Адвокаттар алқасының органдары

Жұмыс түрі: Реферат
Тегін: Антиплагиат
Көлемі: 9 бет
Таңдаулыға:

Батыс Қазақстан инновациялық-технологиялық университеті
Гуманитарлық-заңтану факультеті

РЕФЕРАТ

Тақырыбы: Адвокаттар алқасының органдары

Орындаған: Юр-41 тобының студенті
Н.Е.Нұрболатов
Тексерген: оқытушы А.С.Ганиева

Орал қаласы 2019 жыл
Жоспар

1. Адвокаттар алқасының түсінігі

2. Адвокаттар алқасының органдары. Адвокаттар алқасының жоғарғы органы - жалпы жиналысы

3. Адвокаттар алқасының атқарушы органы - төралқа

4. Адвокаттар алқасының бақылаушы органы - тексеру комиссиясы

1. Адвокаттар алқасының түсінігі
Азаматтарға кәсіби деңгейі жоғары құқықтық жәрдем көрсету бүгінгі күні аса маңызды конституциялық қағида болып табылады. Ал құқықтық мемлекет құру мақсатында қолға алынып отырған реформа жағдайында жеке тұлғаның құқықтық қорғалуын жан-жақты қамтамасыз ету бірінші кезекті міндет болуы тиіс. Бұл ретте құқықтық жүйе саласында болсын, қоғамдық немесе әлеуметтік қарым-қатынастар саласында болсын адвокатураның жөні бөлек, орны ерекше.
Қазақстанда адвокатура қызметінің негізгі ұйымдық статусы болып өзінің аумақтық белгісі бойынша айқындалған адвокаттар алқасы танылады. Адвокаттық қызмет туралы Қазақстан Республикасының заңының 20-бабына сәйкес адвокаттар алқасы жеке және заңды тұлғаларға білікті заң көмегін көрсету үшін, адвокаттардың құқықтары мен заңды мүдделерін білдіру және қорғау үшін, Адвокаттық қызмет туралы Қазақстан Республикасының заңында белгіленген өзге де міндеттерді орындау үшін құрылатын адвокаттардың коммерциялық емес, кәсіби, өзін-өзі басқаратын және өзін-өзі қаржыландыратын ұйымы болып табылады.
Адвокаттар алқасы коммерциялық емес, өйткені ол мүшелікке негізделген, негізгі мақсаты ретінде кіріс алмайтын және өз мүшелері арасында алынған таза табысты бөліспейтін және адвокаттар қорғау ақысының аударымдары есебінен ұсталатын ұйым.
Қазақстан Республикасының олыстық, республикалық маңызы бар қаланы, астананың аумағында адвокаттардыуң бір ғана алқасы құырылып, жұмыс істеуі мүмкін. Бір облыстың, республикалық маңызы бар қаланың, астананың аумағында құрылған адвокаттар алқасы өзінің құрылымдық бөлімшелерін - филиалдары мен өкілідіктерін құруға құқығы жоқ. Ал облыстың, республикалық маңызы бар қаланың, астананың аумағында адвокаттар алқасы болмаған жағдайда, ол адвокаттық қызметпен айналысуға лицензиясы бар кемінде он құрылтайшының басшылығымен құрылады. Бұл жерде адвокаттар алқасын құру үшін мемлекеттік органдардың рұқсаты керек еместігін айта кеткен жөн.
Адвокаттар алқасының Жарғысы алдымен оның атауын қызметінің мәні мен мақсатын, адвокаттар алқасы мүшелерінің құқықтары мен алқаға мүшелікке қабылдау, мүшелікті тоқтату және мүшеліктен шығару мәселелерін қамтиды.
Адвокаттар алқасы барлық қоғамдық ұйымдар үшін ортақ ұйымдық принциптер негізінде, алайда адвокатураға тән және оның міндеттерінен туындаған ерекшеліктерді ескере отырып құрылады және қызмет етеді.
Осы принциптердің негізгі сипаттамасы демократиялық болып табылады, ол сондай-ақ адвокатураны ұйымдастыруда және қызметінде көрінеді. Олар:
Заңдылы;
Алқаға кірудің және одан шығудың еріктілігі;
Ізгіліктік, адам мен азаматтың құқықатарын және бостандықтарын қорғау;
Жеке, алқалық, қоғамдық және мемлекеттік мүдделердің орайлы үйлесімі;
Материалдық мүдделілік пен әлеуметтік теңдік;
Ұжымдық басшылық;
Адвокаттар алқасы қызметіндегі жариялылық пен ашықтық;
Алқаның бастамасымен заңға қайшы емес кез-келген шешімді қабылдауы;
Адвокаттардың алқа өміріне белсенді қатысуы, оның жұмысын еркін және іскерлікпен талқылау;
Алқада басшылық қызметін атқаратын органдар мен тұлғаларды сайланбалы, балама негізде ашық және құпия дауыс беру жолымен сайлау, оларды жүйелі жаңарту және адвокаттар алдында тұрақты есеп беру;
Алқа мүшелерінің кәсіби құқықтары мен мүдделерін қорғау және олардың мұқтаждықтары мен сұранымына мұқият зейін қою;
Адвокаттық құпия мен адвокаттың мінез-құлқының кәсіби нормаларын сақтау міндеттемесі;
Адвокаттар алқасы мен оның мүшелерін соттан, прокуратурадан, анықтау органдарынан, яғни, адвокаттар кәсіби міндетін - айыпталушыны қорғау немесе азаматтар мен ұйымдарға заң көмегін көрсету кезінде жүздесетін органдардан тәуелсіз болуы.
Адвокатураның тәуелсіздігі соттың, прокуратураның, анықтау органдарының адвокаттар алқасының ішкі ісіне араласуын жол бермейтін өзін-өзі басқарумен, адвокаттар алқасының соттың жанынан емес әкімшілік-аумақтық принцип бойынша ұйымдастырылуымен, сот пен прокуратураның адвокатураға мемлекеттік басшылық жасау міндетінің жүктелуіне жол бермеушілікпен қамтамасыз етіледі.
Сөйтіп, адвокаттар алқасының заңи табиғатын мынадай анықтамамен көрсетуге болады: адвокаттар алқасы азаматтар мен ұйымдарға білікті заң көмегін көрсету мақсатында құрылған мемлекеттік емес, өзін-өзі басқаратын және өзін-өзі қаржыландыратын кәсіби заңгерлердің ұйымы болып табылады.

2. Адвокаттар алқасының органдары. Адвокаттар алқасының жоғарғы органы - жалпы жиналысы

Адвокаттар алқасының жоғарғы органы алқа мүшелерінің Жалпы жиналысы (конференциясы), оның атқарушы органдары - төралқа, бақылаушы органы - тексеру комиссиясы болып табылады.
Жарғыда көзделген жағдайларда адвокаттар алқасында алқа мүшелерінің Жалпы жиналысында (конференциясында) қабылданатын ережелер негізінде іс-әрекет ететін өзге де органдар құрылуы мүмкін.
Жалпы жиналыс адвокаттар алқасы қызметінің кез-келген мәселесін шешуге құқылы. Осылайша, Адвокаттық қызмет туралы ҚР заңының 23-бабына сәйкес Жалпы жиналыстың ерекше құзыретіне мыналар жатады:
+ Адвокаттар алқасының Жарғысын қабылдау және Жарғыға өзгеріс енгізу туралы шешім қабылдау;
+ Төралқаны, төралқа төрағасын, тексеру комиссиясын, тексеру комиссиясының төрағасын сайлау;
+ Жарғыда көзделген басқа органдарды және олардың басшыларын сайлау, осы органдар туралы ережелер бекіту;
+ Адвокаттар алқасы органдарының, адвокаттар алқасы басшылары мен қызметкерлерінің қызметі туралы есептерді тыңдау мен бекіту;
+ Органдар мен адвокаттар алқасы басшылары мен қызметкерлерінің шешімдеріне адвокаттардың шағымын қарау;
+ Адвокаттар алқасының басшылары мен қызметкерлерінің мерзімінен бұрын кері шақыру;
+ Жалпы жиналыстың құзыретіне жататын өзге де мәселелерді қарау.
Жалпы жиналыс адвокаттар алқасы төралқасының бастамасымен жылына кемінде бір рет шақырылады. Тексеру комиссиясының немесе алқа мүшелерінің жалпы санының кемінде төрттен бірінің талабы бойынша алқа төралқасы 30 күннің ішінде Жалпы жиналысты шақыруға міндетті.
Жалпы жиналыс адвокаттар алқасының қызметінің шұғыл мәселелерін жедел шешу мақсатында адвокаттарға өкілеттік беру жолымен конференция нысанында өткізілуі мүмкін.
Жалпы жиналыс алқа мүшелері құрамының кемінде үштен екісі қатысқанда заңды болып саналады. Адвокаттар алқасы мүшелерінің конференциясы адвокаттар алқасының төралқасы белгілеген өкілдік нормасын (әдетте алқаның 10 мүшесінен бір делегат) ескере отырып шақыралады және заң консультацияларынан, адвокаттар кеңселерінен сайланған делегаттар мен өз қызметін заңды тұлға құрмай, жеке-дара жүргізетін адвокаттардың кемінде үштен екісі қатысқанда заңды болып саналады. Жалпы жиналыс барлық мәселелерді дауыс беруге қатысқан адвокаттардың жай көпшілік дауысымен шешеді.
Адвокаттар алқасының ... жалғасы

Сіз бұл жұмысты біздің қосымшамыз арқылы толығымен тегін көре аласыз.