Рационалдық қабат қысымы

АҢДАТПА

Осы дипломдық жобада бес негізгі бөлім қарастырылған.

Бірінші бөлімде кен орынның геологиялық құрылымдық сипаттамасы, коллекторлардың бөлінуі, кеуектілік, мұнайға қанығушылық, өткізгіштік коэффициенттері, физикалық-гидродинамикалық сипаттамасы, мұнай мен газдың қорлары туралы айтылған.

Технологиялық бөлімінде Жаңажол кен орнында ұңғыманың түп аймағын тұз қышқылымен өңдеу, тұз қышқылын дайындау және өңдеу жұмыстарын жұргізу реті көрсетілген.

Экономикалық бөлімінде кен орнын пайдаланудағы техника-экономикалық көрсеткіштеріне талдау көрсетілді.

Еңбекті қорғау бөлімінде қауіпті және зиянды өндірістік факторларды талдау және қышқыл ерітінділермен жұмыс жасау кезіндегі қауіпсіздік көрсетілген көрсетілген.

Қоршаған ортаны қорғау бөлімінде атмосфераны, гидросфераны және ластайтын көздер ретінде технологиялық үрдістер көрсетілген.

АННОТАЦИЯ

Этот дипломный проект состоит из пети основных частей.

В первой части изложены следующие основные параметры: строение, выделение коллекторов, пористость, нефтенасыщенность, коэффициенты проницаемости, физико-гидродинамические характеристики, запасы нефти и газа.

В части технологии приведены технологии проведения соляно-кислотной обработки, подготовки соляно-кислотного раствора на месторождений Жанажол.

Административные свойства технико-экономические показатели эксплуатации месторождения рассмотрены в экономической части.

В части охраны труда указаны анализ опасных и вредных производственных факторов и опасность использования скважин газлифтным методом.

В части охраны окружающей среды рассмотрены технологические процессы которые являются источниками загрязнения атмосферы и гидросферы.

ANNOTATION

This diploma project considers five main sections.

The first section is about geological structured description of deposit, division of collectors, porous, satiation of oil, permeation coefficients, physical - hydrodynamic description, oil and gauze reserves.

In order to project the cultivation in the third and fourth sections I have considered geological - industrial and technical - economic bases of deposit versions in Zhanazhol deposit.

Organizing analyze technique - economic parameters by using deposit are mentioned in the economic section.

Dangerous and harmful industrial factors and danger of gauze - slit using of slits are shown in the labour protection section.

Environment protection section includes sources that pollute atmosphere and hydrosphere.

The science section is about that compressor gauze lift method is advantageous method after using fountain, main problems that appeared by using gauze lift, offers and conclusions.

КІРІСПЕ

Жаңажол кен орны 1978 жыл ашылған және 1983 жылы пайдалануға жіберілген. Бұл 60 пайыз күкіртсутегі мен көмірқышқылгазды, 10 пайызға дейін парафинді, жоғары газ факторлы кен орны.

Жаңажол кен орны таскөмір жүйесінде қалыптасқан, кеуек пен жарықшақтардан, кеуек пен ұсақ қуыстардан тұратын карбонатты коллектор болып табылады. Кен орынды игеру екі карбонатты қалыңдық бойынша жүргізіледі - КТ-І және КТ-ІІ. Бұл жердегі ұңғымалар мынадай сипаттарға ие: терең, газ факторы жоғары және күкіртті сутегінің пайыздық мөлшері жоғары.

Мұнай және газ кен орнында ұңғымалардың өнімділігін арттыру кезіндегі тиімді әдістердің бірі және айдау ұңғымаларының қабылдағыштығы болып карбонатты коллекторларда орналасқан ұңғымалардың түпаймақ ауданын тұзқышқылымен өңдеу болып табылады. Дегенмен тұзқышқылымен өңдеу әдісі әр уақытта тиімді бола бермейді.

ВНИИГаз, КазНИГРИ, British Gas және Agip лабораторияларының зерттеушілерімен өндірісте өнімді қабаттарды өңдеу әдісі енгізілген. Бұл әдісте қабаттың түпаймақ ауданы қарапайым тұзқышқылының орнына тұзқышқылындағы аэрирленген беттік әрекеттік заттардың ерітіндісімен өңделеді, көбік қышқылды әдісті пайдалана отырып, ұңғының өнімділігін арттыру.

1 Геологиялық бөлім

1. 1 Кен орнының геологиялық құрылымының сипаттамасы

Мұнайгазконденсатты Жаңажол кен орны Ақтөбе қаласынан оңтүстікке қарай 240 шақырым жерде, Ақтөбе облысының Мұғалжар ауданында, Мұғалжар таулары мен Ембі өзенінің дала аймақтарының арасында орналасқан. Жақын қоныстанған бекеттер болып, кен орыннан солтүстік - шығысқа қарай 15 шақырым жердегі Жаңажол совхозының аумағы және солтүстік-батысқа қарай 35 шақырым жердегі жұмыс істеп тұрған Кеңқияқ мұнай кәсіпшілігі саналады. Жақын маңындағы теміржол станциясы болып, кен орынның ауданынан 100 шақырым жердегі Мәскеу - Орталық Азия теміржол торабында орналасқан Ембі станциясы болып табылады. Жаңажол кен орынынан солтүстікке қарай 130 шақырым жерде, Ақтөбе қаласында МГӨБ АҚ “Ақтөбемұнайгаз” өндірістік кәсіпорыны орналасқан. Кен орынды игеру 1983 жылдан басталды.

Жер бедері әлсіз жоталы жазықтан тұрады. Жер бедерінің абсолютті белгілері +125 - 270 м аралығында болса, ал минималды белгілері кен орынды оңтүстік - батыстан шектейтін Ембі өзенінің маңында кездеседі.

Ауданның гидрографиялық бөлігі Ембі өзенімен байланысты сипатталады. Ол кен орынның оңтүстік - батысында 2 - 14 шақырымға созылған. Суы минералданған, техникалық мақсаттарда пайдаланады. Ал тұрмыстық мақсаттарда құдықтардан алынатын су пайдаланады. Ембі өзенінің және құдықтарда судың деңгейі 2 м немесе оданда көп құрайды. Ембінің сол саласы - Атжақсыда тұрақты су ағынының болмауынан, суға тек қана көктем мезгіліндегі су тасқындарының арқасында толады.

Ауданның ауа-райы құрғақ, жоғары континентальды және жылдық пен тәуліктік температуралардың болуымен, аса төмен ылғалдықпен сипатталады. Қожай метеостанциясының мәліметтеріне сүйенсек, қыстағы температура минимумы -40 градусқа жетсе, ал жаздағы температура максимумы +40 градусқа жетеді. Ең суық қаңтар мен ақпан айлары болса, ал ең ыстық шілде айы болып табылады. Қатты желдер мен борандардың соғуы, қаңтар мен ақпан айлары үшін тән.

Топырақтың қату тереңдігі 1, 5-1, 8 м-ді құрайды. Ортажылдық, атмосфералық жауын - шашын мөлшері үлкен емес және жылына 140 - 200 мм-ге жетеді.

Барлаулық бұрғылаудың мәліметтері бойынша, төменгі тас көмір кезеңінен, төрттік кезеңіне дейін зерттеу жүргізіліп, соның негізінде стратегиялық - аймақтық бірізділік жасалды. Осы аудандағы ең кәрі қабаттар болып, барлау ұңғыларымен ашылған төменгі карбондағы визей ярусы саналады. Гжел ярусының, касимов ярусының және жоғарғы мәскеу ярустық бөліміндегі қалың қабаттарды (қалыңдығы 386-717 м), кәдімгідей жоғарғы карбонаттың қабаттарын - КТ-1 қабаттары деп атауға болады. Визей ярусының, серпухов ярусының және төменгі мәскеу ярустық

бөліміндегі, төменгі волихир ярустық бөліміндегі аса қалың қабаттарды (қалыңдығы 509 - 930 м), кәдімгідей төменгі карбонаттың қабаттарын - КТ - 2 қабаттары деп атауға болады. Берілген аудандағы мұнай газ белгілері негізінен осы карбонатты қалыңдықтарда (КТ - 1 мен КТ - 2) шоғырланған.

Стратиграфиялық жағынан А жиынтығы гжель ярусының төменгі бөлігіне, Б жиынтығы Касимов ярусына, В және В1 Мәскеу ярусындағы подоль горизонтының жоғарғы бөлігіне негізделген. Олардың көмірсутектерімен қанығу сипаттамалары әр түрлі:А жиынтығында газды шоғыр төменде мұнаймен байланысқан, сәйкесінше биіктіктері 203 және 90 м-лерді құрайды, Б жиынтығы биіктігі 90 м болатын мұнай газды шоғырдан және биіктігі 110 м болатын газды бөлігінің қабатынан құралады. В жиынтығы газды телпегінен (газды бөлігінің биіктігі 30 - 50 м) тұратын мұнайлы шоғырға (мұнайлы қабатының биіктігі 83 - 91 м) негізделген. В1 жиынтығы биіктігі 87 м - ге жететін үлкен емес екі мұнайлы шоғырлардан тұрады.

Барлық анықталған өнімді жиынтықтар өзара гидродинамикалық жүйемен біріктірілген, практикалық жүзінде -2560 м абсолютті белгіде, ортақ газ мұнайлы байланысы бар, бір қабатты - массивті газ мұнайлы шоғырды келтіреді және СМЖ ауданы бойынша -2630-2650 м абсолютті белгілерде өзгереді.

СМЖ-ның жоғарғы жағдайы батыс қанатта және оңтүстік периклиналда (-2630-2640 м - де ), ал төменгі жағдайы шығыс қанатта және солтүстік периклиналда (-2640 - 2650 м - де) байқалады. Бірақ 182, 154, 383 ұңғымалары жататын Б, В мен В1 жиынтықтардың қабаттарында тығыз бөліп тұратын қабатшалар болмағандықтан, олар ортақ қалың қабатты құрайды. Бұл тағы да анықталған жиынтықтардың тұтастығын дәлелдей түседі. Газ мұнайлы жапсар 4, 5, 10, 16, 17, 18, 19, 22 мен 26 ұңғымаларды сынау кезінде қабылданды, сонымен қатар -2560 м тереңдіктен газ, ал одан төменгі тереңдіктен мұнай алынды.

Г стратиграфиялық жиынтығы өзінің негізгі қима бөлігінде, мәскеу ярусындағы кашир горизонтының жыныстарынан құралады, ал Д жиынтығында мәскеу ярусындағы верестік горизонтының сонымен қатар башкир, серпухов (протвинский, стешевский, тарусский горизонттары) пен визей (веневский, окский горизонттары) ярустарының жыныстары шөгеді. Алдында атап өткендей, КТ - 2 қалыңдығы тектоникалық бұзылыстары бар блоктарға бөлінеді. В1, 2 және 3 блоктарда мұнайдың бөлінуі анықталды.

3 блоктағы ГМЖ-ның газ мұнайлы шоғырында, 36-шы ұңғыманы сынағаннан кейін алынған нәтижелері мен газды каротаж мәліметтері бойынша, -3385 метр абсолютті белгісінде жүргізілген перфорацияның нәтижесінде мұнай мен газдың ағыны алынды. 14-ші ұңғымада, -3399 метр тереңдікте мұнай алынды, ал 36-шы мен 45-ші ұңғымаларда, -3371 метр тереңдікте құрамында конденсаты бар газ алынды.

Су мұнайлы жапсар -3603 метр абсолютті белгісінен (шоғырдың батыс бөлігіндегі 43 - ші ұңғыма бойынша), -3573 метр абсолютті белгісіне дейінгі (блоктың оңтүстік - шығысындағы В6 ұңғымасынан осы белгіге дейін сусыз мұнай алынды) аралықты қамтиды. 72 ұңғыманың тұщы сулы бөлігінде, қабаттың мұнайлы бөлігі -3589 м белгіге дейін орныққан, ал солтүстік периклиналдағы 73-ші ұңғымадан, -3597 м белгісінен су алынды.

6 - шы және 14 - ші ұңғымалардың, -2637 м мен -2631м абсолютті белгілерінде қабат суы алынды, бұл алынған геофизикалық мәліметтердің дұрыс екенін көрсетеді. Шығыс периклинал ауданында және солтүстік күмбездің оңтүстіктегі 11 - ші мен 5 - ші ұңғымаларының, - 2645 м мен -2644 м абсолютты белгілері сусыз мұнай берді. ПГИС - тің мәліметтері бойынша мұнайға қанығушылық бөлігінің табаны -2651 м абсолютті белгісінде байқалады. Қабаттарды нақты корреляциялау және жаңа жетілген ұңғымалар мен кен орны ішіндегі ұңғылардың мәліметтерін бірлестіріп, құрылымдарды зерттеу нәтижелерінің негізінде құрылымдық морфологияны терең зерттеу жүргізілді. Құрылымды зерттеу үшін КТ-І-ден 520 ұңғыма және КТ-ІІ-ден 220 ұңғыма пайдаланылды.

80-жылдар басында Жаңажол ауданында екі өлшемді 4х4 км-лік барлау жүргізілді, ал жергілікті жерлерде сейсмопрофильдің тығыздығы 2х4 км құрады. Осы жолы екі өлшемді сейсмика мәліметтерінің бөлігі жиналды. Жалпы екі өлшемді сейсмиканың мәліметтері берілген ауданның тіректік горизонттарын сипаттайды, бірақ ығысуларды және олардың таралуын анық сипаттамайды, әсіресе жүргізілген екі өлшемді сейсмиканың нәтижесінде кен орнының батыс қанатының шектік ығысулары анық көрсетілмеген.

Түптердің едәуір орын ауыстыруы әсерінен, құрылымның сипаттамасын дәл түсінуге пайдалану ұңғылары бөлігінің белгілі деңгейінің әсері пайда болады. 409 ұңғыманың (кесте 1. 1) қисаюы туралы алынған нақты мәліметтердің негізінде қисаюы туралы толық мәліметтері бар ұңғымалардың қисаюын қайта түзету жүргізілді.

Кесте 1. 1

Горизоннтардағы қисайған ұңғыларды түзеу

Негізінен КТ-І кеніші, В бумасы, КТ-ІІ кеніші және Г бумасының горизонттары зерттелді. Кен орны кенішінің геологиялық құрылымы туралы жаңа түсініктері негізінен игерудің техсхемасымен салыстырғанда өзгермеген, тек КТ-І горизонтының оңтүстік антиклиналь бөлігінде екі ығысулар анықталған.

Жаңажол кен орны солтүстік-шығыс бағыттағы, солтүстік және оңтүстік жергілікті көтерілімдерінен тұратын күрделі брахиантиклиналды құрылым болып табылады. Құрылым биік батыс және шығыс қанаттармен сипатталған, солтустік және оңтүстік бөліктері едәуір жатық тереңдеген.

КТ-І құрылымының сипаттамасы

КТ-І жабыны бойынша брахиантиклиналды құрылымның солтүстік және оңтүстік қанаттарының еңкею бұрышы шамамен 1, 7-2°, ал шығыс және батыс қанаттарының бұрышы 3, 0-13, 1° (1. 2-кесте) . Солтүстік антиклиналь қанаттары оңтүстік антиклинальға қарағанда тереңірек орналасқан. Солтүстік антиклинальда шығыс қанатының қабаттарыбатыс қанатына қарағанда тереңірек орналасқан. КТ-І кенішінің қалыңдығы батыстан шығысқа және оңтүстіктен солтүстікке қарай өседі. КТ-І жабынының құрылымдық картасында оңтүстік және солтүстік жиынтықтардың орналасуының абсолютті тереңдігі сәйкесінше минус 2340 және минус 2280м құрайды, Су мұнайлы шекара абсолютті белгіде минус 2650м, соныменқатар аудан 187 км ² , ал кеніш биіктігі - 370м құрайды. Бекітілген нұсқаны жүзеге асыру үрдісінде КТ-І кенішінің құрылымы туралы жаңа түсінік алынды, нәтижесінде оңтүстік антиклиналдың батыс қанатында екі шағын ығысулар анықталған.

КТ-ІІ құрылымының сипаттамасы

КТ-ІІ горизонтының құрылымы КТ-І горизонтына ұқсас, ең негізгі айырмашылығы КТ-І горизонтындағы ығысулар КТ-ІІ-де кездеспейді, тек оңтүстік антиклиналдың батыс қанатында үлкен шекті ығысу бар. Жазықтың батыс және шығыс қанаттарының еңкею бұрышы шамамен 2-2, 4º, едәуір тік батыс және шығыс қанаттардың бұрышы 5, 0-14, 7º. Солтүстік антиклиналдың шығыс және батыс қанаттарының еңкею бұрыштары оңтүстік антиклиналдың екі қанаттарының қабаттарына қарағанда едәуір тік болып келеді. Құрылымдық картада КТ-ІІ кеніші оңтүстік және солтүстік антиклинальда минус 3120м және минус 3100м тереңдікте жатыр, кеніш биіктігі - 470м, ауданы 320 км ² құрайды.

1. 2 Стратиграфия

Кен орнының ашылған және зерттелген шөгінді жыныстар қимасының қабаттары таскөмір жүйесінен (төменгі, ортаңғы және жоғарғы бөлім), пермь (төменгі, жоғарғы бөлім), триас, юра, бор және де төрттік қабаттың (антропо- гендік) жүйелерінен құралған.

Тас көмір жүйесі С

Төменгі бөлім-С 1. Жаңажол ауданында ашылған ең көне шөгінді 1-С скважинадағы орта визейлік жастағы, терригенді жыныстар болып саналады. Олар 4190-4200 м интервал аралығында кездеседі. Көрші Қожасай, шығыс Түгіскен, шығыс Төрткөл аудандарында орта және төменгі визе және турне ярусында анықталған терригендік шөгінділер қалыңдығы 1000 м-ден асады.

Орта бөлім С ₂

Орта бөлім башқұрт және москва ярустарының шөгінді қабаттарынан тұрады.

Башқұрт ярусының шөгінді қабаты тек қана Ι-синельников скважинасында толық өтілді. Толық қалыңдығы 224 м-ге жетеді. Олар сұрғылт ізбестастардан және ашық-сұр оргоногенді түйірлі доломиттенген массивті, сирек қабықты аргилиттерден құралған.

Москва ярусының (С ₂ Μ) құрамында екі ярус бөліктері айрықша білінеді, төменгі және жоғарғы москвалық. Төменгі москвалық ярус бөлігінің шөгінді қабаты 3668-3560 м аралығында 23-ші ұңғымада ашылған вере және кашир горизонттарынан тұрады. Ашылған ярус бөлігінің қалыңдығы 108-156 м аралығында. Ол бірлі-жарым қабықты жұқа аргилитті карбонат жыныстарынан құралған. Карбонат шөгінді қабаттың кешенде жоғарғы визе және төменгі москва ярус бөліктерінің ашылған қалыңдығы 630 м-ге жетеді де, төменгі карбонат қалыңдығын құрайды. КТ-ΙΙ индексі арқылы көрсетілген жыныстарда ярус бөлігі жынысында мұнайдың өндірістік қоры белгіленген.

Жоғарғы москва ярус бөлігі подольск және мячиковскі горизонттарынан тұрады. Подольск горизонтының төменгі бөлігі көбіне 266-366 м қалыңдықтағы сирек ізбестастардан, қабықталған аргилиттерден, құмдардан, аллевролиттерден, гравелиттерден тұратын терриген жынысының қалыңдығынан тұрады. Жоғарғы бөлім С3. Жоғарғы карбонның ортаңғымен шекарасы қисық ГК жазбасы сипатының өзгеруі бойынша жеткілікті айқын бөлшектенеді.

Касимов ярусы (С3 К) шөгінділердің жасы фораминефер кешені бойынша номері5-ші скважинада (2832-2824; 2824-2819) 1-ші скважинада (2900-2898) 6-шы скважинада (2909-2906, 2899-2897; 2894-2888; 2884-2879) 12-шы скважинада (3113-3001) және коноданттар 5-ші скважинада (2832-2824; 2819-2816) 8-ші скважиналарда болып анықталады. Гжель ярусы (С ₃ д) . Екі бөліктен құралады. Төменгі бөлігінің қалыңдығы 53-136м, шөгіндіде сульфатты және карбонатты жыныстардың таралуы төмендегі келесі ярустарға келесі ярустарға ұқсас құрылымды болып табылады. Гжель ярусы оңтүстікте және оңтүстік-батыста 65-68% фауна мен су өсімдіктерінің сынықтарынан тұратын аргоногенді ізбестастардан тұрады. Солтүстік- шығыс бөлікте қиманың ангидриттері толық ангидритке айналғанша күшейеді.

Пермь жүйесі(Р)

Пермь шөгіндісі төменгі және жоғарғы бөліктерден тұрады. Төменгі бөлім (Р1) . Төменгі бөлім ассель, сакмар, кунгур ярустарының шөгінді қабаттарынан тұрады.

Ассель + сакмар ярусы (Р1а+С)

Ассель-сакмар (терригенді қабаты) жыныстарының терригенді қабаты гжель терригенді пачкасымен бірге, кен орнында гегиональды аймақтың сұйық тірегін түзеді. Құрамының едәуір дәрежесі газды болып келетін бұл қаптаманың жеткілікті кең мөлшерде 16м-ден(24-скважина) 598м-ге дейін (8-скважина) солтүстіктен оңтүстікке қарай азаю тенденциасымен өзгереді.

Кунгур ярусы (Р1к) . Кунгур ярусының гидрохимиялық шөгіндісі жоғарғы карбонат үсті терригенді қабатымен бірге, кунгур қимасына дейінгі мұнай газ қаныққандылық бөлігі үшін, күшті сұйық тіректі қаптаманы түзеді. Кунгур ярусы шөгіндісінің төменгі бөлігінің қалыңдығы 10м-ден 60м-ге дейін жететін сульфатты-терригенді жыныстардан құралады (ангидрит, аргилит тектес қою саз) .

Мезозой тобы (МΖ) . Бұл қабат Жаңажол ауданында көлемді түрде триас, юра және бор жүйелерінен құралған.

Триас жүйесі (Т)

Триас шөгіндісі тек қана төменгі бөлігіне (Т2) бөлінеді және литологиялық жағынан шұбар тасты саздан, құмдақтардан, аллевролиттерден құралған және де баяу цементтелген құмдардан түзілген қатпарларда кездеседі. Шөгінді қабаттың қалыңдығы 65м-ден 371м-ге дейінгі аралықта.

Юра жүйесі (J)

Юра шөгіндісі төменгі және орта бөлімдерге бөлінеді. Олардың жиынтық қалыңдығы 60 метрден 246 метрге дейін. Олар саздардан, сұр құмдақтардан, тығыз алевролиттерден және сұр, жасыл-сұр полимиктопты әртүрлі қиыршықтопты құмдардан құралады.

Бор жүйесі (К)

Бор жүйесі жоғарғы және төменгі бөліктерден тұрады.

Төменгі бөлім(К1) . Төменгі бөлік құрамында гатеривтік, алпьтік және альбтік ярустардың жиынтық қалыңдығы 298 м-ден 437 м-ге дейін жететін құмдақты саздақты шөгінділерден тұрады.

Жоғарғы бөлім (К ₂ ) . Жоғарғы бор басым көпшілігінде жасыл-сұр саздардан, мергельді қатпарлы конгломераттардан тұрады. Жоғарғы бөлімнің қалыңдығы 28 метрден 132 метрге дейінгі аралықта.

Антропогендік жүйе (Q) . Қалыңдығы аз 2-3 метрлік төрттік шөгінді барлық жерде жоғарғы бор шөгіндісін жауып жатыр. Ол саздақты және құмдақты болып келеді.

1. 3 Тектоника

Тектоникалық қатынаста Жаңажол кен орны Каспий маңы ойпатының оңтүстігінде орналасқан. Яғни, орал алды геосинклинальды аймағынан Ащысай және солтүстік көпекті сызықтарынан көрінеді.

Геологиялық дамуының бір сипаттық қасиетті ауданның интенсивті түсуі және қалың шөгінділердің қабатшаларда 7 шақырымнан 10 шақырымға дейінгі аралықтарында болуына байланысты. Бұл қабаттың негізгі бөлігін кунгур ярусының галогенді табан шөгінділері және кембрий іргетасына дейінгі жыныстардың жоғарғы бетінде жатқан тұз асты жиынтығынан құрайды.

Тұз асты шөгінділерінің жоғарғы беті Ащысай бұзындыларына жақын маңда 2 немесе 2, 5 шақырымнан Беттеу күмбезінің меридианына қарай 5, 5 немес 6 шақырымға дейінгі, яғни батыс бағытына қарай моноклинальды қалыңдай береді.

Аталмыш моноклинал көлемінде екі жақтан алынған тізбек қатарлары бөлінген. Соңғысы төменгі горизонттарда мықты байқалып, соған сәйкес ойпаттың ортаңғы бөлігіне қарай қалыңдай бастайды.

Шығыстан батысқа қарай Жаңажол, Кенқияқ, Қожасай, Шұбарыш қатарларының жүйесі бөлінеді және олардың көлемінде 3 немесе 3, 5 шақырымдық тереңдіктерде (П ₁ ) тұз асты горизонтының қисығы түзілген.

---

Сіз бұл жұмысты біздің қосымшамыз арқылы толығымен тегін көре аласыз.

• Іс жүргізу
• Автоматтандыру, Техника
• Алғашқы әскери дайындық
• Астрономия
• Ауыл шаруашылығы
• Банк ісі
• Бизнесті бағалау
• Биология
• Бухгалтерлік іс
• Валеология
• Ветеринария
• География
• Геология, Геофизика, Геодезия
• Дін
• Ет, сүт, шарап өнімдері
• Жалпы тарих
• Жер кадастрі, Жылжымайтын мүлік
• Журналистика
• Информатика
• Кеден ісі
• Маркетинг
• Математика, Геометрия
• Медицина
• Мемлекеттік басқару
• Менеджмент
• Мұнай, Газ
• Мұрағат ісі
• Мәдениеттану
• ОБЖ (Основы безопасности жизнедеятельности)
• Педагогика
• Полиграфия
• Психология
• Салық
• Саясаттану
• Сақтандыру
• Сертификаттау, стандарттау
• Социология, Демография
• Спорт
• Статистика
• Тілтану, Филология
• Тарихи тұлғалар
• Тау-кен ісі
• Транспорт
• Туризм
• Физика
• Философия
• Халықаралық қатынастар
• Химия
• Экология, Қоршаған ортаны қорғау
• Экономика
• Экономикалық география
• Электротехника
• Қазақстан тарихы
• Қаржы
• Құрылыс
• Құқық, Криминалистика
• Әдебиет
• Өнер, музыка
• Өнеркәсіп, Өндіріс