Салық саясатының экономикалық мазмұны

Жұмыс түрі: Дипломдық жұмыс
Тегін: Антиплагиат
Көлемі: 56 бет
Таңдаулыға:

Тақырыбы: Тұтыну несиесі мен оның дамуы

Жоспар.

Кіріспе . . . 6

Ι. Қазақстан Республикасы салық саясатының экономикалық мазмұны . . . 8

1. 1 Қазақстан Республикасы салық саясатының қажеттілігі мен рөлі . . . 8

1. 2 Салық саясаты - мемлекеттік фискалдық саясаттың негізі . . . 15

1. 3 Қазақстан Республикасы салық саясатының қалыптасуы . . . 26

ΙΙ. Қазақстан Республикасының салық саясаты және оны жүзеге

асыру принциптері . . . 32

2. 1Қазіргі кезеңдегі Қазақстан Республикасының салық саясатының

жағдайын талдау . . . 32

2. 2 Қазақстан Республикасы салық саясатының проблемалары . . . 41

ΙΙΙ. Қазақстан Республикасының салық саясатын жетілдіру бағыттары . . . 48

Қорытынды . . . 59

Пайдаланылған әдебиеттер . . . 62

Кіріспе

Әлемдік экономиканың жаһандануы, яғни шаруашылық өмірдің барлық аспектілерінің интеграциялануы мен , сайып келгенде әлемдік шаруашылықтарының түрлі салаларының өзара байланыстылығын нығайта түсуде. Жаһандану барысында салық саясаты мен салық жүйесінің өзара үйлесімділігі көрініс табады.

Салық саясаты мемлекет қаржы көздерін жасақтаудың ең негізгі құралы болуымен қатар ел экономикасын қайта құрып, оның дамуына, ұлғаюына, саяси әлеуметтік істердің толығымен іске асуына мүмкіндік туғызады.

Нарықтық экономиканың қалыптасу кезеңінде салық саясатының негізгі бағыты немесе салық саясатының басты мақсаты - салық жүйесін құру және оның тиімді қызмететуіне мүмкіндік беретін салық механизмін іске асыру.

Салық саясаты мемлекеттік бюджет кірісінің негізгі көзі ретінде мемлекттік әлеуметтік-бағдарламасын орындауда маңызы зор. Салықтар мемлекеттің өмір сүруінің барлық кезеңдеріне тән құбылыс. Олардың басты міндеті - әр қоғамның дамуын қамтамасыз ететін өндірістік емес саланы қаржыландыру болып табылады. Сонымен бірге салық жаңадан құрылған қосымша құнды алудың тәсілі ретінде салық төлеушілердің қаржылық күйіне шешуші әсер жасайды. Салықтың мәні әлеуметтік-экономикалық мәні мен құрылымы мен рөлі қоғамның экономикалық және саяси құрылысымен, сондай-ақ мемлекеттің табиғаты және қызметімен анықталады. салықтар қоғамдық өнімнің бір бөлігі ретінде мемлекеттік бюджеттің кірістерінің негізгі қайнар көзі ретінде құрылуы, ертеден келе жатқан дәстүрлердің бірі және бұл дәстүр нарықтық экономикада да әрекет етеді.

Жаңа қайта құру жағдайларында Қазақстанның салық саясатының экономикалық даму мен жаһандану құбылысына сай қалыптастыру-еліміз үшін стратегиялық маңызы бар мәселе. Сондықтан өз Отанымыздың салық саясатының қазіргі жағдайын зерттеу және жетілдірудің ғылыми негізделген әдістерін табу - объективтік қажеттілік болып табылады.

Осы жоғарыда айтылғандарды ескере отырып, мен дипломдық жұмысымның тақырыбын «Қазіргі кезеңдегі Қазақстан Республикасының салық саясаты» деп таңдап алдым. Менің бұл дипломдық жұмысымда салық саясатының экономикалық мазмұнынан бастап, ҚР салық саясаты және оны жүзеге асыру принциптерін, Қазақстан Республикасының салық саясатын жетілдіру бағыттары сияқты мәселелер талданып қарастырылған.

Дипломдық жұмысымның негізгі мақсаты: ҚР салық саясатының қалыптасу кезеңдерін, рөлін зерттеп, оны болашақта одан әрі жетілдірілуін ғылыми тұрғыдан негіздеп, талдау жасау.

Дипломдық жұмыстың негізгі міндеттері:

- Салық саясатының экономикалық мән - мағынасын ашып, теориялық негіздеу;

- Қазақстан Республикасы салық саясатының қазіргі қызмет ету барысын зерттеу;

- Қазақстан Республикасының салық саясатындағы проблемаларды қарастыру;

- Қазақстан Республикасы салық саясатын саясатын жетілдіру.

Дипломдық жұмысты жазу барысында Қазақстан Республикасы Президенті Н. Ә Назарбаевтің Қазақстан халқына жолдауы, Батыс және Ресей елдерінің ғалымдары Франклин, А Вагнер, А Кенэ, Аронов А. В, Кашин В. А, В Садков, Е Збинякова, С Мельников және еліміздің ғалымдары, зерттеушілері, еңбегі сіңген қызметкерлері және журналистері Н. З Нигматулин, Е. К Ертісбаев, Б. Ж Ермекбаева, А. Д Үмбеталиев, Ғ. Е Керімбек, Ғ. А Лесбеков, С. А Бақытбекқызы, Р. А Айқұлов, Қ. О Бөлшекбаева, Ж Жанділдин, Н. А Нұрхайдаров, А. С Акишева, А Боранбаева, Қ. Қ Ілиясов, Э. Қ Ыдырысова еңбектері қарастырылды.

Ι. Салық саясатының экономикалық мазмұны

1. 1 Салық саясатының қажеттілігі мен рөлі

Салық саясаты және оның қызметі нақты базисті, яғни мемлекет қолданатын салық катынастарының объективті заңдылықтарын бейнелейді. Экономикалық тұтқалардың ішіндегі салық саясатына маңызды рөль беріледі, оның көмегімен мемлекет нарықтық қатынастарды қалыптастыруға әсер етеді. Кез келген мемлекет нарыктық дамуында, экономикалық реттелуінде салық саясатын басты роль ретінде қарастырады.

Нарықтық қатынастары жоғары дамыған елдер тәжірибесі көрсеткендей, салық саясаты экономиканың мықты қаржылық басқару институттарының бірі болып табылады.

Қазақстандағы нарықтық қатынастардың қалыптасуы маңызды болып табылады. Олар өз кезегінде мемлекет енгізген салық түрлерінің, олардың құрылу формалары мен әдістерінің, салық органдары қызметінің жиынтығын береді. Экономиканың дамуына салық саясаты өте күшті әсер етеді.

Салық саясаты дегеніміз мемлекеттік салықтар төңірегіндегі іс-шаралар жүйесі және ол қаржылық саясаттың құрамдас бөлігі болып табылады.

Салық саясатының мазмұны мен мақсаттары коғамның әлеуметтік-экономикалык кұрылысымен шартталған (яғни соған негізделген) .

Салық саясатының мақсаты: мемлекет қазынасын қаржымен қамтамасыз ету.

Салық саясатының міндеттері: - экономикалық саясатқа өзгерістер мен толықтырулар енгізу;

- салықтарды болжау мен жоспарлауды ұтымды ұйымдастыру;

- экономикалық материалдық әдістерді қолдану;

- мемлекет мүддесін қамтамасыз ету;

- салықтардың және бюджетке төленетін басқа да міндетті төлемдердің толықтығы мен мерзімділігін қамтамасыз ету.

Жүргізілу мерзіміне байланысты салық саясаты екі түрлі топқа жіктеледі: стратегиялық және тактикалық.

Стратегиялық салық саясаты үкіметтің макродеңгейде ұзақ мерзімде жүргізілетін іс-шаралардың жиынтығы.

Тактикалық салық саясаты нақты бір салық комитеті көлемінде белгілі бір кезең аралығында жүргізілетін жұмыстардың жиынтығы.

Салық саясатының негізгі рөлі мемлекетті қаржы ресурстарымен қамтамасыз етуге, жалпы ел шаруашылығын реттеу үшін жағдайлар жасауға, нарықтық қатынастар барысында халық табысының денгейінде болатын теңсіздіктерді реттеу сияқты іс-шараларға бағытталған.

Экономикалық дәлелденген салық саясаты салықтық жүйе арқылы ақшалай қаражаттары орталықтандырудың оптимальды бағыттарын қарастырады. [1]

Салық саясаты басқару және билік органдарының ғылыми дәлелденген, экономикалық мақсатты, тактикалық және стратегиялық құқықтық қызметтерінің жиынтығы ретінде қоғамдық игіліктің өсуін және ұдайы өндіріс қажеттілігін қамтамасыз етуге қабілетті. Салықтық саясатты жүргізу тек қана құқықтық тәртіпті қамтамасыз етуді, салықтық төлемдерді төлеушілерді іздестіруді жүзеге асырмайды, сонымен қатар салық салу әсерімен қалыптасатын шаруашылық-экономикалық қатынастарды жан-жақты бағалауды жүзеге асырады. Сонымен салықтық саясаттың рөлі бұл салықтық заңдылықтарды автоматты көшіруді жүзеге асыру

Жоғары дамыған салықтық қатынастар жағдайында салық саясаты халық табысының көбеюі, аумақтық экономикалық дамуы, өндіріс құрылымының өзгеруі мақсатында халық табысының таратылуы үшін мемлекетпен қолданылады.

Мемлекет салықтық саясатты өзгерту арқылы және салықтық механизмді тиімді басқара отырып экономикалық тұрақты дамуға және оны ұстап тұруға мүмкіндік алады салықтық реттеу елдің шаруашылық өмірін жақсартады.

Жақсы ұйымдастырылған және барынша бақыланатын ақша нарықтары болмаған кезде дамушы елдердің басым көпшілігі экономиканы тұрақтандыру үшін және ішкі қорларды шоғырландыру үшін ең біріншіден салық саясатының құралдарына сүйенуіне тура келеді.

Экономист Адам Смиттің салықтарды ұтымды ұйымдастырудың классикалық принциптерін қолданылу арқылы салық салудағы сорақылықтарды жойып, салық салу жүйесін ретке келтірген болатын.

Сондықтан Адам Смит: «Салық - төлеушілер үшін құлдықтың емес, бостандықтың белгісі» - деп жазды.

Философ Ф. Аквинский философиялық тұрғыдан «Ерік берілген тонау формасы» ретінде анықтады.

Мемлекет елдің түрлі қызметтеріне ішкі және сыртқы саясаттары арқылы араласып отырады, мысалға әлеуметтік, мәдениет, қорғаныс, қоршаған ортаны қорғау, қаржылық және техникалық. Осылардың ішіндегі маңыздысы, салық саясаты болып табылады, өйткені салықтық түсімдермен қалғандарының дамуы қаржыландырылады. [2]

Салық саясаты қоғамның әрбір даму этаптарына тән, тарихи дамуға өзіндік әсер ететін, түрлі объективті және субъективті факторларға тәуелді әлеуметтік-экономикалық мәселелерді шешуге негізделеді. Сонымен бірге, мемелекет өзінің нақты бір даму кезеңдерінде қоғамның әлеуметтік-экономикалық мақсат пен міндеттермен байланысты экономикалық саясатымен сәйкес келетін салық саясатын жүргізіп отырады. Ал, нарықтық экономикадағы салық саясатының негізгі мақсаты - бюджеттің кіріс бөлігін тұрақты түсім көзімен қамтамасыз ету және экономиканың тұрақтылығына қол жеткізу.

Салық саясаты мемлекеттің қаржылық ресурстарын қалыптастыра отырып, шаруашылық субъектілердің экономикалық қызметіне әсер етіп отыруы қажет, сонымен бірге, экономикалық өсу мен өнімдердің сапасын жақсартуға мүмкіндік жасауы тиіс. Тарихи тәжірибе көрсетіп отырғанындай, салық саясаты негізді түрде қолданылса өндірістің тиімділігіне әкеледі, ал тиімсіз түрде қолданылатын болса орны толмас зиян әкеледі.

Экономика мен салық саясатында негізгі роль ойнайтын ол - мемлекет тарапынан өндіріске әсер етуінің жақсы көрсеткіштер үшін артықшылықтар беру арқылы ал, салық бұзушылық болған кезде санкциялар қолдана алатын негізгі тетігі болып табылатын салықтық ынталандыру жүйесі болып табылады. [1]

Мемлекеттің экономикаға араласуы тек қана шаруашылық субъектілерінің кәсіпкерлік іс-әрекетін дұрыс жүргізу ережелерін белгілейтін мемлекеттік нормативті актілерді шығарып қана қоймай, олардың өздеріне және тұрғындардың әлеуметтік топтарына қайта қайтару немесе қайта бөлу мақсатында шаруашылық субъектілерінен мүліктері мен қаржыларының бір бөлігін алу болып табылады. Осылай, салық саясаты ұлттық табыс және жалпы ішкі өнімді тарату процесінде маңызды роль атқарады. Жалпы ішкі өнімді бөлу және қайта бөлуде салық саясатында фискалды және реттеуші қызметтер пайда болады. Мемлекет өз табысын қалыптастыра отырып экономикаға мақсатты түрде әсер етеді. П. Самуэльсон айтқанындай “… адамдардың салық салу мәселесін шеше отырып, қоғам қажетіне керек ресурстардың басқа адамдар мен оларға тиеселі кәсіпорындардан салық қалай алынатынын және олардың мемлекеттік тауарлар мен қызметтер өндіруіне қалай жұмсалатынын анықтауына мүмкіндік береді”.

Мемлекет салықтарды ала отырып бір жағынан өзін өзі қаржыландырып отыратын болса, екінші жағынан олар арқылы шаруашылық субъектілерінің қызметтерін реттеп отырады. Сырттан қарағанда бұл екі функция бір біріне қатысы жоқ екі бөлек нәрсе сияқты, ал, шындап келгенде олар бір-бірінен бөліп алып қарауға болмайтын біртұтас әсер ету жүйесі болып табылады.

Дамыған нарықтық мемлекеттердің экономикасын реттеуде салық саясатын нағыз өміршең қаржы құралы ретінде пайдаланудың тиімді іс-тәжірибесі олардың пікірлерінің дұрыстығын дәлелдеп берді.

Мемлекет нарықтық экономика жағдайында ереже бойынша, өзінің орнын тауар өндірушілерге босата отырып, өндіріске маңызды деңгейде тікелей араласа алмайды. Осылай, оның қаржылық қызметі құрылған байлықты алғашқы бөлуден қайта бөлу сферасына ауысады. Осы арқылы мемлекеттің қаржылық тәуелділігі төменгі деңгейдегі өндіріс орындарының жағдайына байланысты болады. Егер, мысалға әкімшіл-әміршіл экономикада мемлекеттік меншік құқығын пайдалана отырып, кәсіпорындарда құрылған өнімнің бір бөлігін алады да, содан кейін өндірістік тұтынудың жетіспеген жерлерін дотация беру жолымен және басқа да мемлекеттік қаржыландыру жолымен қайта жабады.

Мемлекеттің экономикаға көрсететін маңызды қызметтерінің бірі тұтыну сферасындағы тиімсіз қолданылатын ақша сферасын қоғамның дамуына жұмсайды немесе диспропорциялайды. Мұндай қызмет түрін мемлекеттік шығындар арқылы орындау мүмкін емес. Керісінше, кейбір жағдайларда салықтық тетіктерді мемлекеттік шығын құралына айналдыру, Кеңес Үкіметінің тарихындағыдай тек теріс нәтиже бере алады.

Экономиканы мемлекеттік реттеу мәселелерін шешудің түрлі жолдарын қарастыра келе әр түрлі авторлардың бюджеттегі салық саясатының рөлі туралы түрлі ой-пікірлері қалыптасты.

Жоғарыдағыларды тұжырымдай келе салық саясатындағы салықтық реттеуге анықтама беруге болады, сөйтіп салықтық реттеу дегеніміз-шаруашылық субъектілері немесе жеке тұтынушылардың қолындағы құнның бір бөлігін алу яғни олардың өндірістік және өндірістік емес тұтыну мүмкіндіктерін азайту жолымен әсер етуі болып табылады. Салық саясаты солардың өздеріне ғана тән әдістерді жүзеге асырып отырады. Салық ставкасын көтеру, жеңілдіктерді қысқарту арқылы мемлекет кейбір қызмет түрлерін шектеуге және керек емес тиімсіз өндірістің дамуын шектеуге мүмкіндік алады. Ал, салықтар арқылы ынталандыру мысалға, “қарама-қарсы немесе кері қаржыландыру” деп атауға болатын әдіс бойынша жүзеге асырылады. Оның мәні сол, салық төлеуші қосымша қаржылық ресурстарды сырттан емес, өз табысы мен құралынан ала алады.

Осыдан кейін ол салық саясатында көрсетілгендей өзінің және мемлекеттің иелігінде болатын қаржы ресурсын белгілейтін жағдайды орындауы қажет.

Өкінішке орай, тәжірибе көрсетіп отырғанындай “кері қаржыландыру” тиімділігі салық төлеушінің салық төлеуден жалтаруы кезінде айқын көрінеді. Мұндай жағдайда салық төлеуші мемлекетке де өзіне де тиесілі қаржыны иемдене алады. Осылай салықтық реттеу практикада макроэкономикаға екінші жағынан микроэкономикағада әсер ете алады. Әкімшіл-әміршіл реттеуге қарағанда салықтық реттеу өндіріске жанама әсер ету арқылы мемлекеттің де салық төлеушінің де пайдасын ойлайды. Сонымен қатар, салықтық ынталандыру екі жақты әсер ететінін айта кететін болсақ, ол: кеңейту және шектеу. Салық салудың кеңейту жағы салық салу механизімінің жеңілдіктері арқылы көрінеді, салық төлеуші салықтық заңдылықтарға сүйене отырып, төленетін қаржының бір бөлігін өзінде қалдыруға мүмкіндік алады. Ал, шектеу жағына тоқталатын болсақ, керісінше салық төлеуші төлемдердің бір бөлігін өзіне қалдырады немесе одан толықтай бас тартады. Ынталандырудың осы екі жағы да бір-бірін толықтырады, ал кейбір жағдайларда бірі біріне ауысады.

Салықтардың экономикалық табиғатына және салықтық реттеудің ішкі мән-мағынасын қарастыра отырып, біз оларды біртұтас толық объект ретінде қарастырдық. Экономиканы мемлекеттік реттеу практикасында, бәрінен бұрын шаруашылық субъектілерінің қызметін реттеу салық саясатының нақты жетілген тетіктері арқылы жүзеге асырылады. [4]

Сөйтіп, салық саясаты мемлекет енгізген салықтар жиынтығынан, оларды есептеу мен төлеудің әдістерінен, сондай-ақ салықтарды басқарудың деңгейлеріне бөлу әдістерінен тұрады деп айтамыз.

АҚШ-тың тәуелсіздік декларациясы авторларының бірі Франклин: «Өмірде салық пен өлімнен қашып құтыла алмайсың» деп атап көрсетті.

АҚШ-та екі мейрам мейрам бар:

- туылған күн;

- салықты төлеген күн.

Мұндағы мақсат дамыған мемлекеттер үшін салық төлеу белгілі бір дәстүр ретінде қалыптасқан. [4]

Салық саясатының әр-бір құрылымдық бөлімін мемлекеттік реттеудің шынайы тетіктері ретінде қарастыруға болады. Экономикаға салық саясатының әсер етуі тікелей емес, жанама түрде жүреді. Әйтсе де салық саясаты экономика дамуының антициклдық құралы болып табылады, қоғамдық ұдайы өндірістің құрылымына белсенді әсер етеді және елдің аймақтық дамуын реттеу құралы болуы да мүмкін. Экономикалық салалардың әлеуметтік сферасына қолдау жасайды. Экономиканың дамуына салық құрылымының тигізетін әсері зор. Сондай-ақ мемлекет тарихи өзгерістер жасаған кезде салық саясатының атқаратын ролі үлкен.

Келесі салық саясатының маңызды элементтерінің бірі салықтардың төлеу тәртібі мен мерзімі. Кез-келген салық саясатында салық төлеудің ыңғайлы уақытын таңдау және оларды есептеудің оңайлатылған тәртібін белгілеу негізгі міндеттердің бірі болып табылады. Кәсіпкерлерге салықтың қалай, қашан төлену керек екені бәрібір емес. Себебі, салық төлеушінің төлеу мүмкіндігі оның шаруашылық жағдайына тікелей байланысты болып келеді.

Бір мезгілде мемлекеттің қоғамдық қызметін және азаматтардың, кәсіпорындардың, жергілікті және аймақтық қызметтерінің жоғарлауын қамтамасыз етуге байланысты салық саясатын құру арқашан мемлекеттің басты мәселелерінің бірі болып келген.

Азаматтардың салық төлеуден жалтарылуын азайту қоғамның, мемлекеттің, кәсіпорындар мен жеке тұлғалардың жауапкершілігіне және біртұтас салық саясатына тікелей байланысты.

Салық саясаты тұтастай алғанда, салықтық әкімшілендіруді оңайлату, салық санын оңтайландыру және салықтың жинақталуын арттыру жолымен бизнес пен халықаралық сауданы дамытуды ынталандыруға бағытталған.

Кеден ісі бөлігінде кедендік ресімдеу рәсімдерін оңайлату жүргізіледі және кедендік әкімшілендіру жақсартылатын болады. [5]

Бұдан басқа, салық және кеден органдары қызметінің сапасын бағалау өлшемі өзгертілетін болады. Бағалау өлшемінің кешені бюджет кірістері бойынша жоспарлардың орындалуын бағалауды алмастыратын болады.

Негізгі салықтардың ставкаларын төмендету көзделуде. Атап айтқанда, өндірісті дамыту және кеңейту мақсатында қосылған құн салығына, сондай-ақ корпорациялық табыс салығына ставкалар кезең-кезеңімен төмендетілетін болады. Әлеуметтік салықты төмендету жалақының көлеңкелі төлемдерін одан әрі барынша азайтуға ықпал ететін болады. Инвестицияларды ынталандыратын жеңілдіктер жасалатын болады, бұл экономиканың өңдеуші секторының технологиялық дамуын жеделдетуге мүмкіндік береді.

Сондай-ақ салық пен алымдардың кейбіреуін біріктіру жолымен олардың саны қысқартылатынболады, сондай-ақ арнайы салық режимдерін қолдану тетіктерін жетілдіру жөніндегі жұмыс жалғасатын болады.

Ішкі отын нарығында айқын салық салуды құру салық ауыртпалығын мұнай өнімдері нарығының субъектілері арасында қайта бөлуді болжайды.

Уәкілетті органдардың өзара іс-қимылы кезінде ақпараттық технологияларды және салық және бюджетке төленетін басқа да міндетті төлемдердің түсуін электрондық бақылауды кеңінен пайдалану жолымен Салықтың жинақталуын арттырға қол жеткізілетін болады. Жалпыға бірдей декларациялауға көшу мүмкіндігі де қарастырылатын болады.

Барлық салықтық реформалар бақылаушы органдар сыбайлас жемқорлық деңгейін едәуір төмендеткен жағдайда ғана табысқа жететін болады, бұл басты міндеттердің бірі болып табылады. Осы мақсатта салық органдары салық төлеушілерге ұсынатын электрондық қызметтердің тізбесін кеңейту жолымен кәсіпкерлік субъектілері мен бақылаушы органдардың жеке байланысын барынша азайту ұсынылып отыр.

Мемлекет салық саясатын әлеуметтік-экономикалық және басқа да қоғамның дамуына бағытталған экономикалық саясатпен қатар жүргізеді. Нарықтық экономикадағы салық саясатының басты мақсаты мемлекеттік бюджетті жеткілікті дәрежеде қаржылық ресурстармен қамтамасыз ету.

Осылайша салық саясатының басты субъектісі мемлекет екенін білеміз. Салық саясатының методологиялық шарты мен мәнін түсінуге мүмкіндік беретін алғышарт салықтық қарым-қатынас, ал олардың негізі - қаржылық ресурстарға қатысты мемлекет пен субъектілер арасындағы қатынас болып табылады.

Әрбір салық қаржылық-салықтық қатынас жүйесінде белгілі бір қызмет орындап, нақты мінездемеге ие болады. Айта кететін жәйт салық саясатында мемлекет жақсы қызметтер мен қылмыстарды бағалап және жазалап отырады.

Мемлекеттік органдардың салықтық іс-шараларға қатысты негізгі принциптеріне, экономикалық процестердің оперативтік есебін өзгертуі және уақытына әсер етеді. Салық саясатының көмегімен рентабельділік деңгейі, шаруашылық субъектілердің көлемі реттеліп, тең дәрежелі талап орнап, төлем қабілеті мемлекет тарапынан қаралады.

Мемлекеттің қазіргі кезеңдегі салық саясаты мұндай талапқа сай келмей отыр. Жоғары деңгейде салық салу шаруашылық субъектілердің өндірістерінің өсуімен қаржылық мүмкіндіктерін шектейді. Салық салудың нормалары мен шарттарын жиі-жиі өзгерту экономикаға кері әсерін тигізеді немесе салықтық жеңілдіктерді төмендетіп, шетел инвестицияларының келуіне кері әсерін тигізеді.

Нәтижесінде салық саясатының шешімдері мыналар:

Мемлекетті қаржылық ресурстармен қамтамасыз ету;
Ел экономикасының дамуына қолайлы жағдайлар жасау;
Халықтардың әртүрлі деңгейін бір жүйкге келтіру;
Экономикалық заңмен сәйкестендіру;
Макроэкономикалық тұрақтылық пен нарықтық реформаның тездетіліп шешілуіне салықтық қолдау көрсету;
Салықтық база мен қаржыдық ресурстардың құрамын, құрылымын өсу резервтер көзіне жұмылдыруды анықтау;
Тиімді экономика құруға қатысты шараларды қарастыру; [1]

... жалғасы

Сіз бұл жұмысты біздің қосымшамыз арқылы толығымен тегін көре аласыз.