардың субъектілері сотта өзі және өз бетімен қатысуға (әрекет қабілеттілігінің болмауы, ауырып қалуы, басқа қалаға бару мүмкіндігің болмауы және т.б.) мүмкіндіктері бола бермейтіні ешкім үшін құпия болып табылмайды. Бұл құқықтық қатынастардың қатысушысының көмекшісі, яғни өкілінің пайда болу қажеттілігін тудырады.
Адвокаттар; заңды тұлғалардың істері бойынша - осы заңды тұлғалардың жұмыскерлері, ал мемлекеттік органдардың және олардың аумақтық бөлімшелерінің істері бойынша - осы мемлекеттік органдардың жұмыскерлері; кәсіптік одақтардың - құқықтары мен мүдделерін қорғауды осы кәсіптік одақтар жүзеге асыратын жұмысшылардың, қызметшілердің, сондай-ақ басқа да адамдардың істері бойынша уәкілетті өкілдері; заңмен, жарғымен немесе ережемен осы ұйымдар мүшелерінің құқықтары мен мүдделерін, сондай-ақ басқа да адамдардың құқықтары мен мүдделерін қорғау құқығы берілген ұйымдардың уәкілетті өкілдері; басқа тең қатысушылардың тапсырмасы бойынша тең қатысушылардың біреуі; іске қатысатын адамдардың өтініші бойынша сот рұқсат еткен, жоғары заң білімі бар басқа да адамдар тапсырма бойынша сотта өкіл бола алады.
Өкілдің процестік өкілеттіктері тиісті түрде ресімделген сенімхатпен расталады.
Тапсырма бойынша өкіл талап қою арызына қол қоюдан, iстi төрелікке беруден; татуласу келісімін, дауды (жанжалды) медиация тәртібімен реттеу туралы келісім немесе дауды партисипативтік рәсім тәртібімен реттеу туралы келісім жасаудан, талап қоюдан немесе талап қоюды танудан толық немесе ішінара бас тартудан, талап қою талаптарының нысанасын ұлғайтудан немесе азайтудан, талап қоюдың нысанасын немесе негізін өзгертуден, өкілеттіктерді басқа тұлғаға беруден (сенімді басқаға аударудан); сот актісіне апелляциялық, кассациялық тәртіптермен шағым жасаудан, жаңадан ашылған немесе жаңа мән-жайлар бойынша сот актісін қайта қарау туралы арыз беруден, сот актісін мәжбүрлеп орындатуды талап етуден, сот алып берген мүлікті алудан, апелляциялық шағымнан, өтінішхаттан бас тартудан басқа, осы Кодексте көзделген барлық процестік әрекеттерді өзі өкілі болып отырған тұлғаның атынан жасауға құқылы.
АПК-тің 58-бабы бірінші бөлігінің 1) тармақшасында көрсетілген тапсырма бойынша өкіл осы баптың бірінші бөлігінде көзделген құқықтармен қатар мемлекеттік органдардан, қоғамдық бірлестіктерден, заңды тұлғалардан анықтамаларға немесе өзге де құжаттарға сұрау салуға, сондай-ақ Қазақстан Республикасының адвокаттық қызмет туралы заңнамасында белгіленген тәртіппен заң көмегін көрсету үшін өзге де әрекеттерді жасауға құқылы.
Өкілдің АПК-тің 60-бабының бірінші бөлігінде көрсетілген процестік әрекеттердің әрқайсысын жасауға өкілеттіктері өкілдік беруші берген сенімхатта арнайы көзделуге тиіс.
Менім ойымша, өкілдіктің, әсіресе азаматтық процесте маңызды рөлі бар. Өмірде түрлі жағдайларға байланысты, өз мүдделерінді білдіру мүмкін бола бермеуі кезінде өкілге жүгінудің мағынасы бар. Өкілдік институты - Қазақстан Республикасының Конституциясымен баянды етілген және мемлекет тарапынан кепіл етілген Адам құқықтарының, оның ішінде құқықтар мен бостаңдықтарының сот арқылы қорғалуына және білікті заңгерлік көмек алуға, іске асырылуына жәрдемдесуге тиіс.
Осыдан, сотта өкілдік тек кәсіби өкілдермен жүзеге асырылу керек екендігін тұжырымдауға болады.

2 Азаматтық құқықтарды жүзеге асырудың тәсілдері және ерекшеліктері
2.1 Азаматтық құқықтарды жүзеге асыру тәсілдері
Азаматтық құқықтарды жүзеге асыру. Құқықтық қатынастарға қатысушылардың белгілі бір қажеттерін қанағаттандыру үшін азаматтық құқықтар мен міндеттер белгіленеді. Субъективтік құқықтың мазмұнын құрайтын әрекеттер жасауды құқықтарды жүзеге асыру деп түсінеді. Мәселен, билік ету өкілеттігі субъективтік меншік құқығының мазмұнын құрайды, ал аталған өкілеттікті әр түрлә мәмілелер (сату, сыйға тарту, айырбастау, жалға беру және т.б.) жасау жолымен жүзеге асыруға болады.
АК-ның 2-бабы азаматтық заңдардың негізгі бастаулары (принциптері) ретінде азаматтар мен заңды тұлғалар өздерінің азаматтық құқықтарына өз еркімен және өз мүдделерін ... жалғасы

Сіз бұл жұмысты біздің қосымшамыз арқылы толығымен тегін көре аласыз.
Ұқсас жұмыстар
Азаматтық құқықтарды жүзеге асыру шектері
Азаматтық құқықтағы мерзімдердің түрлері
Азаматтық құқықтарды жүзеге асырудың түрлері және жіктелуі
Азаматтық құқықтарды қорғау жолдары
Заңдылық оқиғалар
Азаматтық құқықтарды қорғаудың ұғымы
Азаматтық құқықтарды қорғаудың балама тәсілдері
Азаматтық құқықтағы мерзімдердің түсінігі және түрлері
Мерзімдердің түрлері
Азаматтық құқықтарды жүзеге асыру шарттары
Пәндер