Бетон араласпасының технологиялық қасиеттері


Пән бойынша оқыту бағдарламасының (Syllabus)
итулдық парағы

Нысан
ПМУ ҰС Н 7. 18. 3/37
Қазақстан Республикасының Білім және ғылым министрлігі
С. Торайғыров атындағы Павлодар мемлекеттік университеті
Құрылыс материалдарын өндіру және стандарттау кафедрасы
TB 3216 Бетон технологиясы 1
пӘнІ бойынша бағдарламасы
(Syllabus)
Павлодар, 2013

Нысан
ПМУ ҰС Н 7. 18. 3/31
БЕКІТЕМІН
Сәулет-құрылыс
факультетінің деканы
Күдерин М. Қ.
2013 ж. «___»
Құрастырушы: т. ғ. к., доцент Б. Ч. Кудрышова
Құрылыс материалдарын өндіру және стандарттау кафедрасы
5B073000 «Құрылыс материалдарын, бұйымдарын және конструкцияларын өндіру» мамандығының магистранттарына арналған
TB 3216 Бетон технологиясы 1
пӘнІ бойынша БАҒДАРЛАМАсы (Syllabus)
Бағдарлама 20___ж. «» бекітілген жұмыс оқу бағдарламасының негізінде әзірленген.
20___ ж. «___» кафедра отырысында ұсынылған.
Хаттама №
Кафедра меңгерушісі В. Т. Станевич «___»20___ ж.
Сәулет-құрылыс факультетінің оқу-әдістемелік кеңесімен құпталған
20___ ж. «___» хаттама №.
ОӘК төрайымы Г. А. Жукенова «___»20___ ж.
1. Оқу пәнінің төлқұжаты
Оқу бағдарламасының паспорты
Пәннің атауы «Бетон технологиясы 1»
Базалық пәндер үшін міндетті компонент.
Кредиттер саны және оқу мерзімі
Барлығы - 4 кредит
Курс: 3
Семестр: 6
Барлығы: аудиториялық сабақтар - 75 сағат
Дәрістер - 30 сағат
Тәжірибелік сабақтар - 15 сағат
Зертханалық сабақтар - 15 сағат (30)
СӨЖ - 105 сағат
СОӨЖ - 26, 25 сағат
Жалпы еңбек сыйымдылық - 180 сағат
Бақылау түрі
Емтихан - 6 семестр
Пререквизиттер Осы пәнді меңгеру үшін қажетті пәндерді меңгеру тізімі жұмыс оқу жоспары бойынша. Берілген пән үшінші жыл үшін стандартқа сәйкес қарастырылған пәндермен қатар оқылады, құрылыс материалдары І, бетон толтырғыштары пәндер бойынша білім қажет.
Постреквизиттер Мамандықтың оқу жоспарымен қарастырылған барлық пәндерді оқу кезінде бетон технологиясы 2 пәндерді оқу кезінде алынған білім, зейін мен дағды білім алуға жауапты қарауға мүмкіндік береді. Теориялық жоспарлауға икемi болсын, тәжiрибелiк зерттеу нәтижелерiн жұмыстансын және тиiстi түрде оларды таныстыру және білу.
2 Оқытушылар туралы мәліметтер және байланысу акпараттары
Кудрышова Баян Чакеновна, техника ғылымының кандидаты, ПМУ доценті.
«Құрылыс материалдарын өндіру және стандарттау» кафедрасы ПМУ-дың Д корпусында (Толстой к-і 99), Д-302 аудиторияда орналасқан.
Байланысу телефоны (8-7182) 67-36-59 (12-33 қосымша) .
Email - bkudryshova@mail. ru
Сабақтарды өткізу орны мен уақыты - аудиториялық сабақтар, межелгі бақылау және емтихандық сессия бекітілген кестеге сәйкес жүргізіледі.
3 Мәні, мақсаттары мен міндеттері
Пәннің мәні
«Бетон технологиясы 1» пәні «Құрылыс материалдарын, бұйымдарын және конструкцияларын өндіру» мамандығы бойынша студенттерді оқыту жоспарының арнайы мамандық үшін компонентіне жатады.
Пәнді оқытудың мақсаты
«Бетон технологиясы-1» пәннің шешетін мәселелері мен мақсаттары - капиталды құрылыстың қазіргі заманғы талаптарына сәйкес бетон және темірбетон конструкцияларын өндіру технологиясын және олардың қасиеттерін терең меңгерген мамандар дайындау.
Пәнді оқытудың міндеттері
- мамандар алдында ақпараттағы бетон және бетон технологиясын меңгеру, өздерінің білімін жоғарлату, жаңа материалдардың тиімділігін әдеттегі материалдардың тиімділігімен салыстырып, жаңа зауыт, әртүрлі бетон құрамын жобалауды үйрену;
- қазіргі құрылыстағы пайдаланатын байланыстырғыш, тығыз және кеуекті толтырғыштардың техникалық және экономикалық маңыздылығын оқып білу;
- оптималды технологияны, сапалы өнімді және шикізаттарды тиімді пайдалану принциптерін игеру.
4 Білім, іскерлік, дағды мен құзыреттілікке қойылатын талаптар
Осы пәнді игеру нәтижесінде студенттер:
- құрылыс материалдары, бұйымдары мен конструкцияларын өндірудің түрлі технологиялық тәсілдерін есептеуді; әр түрлі бетон толтырғыштардың сапасын бақылауды қамтамасыз ететін қызметтерді орындауды меңгеруі қажет;
- әр түрлі бетон қасиеттеріне байланысты темірбетон конструкцияларында оларды рационалды пайдалану және экономикаға тиімділігін жоғарылату жолдарын үйрену.
Білу керек:
- әртүрлі бетондардын құрамын жобалау, бетон араласпасының физико-химиялық қасиетін, шикі заттарды сынау әдістерін және бетон араласпасының сапасын бақылау
Істей білу керек:
- бетон қоспаларының қасиеттерін бағалай білу;
- байланыстырғыш және толтырғыштар түрлерінің бетон қасиеттеріне әсер етуін көріп, бағалай білу;
- бетон өндіру үшін материалдардың жарамдылығын анықтау.
Тәжірибелік дағдылану:
- зерттеу қызметті ұйымдастыру негіздері;
- әртүрлі бетон қасиеттерін бағалау әдістемесі;
- эксперименталдық мәліметтерді өндеу үшін есептеу техникасын қолдану.
Білікті болу керек:
- мамандар алдында ақпараттағы материалдарды меңгеруге;
- жаңа материалдардың тиімділігін әдеттегі материалдардың тиімділігімен салыстыруға;
- зерттеудің жаңа әдістерін өздігінен оқытуға, өзінің кәсіби қызметінің ғылыми және ғылыми-өндірістік профилін өзгертуге.
5. Пәнді оқытудың пәндік жоспары
Сабақ түрлері бойынша академиялық сағаттарды бөлу
Тақырыптардың
атауы
зерт хана
лық
6. Пәннің дәрістер тақырыптарының мазмұны мен тізімі
1тақырып. Кіріспе. Бетон түрі. Оның классификациясы және оларға қойылатын негізгі талаптар
Жоспар:
- Кіріспе. Бетонның түрі. Оның классификациясы және оларға қойылатын негізгі талаптар.
- Бетонның құрылымы, орташа тығыздығы, байланыстырғыш және толтырғыш түрімен, қатаю шарты бойынша классификациялау.
- Бетонға арналған материалдар. Бетон технологиясында химиялық қоспалардың мәні.
- Химиялық қоспалар және олардың қолданудағы негізгі жағдайының жалпы мағлұматтары.
Бетон дегеніміз жасанды тас материалы байланыстырғыш материалды, суды майда және ірі толықтырғыштарды біріктіріп қалыптап және қатайту арқылы пайда болған қоспа. Бұл материалдардың қоспасын қатаюға дейін бетон қоспасы деп аталады. Бетон құрылыстың барлық саласында негізгі құрылыс материалы болып табылады. Қазіргі кезде құрылыс саласында бетонның көптеген түрлері қолданылады. Құрылыста бетондарды қолдану топталуына байланысты болады. Бетондар орташа тығыздығы, байланыстырғыш түріне байланысты топталады.
Көптеген бетондардың құрамы тығыздығына, толтырғыштардың түріне, қандай цемент тасынан жасалғанына және бетон құрылысына байланысты болады. Бетондарды орташа тығыздығына байланысты өте ауыр орташа тығыздығы 2500 кг/м 3 жоғары, ауыр 1800 - 2500кг/м 3 , жеңіл 500 - 1800 кг/м 3 , өте жеңілдер 500 кг/м 3 төмен деп бөледі.
Әртүрлі бетонға қойылатын негізгі талаптар:
- Қатаю мерзімін анықтағаннан кейінгі берілген беріктігі (марка) ;
- Берілген консистенция және жайылымды төселу;
- Цемент шығынын азайту;
- Аязға төзімділігін анықтау конструкциясы, суға немесе ауаға төзімділігі;
- Талаптардың орындалуын қадағалау, материалды дурыс таңдау, нақты құрамын дұрыс таңдау, қоспаның ұқыпты дайындалуы және тағы басқа.
Ұсынылатын әдебиет: [1-3, 14] .
2 тақырып. Бетон араласпасы.
Жоспар:
- Бетон араласпасы түсінігі, құрылым ерекшіліктері және қасиеті, сұйық фаза және ауа тарту мәні. Бетонға қоспа қосу технологиясы.
- Цемент тасының микроқұрылымын қалыптастыруда су және химиялық қоспа мәні. Тиксотропия.
- Сапасын бағалау әдістері және бетон араласпасының техникалық сипаттамасын анықтау. Араласпаның сутұтынғыштығы туралы түсінігі
Бетон шикізаттарынан құралған, бірақ қатаюы басталмаған кұрамды - бетон араласпасы деп атайды. Нормалы қоюлығы бар қалпына оңай төселетін (салынатын) цемент қамырын алу үшін цементке 24-26 % су қосу жеткілікті. Бірақ бетон араласпасына қажетті су мөлшері бұдан әлдеқайда көп. Себебі, судың бір бөлімі толтырғыштардың бетіне жұғады. Цемент мөлшері көбейген сайын бетонның су цемент қатынасы азайып, ал беріктігі артады.
Судың бірталайы бетон араласпасының ыңғайлы қалыптанылуы үшін жұмсалады. Бетон араласпасының ыңғайлы қалыптануы, оның жылжымалылығы немесе қаттылығы мен одан істелінетін конустың түсу көрсеткіші (см немесе секунд) арқылы бағаланады.
Бетон араласпасының жылжымалылығын стандартты қуыс конус (Һ= 30 см, D төменгі =20 см, D жоғарғы =10 см) арқылы анықтайды. Ол үшін түғырыққа конусты қойып, оны бетон араласпасымен стандартта көрсетілгендей етіп (порциялап, тығыздап) толтырады. Сонан соң бетон араласпасынан істелінген конустың қанша см-ге түскенін өлшейді. Егер ол 15 см-ден артық түссе оны құйма, 4-15 см аралығында түссе - жылжымалы, 1-4 см түссе - аз жылжымалы бетон араласпасы дейді. Егер ол түспесе, оның қаттылығын бетон араласпасынан істелінген конусты дірілдету арқылы анықтайды.
Бетон араласпасының қаттылығын табу үшін одан жоғарыда көрсетілген стандартты конустың көмегімен жасалынған конусты, стандартты цилиндрге орнатады. Оның үстіне тесігі бар дискіні беттестіріп, аспапты-техникалық вискозиметрді дискінің екі тесігінен цемент қамыры шыққанға дейін дірілдетеді. Егер осы айтылған жағдайға жету үшін дірілдету ұзақтылығы 5-30 сек болса, бетон араласпасын - қатты, ал 30 сек жоғары болса - ерекше қатты дейді.
Бетон қоспасының қаттылығын табу үшін кейде зертханаларда Б. Г. Скрамтаев ұсынған оңайтылған тәсіл қолданылады. Бұл әдіс бойынша кәдімгі бетон кубы жасалынатын металдан істелінген өлшемдері 20х20х20 см формаға жоғарыда келтірілген стандартты қуыс конусты орнатып, оны бетон араласпасымен порциялап, тығыздап толтырады. Онан соң қуыс конус алынады, ал бетон араласпасы жайылып, кубтың барлық бұрыштарын толтырып, беті тегістелгенше (горизонтальді болғанша) дірілдетіледі.
Бетон араласпасының қаттылығы - дірілдету уақытымен бағаланады. Оңайланған әдіспен табылған бетон аралспасының қатты мөлшері, тәжірибе көрсеткеніндей, стандарттық әдіспен анықталған мөлшерден 1, 5-2 есе артық. Стандарттык әдіспен табылатын қаттылық мерзімімен сәйкестендірілуі үшін, жеңіл әдіспен анықталған қаттылық уақыты 1, 5-2 есе азайтылуы тиіс. Бетон аралспаларын олардың ыңғайлы қалыпталыну дәрежесі бойынша жіктеу 1-кестеде келтірілген.
1-кесте Бетон қоспаларын жіктелуі
Бетон араласпасының ыңғайлы қалыптылығы - беттік белсенділігі (әсері) бар заттарды, мысалы СДБ-ны, ССБ-ны араласпаға цемент салмағынан 0, 05-0, 6 л, әсіресе суы бар (жоғары сапалы) пластификаторды (С-З; 10-03) мөлшері 0, 1-1, 2 % аралығында қосса, өсуі оңайланады. Мысалы, ББЗ-ты (ПАВ) жоғарыда келтірілген мөлшерде қосса, бетон араласпасының нормалы жылжымалылығына немесе қаттылығына кажетті су мөлшері 8-12 %-ке дейін азаяды. Ал 0, 8 % суперпластификатор қосса, бетон араласпасының жылжымалылығы 1 см-ден 16 см-ге дейін жоғарылайды (өседі) . Осылай, ББЗ-тар мен жоғары сапалы пластификатор бетон араласпасына қажетті су мөлшерін азайтады. Осының салдарынан бетон беріктігі өседі немесе цемент шығыны азаяды. Бетон араласпасындағы оған сульфитті ашытқы бардасын (СДБ) қосқандағы су мөлшерінің азаюы 2-кестеде келтірілді.
2-кесте. СДБ-ның бетон қоспасының су қажеттілігін төмендету мөлшері
Бетон араласпасына су мен цемент қатынасы (С/Ц) тұрақты жағдайда немесе толтырғыштардың шығыны азайған сайын, цемент мөлшері көбейтілсе, оның жылжымалылығы өседі. Егер цемент қамыры, тек толтырғыштар арасындағы қуысты толтыруға қажетті мөлшерде алынса, онда араласпа қатты, оңай қалыпталмайтын қабат-қабат болып ажырауға кабілетті болады. Қоспа жылжымалы болуы үшін цемент қамырымен тек қуыстарды ғана толтырып қоймай, сонымен қатар қамтамасыздандыру мақсатымен қабаттаспайтын тығыз бетон қоспасын дайындау үшін цемент шығынының төменгі шегі (Ц min ) 3-кестеде көрсетілгендей етіп тағайындалған.
3-кесте. Қабаттаспайтын тығыз бетон қоспасы қажетті цемент шығынының төменгі шегі
Ұсынылатын әдебиет: [1-3, 14] .
3 тақырып. Бетон құрылымының қалыптасу және қатаю процестері
Жоспар:
- Бетон құрылымының қалыптасу.
- Қатаю процестері.
Бетон араласпасының уақыт ұстамдылығын және бетонның қатаюын реттейтін химиялық қосымшалар келесі: уақыт ұстамдылығын жеделдетеді немесе баяулатады, қатаюды желделдететін, аязға қарсы заттардан тұрады. Бетон жұмыстары тәжірибесінде жиі бетонның уақыт ұстамдылығын және қатаюын жеделдету немесе баяулату қажеттілігі пайда болады. Мысалы, біртұтас бетон және темірбетоннан құрылыстарды тұрғызғанда бетондау үрдісін белсендіру үшін, яғни бетон бетон қалыптан босату беріктігін тез арада жинауы үшін. Бетонның қатаю жылдамдығы жоғары болуы апатты-қалпына келтіру (авариялық) жұмыстарда қажет. Сонымен бірге, кейбір жағдайларда бетон араласпасы немесе ерітіндінің уақыт ұстамдылығын әдейі баяулатады, мысалы, автосамосвалдармен тасығанда, бетононасостармен айдағанда, ыстық уақыт мерзімінде бетонды құюда.
Жеделдеткіш әсері олар цемент гидратациясы кезінде бөлінетін Са(ОН) 2 ерігіштігін күшейтеді. Бұл клинкерлі минералдардың кейінгі гидратациясын алып келеді және соңғысында, цемент тасындағы жаңа түзілістерді санын көбейтеді. Нәтижесінде құрамында жеделдеткіш-қосымша бар бетон беріктігі қосымшасыз бетон беріктігіне қарағанда бірінші 3-7 қатаю тәулігінде едәуір жоғары. Теориялық реттен цемент материалдарының уақыт ұстамдылығын және қатаюын барлық сілтілі, сілтілі-жер және көп валентті металдардың тұзымен үдетуге болады.
Тәжірибеде келесі бетон қатаюын жеделдеткіштерді жиі қолданады: кальций хлориді (ХК), натрий сульфаты (СН), кальций нитраты (НК) және натрий нитраты (НН), сондай-ақ көпкомпонентті қосымшалар: кальций нитрит-нитраты (ННК), кальций нитрит-нитрат-хлориді (ННХК) . Бір қосымша әр түрлі мөлшерде түрлі әсер етуі де мүмкін, яғни бетонның қатаюын жеделдетеді немесе баяулатады. Сондықтан бетон араласпасындағы қосымша концентрациясын құрылыс зертханасында тәжірибелік жолмен анықтайды, араласпа дайындағанда міндетті түрде оны ұстанады. Қосымша мөлшері цемент массасынан 1-3 % құрайды. ХК қосымшасының өте көп мөлшері арматура коррозиясына алып келеді. Сондықтан темірбетон конструкцияларын жасап шығарғанда бетон араласпасына қосатын кальций хлоридінің мөлшерін 2 % шектейді.
Уақыт ұстамдылығын баяулатқыштардың ішінде қатар суқажеттілігін және цемент шығынын төмендететін, сондай-ақ бетон араласпасын және ерітіндінің иілімділігін жақсартатын қосымшалар пайдаланған жөн. Бұл қараста жақсы нәтижені органикалық заттар (ЛСТ) және кремний органикалық сұйықтар ГКЖ-10 және ГКЖ-11 береді. Олардан басқа, екі сулы гипс ерітіндісін және күкірт қышқылының әлсіз ерітіндісін қолданады. Қосымша концентрациясы 0, 2-2 % ауытқиды және зертханад анықталады. Аязға төзімді қосымшаларды қысқы мерзімде бетонның қатаюын қамтамасыз ету үшін енгізеді. Кері температурада су қатады және цементтің гидратациясы тоқтайды. Пайда болған мұз әлі әлсіз цемент тасының құрылымын қопсытады, сонымен ол бетон беріктігінің айрылуын жоғарылатады.
Аязда бетонның қатаюын қамтамасыз ету үшін бетон араласпасына судың қатаю температурасын төмендететін заттар енгізеді. Су -15 . . . -20 °С температурадада сұйық күйінде қалады және цементтің гидратация процесі жалғасады.
Полифункционалды әсерлі (кешенді) қосымшалар бетон араласпасы және қатайған бетонның бірнеше қасиеттерін қатар басқаруға мүмкіндік береді, мысалы араласпа иілімділігін жақсартады және бетон беріктігін арттырады. Бұл құрамды типті қосымшалар өзіне бірнеше компоненттерді енгізеді, олардың әрқайсысы бір қасиетті реттейді. Мысалы, кешенді қосымша ЛСТ+СНВ бетон араласпасын иілгіштендіреді және бетонның аязға төзімділігін арттырады, ЛСТ+ХК қосымшасы сондай-ақ араласпаны иілгіштендіреді және бетонның қатаюын үдетеді. Сонымен қатар бұл қосымша цемент шығынын азайтады.
Ұсынылатын әдебиет: [1-3, 14] .
4 тақырып. Бетон қасиеті
Жоспар:
1 Бетон қасиеттерінің классификациясы. Физико-техникалық қасиеттері. Жылу физикалық қасиеттері. Бетонның механикалық қасиеттері.
2 Бетонды сынау әдістемесі. Бетон класстары (маркасы) .
3 Бетоның жарықшақтыққа төзімділігі. Болат арматурамен бетонның жабысуы.
4 Жүктелген бетонның серпімді және иілімді деформациясы. Аралық ылғалдандыру мен кептіруге бетонның төзімділігі.
Бетон араласпасының реологиялық қасиеттері. Бетон қасиетінің қалыптасуы, оны дайындау, қалыптау, қатаюдан басталады. Бұл операциялар болашақ бетонның және бұйымдардың сапасын анықтайды. Сондықтан бетон араласпасының қасиеттерін жақсы білу өте маңызды. Сондай-ақ қасиеттердің әр түрлі факторлардан дайындау процестерін оңай басқару қалыптау және бетон араласпасының қатаюының тәуелділігін білу қажет. Бетона араласпасының ең маңызды қасиеті жылжымалығы және қалыпқа оңай орналасуы. Яғни, араласпаның қалып бойнда оңай жылжыту, оның формасын алып, біртұтастылықпен біртектілікке ие болу. Жылжымалық бетон араласпасының формаға толтыру кезінде және иілімділігімен, яғни, біртектілікті бұзбай деформациялану қабілеті кезінде анықталады. Бетон араласпасын әр-түрлі жағдайда суреттеу үшін оның реологиялық сипаттамаларын қолданады. Жылжуға шектік күші, тұтқырлық релаксация мерзімі бұл қасиеттерді анықтау үшін арнайы вискозиметрлер қолданады. Мұндай сынақтарды негізінен ғылыми-зерттеулік зертханаларда жүргізеді. Өндірістік жағдайларда тек қана араласпалардың жылжымалығын анықтайды. Ол үшін бетон араласпасының қажетті көрсеткішін және салыстырмалы жеңіл анықту мүмкіндігі бар аспаптарды қолданады. Бетон араласпасын толық бағалау үшін және бетон немесе темірбетон бұйымдры мен конструкцияларды дұрыс ұйымдастыру үшін араласпаның басқа қасиеттерін білу қажет. Оның нығыздалғыштығын, біртектілігін, қатпарлануын, қатаю процессіндегі көлемін өзгертуін, ауа жұтуын, бастапқы беріктігін анықтайды. Бетон араласпасының қасиетіне ең маңызды шешуші судың шығыны түзеді. Себебі ол сұйық фаза мен құрылым, жылжығыштығының жанасу күші дамуы мен анықталады.
Цемент қамыры құрамынданған жүйе атты топқа жатады. Олар құрылымның бастапқы беріктігімен сипатталады. Цемент тасында бөлшек арасындағы молекулалары топтасу күшінің әсерімен құрылым пайда болады. Цемент қамырындағы құрылымда сұйық фазаның қабықшалары көлемдік тор түзеді. Оған иілімділік қасиетін береді және сыртқы күштердің әсерінен формасын өзгертуге қабілетті. Құрылымның бастапқы беріктігі немесе құрылымдық тұтқырлықтың цемент тасының құрамындағы су сузпензиясында болатын қатты фаза концентрациясына тәуелді. Қарапайым бетон араласпалары біртұтас ортаны түзу үшін цемент қамырымен су мөлшері жеткілікті. Мұндай араласпалар өзін цемент қамыры тәрізді көрсетеді. Құрылымдық жүйелердің өзінің реологиялық қасиеттерін механикалық күштің әсерінен өзгертіп және кшті алып тастағаннан кейін өзінің қасиеттерін қайта келтіру қабілеті тиксотропия деп аталады. Бетон технологиясында бұл қасиет аз жылжымалық және қатты араласпалар үшін, оларға вибрация, сілкілдеті және соғу әсерін кең қолданады.
... жалғасы- Іс жүргізу
- Автоматтандыру, Техника
- Алғашқы әскери дайындық
- Астрономия
- Ауыл шаруашылығы
- Банк ісі
- Бизнесті бағалау
- Биология
- Бухгалтерлік іс
- Валеология
- Ветеринария
- География
- Геология, Геофизика, Геодезия
- Дін
- Ет, сүт, шарап өнімдері
- Жалпы тарих
- Жер кадастрі, Жылжымайтын мүлік
- Журналистика
- Информатика
- Кеден ісі
- Маркетинг
- Математика, Геометрия
- Медицина
- Мемлекеттік басқару
- Менеджмент
- Мұнай, Газ
- Мұрағат ісі
- Мәдениеттану
- ОБЖ (Основы безопасности жизнедеятельности)
- Педагогика
- Полиграфия
- Психология
- Салық
- Саясаттану
- Сақтандыру
- Сертификаттау, стандарттау
- Социология, Демография
- Спорт
- Статистика
- Тілтану, Филология
- Тарихи тұлғалар
- Тау-кен ісі
- Транспорт
- Туризм
- Физика
- Философия
- Халықаралық қатынастар
- Химия
- Экология, Қоршаған ортаны қорғау
- Экономика
- Экономикалық география
- Электротехника
- Қазақстан тарихы
- Қаржы
- Құрылыс
- Құқық, Криминалистика
- Әдебиет
- Өнер, музыка
- Өнеркәсіп, Өндіріс
Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

Ақпарат
Қосымша
Email: info@stud.kz