Құрылыс объектілерінің жіктелуі

Жұмыс түрі: Дипломдық жұмыс
Тегін: Антиплагиат
Көлемі: 50 бет
Таңдаулыға:

Күнделікті сабақ жоспары №1

Пәні: «Құрылыс мөлшерлері, құрылыстағы жұмыстардың сапасын бақылау»

Тобы:

Тобы:: Күні:

Сабақтың типі: жаңа білімді игеру сабағы

Сабақтың түрі: жаңа білімді игеру сабағы

Сабақтың тақырыбы: Кіріспе

Сабақтың мақсаты:

Білімділік: Студенттерге пәннің анықтамасын, тағайындалуын, құрылымын түсіндіру және теориялық білімдерін іс жүзінде қолдануды қалыптастыруға үйрету;

Дамытушылық: Студенттердің ой-өрістерін, дүниетанымын өз ойларын еркін жеткізе білуге, өз бетінше салыстыру, қорытынды жасауға ой тұжырымдауға дағдыландыру, таным белсенділігін, қоршаған орта туралы білімдерін арттыру;

Тәрбиелік: Болашақ мамандардың кәсіптік тәрбиесіне көңіл аудару, пәнге құштарлықтарын, сүйіспеншіліктерін арттыру, үнемділік пен ұқыптылыққа тәрбиелеу;

ОТҚ және көрнекі-дидиктакалық құралдар: схемалар, сызбалар

Оқыту тәсілі: түсіндіру, сөздік әдіс (ауызша түсіндіру)

Пәнаралық байланыс: экономика, математика, құрылыс конструкциялар және бұйымдар.

Әдебиеттер тізімі: Ғаламтордан қосымша мәлімет

Негізгі: «Астана қаласының аумағында құрылыс салу»

Қосымша: ҚМжЕ

Сабақтың барысы мен мазмұны:

1. Ұйымдастыру кезеңі 3-5 мин. (сәлемдесу, түгелдеу, студенттердің зейінін сабаққа аудару )

2. Сабақтың мақсатын хабарлау:

1 Құрылысты ұйымдастыруды және жұмыс өндірісін жобалау. ЖӨЖ, оның түрлері мен мазмұны.

2 Күрделі және арнайы жеке технологиялық жұмыс орындауға ЖӨЖ жасаудағы реттеуші ережелер.

3 Үймереттер мен ғимараттарды тұрғызу технологиясын вариантты жобалау.

4 Құрылыс өнімінің сапасын қамтамасыз ету. Қоршаған ортаны қорғау.

3. Жаңа сабақтың тақырыбы мен оқушылар алдында тұрған мәселелерді хабарлау

Жаңа сабақты түсіндіру

Құрылыс терминологиясы.

Алым - жұмыс құрамы және көлемі қайталанып отыратын құрылыс-құрастыру жұмыстары тасқынды әдіспен орындалатын үймереттің, ғимараттың бір бөлігі (учаскесі) .

Біркелкі объектілер - құралымдары мен көлемі қайталанатын, осының нәтижесінде өндіріс технологиясы да, тиісінше жұмыстардың аумағы мен еңбек сыйымдылығы да бірдей болатын үймереттер (ғимараттар) .

Біртектес объектілер - өзара ұқсас құралымды элементтерден тұратын, бірдей материалдармен және бірдей технологиямен салынатын, алайда атқарылатын жұмыс көлемі мен жұмсалатын күште айырмашылығы болатын үймереттер (ғимараттар) .

Бірыңғай объектілер - біртекті элементтерден, құралымдардан, өткіндерден, секциялардан тұратын, олардың бірдей немесе бір-бірінен көлемі жағынан ғана айырмашылығы бар, алайда бірдей өндіріс технологиясы бойынша салынатын үймереттер (ғимараттар) .

Еңбек процестерінің қартасы - жиі қайталанылатын өндірістік операциялардан құралған белгілі бір өндірістік процесс технологиясының тиімділігі мең тұрақтылығы және осы операциялардың іс жүзіне асырылу жағдайын, әдісін және материалдық-техникалық қамтамасыз етілуін белгілейтін құжат.

Еңбек сыйымдылығы - құрылыс өндірісін жүзеге асыру үшін кететін жалпы еңбек шығыны, адам-күн немесе адам-сағат өлшемімен есептеледі.

Жаңа құрылыс - жаңа алаңда немесе өзінің маңызын жоғалтқан үймереттер мен ғимараттардан босатылған алаңдарда салынатын кәсіпорындардың құрылысы.

Жаңғырту - жұмыс істеп тұрған кәсіпорындардың жабдықтарын жаңа жетілдірілген техникалармен қайта жабдықтау, көмекші және өндірістік алаңдарды қажетінше ұлғайту арқылы қайта құру (бұл ретте барлық құрылыс-құрастыру жұмысына бөлінген қаржы күрделі қаржының жалпы көлемінің 50 пайызды деңгейінде болуы керек) .

Жеке тасқын - объектілердің бір бөлігінде бірқатар процестердің біреуін ғана дәйекті орындайтын қарапайым құрылыс тасқыны.

Жинақтау учаскесі - мамандандырылған тасқынды шараларды орындау үшін қамтылған орындар жиынтығы. Бұл салынып жатқан үймерет пен ғимараттың бір бригадаға күрделі кешенді құрылыс процесін (мәселен, құралымдарды құрастыру) жүзеге асыру үшін бөлінетін белгілі бір бөлігі. Бөлінетін учаскенің көлемі жұмысшыларға техника қауіпсіздігі талаптары бойынша жұмыс жағдайын қалыптастыруға, сонымен бірге жұмыс процесін орындауға пайдаланылатын машиналардың барынша тиімді жұмыс істеуі үшін қажетті еңбек алаңын жасауға байланысты анықталады.

Жобалаушы - құрылысты жобалау және құрылыс барысында авторлық бақылау жасайтын және оның сметалық құнының дұрыстығына және жобалық шешімінің сапасына, техникалық дәрежесіне, пргрессивтілігіне жауап беретін ұйым.

Жұмыс көлемі - құрылысты (процесті) жүзеге асыру барысында орындалатын жұмыс аумағы.

Жұмыс майданы - бөлінген еңбек құралдары (механизмдер, қосымша құралдар, материалдар) бар жұмысшылар еңбек етуге тиісті салынып жатқан объектінің бір бөлігі.

Жұмыс орны - құрылыс процесіне қатысушы жұмысшылар жүріп-тұратын және олардың еңбек құралдары, заттары, көмекші құралдары мен өнімдері тұратын жұмыс алаңы.

Жұмыс өндірісінің жобасы (ЖӨЖ) - құрылыс-құрастыру жұмыстарының технологиясын, орындалу мерзімін, қаржылармен жабдықтау тәртібін анықтайтын жоба, ол үймереттердің (ғимараттардың) жеке бөлшектерін тұрғызу жөніндегі өндірістік процестерді ұйымдастыру кезеңінде басшылыққа алынатын негізгі құжат қызметін атқарады.

Жұмыс істеп турған кәсіпорындарды кеңейту - жұмыс істеп турған кәсіпорындардың жаңа өндірістік кешендерін, олардың екінші және одан кейінгі кезектерінің құрылысын салу.

Жылдам әдіс - процестерді барынша біріктіру және қаржыларды мейлінше құрастыру (мүмкіндігінше жұмысшыларды, машиналарды, материалдарды, ақша қаражатын көп те тиімді пайдалану) жолымен құрылысты қысқа мерзімде техникалық жағынан ақталатындай және үнемділік жағынан тиімді болатындай уақыт ішінде жүргізу әдісі.

Жылдам құрылыс - үйметтер мен ғимараттарды жылдам әдіспен тұрғызу.

Тапсырма беруші - жобалауды және құрылыс салуды жоспарлаушы және оған қаржы бөлуші, жабдықтармен, аспаптармен және бірқатар арнаулы құрылыс материалдарымен, бұйымдарымен қамтамасыз етуші, осы сияқты құрылыс жұмыстарының барысына, салынып біткен үйметтер мен ғимараттар объектілеріне техникалық бақылау жасаушы ұйым.

Звено - жеке құрылыс процесін орындау үшін жеткілікті болып саналатын барынша шағын жұмысшы тобы.

Инженерлік жүйелер - поселке, тұрғын үй, зауыт, комбинат құрылыстарының кешендері құрамында салынатын су, жылу, газбен жабықтау, канализация құбырларының магистралі және тарату жүйелері; тасымал жүйелері - жол, темір жол; энергиямен жабықтау, байланыс және белгі беру қондырғылары.

Кесінді - бір орындаушы (жұмыс звеносы) үшін бөлінетін жұмыс учаскесі.

Кешенді бригада - кешенді жұмыс түрлерін немесе осы жұмыс түрлеріне байланысты бірнеше кешенді технологияларды орындайтын жұмысшылар тобы.

Кешенді механикаландыру - бір-бірімен байланысты барлық технологиялық операцияларды негізгі және қосымша бірін-бірі өзара толықтырып лтыратын және тығыз байланыстары жүйе бойынша жұмыс істейтін машиналардың көмегімен орындайтын жұмыс өндірісінің әдісі.

Кешенді тасқын - кешенді үймереттер мен ғимараттар түріндегі ортақ өнім негізінде бірлескен, ұйымдық жағынан байланысты объектілік тасқындар тобы.

Күрделі жөндеу - үздіксіз пайдалану салдарынан ескерген үймереттер мен ғимараттарды қалпына келтіру.

Күрделі құрылыс - жаңа құрылыс объектілерін салуды, бұрынғы объектілерді кеңейтуді, қайта жабдықтау және техникалық жағынан қайта жарақтауды, сонымен бірге жұмыс істеп тұрған кәсіпорындар, мекемелер мен ғимараттарға күрделі жөндеу жұмыстарын жүргізуді қамтитын материалдық өндірістік маңызды салаларының бірі.

Қабат - жоспарлау, техникалық немесе құралымдық жағынан аумағы біртұтас болатын, биіктігі жағынан шартты түрде шектелген үймереттің (ғимараттың) бір бөлігі.

Қатар әдісті құрылыс - барлық немесе бірқатар құрылыс объектілерінде бір мезгілде біртүрлі процестерді жүзеге асыру арқылы үймереттер мен ғимараттар салу әдісі.

Құрылыс алаңы - жобаға сәйкес белгіленген тәртіп бойынша құрылыс объектісі мен құрылыс-құрастыру ұйымдарының қызметтерін тұрақты орнықтыру үшін бөлінген жер учаскесі.

Құрылыс-құрастыру жұмыстары - ол жалпы құрылыс, өңдеу, санитарлық-техникалық, арнаулы және құрастыру жұмыстары кіретін үймереттер мен ғимараттар тұрғызу барысында атқарылатын кешенді жұмыстар.

Құрылыс көлемі - құрылысты жүргізу кезінде де, ол біткеннен кейін де құрылыс заты болып табылатын үймерет немесе ғимарат.

Құрылыс егуі - қуаты және бөлінген күрделі қаржы көлемі толық игерілмеген және құрылыс-құрастыру жұмыстары бітпеген құрылыс көлемі. Бұл - негізгі қорларды жоспарлы түрде пайдалануға беруді және құрылыс өндірісінің ырғақтылығын қамтамасыз өту мақсатымен жоспарланған кезеңдерден кейінгі уақытта көшіріліп, іске қосылатын объектілер мен кешендер.

Құрылыс өндірісі - а) үймереттер мен ғимараттарды тұрғызуды, жөндеуді, қалпына келтіруді, жаңғыртуды, бөлшектеуді және орнынан жылжытуды көздейтін материалды өндіріс саласы; б) үймереттер мен ғимараттарды тұрғызуға және жөндеуге көмектесетін құрылыс процестерінің жиынтығы.

Құрылыс өндірісінің технологиясы - а) құрылыс индустриясы деңгейін дамыту мен арттыру негізінде бұйымдарды, құралымдарды жасау жөніндегі және оларды дайын құрылыс өніміне - үймереттер мен ғимараттарға айналдыру процестерінің жиынтығы; б) техниканы пайдалануды, құрылыс алаңдарында жүзеге асырылатын өндірістік процестерді ұйымдастыру және экономика салаларындағы білім жиынтығы.

Құрылыс өнімі - құрылыс процестерінің орындалу нәтижелері: біткен жұмыс (жеке тасқын), дайын болған элементтер немесе салынып біткен үймерет бөліктері (мамандандырылған тасқын), салынып біткен үймереттер мен ғимараттар (объектілік тасқын), салынып болған үймереттер кешені (кешенді тасқын) .

Құрылыс өнімінің бірлігі - құрылыс тасқыны өнімдерінің бірлігі: жекеше-алым; мамандандырылған-учаске; объектілік-құрылыс объектісі немесе оның бір бөлігі, кешенді-тасқындық әдіспен салынып жатқан объектілер тобы (квартал, аймақ) .

Құрылыс процесі - түпкі мақсаты үймеретті немесе ғимаратты тұрғызуды, қалпына келтіруді, жөндеуді, жаңғыртуды, бөлшектеуді немесе жылжытуды көздейтін, құрылыс алаңының аумағында жүргізілетін өндірістік процесс.

Құрылыс тасқыны - құрылысты бір қалпына және үздіксіз жүргізу (тасқынды әдісті караңыз) .

Құрылыстың ұзақтылығы (мерзімі) - құрылыс алаңында жұмыс басталғаннан толық қуатында пайдалануға берілгенге дейін кәсіпорындарда, олардың кезектерінде, кешендер мен жекелеген объектілерінде жобада қарастырылған жұмыс құрамы толық орындалған уақыт кезеңі.

Құрылысты ұйымдастыру - а) - құрылысты дайындау жүйесі, жұмыс мерзімі және кезектігін, жалпы тәртіпті белгілеу және оны қамтамасыз ету мен басқару, қаржылармен жабдықтау; б) құрылыс тиімділігін қамтамасыз ететін, басқару әдісін, ресурстармен жабдықтауды, жұмыстың мерзімі мен кезектілігін, жалпы тәртіпті қамтамасыз етуді, құрылыс жүйесін дайындауды зерттейтін ғылыми жүйе.

Құрылысты ұйымдастыру жобасы (ҚҰЖ) - құрылыстың ұзақтылығын және кезеңдік мерзімдерін, күрделі қаржыны бөлуді және құрылыс-құрастыру жұмыстарының көлемін, материалдық-техникалық және еңбек ресурстарын және олардың орнын толтыратын кездерді, құрылыс-құрастыру жұмыстарын жүзеге асырудың негізгі әдістерін және объектілердің құрылысын басқарудың құрылымын анықтайтын техникалық (жұмыс-техникалық) жобаның құрамдас бөлігі.

5. Жаңа сабақты пысықтау:

Жұмыс орны - Рабочее место - Workplace
Алмы - Сбор - Collection
Біртектес объектілер - Однородные объекты - Similar objects
Бірыңғай объектілер - Единые объекты - The facilities of the unified
Еңбек процестерінің қартасы - Карта трудовых процессов - Map work processes
Еңбек сыйымдылығы - Трудоемкость - The complexity
Жаңа құрылыс - Новое строительство - New construction
Жаңғырту - Модернизация - Modernization
Жеке тасқын - Индивидуальный паводок - Individual flood
Жинақтау учаскесі - Участок комплектования - Picking area

1 Құрылысты ұйымдастыруды және жұмыс өндірісін жобалау. ЖӨЖ, оның түрлері мен мазмұны.

2 Күрделі және арнайы жеке технологиялық жұмыс орындауға ЖӨЖ жасаудағы реттеуші ережелер.

3 Үймереттер мен ғимараттарды тұрғызу технологиясын вариантты жобалау.

4 Құрылыс өнімінің сапасын қамтамасыз ету. Қоршаған ортаны қорғау.

6. Сабақтың қорытындысы. 5 мин.

7. Үйге тапсырма беру 5 мин: Астана қаласының аумағында құрылыс салу 6-8 бет

Оқытушы : Анарбаева Д. Р.

(аты - жөні) (қолы)

Күнделікті сабақ жоспары №2

Пәні: «Құрылыс мөлшерлері, құрылыстағы жұмыстардың сапасын бақылау»

Тобы:

Тобы:: Күні:

Сабақтың типі: аралас сабақ

Сабақтың түрі: репродуктивті сабақ

Сабақтың тақырыбы: Қағидада пайдаланылатын негізгі ұғымдар. Қағиданың мақсаты мен міндеттері

Сабақтың мақсаты:

Білімділік: Студенттерге қағидада пайдаланылатын негізгі ұғымдар, қағиданың мақсаты мен міндеттерін анықтамасын, тағайындалуын, құрылымын түсіндіру және теориялық білімдерін іс жүзінде қолдануды қалыптастыруға үйрету;

ОТҚ және көрнекі-дидиктакалық құралдар: схемалар, сызбалар

Оқыту тәсілі: Түсіндіруші - иллюстрациялық әдіс, әңгімелесу.

Пәнаралық байланыс: экономика, математика, құрылыс конструкциялар және бұйымдар.

Әдебиеттер тізімі: Ғаламтордан қосымша мәлімет

Негізгі: «Астана қаласының аумағында құрылыс салу»

Қосымша: ҚМжЕ

Сабақтың барысы мен мазмұны:

1. Ұйымдастыру кезеңі 3-5 мин. ( сәлемдесу, түгелдеу, студенттердің зейінін сабаққа аудару )

2. Сабақтың мақсатын хабарлау: Қағидада пайдаланылатын негізгі ұғымдар. Қағиданың мақсаты мен міндеттері

3. Үй тапсырмасын тексеру 15-20мин.

Құрылыс терминологиясы.

Жұмыс көлемі - құрылысты (процесті) жүзеге асыру барысында орындалатын жұмыс аумағы.

Жылдам құрылыс - үйметтер мен ғимараттарды жылдам әдіспен тұрғызу.

Звено - жеке құрылыс процесін орындау үшін жеткілікті болып саналатын барынша шағын жұмысшы тобы.

Кесінді - бір орындаушы (жұмыс звеносы) үшін бөлінетін жұмыс учаскесі.

Күрделі жөндеу - үздіксіз пайдалану салдарынан ескерген үймереттер мен ғимараттарды қалпына келтіру.

Құрылыс тасқыны - құрылысты бір қалпына және үздіксіз жүргізу (тасқынды әдісті караңыз) .

... жалғасы

Сіз бұл жұмысты біздің қосымшамыз арқылы толығымен тегін көре аласыз.

Ұқсас жұмыстар

Негізгі құралдардың экономикалық мәні мен маңызы

Шығындар түсінігі және олардың басқарушылық есептегі жіктемесі

Мүлік салығын төлеушілер және салық салу объектілері

Мүлік салығының экономикалық мәні құру принциптері мен функциялары

Негізгі құралдардың тозуын есептеу әдістері

Айналымнан тыс активтер

Негізгі құралдарды есептен шығару және түгендеу

Мүлік салығы

Меншік туралы салық

Төтенше жағдайлар кезіндегі тұрғындарды қорғаудың негізгі әдістері мен принципдері

Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

Ақпарат

Қосымша

Email: info@stud.kz